رمضــــآن و الشعب الجزائري

[ضآحكة مستبشرة]

السلآم عليكم و رحمة الله لحباب واش راكم بخير

عجبكم الموضوع تاااع البارح :p:p
مي فينالمو مصبنا حتى عرسان خخخخخخخخ :tongue02:

نولي للميضوع اللخر قبل ما نخرج من اللمة منوليش حتى مور الباك
دعــــــــــــــــــــــوآآآآآآآآآتــــــــــكم

بما انو مبقاش على رمضان يعني ايام معدودة
علبالي بلي الناس كامل تحب هاد الشهر العظيم
ناس تحب توب الى ربي و تتقرب ليه و تصصح اخاطائها
و ناس تكون في الغربة و ترجع للبلاد باش تصوم مع اهلها و بعض العائلات كامل يتلمو في دار اشيخ باباهم
و ناس تديها سهراااات و رقاد فالنهار و في الليل تبات قاعدة
و ناس همها الوحيد هو تعمر كرشها مواكل خاطرش هاد شهر البركة الزوالي يولي مرفه مقارنة بالايام العادية
هادي هي لالجيري واش تحبووو نديروا

و زيد في رمضان تصيب ناس توجد فالفطور و ناس مدخلين رسانهم لهنا في اللمة يخربشوا
رانا نديروا في الفطور و في الليل مور لفطور تجي العدرة بنت اللمة تقولكم هدا لفطور انا درتوا و هي نهار كامل مقابلة الميكرو

و السي خونا وليد اللمة نهار كامل و هوا راقد يزيد مع لعشوة يفتح في اللمة يخربشلوا شوية و كي يوصل لفطووور يهد الحالة على قرعة قازوز

و الله حالةةةةةةةةةةةةة
و رمضان في اللمة غير خاوتي
الصباح تلقى اللمة كاين حبة و زوج الغاشي كامل تكون في سباااااااااات عميق
توصل 12 يجيوو الفحلات يسقسيو بعضاهم وشرايحين تديروا لفطور كل وحدة تقول وشراهي مجهزة
و تبدا هادي من لهنا و هادي من لهيه
و صفحة الدردشة راهي تغلي يكون الصرااااااع تم كل واحد يقصف في خووه غالبهم رمضان مساكن
تروح لقسم النكت تشبع ضحك سيرتوا مع الخداع مآلك يديرنا وحد لومبيوص مكاش كيفا يعيطه الصحة
نروحوا لاقسام الطبخ يااااااااااه يرجعوا الريوق يسيلو حشاكم من شدة الجوووووع و لايستوما تقرزط ههههههه
تصيب هادي تحلية هادي كرام ديسار هادو تاختوات هادا جي هدا مقروط هدا لهيك و هدا لهنا
الشربة + الحريرة و البوراك و البريكة و الياجورة هههههه
و الكباب و طاجين الزيتون و طاجين لحلوووووو و العصبان و الدوراة
من كل خير تصيبوا
بلا مننساو السلالالالالالالالاطة من كل نوع
وين تروح تصيب لومبيونص في رمضان
دآآآآآآآآآآآآآآخل اللمة
ضحك و تمهبيل و اخوووووووووة عالية جداا
كي توصل السهرة كاين لي يروحوا يصلوو التروايح و كاين لي يتمركزوا هنا في اللمة
عين في باب الحارة و عين في اللمة ههخخخخخخخخخخ

لي كومنتار من كل الاشكال تلقى تاع الفرحة و تاع المقنوطين لي مزال مخرجوش محبوسين في الدار
و كي يرجعوا من السهرة تشوف غير صور الشاي و الزلابية و قلب اللوز
تقول زعماكي شغل بالصح راهم ياكلوووووووووووو و هوما غير الصوووووووووور تخبط

و ربي يفرحكم يا لحباب
و ان شاء الله يكون رمضان هاد العام رمضان غير
خاصة كاين اعضاء جدد اثبتوا جدارتهم و كتبوا اسماءهم باحرف من ذهب

كل واحد يوقلنا راي في رمضان داخل اللمة ؟؟
و واش هو اكثر شيء يعجبكم في يامات رمضان ؟؟


في امان الله
دعواتكم​

 

[شاعرة الأمل]

رد: رمضــــآن و الشعب الجزائري

ايه يا اسماء وعلاه توشيلي فلي سونتيمون
انا معشتش رمضان داخل اللمة ويبانلي شباب لانو الايام العاديين وهايلين
فما بالك برمضان مي دوماج ماراحش نعيشو معاك لانو راح نغيب
ايه انا رمضان يعجبني نتوب فيه بزاف نولي ربيعة العدوية خخخخخخخخخ
المهم رمضان كلو حلى لانو تكون فيه اللمة وداك الجو العائلي والسهرات ويا عيني
موضوعك حلو متلك وشيق
تقبلي مروري بسيف عليك دمتي بسلامة ايه قريب نسيت ربي ينجحنا كامل للباك
او ماندعيلكش ليك وحدك نون بدراهم
يا تبقاي على خير وصلي سلامي لداركم كامل ايا باي
​

 

[زهرة اللمة]

رد: رمضــــآن و الشعب الجزائري

و الله شوقتيني لان هذا اول رمضااان راح نعقبوااا معاااكم

و كيما علابالك هذاا العام نديروااا حالة هههههههههههههههههههههههههه

ربي يوفقك و نفرحوا بيك ان شااء الله

 

[AmiR@RoRo]

رد: رمضــــآن و الشعب الجزائري

السلام عليكم
اولا اسوم ربي يوفقك حبيبتي ويسهلك امورك وتفرحي وتفرحينا معاك

بون بالعودة لموضوعك

رمضان فاللمة هايل مليار ههه نفوتوها علاما
صباح ماكان تا واحد لي راقد راقد ولي مدوخ مدوخ ولي يتقابض يتقابض ههه
مبعدا يبداو الحراير يدورو فاقسام الطبخ ويحوسو على شي وصفات باش يديروهم للفطور
جوايه العصر هكداك تبدا الحاله تنشط
نشفى على مسابقة رمضانيات اللمة لي كل مرة ينشطها واحد ويحطلنا اسئلة ولي يجاوب عند نقط ربح
كنا نظلو مدابزين مع اشواق كانت عندها النت طيارة وديما هي اول وحدة تجاوب بلا ما تخلينا فرصة ههههه ( حاولي علينا هاد السنة ختي اشواق :p ) + كانت المسابقة تندار في وقت شوي حساس هه يعني وقت لي تكون ناس كامل فالكوزينة مع توجاد ماكانتش فرصة كانت عين عالكوزينة وعين على الاسئلة ههه
يجي وقت الفطور وندخلو كامل نفطرو عند عضوة كل يوم تعرضنا وحدة نفطرو عندها ونسهرو عندها ونغسلو معاها لماعين ونكملوها سهرة ههه

ممم يعجبني رمضان كلو كلو
واكتر وقت يعجبني كي ياذن المغرب هههه (بلاكي تحسبيني ناكل بزاف انا نشرب الما برك من بعد عاد نتعشى ههه)
ديفوا نخرجو نسهرو يا اما عند الحبابات يا اما فبلايص وين الماناج ولا
واكي تعرفي مبعدا فليل قراءة القران نتلمو مع بعض وكامل
وكي نكملو نرجع ندور فاللمة والنت ونجيبها سهرة للصباح لحتى نتسحرو ونصلو ونزيد نقعد شوي عاد نرقد مانقدرش نرقد ونعاود نوض
وصباح نوض 9 نسيق ولا لي كاين ونرجع نرقد ههه وكي يجي وقت الكوزينة ونرجع وهكا لحتى يخلاص سيدنا رمضان
راني حكيت حياتي علابالي طولت هههه الله غالب من كتر الحماس ماحبستش
عاد كون درت على روحي مزال باقي وش نحكي بالتفصيل هههه
صحيتي اسوم

الله يبلغنا واياكم
ســـــــــــــــــــلآم

 

[السلطانة]

رد: رمضــــآن و الشعب الجزائري

وعليكم السلام يعطيك الصحة :thumb_up02:
كل واحد يوقلنا راي في رمضان داخل اللمة ؟؟
رمضان في اللمة 4444444444444444444444
و واش هو اكثر شيء يعجبكم في يامات رمضان ؟؟
الصيام والقيام والرحمة وصلة الرحم
جو عائلي وفي اللمة يتلم الشمل ونستفيد من المواضيع الدينية ومواضيع الطبخ ووو الخ
اللهم بلغنا رمضان
​

 

[أم الأولاد]

رد: رمضــــآن و الشعب الجزائري

العام الماضي في رمضان كنت نشارك في ركن الطبخ

ان شاءالله هذا العام نكون حاضرة اكثر



اللهم بلغنا رمضان واحفظ لنا لمتنا

 

[لاريمان]

رد: رمضــــآن و الشعب الجزائري

اللهم بلغنا رمضان لا فاقدين ولامفقودين

 

[ثقتي بالله كبيرة]

رد: رمضــــآن و الشعب الجزائري

]هذا اول رمضان نجوزو معاكم هنا فاللمة.ربي يلاقينا على خير

 

[¬Đỉaмơŋđ ✿]

رد: رمضــــآن و الشعب الجزائري

وعليكم السلام ورحمة الله تعالى وبركاته

رمضآن فاللمة عندو طآبع خآص ماتلقايهش في بلآصة وحد أخرى
الحآجة اللي مليحة فيه هو الجو الأسري بين منتسبيه سواءً إدارة أو أعضاء
تحس روحك في دارك بين ناسك وحبابك لومبيونس،الضحك...
ربي يبلغنا رمضان لافاقدين ولامفقودين
ونصوموه على الشكل المطلوب بإذن الله
​

 

[فيتامين سي]

رد: رمضــــآن و الشعب الجزائري

جيييييت
هذا اول رمضان تشوفوني بصح ماشي اول رمضان نشوفكم كنت عايشة وراء الكواليس و هذا العام باذن الله نفوته معاكم نتعلمو منكم و ندو الاجر و مسابقات رمضانية و القران ان شاء الله من كل حاجة ندو شوية
رمضان غير مع اللمة
...
ربي يدخلو علينا بالصحة و الستر

 

[سكون الفجر]

رد: رمضــــآن و الشعب الجزائري

السلاااام عليكم ورحمة الله وبركاته
والله ذكرتيني في السنة الماضية، كانت اول سنة اقضي رمضان مع اللمة واحبابي في اللمة
يا اختي رمضان في اللمة غييييير وخصوصاً النشاط والترفيه والتذكير والموعظة الحسنة
ومثلما قلتي المطبخ هذا اعشقه في رمضان فالأخوات ما شاء الله عليهم
واقسام رمضان هي اكثر الاقسام روووعة في المنتدى
بارك الله فيكِ عزيزتي على تجهيزنا نفسياً لتلك الايام السعيدة

احبكم في الله

 

[zohor kfz]

رد: رمضــــآن و الشعب الجزائري

هذا اول رمضان لي ان شاء الله في اللمة و راكي شوقتيني ليه و مزية راكي قلتينا بلي كاين اطباق تنزل كل يوم هكذا متبحرناش اسم نطيبو كل يوم
و الله يدخلو علينابالصحة و الهناء

 

[assma 10]

رد: رمضــــآن و الشعب الجزائري

شوقتيني انا عضوة جديدة ونتمنى نفيدكم وتفيدوني خاوتي وتقبل الله صيامنا :$:$:$