موضوع خاص بالمقبلات على الزواج و يسكنو مع اهل الزوج من كتابتي

[لؤلؤة.الجنة]

رد: موضوع خاص بالمقبلات على الزواج و يسكنو مع اهل الزوج من كتابتي

شكراً على نصائح واصلي على هذا منوال راني محتاجة هاذو نصائح اكثري منهم

 

[تـريـــاق المحـبـة]

رد: موضوع خاص بالمقبلات على الزواج و يسكنو مع اهل الزوج من كتابتي

مازال عليا شوية
نصائح مفيدة اتمنى يستافادوا منها المعنيات
شكرا لك ام أمينة
رمضان كريم ومبارك
صح فطوركم

 

[Smile Queen]

رد: موضوع خاص بالمقبلات على الزواج و يسكنو مع اهل الزوج من كتابتي

سلام حنونة نصائح مليحة مي مانيش معاك في اغلبها سيرتو لي في دار العايلة وراني جربت واخرتها مرضت وطلقوني بدون رحمة ولا شفقة وفي داري الجديدة نطبقها ان شا الله واذا كتب ربي بداري وحدي
الي في دار العايلة تخلي النية في دارهم بيسك كاين ناس مايرحموووووووش يشوفوك تخدمي يصدقو ارواحهم بلي جابوك خديمة حسبي الله ونعم الوكيل
حاجة وحدة مليحة حكاية انك تتهلاي في روحك وفي نظافتك وي
ونزيدك نصائح من مجربة سيرتو الي يطيحو في عباد ما يخافوش ربي
كي تشوفيهم يخدمو اخدمي كي تشوفيهم راقدين ارقدي
كي يجي راجلك العبيها تخدمي لاشتا كنتي راقدة هذي تعلمتها من مرت لوسي سابقا هههه وراهي في دارها ربي يهنيها جات غير فيا لي كنت نخدم دايما كي البهلولة
العجوز ولا السلافات ماتكثريش معاهم الدصارة كيما يقولو الدصارة خساارة بالاكي تحكي على راجلك ولا تشكيه ليماه لانو مباشرة من فمك لوذنو ويزيدو فيها مقالات انتي ماقلتيهمش
خلي روحك بعيدة وخلي مسافة الامان كيما الطونوبيلات بالضبط لازم واحد ماتخليه يفوت حدودو
والدلال كل الدلال لزوجك هو الي تزوجيته مش لافامي كوني دايما مبتسمة في وجهو وجامي تنكدي عليه ولا تقلقي على امور تافهة واذا كاش وحدة حبت تقلقك دخلي كلامها من وذن وخرجيه من وذن
الغسيل اغسلي حوايجك وبس اذا عندك لواسات مش متزوجات واذا نتي والعجوز والشيخ برك ديريهم والديك مي اذا عايلة كبيرة بالاكي تلعبيها قافزة وتجيبيها غير في صحتك
اذا كاين زوجات اخوتو معاك ديرو الدالة ماشي وحدة تضل راقدة وكل شي يجي فيك واخرتها يقولو فلانة جابدة روحها وما تلحق حتى واحد هههه امالا اجبدي روحك من الاول احسنلك عن تجرررررررررررررررررررربة والله
ربي يهني كل وحدة وان شا الله ربي يطيح البنات الكل في نفس مومنة في رجل وعايلة يخافو ربي
سلام

 

[Zakia zizou mca]

رد: موضوع خاص بالمقبلات على الزواج و يسكنو مع اهل الزوج من كتابتي

شكرًا على النصائح كملي خيرك او قولولي كيفاه نتعامل مع ناس داري ايام الاولى من الزواج

 

[دعاء الجنات]

شكرا اختي والله استفدت من نصايحك وراني محتاجة كهاذا نصائح في الوقت الحالي بارك الله فيك

 

[sanaya]

مشكورة أختي
كلام فالقمة

 

[بشرى ملاك]

سلام
انا من نهار دزوجت سكنت وحدي وبديت نعامل اهل زوجي بضمير وهما يعاملوني على اني دخيلة بيناتهم
كي يكون عندي ضياف يجو يجمعو ياكلو ويشربو ومايعاونونيش وهما كي يكون عندهم ضياف نعاون ويزيدو يقولولي ايا حبيبتي كوزينة نصبر ونعاون نقول بلاك يفيقو ويتبدلو امالا العكس كل ما نقيمهم يحقروني وليت انا تاني نعاملهم بالمثل والله مانوض نعاون نجمع كي ضيفة وتتكلم وحدة وتقولي نوضي نوريها وكي يجو عندي نقلشهم ومانخليهمش ينوضو وليت نعاملهم كيما يعاملوني ادا حوسو عليا نحوس عليهم ادا نساوني ننساهم باسكو انا دزوجت باش نعيش مع راجلي الزينة والشينة ماشي دزوجني باش دارهم يحقروني
حتى ربي مايرضاهاش والرسول نهى الزوج يفرض على الزوجة تخدم اهله وانما تخدمه هو فقط
وماشي حكايتي مقياس باسكو كاين وكاين ممكن طيحو في ناس ملاح ليقيموكم ويحترموكم ربي خلق وفرق ماشي قاع الناس كيف كيف كاين لي مقلشينها وكاين لي تدي السوط والسب كل وقت والله يهدينا وخلاص

 

[توبة توتة]

والله يا اختي عندك الحق في كل كلمة قلتيها
انا عندي 8 شهر زواج وراني ندير واش كتبتي
وهدرتي في الصح زيدي حطي مواضيع نستفادو منها
وشكرا