قتلو والله ماناكل عندو ...

ماكانش

:: عضو بارز ::
أحباب اللمة
إنضم
15 جوان 2010
المشاركات
7,712
نقاط التفاعل
2,463
النقاط
351
السلام عليكم ورحمة الله وبركاته
واش راكم خاوتي لاباس بخير الحمد لله
أيا البارح كي العادة جاني في الليل السلفي ولاجودان ومعاهم واحد خرجوني نسهرو شوي
أيا زاكي السلفي قالنا نروحو نديرو سوندويتش (كاسكروط ههه) عند واحد يخدمو مليح وبنين ومانعرف واش بدا يشكر فيه
قلتو وين جا قالنا في السانك جويي (5 جويلية) قتلو هذيك البراكة ؟؟؟ قالي إيه
أيا رحنا ليه وكي وصلنا عندو قتلو هذا قالي هيه ؟؟؟ قالو لاجودان والله مانهبط ناكل عندو هههه
ياخاوتي واش مgاريين قدامو، مgارية قدامو طاكسي كاتسونكات، ووحدة أر 16 تاع بكري، وحابس قدامو كاميو تاع بكري واقيلا مولاه خضار
قتلو شوف شوف ليكليون تاعو شكون، قتلو راح تبيتنا في السبيطار ولا واش ههههه
قتلو ألقالي طاكسي gولف حابس ياكل عندو ذرك نهبط هههههه
زمان لحت عيني شفتو هوا، ياخاوتي لابس قشابية، ديجا أي باينة بقشابية وأدير فليكاسكروط باين ماكش طباخن على الأقل ألبس طابلية ولو خامجة ماعليهش المعم طابلية هههه، هذا خاطف فيها قشابي وموسطاش ، وواقيلا بارد الحال ولا كلا لهريسة خشمو يسيل وقاعد يدير في اللقطة هذيك تاع البرد يمسح في خشمو بذراعو :eek:_o: ..
ومعاه واقيلا زوج ولاتو لداخل واحد مداير بوني ولاخر لابس سيرفات كاريثة كبيرة
وهذي ياخاوتي براكة لاصقة في الواد اكرمكم الله، ويوم كومبلي وهيا مقابلة الشمس ههههه
وحاط في الكونتوار زعما شوي عضام وباطة هريسة ههه
قالو لاجودان ديماري ديماري خلينا منو
أيا لثم تفكرت واحد النهار ماعندهاش بزاف سخفت على كاسكروط مرقاز عند بوطيبا تاع السطو، أيا رحتلو وهذا خامج ومانعرف واش عماني اليوم هذاك
والله ياخاوتي من بعيد شفتو واقف في العتبة تاع حانوتو يتكيف، وهكذاك
ووجهي باخص ورحت وكليت عندو نورمال هههههه مافهمتش واش بيا عماتني السخفة ههههه
وتفكرت مرة كنت واقف قدام واحد مانعرف واش يبيع أيا زمان فاتو زوج نسا كبار خدامات مانعرف واش حكات سمعت وحدة قالتلها " لالا ماناكلوش عند هذا يتكيف ويشم " هههه
حنا الجزايريين ربي ألي ساتر برك من الماكلة تاع برة، كون غير جاو نظاف برك ماعليهش ...
ونتوما باين شفتو وعايشتو مواقف كيما هذو ، ماكانش قد الماكلة تاع الدار والواحد مهما يجوع ولا يسافر تحكمو طريق ماياكلش لبرا أضعف حاجة يرشي باقيطة خبز وهيا فرات هههه


الملاحظة:

خلي نزوجو قبل، ومن بعد الواحد الله يسهل يموت على روحو ههههه
ثانيا:
مواضيع الماكلة يشتيهم لاجودان " 100 غرام زيتون ...، زوج بيتزات ..." هههههه


 
ههههههههههههه عليك انت والحكايات انتاعك وانتوما علاه رحتو عندو كنتو تدخلو كاش بيتزيريا ولا كاين بلايص سبيسيال للماكلة احسن حاجة اديروها تشرو الخبز ولا المطلوع وفطرو بالزيتون ولا كارانتيكا ههههههههههه
واحسن حاجة تريحو صايمين طول ههههههه
كان خالي الله يرحمو يقولي احنا الدزيريين لوكان نتبرعو بالدم للقاوري يموت
علاخاطر كامل جراثيم هههههههه
امالا شوف واسكت كامل كيف كيف حتي زعما في المطاعم الكبرى ماكاش الرقابة
في بلاصة الزيتون بالاك تلقى قرلو ولا واش
ايا سلام تقبل مروري
واتزوجو باه تاكلو ماكلة الدار سخونة ونضيفة
 
مشكورة خويا مكانش على الموضوع واش نقولك لي ياكل ماكلة البرا غير طويل لعمر والا ليسطوما نتاعوا موتور صحيح انا شخصيا منحبش ماكلة البرا لخطرش انعدام النظافة و مرة جيت فايت للخدمة كاين وحد مطعم كان واحد الأشخاص يقشروا في البطاطا و قدام حاشاكم المرحاض و يعمروا الماء من تما و يحطوه فوق البطاطا هذيك الله الله على المستهلك مسكين تحكموا الملاريا سير بلاص
 
اهلين
ايييييييييه يا الريسطورات تع الجزائر .......نبت الربيع على دمنة أغلبها هههههههههه
بصح والله غي كاينة البركة
غي قبيل شوي .... سمعت ف الأخبار انو نسبة السمنة في الجزائر 51 %
ههههههه والله غي فكرتني ...كيما نكونوا مسافرين على الطريق ...مثلا من ورقلة للجزائر ولا من ورقلة لوهران _يعني مسافة كبيرة_ نعانيييييييييييو باش نلقاو مطاعم ف الطريق نظيفة ههههه
بس الحمد لله بابا من كثرة ما يسافر حافظ ف كل ولاية أحسن مطاعمها احم احممممممم
شكـــــــــــــــــــرا على طرحك
 
ههههههه
و الله يا دزاير و الريسطوات تاعها
تعرف كون نشوفو لهكاك ما ناكلو ماوالو
يقتلنا الشرر و نموتو بالمجاعة هههه
مالا نقفلو عينينا و وذنينا و ناكلو و خلاص
ماندورو لا هكا لا هكا
ههههههههههه
سيرتو مع ماكلة الريسطو تاع الجامعة
اسكت برك هههه
...
مي الحق كي يخرجنا بابا ديما يدينا لريسطورون ملاح
ما يديناش للصامتين هاذوك هههه
...
مارسي بزاااف خويا ع الموضوع
سلاااام
 
آخر تعديل:
انا وحدة منن الناس كنت نااكل على القل 3 مرات اسبوعيا ماكلة تاع برا,و مالقري كنت نخير زعما وين ناكل و نروح غيرالبلايص اللي ملاح و اللي يعرفو كامل العائلة مي كثر من4 مرات جاني تسمم هادي بلا الطبيب اللي كان يشوفني كل شهر ,هكداك و ماحبستهاش حتى نهار دارلي ميكروب هردلي مصاريني باش فقت و درك تحرمت من تقريبا كلش و حتى انا مستحيل نزيد نخمم ناكل برا ,امالا يا جماعة الخير اخطيكم منها و ديرو كيفي,كي تتحتم ناكل برا نشري بانان ولا تفاح و gruyére ولا كاش فرماج و خبز و ناكل
 
هههههههههههههههههه عرفت مول القشابية و عرفت بوطيبة تاني خامج و بنين سايس روحك سفيان حتى تتزوج و من بعد كول برا باه اذا مت نورمال ماتغيضكش بزااااف
الماكلة برا ولات واعرة ماكان لا كنترول لا نضافة مي الكرش و ما أدراك ربي يسترنا من الموت التسممات والفناها
انا حلفت مانكلش ف petit prince و دار الضياف حتى نموت ...​
 
ههههههههههه
شفت ويييييييييييين دانا السالافي
اييييه يا غبني ولا لي ينوظ يحل يخدم الماكلة
من مكانش ولا تاجر
طابونة ومقلة وبدون زيت و4 كيلو بطاطا
وزوج مرقازات في البرمة باه يدر لاصوص
وارواح تاكل الزوااااااالي
+
هههه انا عبجتني اللومبا تاع 60w لي مطيشها
قيو قيو
 
هههههههههههه
زهركم البارح في الكاميوهههههه
ليوم كي فتنا وش لقينا مGاري قدامو ماوش مارسوداس لخرى ههههه آآآآآه يا الزهر طفرت فيكم
وكي مابغيتوش تاكلو عندو لعبتوهالي معيافيين سورتو لاجودان هذاك زعمة راح يتقيالي ياعمري عليه وش حنين
وين رحتو يخي رحتو ضربتو السكالوب فوق شواية كحلة بلاgراس تبان راكم في قاراج تاع ميكانيسيا

وسفيان يقسم في الخبز ويحلف يقولي والله نخدم خير منهم الشوى ههههه

 
هههههههههههه

زهركم البارح في الكاميوهههههه
ليوم كي فتنا وش لقينا مGاري قدامو ماوش مارسوداس لخرى ههههه آآآآآه يا الزهر طفرت فيكم
وكي مابغيتوش تاكلو عندو لعبتوهالي معيافيين سورتو لاجودان هذاك زعمة راح يتقيالي ياعمري عليه وش حنين
وين رحتو يخي رحتو ضربتو السكالوب فوق شواية كحلة بلاgراس تبان راكم في قاراج تاع ميكانيسيا

وسفيان يقسم في الخبز ويحلف يقولي والله نخدم خير منهم الشوى ههههه
هههههههههههه سنوورمال نعاف
وش قالللولك عندي 20 ايستوما في الدار مخبية
كي تفسد وحدة نركب وحدخرا
ههههههه
لا خويا لي عزيز انا مانعبثش اي حاجة ....راهي كرشي لعزيزة:sheer:
+
كليت في حياتك نتا كاسكروط مازووووت ههههه
 
ماتعرف بالاك ماكلتو بنينة هههههههههههههههههه
+
ركزلي على الواد لي توالو راه لوكان يموت واحد تسمم عندو ولا يدفنو ثما
 
ههههههههههه

شفت ويييييييييييين دانا السالافي
اييييه يا غبني ولا لي ينوظ يحل يخدم الماكلة
من مكانش ولا تاجر
طابونة ومقلة وبدون زيت و4 كيلو بطاطا
وزوج مرقازات في البرمة باه يدر لاصوص
وارواح تاكل الزوااااااالي
+
هههه انا عبجتني اللومبا تاع 60w لي مطيشها

قيو قيو



عندك وعلى دراهمك نتوما ثاني زواولة وتحوسو تاكلو في محل 5 نجوم :sheer: هههههه
+
نضحك برك
 
ههههههههههه اجروا على صاحبكم السلفي لكراه ياكل من عندوا
اخطيكم من الماكلة نتاع برا
قتلتني بالضحك مرسي على الموضوع:shiny::shiny:
 
صحيحـ
الموضوع تاعك جايـ في صميم القسم تاع واش راك تهدر

و الله صدقني أنا لي يهمني مش المطاعم الفخمة و انما مطعم بسيط نظيف
مش واحد كاين يغسل في الطوموبيل تاعو و ممبعد يجي يديرلك وحدا شوارما

أنا صدقنيـ كي كنا في العاصمة لقيت مطعم يخدمو فيه بنات دخلت كليتـ لقيت الماكلة تاعهم حاشا نعمة ربي
جيت نهدر خفت نحصل



توحشناك يا سفيانــــــــ

تحيـــــاتي
 
موضوعك فكرتي في وحد الكارثة في مطعم
تخيل روحك مسافر في بيس 7 ساعات و في رمضان والصيف
حبسنا باه نتصحروا انا شفت لافتة مكتوب عليها معطم عابر سبيل
قلت ايا مليح
يخي كي دخلنا لجهة العائلات تشوكيت انا
بصح حاجة محتمين عليها هههههه
القطط حدث ولا حرج
فضلات الاكل فوق الطاولات مازال ماهزوهاش مانعرف من وقتاه وهي محطوطة
الغبار ماكل الدنيا وش نقلك
هذي جهة العائلات زعمة ولي يخدم ثمة تقلو جيبلي حاجة يبقى عام باه يجيبها ولا لي تقلو عليها يقلك ماكنش ويعطيك بديل طبعا هههههه
اما الحمامات اكرمكم الله فشي كارثي من نوع اخر
المهم في اخر المطاف طلع بالدارهم مش حتى لعابر سبيل ههههههه

انا شخصيا مانحبش ماكلة برا :)
بصح كليت في مطعم في باتنة مع صديقة لي و لاكثر من مرة تديني ليه
مطعم مليح وباهي و نظيف والاكل طيب تاني :)

نصيحتي تعلم وصفات طبخ وخلاص
نهار تسخف طيب كيما يحب خاطرك ^^

 
السلام عليكم
شكرا لقبول الموضوع
 
عندك وعلى دراهمك نتوما ثاني زواولة وتحوسو تاكلو في محل 5 نجوم :sheer: هههههه

+

نضحك برك
ههههههه عندي الصوارد بصح مانصرفهمش على صحابي
نشتي نصرف على ناس خرين
 
مش حرام عليك عيفتيني
و انا نقيل ناكل من لي فاست فوود تاع لافاك
فريت اومليت ههههه بالهريسة و المايونيز
و الله الدزيري غير يغمض عينوا و ياكل برك
 
ههههههههههههه عليك انت والحكايات انتاعك وانتوما علاه رحتو عندو كنتو تدخلو كاش بيتزيريا ولا كاين بلايص سبيسيال للماكلة احسن حاجة اديروها تشرو الخبز ولا المطلوع وفطرو بالزيتون ولا كارانتيكا ههههههههههه
واحسن حاجة تريحو صايمين طول ههههههه
كان خالي الله يرحمو يقولي احنا الدزيريين لوكان نتبرعو بالدم للقاوري يموت
علاخاطر كامل جراثيم هههههههه
امالا شوف واسكت كامل كيف كيف حتي زعما في المطاعم الكبرى ماكاش الرقابة
في بلاصة الزيتون بالاك تلقى قرلو ولا واش
ايا سلام تقبل مروري
واتزوجو باه تاكلو ماكلة الدار سخونة ونضيفة


أهلا بيك حياة المحبة
ههههههههه
ربي يحفظك والله يرحم خالك لعزيز
حنا ماعندناش الكارنطيطة، وماكانش الدراهم باش نروحو لبلاصة شابة
السلفي يجيب معاه 13ألف وخمسمية ويحب يتعشى ؟؟؟ هههههه
والزواج مانعرف قالك ولاو يشرطو الخدمة يعني فيها فيها الماكلة الباردة هههه
يعطيك الصحة ...
 
مشكورة خويا مكانش على الموضوع واش نقولك لي ياكل ماكلة البرا غير طويل لعمر والا ليسطوما نتاعوا موتور صحيح انا شخصيا منحبش ماكلة البرا لخطرش انعدام النظافة و مرة جيت فايت للخدمة كاين وحد مطعم كان واحد الأشخاص يقشروا في البطاطا و قدام حاشاكم المرحاض و يعمروا الماء من تما و يحطوه فوق البطاطا هذيك الله الله على المستهلك مسكين تحكموا الملاريا سير بلاص

أهلا بيك هومروك
ههههه
ياحصرااااااا على النظافة، ربي برك ألي ساتر
مرة يحكيلي واحد قالي كنت مسافر على ال4 تاع الصباح فت على المرشي وين يبيعو الجاج قالي جا ألي يسربيلهم الجاج قالي يطيش فيه فوق لخماج وواحد الزيقو اكرمكم الله ...
كاريثة كبيرة، ومهما تكون بلاصة نظيمة ماراهيش نظيفة ...
يعطيك الصحة هومروك ماكانش قد ماكلة الزوجة ههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top