الى متى ؟

[soussou.31]

السلام عليكم و رحمة الله و بركاته


اذا كل واحد يحب يحكي واش كاين في قلبه الحروف و الكلمات و الجمل تنتهي و لكن الهموم لاتنتهي

انا حبيت نتكلم على موضوع انا عشته و بزاف شافو كتر مني

المشكلة هي انت ابن من

اذا اردت اي شيء انت ابن من و ماذا يعمل ابوك

الثانوية التي ادرس بها تحت الصفر و تكلمنا عن مطالبنا فمن يسمعنا او يهتم بنا

تغير الثانوية يجب ان تدفع رشوة و الا لن تقبل

الاساتذة كاين الي ماتسمعهش و كاين الي مينجمش يفهم بسبب عدد التلاميذ 45 و الاقسام صغيرة

الاسلتذة قالولنا الي حب يقرا يدير لي كوغ

و الي مسكين ومعندهش يروح يقيس روحك

ولا هذاك مشي انسان كيفنا

احنا الحمد لله تلاقينا باش نقراو بصح لازم يخمو بلي كاين الي ربي كافيه وكاين الي مامتلاقيش حتى باش ياكل



حرام عليهم حرام حرام

نقولو حسبنا الله و نعم الوكيل

حسبنا الله و نعم الوكيل

حسبنا الله و نعم الوكيل


باش تعيش يخصك العرف

في اي وقت ولينا



لوكان نحكي منا لغدوا منكملش


ان شاء الله يتغير الوضع و يسمعولنا

باش نولو رجال و نساء المستقبل وفرولن الوضع باش نقراو




عفوا لانني اطلت الكلام

 

[ياسمين عنابة]

السلام عليكم
حسبنا الله ونعم الوكيل
في بلادنا وارضنا ونعانيو والله ياااسر
لي عودة ان شاء الله

 

[touffik]

حسبنا الله و نعم الوكيل

هههههههههه متفهمى والو
عندى بنت خويا تقرى فى سنة 3 ابتدائئ معلمة تع فرنسي قتلهم لى تحب تعمل لى كوغ بى 60 الف فى شهر

واش بيهم هبلو يخلصو قريب 5 ملين فى شهر وبغى يزيدو لى كوغ


حسبنا الله و نعم الوكيل فيهم​

 

[ماكانش]

أهلا بيك سوسو
والله كاريثة كبيرة ربي كون في عونكم
فرد حاجة برك ألي يحب يقرا يقدر يقرا مع صعوبة صح بصح يثابر ويجتهد وربي مايخيبوش ...

 

[soussou.31]

دركا انا درت ليكوغ نتاع الرياضيات و الفرنسية و العلوم الطبيعية و غادي نزيد الفرنسية
الا نقرا بريفي يعني مدرسة خاصة احسن

 

[مرام التيبازية]

سلام
والله ياخيتو الواحد واش يقول غير ربي يهديهم ويدينا في الستران هدا ماكان ربي يعاونك وينجحك وينجحنا كامل انشاء الله
تحياتي+احتراماتي+سلامي لناس وهران

 

[═♥.ЈŪšť_ màn.♥═]

انها المحسوبية اختاه
المعريفــة و لكتافــ و ..... كما يقال بالعامية
و هي ظاهرة خطيرة جدا
..
ديجا قلتيها ... ليوم داروا التلاميذ اضراب على جال هادي الظاهرة
و الي هي المدير ولى يطلب رشاوي من اجل تسيير امور التلاميذ
مثلــ :
طلب تحويل و لا ارجاع تلميذ و لا تقديم شهادة _ ليــgـــزيا _
ايه و ربي يهدي ما خلق
تحياتي ليكـــ
​

 

[عليلو 24]

حرام عليهم
مايقريوش قدقد
ويقول المشكل في التلاميذ
ولي ماخلاتش كل يوم يطالبو بالزيادة
وهم ماقراو ماخرجو ولاد قاريين
لوكان جات الدنيا دنيا لوكان التلاميذ هم لي يديرو الاضراب على المعلمين لي مايقريوهمش مليح
ماش المعلمين يقولك التلاميد مايقراوش بصح زيدولنا في
لاpــــاي ولا نديرو اضراب​

 

[soussou.31]

اضراب الاساتذة

قالو بلي كاين اضراب يوم 10 اكتوبر على الخلص

قلنالهم تديرو اضراب حتى حنى نديرو

يعني حنى تاني عدنى نطالبو بشحال من حاج

اولها توخرو علينا هذ الاساتذة و تغيير النظام يعني نوليو نقراو من 8 الى 15.30
بصح مكانش وين نبقاو الاقسام تحسبوهم حباس


الحل لا يوجد

هو كاين حل وحيد بصح صعيب

و الي هو يوخرو المدير

لانه هو راه اكبر واحد نتاع رشوة





شكرا لكم لمشاركتي في مواضيعي

 

[adel-mz]

الله يجيب الخير اختي
ولا قطاع لاقي روحو
بارك الله فيك

​

 

[رقة الاحساس]

حسبيا الله ونعم الوكيل فيهم
ونزيد نقلك على بنت خالتي الاستاذ نتاعم في مادة الرياضيات اجبرهم الي مقراش عندو في الكوغ مش راح يعطيه نقاط التقويم مليح يعني اقل من 10 والله تحير كي تسمع لكلام هذا
​

 

[soussou.31]

انا كون كيما بنت خالك يعطيني 0 و منديرش عنده ليكوغ

انا الي منفهمش عنده في القسم مكلاش ندير عنده ليكوغ

 

[Lilia Dz]

ياودي و الله غير قع رانا في نفس الحالة الشيوخة ما يقروش و يقولوك علاه ما تفهمش انا هذا العام نجوز bem و راح ندير ليكوغ في 4 مواد و ربي انشاء الله ينجحنا قع و يوفقنا في دراستنا:re_gards:

 

[ألاء الرحمـــن]

حسبنا الله ونعم الوكيل

من جهة الأستاذ غرضو المال والأولياء غرضهم ينجحو ولادهم فقط

زعما راهم يحسو بمعناة ولادهم والضغط نتاع المدرسة والدروس الخصوصية؟

وتبعت الردود شفت أغلبهم عندهم مشكل الدروس الخصوصية لماذا؟

هل المشكل في الاستاذ ولا التمليذ رجع اتكالي على الدروس الخصوصية ورجعت عندو المدرسة سبب للهروب من المنزل؟

الايجابة عندكم يا جيل المستقبل

اترك المجال مفتوح للايجابة المقنعة ........................

لي عــــــــــــــودة



​

 

[βïģ βôşş]

هههههههههههههههههههه
المشكل ماشي فالأساتذة
المشكل فالتلاميذ
لقاو كلش ببلاش وزيدولهم فالدراهم
شش نخاتركم اديو اغبى واحد هنا عندنا لتونس برك وين يقراو بالدراهم
يروح هنا تلقاوه نابغة في كلش
الأساتذة يديرو هك لأنهم شافو التلاميذ يتكاسلو

​

 

[soussou.31]

انا راني ندير ليكوغ و عرفت بلي 100/100 الخلل في الاساتذة كاين تلاميذ ميحبوش يقراو يديرو معايل ليكوغ بصح الاستاذ كي يفهمهم غايا و يخليهم يبغيو المادة تلقاهم يستناو غير النهار نتاع ليكوغ

بصح الاستاذ الي تدخل تقرا عنده يبقى يدعي عليك و يعايرك بدون اي سبب و كي يكمل يقلك اكتب الدرس بوحدك منديرلكش الدرس يخليو التلاميذ تكره القرايا و ساعتها

 

[βïģ βôşş]

هادي عندنا مكااااااااااانش

​

 

[soussou.31]

اي شيء الي عندكم مكانش يا اخ خير الدين

 

[βïģ βôşş]

انا راني ندير ليكوغ و عرفت بلي 100/100 الخلل في الاساتذة كاين تلاميذ ميحبوش يقراو يديرو معايل ليكوغ بصح الاستاذ كي يفهمهم غايا و يخليهم يبغيو المادة تلقاهم يستناو غير النهار نتاع ليكوغ

بصح الاستاذ الي تدخل تقرا عنده يبقى يدعي عليك و يعايرك بدون اي سبب و كي يكمل يقلك اكتب الدرس بوحدك منديرلكش الدرس يخليو التلاميذ تكره القرايا و ساعتها

هاد الشيء هنا عندنا مكااانش
لاعكس يقولولنا خليكم من ليكور
يريحوكم هكاك باطل
الأساتذة تاعي كل الي قراوني العام الي فات ونا كنت باك
يتعبو كثر مني يجيبولنا التمارين يجيبولنا غير الجديد
ويقولولنا الي يحتاج حاجة الد
ار يعرفها يجي في اي وقت
نروحولهم في اي وقت يرحبو بينا
ويفهمونا في كلش
ربي يحفظهم

 

[soussou.31]

الحمد لله ياريتنا كان عدنا الاساتذة كيما نتاوعك

و لكن كل ثانوية بشكل

انشاء الله نوليو كيفكم بلا ليكوغ

شكون يبغي يدير ليكوغ الظروف هي الي خلاتنا