ثقافة لي كادو عندنا الجزايريين ....

[dahbito]

وعليكم السلام اهلا سفيان واش راك يا سيدي
والله طحتلي في الجرح
واش من كادو يرحم باباك
انا نشفى في عرس خالي العام الى فات كي بدينا نفتحوا في لي كادو
والله غير تخلعنا تخيل 20 سرفيس نتاع jus
انا مفهمتش كيفاه يخموا هادوا العباد ونزيدلك حاجة كاين 7 كيف كيف هههههههههههه
الله غالب بانتلهم غير على jus ياسيدي كون غير جابوا طبسي طبسي هاكا تلم طباسا من مختلف الانواع ههههههههههههههه
هادي هي ثقافة الجزائري عندنا وتصيبها في البراني وماتصيبهاش في لافامي
وكاين وكاين كاين ناس يعرفوا لقيمة الكادوا ماشي قاع كيف كيف
والله انا مرة حضرت عرس نتاع وحدين نعرفوهم غير من بعيد اتخيل صاحب العريس
واش جابلوا الكادوا في الحنة كامل الناس حطت دراهم مي هو حط مفاتح نتاع سيارة علابالك الغشي عام وهو يحكي على الجاست هداك
هادوا هما الصحاب ولا خلي
المهم راني اليوم كثرت التقرعيج الله غالب عندي شحال مكتبتش
مرسي ع السوجي يعطيك الصحة​

ملاحظة:راني بدمة كتبتلك بهذا اللون باه تتعذب شوية كي تقراه ههههههههههه:like_1::like_1:​

 

[ماكانش]

وعليكم السلام

اهلاا مشرفنا
ممم هي صح عقلية لي كادو خاطية في لالجيري
راهم لا علاقة باللباقة ههه
مي الساعة تجيني حاجة مليحة ( ساعة تاع اليد)
اما تاع الحيط هاديك الي تسوى 400 دج دراهما خير منها خخخ
معليش مهم يتفكروك ..ها تا حنا تاني مش ساهلين كون يجي هكاك
نقولو جاي يديه فارغين ... ياخي ليزالجيريان عقلية سبيسالi-o:​

مرسي ع الموضوع ​

أهلا بيك secret de coeur
هههههه
والله صح منين يجي الواحد مايلقاش روحو ههههه
السوايع تاع الحيط هذوك من بكري يقلقو بالحس تاعهم تك تك وزيد ب40 ألف خلات هههه
والساعة تاع اليد ، يعني علاه مانخمموش في حاجة مليحة ثاني وماشي ساعة ؟؟؟
يعطيك الصحة على ردك الباهي
يعطيك الصحة
​

 

[ماكانش]

السلام عليك ​

هههه فكرتني بوحد الستيلوا عطاهلي واحد يقرا معايا مازلني محتفظة بيه من 5 سنوات كون تشوفه تبكي عليه رايح قاع فيها
هذي هيا لعقلية سيرتو نتاع الشيرات ​

أهلا بيك منيني
ههههه
نتي صح تعرفي لليكادو هههههه
هذا واقيلا راح يكمل حياتو معاك الستيلو هذا ؟؟؟ ههههه
يعطيك الصحة​

 

[ماكانش]

وعليكم السلام

موضوع منيح كتير :shiny:
يعطيك الصحة سفيان ​

وي والله كلام في محلو
راك نسيتي كوم كادو
الvاز تاع النوار
ولا زوج قلوب حمر لاصقين في بعضاهم ههههه
والالبوم تاع لي فوطو كي يدي واحد السيزيام يجيبوهولو
نسيتي هادوك الدباديب لي يجيبهوم نهار البوناني هههه
والكيسان لي مغروسة فيهم شمعة دارو بيهم حالة وحد الوقت
ولا لي كادر هههههه ​

او ليزالجيران ولي كادو تاعهم البيزار
عجب تاع لعجب
تقبل مروري

:crying::crying:​

أهلا بيك شوشو
هههههههه
قتلتيني بالضحك
والله صح فكرتيني فليكادو تاع لي كادر، وهذوك الكيسان ألي فيهم الشمع والريحة زعما
هههههههههههههههههههههه
آى حالة صح صح مع الجزايريين
يعطيك الصحة شوشو
نورتي ​

 

[ماكانش]

:lol:​

اهلا بيك يا النورس
لعقوبة ليك الزواج ولولاد والزاورة الحمرا هههههه​

 

[ماكانش]

وعليكم السلام
هههههههههه موضوعك يهبل هههههههه
ايييه ليكادو بالنسبة ليا لغز انا ما نقدرش ندير كادو حتى نعرف مليح اللي رح نديهولو
لوكان نقولك في عيد ميلادي قالي بابا واش نشيرلك قتلو جيبلي زوج كيلو باذنجان :scared: :scared: !علاخاطر نحبو بزاااف
في راي المهم في الكادو يكون عملي و شباب وانا نحب اللي يجيبلي ساعة تاع اليد دايرة كولكسيون عندي واقيلا 7 سوايع :shiny:
ههههه تفكرت واحد لحكاية قالك واحد تزوج و دار عرس جابولو كامل سرفيس تاع الما
قالهم لوكان تفاهمتو ودرتولي سيتيرنة :shiny::shiny::shiny:

أهلا بيك يلديز
ههههههههه
مليحة حكاية الستيرنة هذي هههههههههههه
صح كيما قلتي الكادو لوكان الواحد يعرف صاحبو ولا ألي راح يهديلو الهدية واش يحب باش تجي مليحة بزاااااااااف
خلاص قولينا وكتاه عيد ميلادك ولا كي تنجحي في الباك بإذن الله نجيبولك كامل كاميو باذنجان هههههههه
يعطيك الصحة يلديز
​

 

[ماكانش]

نسييت التقييم

ربي بارك فيك يلديز
يعطيك الصحة​

 

[ماكانش]

لي كادو حاجة لازمة .. ..سيتا دير ... ماشي باش نعبروا على مكانة والقدر تاع هذاك الشخص مي حاجة تاع مجاملات برك....
مرسي على الموضوع

أهلا بيك سما
صح راني معاكن مي ساعات يوليو يقلقو هذاك الشخص ههههه
كامل يجيبولي دي سارفيس ههههه
مادام كاين حوايج بزااااااااااااف علاه مانبدلوش شوي ونجيبو حاجة مخالفة وبنفس السوما والثمن بصح جديدة ومخالفة
علاه ديراكت جيب سارفيس ...​

 

[ماكانش]

هههههههههههههههههه
والله الموضوع تاعك فور خويا سفيان
واش تحب تدير هذه هي السلعة ما كانش التجديد خلاص
جامي تلقاه خمم في حاجة اخرى تلقاه يا اما ليكادوا لي حكيت عليهم تقول هذا واش كاين في الحوانت
ولكان حشم زعما زعما يمد دريهمات وفرات
انا نهدر الحق وربي قبل ما واحد يجيب كادوا نقول غير ما تعييش روحك عندي ساعة
وعندي الروايح والسارفيس ما عندي واش ندير بيهههههههههه هات دراهم خير ليك لكان ما تعرفش تجيب حاجة اخرى مميزة انا ندبر راسي
بصح والله تبقى بلا راس صح يعني صح كاين غير هاد ليكادوا يشروهم ؟؟؟
يبقى السؤال مطروح
تقبل مروري اخ سفيان

أهلا بيك مارينا
ههههه
مليحة تاع تصارحيهم قبل ههههه ، إيه هات دراهم وأنا نعرف واش نجيب وواش خاصني ...
كيما قلتي ويبقى السؤال مطروح ، علاه كاين غير لحوايج هذو في لحوانت، ولا التخمام تاعهم حبس هنا، ولا واش ؟؟؟؟
يعطيك الصحة مارينا
نورتي الموضوع​

 

[ماكانش]

حنا يطبقو المهم جاست

وتاني قالك الحجرة من عند الحبيب تفاحة
بصح كل واحد وكيفاه ماش الكل مايعرفش يشري كادو
ههههه منين هكدا نولي نشرط لي يجيبلي كادو انا نخير يا ذهب يا نكبرها ونقول لوطو
بصح انت ماقلتلناش انت كي تشري كادو واش تشري؟؟​

أهلا بيك سالي
ههههههه
ماكانش منها الحجرة، حجرة من عند لحبيب ولا خوك هههههه
صح يهم الجاست، مي يهم شوي الكادو ثاني
صح مانقولوش كادو رخيس وكادو غالي كل واحد على قدر جيبو
مي جيب حاجة خلاف برك ماشي معروفة ومعاودة سارفيس ولا ساعة هذا ماكان ...
قوليلهم لمو دراهمكم وجيبولي حاجة ذهب وخلاص هههههههه
يعطيك الصحة سالي​

 

[ماكانش]

مليح الموضوع
مزالو يومنو بحاجة اسمها ستيلو وساعة تاع حيط الحق فرشة:cra_zy:
هنا في بلادنا يحبو يمدو كادو غالي برستيج وفوخ وزوخ كي يكون عرس تاع طفلة يمدولها كادو ذهب ولا حاجة فوق 300:shiny::shiny::shiny:
اما الراجل من مليون وطلع:re_gards::re_gards: راهي غير زوخات فرات
انا جامي هدالي واحد ستيلو ديما قرعة ريحة منكذبش عليكم لا اكثر ولا اقلi-o:i-o:

أهلا بيك رواىء
هههه
آ واعرين الكادوتا هذو تاع مليون وطلع هههههه
والله هذو حسب كل واحد وجيبو
ألي عندو الدراهم ولاباس بيه عيب يجيب حاجة رخيسة
وألي قدو قد حالو عادي واحد مايلومو برك مايجيبناش ساعة تاع حيط هههههه
يعطيك الصحة ​

 

[sali-sali]

أهلا بيك سالي
ههههههه
ماكانش منها الحجرة، حجرة من عند لحبيب ولا خوك هههههه
صح يهم الجاست، مي يهم شوي الكادو ثاني
صح مانقولوش كادو رخيس وكادو غالي كل واحد على قدر جيبو
مي جيب حاجة خلاف برك ماشي معروفة ومعاودة سارفيس ولا ساعة هذا ماكان ...
قوليلهم لمو دراهمكم وجيبولي حاجة ذهب وخلاص هههههههه
يعطيك الصحة سالي​

بصح ماقلتليش انت واش انواع الهدايا لي تديرهم
هيا من عندك ندو الخبرة
ههههههههههههههه

 

[ماكانش]

ههههههه و الله صح موضوع بزاف شباب​

انا منين نشفى لعمرى جبت السيزيام جابولى بيجامة زدت جبت البيام زادوا جابولى بيجامة و زدت جبت الباك كيف كيف بيجامات اشكال و الوان تغسلهم خطرة يحولوا رانى قريب نحل حانوت تاع البيجامات ههههه
صح و الله ما عندنا حتى ثقافة تاع لى كادوا و ضرك ولاوا مالين العرس كى ما يعجبهمش كاش كادوا يخبوه و يرجعوه فى عرس مالين هاداك الكادوا ما يبدلوش مامبا لغلاف هههه​

ميييييرسى خويا يعطيك الصحة ايا انت اللول اللى نمدلوا تقييم​

أهلا بيك كبرياء دمعة
ههههه
مليح توصيهم قبل إذا بيجاما احكموها لعمركم ههههه
ولا هاتي نعاودو بيهم السوق ونتقاسمو هههههه
ومليحة تاع يعاودو يردولهم الكادو تاعهم يا بعد ههههه
بصح شوي تقيس و لالا ؟؟؟
يعطيك الصحة
وتقييمك شرف ليا
​

 

[ماكانش]

السلام عليكم
اواه هاديك الملاحظة نلعب روحي ما قريتهاش انا مع المهم كادو ما نكدبش عليك و الله و جي تشوف واحد البوات عندي ملمدة فيها اي حاجة نعتبرها كادو فيها حتى الكاغط تاع حبة الحلوى و الشيكولا نعتبرهم كادو و حتى لي ساشي اللي يجيبولي فيه الكادو عندي انا كادو
و نزيدك حاجة واحد العام كان عندنا موت في الدار وكان قريب نهار اللي زدت فيه كنت ناسية قاع صحبتي تفكرتني و جابتلي قرعة ديودورو تاع 150 دج اللي انا نقعد هكاك و مانشريهمش بصح زاد فيا النص و لدروك ديك القرعة راها عندي في 10 سنين نعجبك نعيش بين الاطلال
علابالي طولت عليك بصح بغيت نفهمك شاني فاهمة
في لامان

أهلا بيك هيبة
هههههههه
نتي تعزي بزااااااف الكادوات، صح عزاز وماقلناش الواحد ما يعزهمش ولا
بصح حرت برك وعلاه يجيبو نفس لحوايج ؟؟؟
يعني هذاك واش كاين في السوق ؟؟؟
الساعة تاع الحيط كادو، بصح وعلاه غير السوايع تاع الحيط ألي يمشيو ؟؟؟ هههههه
​

 

[ماكانش]

وعليكم السلام اهلا سفيان واش راك يا سيدي ​

والله طحتلي في الجرح
واش من كادو يرحم باباك
انا نشفى في عرس خالي العام الى فات كي بدينا نفتحوا في لي كادو
والله غير تخلعنا تخيل 20 سرفيس نتاع jus
انا مفهمتش كيفاه يخموا هادوا العباد ونزيدلك حاجة كاين 7 كيف كيف هههههههههههه
الله غالب بانتلهم غير على jus ياسيدي كون غير جابوا طبسي طبسي هاكا تلم طباسا من مختلف الانواع ههههههههههههههه
هادي هي ثقافة الجزائري عندنا وتصيبها في البراني وماتصيبهاش في لافامي
وكاين وكاين كاين ناس يعرفوا لقيمة الكادوا ماشي قاع كيف كيف
والله انا مرة حضرت عرس نتاع وحدين نعرفوهم غير من بعيد اتخيل صاحب العريس
واش جابلوا الكادوا في الحنة كامل الناس حطت دراهم مي هو حط مفاتح نتاع سيارة علابالك الغشي عام وهو يحكي على الجاست هداك
هادوا هما الصحاب ولا خلي
المهم راني اليوم كثرت التقرعيج الله غالب عندي شحال مكتبتش
مرسي ع السوجي يعطيك الصحة​

ملاحظة:راني بدمة كتبتلك بهذا اللون باه تتعذب شوية كي تقراه ههههههههههه:like_1::like_1:​

أهلا بيك ذهبية
هههههههه
عميتينا صح، وراني بدلتلك اللون هههههه
والله صح حيرة
يعني هذ ال20 ألي جابو دي سارفيس جو، ماحبوش يكسرو ريسانهم، ولا هذا واش لقاو في لحوانت ؟؟؟ ههههه
صح كل واحد قدو قد جيبو، وماقلناش لازم يجيب حاجة غالية، بصح برك يبدل يجيب حاجة جديدة ماشي معاودة
يخمم شوي برك يلقا بزاااااااااااااف
يعطيك الصحة ذهبية
نورتي الموضوع
​

 

[كبرياء دمعة]

يعطيه الصحة اللى مدلى تقييم
اونتوليكا راهو باين شكون هههه​

 

[ماكانش]

بصح ماقلتليش انت واش انواع الهدايا لي تديرهم
هيا من عندك ندو الخبرة
ههههههههههههههه

هههههه
أيا ماتحشميناش ههههه
راني جازايري وباينة العقلية ههههه​

 

[ماكانش]

يعطيه الصحة اللى مدلى تقييم​

اونتوليكا راهو باين شكون هههه​

هههههههههه
ربي زوجو ألي عطاك تقييم وربي يعطيه واش يتمنى ههههههههه

أنا ألي مديتهولك :shay:​

 

[ماكانش]

أنا تعبت شوي
نروح نرتاح
لعشية ان شاء الله

 

[كوني طيبة]

وعليكم السلام ورحمة الله وبركاته
تعبجني الدخلة تاعك في كل المواضيع
وشراكم لاباس بخير الحمدلله كي شغل نحسك تسال وتجاوب في روحك ^^
بالنسبة للكادوات انا مانحقرش ولا شي من شخص عزيز عليا
ولو تكون حجرة نقبلها ،، الهدية للذكرى مش باه نفوخو بيها
وماهيش بقيمتها المادية ابداا
يعني كاين لي قادر يشريلك حاجة غالية وكاين لي مايقدرش الله غالب
وتاني اهم شي عندي انو يتفكرني
بالنسبة لي ديما هدايا لي نمدهم لصديقاتي من شغلي
مانحبش نشري هدايا لي نمدهم لناس عزاز على قلبي
نحب نخدمهم بيدي ،، فيهم كامل احساسي وجهدي الفكري و الجسمي ايضا
هك يكون عندهم مغزى اكثر
نحب نحتفظ بالهدايا لي جاوني ولو كانو ابسط شي لوكان خيط
لدرجة اني قلت لدارنا كي نموت ادفنوهم معايا ههههه
اسمحلي بصح ماعجبنيش رايك بخصوص الستيلو و البنت لي كانت معتبرتو هدية
هو يمكن ذكرى من شخص عزيز عليها هنا يبان الفرق

متفكرة مرت اخي لما جات تهدي اخي في عرسهم هدية جابلتو كرسي هزاز ^^
فكرة جميلة جداا منها ،،، خاصة انها فنانة
عائلة فنية حنا ^^

شكرا على الموضوع وبارك الله فيك
​