تورت برغر

maha270385

:: عضو منتسِب ::
إنضم
13 جانفي 2014
المشاركات
9
نقاط التفاعل
16
النقاط
3
انا بمسي التماسي احلى التماسي احسن تقولو اني ناسي:love01:
اليوم حابة نشارككم وصفة التورت برغر ، الحقيقة العايلة كامل تحب هذي الوصفة نتمنى نتوما :-r تاني تحبوها
نعطيكم المقادير ونبداو مع العجينة :
400 غ فرينة
نصف بيضة
نصف كأس ديال لاتاي زيت
ملح
ملعقة اكل سكر
نصف ملعقة اكل خميرة
وتلمي بالحليب الدافي أو ماء دافي حتى تتحصلي على عجينة لينة ، أنا في الحقيقة درتها في pétrin
من بعد تخليها ترتاح من 30 إلى 45 د .
في هذا الوقت تقومي بتحضير الحشو:
400 غ لحم مرحي
بصلة متوسطة
3 فصوص ثوم
3 طماطم مرحية
نصف ملعقة طماطم مركزة
ملعقة هريسة
ملعقة صغيرة paprika
ملعقة صغيرة كركم
ملح
نصف قطعة جمبو مرق لحم
3 بيضات طايبين في الماء
ربطة معدنوس مقطعة
زيتون مقطع إلى دوائر
فرماج مقطع إلى شرائح أنا أستعملت chef لأني ملقيتش غيرو:-o:cray02:
تقطعي البصلة رقيقة وتقليها مع اللحم والتوابل والثوم وتضيفي الطماطم المرحية والمصبرة والهريسة وتخليها فوق النار حتى تنشف تماما .
do.php

do.php

في هذا الوقت العجينة ديالك تكون طلعت ، أقسميها لإثنين وأبسطي الكرية الأولى وحطيها في بلاطو مدهون بالزيت ومرشوش بالفرينة كما تشوفي في الصور المرفقة
do.php

do.php

من بعد تحطي الحشو : اللحم المرحي من بعد الزيتون المقطع ومن بعد البيضات مربيين ومن بعد المعدنوس ومن الأخير شرائح الجبن
do.php

do.php

وتبسطي الكرية الثانية وغلفي بيها لا تورت ديالك وخليها ترتاح مدة 10 د بعد ما تدهنيها بصفار البيض وترشي فوقها شوي سنوج .
دخليها للفرن .
do.php

do.php

وشهية طيييييييييييييييييييييبة :):bye01:
 
آخر تعديل:
رد: تورت برغر

ممممم تشهي يعطيك الصحة
 
رد: تورت برغر

بصحتك و بصحة العايلة ديالك
فعلا تبان هايلة
 
رد: تورت برغر

اممممممممممم من شكلو باين الطعم
نجربو في اقرب فرصة ان شاء الله
يعطيك الصحة
 
رد: تورت برغر

هههههههههههههههههههه وعلاش أنا وين حطيتها يا إم ندى الغالية ، ماتلوميش مبتدئة :p
 
رد: تورت برغر

مممم راني جارتك ابعثيلي شوي لول،،
باين هايل ، يعطيك الصحة حنونة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top