التشراط على الماكلة

*ليديا*

:: عضو بارز ::
أحباب اللمة
إنضم
24 جانفي 2009
المشاركات
1,418
نقاط التفاعل
15
النقاط
77
السلام عليكم ورحمة الله و بركاته
واش راك سفيان ؟ ان شاء الله بخير منور الموضوع قبلهم كامل :shiny:
واش راكم ناس اللمة العزاز ؟ ان شاء الله راكم بصحة وخير
اليوم نحكي في موضوع تاع الأمهات (جيبتها وراهم هههههههه)
التشراط في الماكلة :
في كل دار على الأقل كاين 2 ولا 3 يتشرطو وما تعجبهمش الماكلة
مثال الدراري يدخلو ديراكت من ليكول السلام أ ماما واش درتي غداء ؟
ما تقوليش لوبيا / مرقة / مقلي/ كسكسي/فريك/........ قائمة طويلة
وكي تقول وحدة من لي شوا الي الفوق يقولو ليها وعلاه ما طيبتيش :
طاجين / محجوبة / شخشوخة / تليتلي ..........
قمة العوج درك :eek:i-o::
ما تقوليش خبز ، يا ماما الكسرة خير :schmoll:
ما تقوليش مطلوع ، الرخساس خير:scared:
الا مرقة حمراء ، علاه ماهيش بيضاء والعكس
ولا كي توصل لبعض الأكلات الشعبية العيش مثلا تاكلو غيرهي مول الدار والباقي كل واحد داير عشاه وحدو :shay:
وفي العيد الكبير : واحد ما ياكلش البوزلوف واحد ما ياكلش الكبدة والخ
دونك هذا البروبلام راه في كل بيت
كل ما تجي الام تدير حاجة تتفكر واحد ما ياكلهاش
وكي توصل ال4 تاع العشية تبدا تخمم واش تدير عشاء :sadwalk:
وتبات تخمم واش تدير غداء :scared:
هيا كل واحد يحكيلنا كيفاه يتشرط:music_whistling:
جمعة مبروكة ان شاء الله وربي يتقبل صالح الأعمال

 
أهلا بيك ليديا
يعطيك الصحة على موضوعك الباهي والشعبي الجزائري ههههه
كيما قلتي ماكانش دار مافيهاش التشراط
ديما الأمهات حايرين واش يديرو باش يرضيو الجماعة كامل
حنا من العايلات لكبيرة، يعني مستحيل نرضاو كامل ههههههههههه
أي باينة زوج عضمات ويتفراو المشاكل كامل هههه
كي نريكلاميو ساعات تنطق يما ولا ختي لكبيرة تقولنا مانعرف تلقاو نساكم يطيبولكم الماكلة و لالا هههههه
أما الماكلات الشعبية كي طيبهم الوالدة لازم تعيط لزوج خاوتي تقلهم شوفو ديرو حل لرواحكم هاني واش طيبت
علابالك ديما يلوموها يقولولها لوكان علابانا هذا هو لغدا رانا تغدينا لبرا هههههه

يعطيك الصحة ليديا
+ تقييم
 
انا منتشرطش لعكس يتشرطوا عليا حيرنا وحيرونا مايعجبهمش لعجب لمصيبة ادا تحرقت ولا ادا زدت شويا ملح ياخااااه تتبهدلي تولي كلون فدار سمانة وهما يتمسخروا بيك
 
انا الحمد لله منتشرط ماوالو
كاينة حاجة برك منحبش زيت الزيتون ههههه
عندي خويا يكره الشيفلور ميشمش فيه اللي يعرضو يديرلو شيفلور هههههه
مرسي على الموضوع
+تقييم
 
ههههههههههههههههه
فكرتيني بروحي ههههههههه:shiny:
قائمة طويلة عريضة
ههههههههههه
بصح بشوي بشوي والفت والدتي الله يحفظها
وصارت تفهم العقلية :eek:i-o:
بصح كيما قال خويا
زوج عظمات وفرات
أو زوج فرماج وخبز
هههههههههههه المهم الحلول كاينة
مرسي لموضوعك الممتع والمضحك :re_gards:

 
كاينة عندنا هاذي في الدار ... لكن الدستور تع الدار فيه مادّة تقول : اللّي عجبوا ياكل و اللّيما عجبوش يخبط راسو في الحيط...........

 
كاينة عندنا هاذي في الدار ... لكن الدستور تع الدار فيه مادّة تقول : اللّي عجبوا ياكل و اللّيما عجبوش يخبط راسو في الحيط...........


هههههههه فورر لازم يطبق هادا القانون في جميع البيوت الجزائرية
 
موضوع زوين بزاف تبارك الله عليك
هاد الظاهرة كولشي البيوت كتعاني منها حتى احنا كنتشرطوا في الماكلة وبصراحة انا بزاف كنتشرط فيها والى معجبتنيش نتقلق ولات الوليدة الله يحفظها طيب ليا الماكلة لي نبغيها وطيب الماكلة اخرى لي كيبغوا
 
مشكورة اختي على الموضوع ياريت تتحل مشاكل الماكلة
انا وحدة من الناس منحبش الباقوليات عدس لوبياء حمص والعجائن سباقيط:cra_zy::cra_zy::cra_zy::cra_zy:
نحب الخضرة وطواجن عندي ليستوما:sadwalk::sadwalk:
اما خاوتي خويا واحد برك يحب الماكلة الي نكرهم انا ههههههههههههه غير انا وياه الي منتلاقوش في ماكلة هذي:eek:i-o::eek:i-o::eek:i-o:
اما بابا ميحبش ليدام يطلع الظغط
متنسيش كل واحد واش يقدر ياكل
اما عن ذوق الماكلة منكذبش عليكم ذوقي فوووووووور:shay: في الماكلة كي كان معانا خويا قبل مايتزوج اكبر مني ديما يعلق مي كي تزوج تقاعد ياكل الي جاء وتبانلو مرتو احسن طباخة ههههههه:sheer::sheer:
 
صباح الخير عليكم جميعا، والله غير عندك الحق في كل كلمة قلتيها، أنا خويا راهو كبير 28 سنة والله غير يتشرط في الماكلة دقولي عليك طفل صغير، ولينا نخافو نطبخو حاجة بالاك متعجبوش، ههههههه ربي يهدينا.
 
كلمات مفتاحية: 2عظمات يعني 2 بيضات.
المشكل هذا كاين في كل البيوتات وكل أم وشطارتها. كما عندنا النص ياكل اللحم والنص ما يكلش. ألور أمي تطيب اللحم وحدو والماكلة وحدها ومن بعد تخلطهم.
وكي تحيرلها واش الدير :سكسو هو الحل. صطوندار يتكل مع كلش. عندي خويا الصغير هو اللي يشرط بزاف هاذا وين بدات المراهقة ديالو...ساعات يدير الكسكاس في الخبز وياكلو.
 
المشكل الدائم اللي نعاني منو و نعانو قاع منو و المشكل الي يطيب و يتعب ما يتشرطش قاع و ماكلة ما نبغيهاش و نديرهالهم يلا كانو يبغوها بصح العكس حرام خاوتي يبغو غي لي غراتان و المقلي جاو صغار يغيضوني سينو الماكلة برا و الله غي نبغي الطياب و كرهتو على دي السبة يعطيك الصحة
تقييم
 
هههههههههه اكل كيف كيف
احنا خاوتي ما يتشرطوش بزاااااااف
اما أنا أحيانا كي نجي من القراية والجوع هكذاك ومانلقاش حاجة مليحة نبدا نهاوش ههههه
 
مكاش لي ميتقلشش على خاطر كامل نحبوا الماكلة المليحة ماش كور ومد اللعور
 
أهلا بيك ليديا
يعطيك الصحة على موضوعك الباهي والشعبي الجزائري ههههه
كيما قلتي ماكانش دار مافيهاش التشراط
ديما الأمهات حايرين واش يديرو باش يرضيو الجماعة كامل
حنا من العايلات لكبيرة، يعني مستحيل نرضاو كامل ههههههههههه
أي باينة زوج عضمات ويتفراو المشاكل كامل هههه
كي نريكلاميو ساعات تنطق يما ولا ختي لكبيرة تقولنا مانعرف تلقاو نساكم يطيبولكم الماكلة و لالا هههههه
أما الماكلات الشعبية كي طيبهم الوالدة لازم تعيط لزوج خاوتي تقلهم شوفو ديرو حل لرواحكم هاني واش طيبت
علابالك ديما يلوموها يقولولها لوكان علابانا هذا هو لغدا رانا تغدينا لبرا هههههه

يعطيك الصحة ليديا
+ تقييم
اهلا سفيان الله يسلمك
والله ردك فووووووور
عطيتنا المقدمة / المشكلة / الحل
نورت الموضوع
يعطيك الصحة
 
انا منتشرطش لعكس يتشرطوا عليا حيرنا وحيرونا مايعجبهمش لعجب لمصيبة ادا تحرقت ولا ادا زدت شويا ملح ياخااااه تتبهدلي تولي كلون فدار سمانة وهما يتمسخروا بيك
هههههههههههههههههه جبتيها حنونة
يعطيك الصحة منورة الموضوع
 
انا الحمد لله منتشرط ماوالو
كاينة حاجة برك منحبش زيت الزيتون ههههه
عندي خويا يكره الشيفلور ميشمش فيه اللي يعرضو يديرلو شيفلور هههههه
مرسي على الموضوع
+تقييم
صحيتي حنونة انت فور تاع الصح
ههههههههههههههه انا تاني كي كنت صغيرة نكرهو
والي يعرضك انتي يديرلك الماكلة بالزيت زيتون ههههههه
يعطيك الصحة حنونة نورتي الموضوع
مارسي على التقيييم وانت تاني +
 
ههههههههههههههههه
فكرتيني بروحي ههههههههه:shiny:
قائمة طويلة عريضة
ههههههههههه
بصح بشوي بشوي والفت والدتي الله يحفظها
وصارت تفهم العقلية :eek:i-o:
بصح كيما قال خويا
زوج عظمات وفرات
أو زوج فرماج وخبز
هههههههههههه المهم الحلول كاينة
مرسي لموضوعك الممتع والمضحك :re_gards:

يا مرحبا يا مرحبا مثال حي عندنا في الموضوع ههههههه
الله يحفظهالكم ان شاء الله
نورت الموضوع خويا
يعطيك الصحة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top