ايه ياللمة واش صرالي من بعدك

شهنوزة

:: عضو مُشارك ::
إنضم
2 مارس 2009
المشاركات
448
نقاط التفاعل
12
النقاط
7
السلام عليكم
توحشت بزاف هدا المنتدى الي كنت متواصلة معاه بزاف و حبست وكي حبست صروالي بزاف صوالح واليوم جيت نحكيهم. توحشت بزاف الاعضاء الي كنا دايرين لامبيانس بلا مننسى الاعضاء لي كان ابرزهم سي فلان مول الكوستيم

المهم راني حاب نفرغ واش كاين في قلبي
جبت الباك ودخلت للجامعة وقريت قراية منحبهاش المهم دروك تخرجت والبحث عن العمل ان شاء الله.
المهم دروك راني حاسة بالوحدة بزاف وفي الوقت نفسه مني حابة حتى واحد يقرب مني اريد ان اعيش بعيدة على الناس وحياتي راهي مخلطة البروبلام اني انا الان راهم يتقدمو ليا الخطابة ولكن لا اريد ان اتزوج باحد الا شخص واحد راه في قلبي واحلامي كلها معاه رغم اني اعلم انه لن يكون لي لكن ا اعرف فانا عندي عامين ملي عرفتو وهو من
العائلة .كنت دائما خجولة وهادئة وخاطيني كلش ولما دخل هوحياتي كنت سعيدة لاني اعتبترته شريك الحياة وبصفته من العائلة ويعرف بلي انا خاطيني وقاع قلت خلاص جامي يكمل معايا خصوصا انه اخبر العائلة وكامل . لكن فجاة قال لي ان الفتاة التي يختارها للزواج يجب ان تون مثالية وانه يكره هدوئي.وانه لا يحس بشئ تجاهي المهم انا راني مصدومة وكارهة حياتي وكرهت هدوئي ومازلت نحب هدا الشخص وراني خايف كاش ميصرالي نهار يزوج خصوصا هو من العائلة.هو الاول لي عرفتو وهدرت معاه ودرك راني نهدر مع بزاف ناس باه ننسى بصح مقدرتش والوقت راهو يمر
 
رد: ايه ياللمة واش صرالي من بعدك

*نفس السيناريو يتكرر*.....*حب من طرف واحد*
انا برايي غير انسايه او ليكيديه من راسك
الشيء الي خاطيك يعييك
مدام هو صارحك او قالهالك هكذاك انتي
طنشيه حبيبتي اوكي
و الرجال الي كيفو
مايليقلهم غير التطنيش و تليكيديهم من راسك
يعني هو نورمال كي قالك هكذاك يعني كان صريح معاك ربما كاش وحده بخلاف راي في بالو
ياك لمثل يقول
ماتبكيش على الي حبيتو او خلاك ابكي على لي حبك او خليتو
ختو شوفي حياتك او نسايه
وجهة نظر

تقبلي مروري
 
رد: ايه ياللمة واش صرالي من بعدك

صحيتي اختى على النصيحة علا بلي لازم ننساه بصح مقدرتش سيرتو هو ماهوش براني .ومنقدرش نحب وحداخر
 
رد: ايه ياللمة واش صرالي من بعدك

.................
 
آخر تعديل:
رد: ايه ياللمة واش صرالي من بعدك

انا نقلك ليكيديه وعيشي حياتك
باين ما يفهمش
لقا الهدوء وتكبر عليه
الناس الهدوء متمنيسينو صلي واستخيري ويجيبلك ربي سيد الرجال
هذا غير انسايه لانو هو قالك انسايني بطريقة مباشرة
 
رد: ايه ياللمة واش صرالي من بعدك

هههه ضحكتيني صحيتي الاخت رايان على نصيحتك
 
رد: ايه ياللمة واش صرالي من بعدك

السلام عليكم
اولا الحمدلله على سلامتك اختي شهنوزة رغم اني من قدماء اللمة مي منشفاش عليك خخخخ
معليهش ،، بون الجواب كان واضح ومتفق عليه من طرف العضوات الكريمات
حبيت برك نقول للعضوة " لصمتي حكاية" عجبني هاد المثل يعطيك الصحة خويتيتة

ماتبكيش على الي حبيتو او خلاك ابكي على لي حبك او خليتو

سلام
 
السلام عليكم
اولا الحمدلله على سلامتك اختي شهنوزة رغم اني من قدماء اللمة مي منشفاش عليك خخخخ
معليهش ،، بون الجواب كان واضح ومتفق عليه من طرف العضوات الكريمات
حبيت برك نقول للعضوة " لصمتي حكاية" عجبني هاد المثل يعطيك الصحة خويتيتة
الحمد لله كي مزال القدماء هنا وصحيتي على الرد وشكرا لكم جميعا
 
قالك ما يحس بوالو اتجاهك ومازلو في قلبك يابنت ناس نسايه و كملي حياتك واخطيك من هديك لهدرة لياسرة مع ناس
كملي حياتك وبينيلو بلي دنيا مش حابسة عنده واستخيري وربي ان شاء الله يلاقيك بولد لحلال لي يستحقك وهدوءك
وهو ادا تزوج نصيحتي تحضري عرسو وكانو ما صرا والو
 
كود:
[SIZE=5][FONT=Traditional Arabic]قالك ما يحس بوالو اتجاهك ومازلو في قلبك يابنت ناس نسايه و كملي حياتك واخطيك من هديك لهدرة لياسرة مع ناس 
كملي حياتك وبينيلو بلي دنيا مش حابسة عنده واستخيري وربي ان شاء الله يلاقيك بولد لحلال لي يستحقك وهدوءك 
وهو ادا تزوج نصيحتي تحضري عرسو وكانو ما صرا والو[/FONT][/SIZE]
شكرا لكي الاخت حكاية قمر على النصيحة .ردودكم فرحتني
 
غير دروك اللي قريت اللي كتبتيه اختي لوكان جا احبك غير شوي ما يجرحكش ديري رايي هذا غير لكيديه من راسك استغلي شهر رمضان اقراي قران صلي استغفري مادام ما بيناتكم والو تقدري تنسايه نعرف وحدة تلاقيتها عند طبيب قصتها تبكي اللي حباتو ما داتوش جار عائلتها نفس قصتك زوجت جابت لولاد اوكي تروح لدارهم تشوفو يلعب مع ولادها وسقسيهم عليها الا حكاتلهم عليه هي تقول نسات المهم تقدري تنساي الازم تنساي
 
كود:
غير دروك اللي قريت اللي كتبتيه اختي لوكان  جا احبك غير شوي ما يجرحكش ديري رايي هذا غير لكيديه من راسك استغلي شهر  رمضان اقراي قران صلي استغفري مادام ما بيناتكم والو تقدري تنسايه نعرف  وحدة  تلاقيتها عند طبيب قصتها تبكي اللي حباتو ما داتوش جار عائلتها نفس  قصتك زوجت جابت لولاد اوكي تروح لدارهم تشوفو يلعب مع ولادها وسقسيهم عليها  الا حكاتلهم عليه هي تقول نسات  المهم تقدري تنساي الازم تنساي
شكرا لكي اختي ام سادن عندك الصح هذا واش لازم وخلاص
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top