**les mexicains يهبلوا بنة رووعة من مطبخي**

[faizarbh]

السلام عليكم أخواتي
هذه أول مشاركة لي فالمنتدى
اليوم جبتلكم وصفة لي ميكسيكان روووعة بزاف بنينة و رايحين يحبوها كبار و صغار
بسيطة و سهلة و غير مكلفة و رووووعة
المقادير:
نحتاج عجينة مسمن (معارك)
فرينة + ملح + ماء نعجنهم جيدا و نخلي العجينة ترتاح ثم نشكل كريات كيما حبة بيض او اقل منها بشوية و نغطيهم يرتاحوا و في هاد الاثناء نحضر الحشو

الحشو:
حبة فلفلة ( طرشي) كبيرة و مقطعة مربعات
2 حبات طماطم مقشرين و نحولهم الزريعة و مقطعين مربعات
دجاج طايب و مفتت او ممكن نعوضوه بالتونة تاع الزيت
نص حبة بصل مقطعة مربعات صغار
ماييس خاص بالسلطة ( ذرة)
زيتون اخضر مقطع مربعات
جبن مقطع مربعات

و نخلطهم مع بعض جيدا + رشة ملح+ جبن مقطع مربعات

و الان نحضر خليط المايونيز:
مايوناز + م ص هريسة + القليل من الكاتشاب (ممكن نعوض الكاتشب بطماطم مصبرة) و نخلطهم

و نحتاج شوية سلطة خس

الان نرجع للعجينة تاعنا و نخدمها
نفس الطريقة اللي ندير بيها المعارك
برك ندير كريتين
نجيب 2 كرات من العجين نحل واحدة دائرة و نطويها حتى نتحصل علي مربع
نستعين بالزيت باش يسهل العملية

ثم نحل الثانية دائرة ايضا و ندير داخلها المربع و نلفها على شكل مربع

نريحها دقيقة برك و نحلها على شكل مربع و نطيبها في طاجين بلا ما ندير الزيت لما يطيب

و هكذا حتى نكمل كل العجين اللي عندي و يكونو بردوا شوية
نبدا الان التشكيل
نجيب جبة و نطليها بملعقة من خليط المايونيز

ثم ندير السلطة فالوسط بهاد الشكل

ثم الخليط بهاد الشكل

ثم نلفها بهاد الشكل

و هادي الصور النهائية

زوووووووووووووووم يا سلااام يم يم

ملاحظة:
لما نطيبهم فالطاجين ما نديرلهمش الزيت يطيبوا ناشفين
و الخلطة نديرولها فقط رشة ملح
و اللي عندي آلة البانيني تقدير اديرهم فيها مع الاخير.

ان شاء الله تكون عجبتكم الوصفة
و نتمنى اجربوها لذيذة بزاف و ما تنساونيش بدعوة خير
​

 

[إحساس قلم]

رد: **les mexicains يهبلوا بنة رووعة من مطبخي**

وااااو روعة تسلمي
​

 

[قمر الليل 23]

رد: **les mexicains يهبلوا بنة رووعة من مطبخي**

واااااو روعة
تسلمي ختي

 

[rameche .dal3]

رد: **les mexicains يهبلوا بنة رووعة من مطبخي**

يسلموووووووو
شكرالك

 

[Ŝĥåĥĭйëž Ïķřăмơǖ]

رد: **les mexicains يهبلوا بنة رووعة من مطبخي**

يم يم يم راها تشهي
تسلم ايييييييدك

 

[om_assil]

رد: **les mexicains يهبلوا بنة رووعة من مطبخي**

رووووعة يعطيك الصحة اختي الغالية

جاري التطبيق

 

[حكيك]

رد: **les mexicains يهبلوا بنة رووعة من مطبخي**

ينقل الى
وصفات السندويشات والمعجنات والمخبوزات الحصرية والمجربة
يعطيك الصحة

 

[شرشالية]

رد: **les mexicains يهبلوا بنة رووعة من مطبخي**

واوروعه يعطيك الصحة

 

[SAMIRA25]

رد: **les mexicains يهبلوا بنة رووعة من مطبخي**

يعطيك الصحة خرجولك رائعيين و يشهو
بارك الله فيك و جزاك خيرا