قدّم شوي ارواح تشوف

[السلطانة]

السلام عليكم ورحمة الله وبركاته

وكيما كان الحال وكتبت موضوع على النت من وقت 2007
اليوم جبتلكم سوجي خلاف لي هو

الحياة قبل ماتدخل النت في دزاير
قبل 2007

هيا نرجعو شوي للور
والناس لي متحبش تتفكر الأرشيف هاو مكرا فيكم هاذا الموضوع

وقت 2001 زعم الوقت هاذا دخل فيه مايسمى بالنيميرك ورا لانالوجيك :tongue02:
أيا وقتها كنت نقرى في ال c.e.m
داك الوقت ماكانوش بنات الجزايريات يتحجبو كيما دركا مي كان كاين الحشمة الحيا كثر من درك لي دايرين شليgة فوق راسهم بلافايدة كنا نلبسو a la mode lol

الوقت هاذاك لانت لازوج
ال tv والتيليفون فيكس والقدام هههههههه ديجا البورتابل مازال ماشاع

الوقت هاذا فرحنا بالpارابول
ايا سيدي وكنا نحكمو دي شان معينيين برك
ولاشان لي ممننساهاش كانت لبنانية واسمها mtv
كانت فيها حصة مايطلبه المشاهدون هههههههههههههه
كنت كل يوم نسنى ال02 تاع لعشية تجي باه نشوفها كانو فيها 3 مذيعات
زينات زعم: ألو: ميين مين معك رولا ونادين ونانسي خخخخخخخخ هيا لي يتفكرهم نستعرف بيه

في قناة مصرية تاني كانت حصة سباق الاغاني ولاواش هههههه
وكانو يديرو 10 حسب الترتيب
وكنا نسناو الجديد باه نشوفوه الفيديو كليب يا momi
وقت هشام عباس ولغنية تاع الهنودا وعمرو دياب نوال الزغبي واصالة ولاكليك
تبا قبل مايتحلبو ويديرلهم الروتور داج كيما دركا

ومرة قعدت وحدي في الدار قررت باه نعيط لهاذي الحصة
ورن التيليفون طييييييييييييييط طييييييييط شبعت سعادة
حكيت مع المذيعة شوي ألو ألو أنا من الجزائر وفصل الخط يومها غاضتني روحي
ولعشية ديت بخصة من عند يما وبابا
كي بخص بيا خويا قالهم راهي خسرتنا في الدراهم وعيطت لمصر

حكمني بابا يابنت الإيه واش داك للفيكس

وانا كان حلمي نسمع صوتي في الحصة ومن داك يشوفوني صحاباتي في السيام ونرجع مشهورة ههههه برك
حاجة خلاف نشفالها كي كان يصوني الفيكس في الدار
تيرن تيرن
نهز عليهم ونقول لماما راهي تعيطلك خالتي ههههههههه
ويبقاو يحكيو زعم
وقتها كان الفيكس عزيز

ومنحكيلكمش على مجلة بانوراما والجميلة ههههههههههههه
كنا نشريوهم اسبوعيا
خطراكش معندناش النت تشغلنا كيما دركا
كنا نعمرو بيهم وقتنا حتى الجورنال وقتها كان عزيز
كنت نسلف المجلات لصحاباتي تاني وهوما يسلفولي ههه
درت انا وبنت خالتي روجيستر قد الصخط عمرناه تصاور من المجلات ههههههههه نلصقو بالسكوتش وكانت تبانلنا حاجة كبيرة
وكان عندنا ميكرو العملاق الابيض مي بلا نت
كنا نشريو الاسطوانات برك ونحطوهم خخخ مي منخدموش بيه بزاف مين داك بابا يفتحو ويروح يكتب فيه ويحب يتعلم
يخي طوايش كنا نحشّمو

المهم جوزت فترة السيام طلعت لليسي وهنا تحلبنا شويا هههههه
ظهر مايسمى ب cd
ولطفي دوبل كانو

وشكون ميشفاش
ل كوشمار حياتي كاملة دمّار
ل صحاب الهفّ
صحاب الموني موني
صحاب الكتف
زعما شوفني ويني ويني :bravo01:
ويخي kavi راني جارتك فطيمة لي تسكن بحدا السيبار كافي :tongue02:
نسلفو لي سيدي من عند بعضانا في لكلاصة وغدوة من داك نصبحو نحكيو على الألبوم

ومنحكيلكمش على الطاكسي فون لي كانو يعيطو منو هههههههههههه
مرة على مرة يكلمونا في الدار
االو انتي هي سعاد
لامنيش راني غالط بعد زوج دقايق يعاود يقولك راني حاب نتعرف ههههههههههههههههههه
يخي عفسة قديمة يخي

وكي ظهر البورتابل هيا 2004 2005 بدات الحياة تزيد تتبدل
ظهر الساجام والجدرا هاداك سامسونغ هههههههههههههههه لي يشعل بالضو خضر
والنوكيا
كان ال bipوقتها حاجة كبيرة ههه
وظهرو الناس لي يديرو نوامر من راسهم ويعيطو يتعرفو
وهام مازالو لدرك لاتحسبو انقارضو ههه

وتيمو حبيب القلب هههههههههههههه
لي دوّخ البنات عليه
تشفاولو !!!!!!!!!!

المهم هاذا الوقت تاني كانت ليه بصمتو الخاصة
ووقتها كنا نسمعو الغنا ومكناش عارفين بلي راه حرام والحمد لله كبرنا وعرفنا
بقات ذكريات جميلة
هيا الناس لي عاشت الوقت هاذا تدخل تهدر شوي والناس لي ماعاشتش تاني تقدر تهدر

سلام


​

 

[شاعرة الأمل]

رد: قدّم شوي ارواح تشوف

سلام حبيبتي
ههههه والله ضحكتيني خاصة كي دكرتي العملاق الابيض هههه
يعطيك الخير والله صح ايام فاتو كان عند ماما تلفون ميلسون ههه
كنت نهزو ونزوخ بيه على لبنات انا ماما عنها تلفون
صح يامات زمان كان عندهم بنة وانا مالحقتش بزاف عليهم مي ماشي كيما تاع ضرك
تمديلي ساجام يهرب يدير في بالو قنبلة
والله ايام لا تنسى كنا نروحو لداك العملاق الابيض هههه ونفتحو الوارد ونبداو نكتبو تجينا حاجة كبيرة
وعلى مجلة بانوراما نشفى معلمة تاع الابتدائي تداوست هي وصحبتها على جال المجلة ههه خخخ قاتلها شريتها غالية وماحبيتيش ترديهالي
موضوعك هايل اختي الله يخليك ويحميك
تقبلي مروري
سلام​

 

[إلياس]

رد: قدّم شوي ارواح تشوف

ربي خير في هذه الدنيا

 

[السلطانة]

رد: قدّم شوي ارواح تشوف

سلام حبيبتي
ههههه والله ضحكتيني خاصة كي دكرتي العملاق الابيض هههه
يعطيك الخير والله صح ايام فاتو كان عند ماما تلفون ميلسون ههه
كنت نهزو ونزوخ بيه على لبنات انا ماما عنها تلفون
صح يامات زمان كان عندهم بنة وانا مالحقتش بزاف عليهم مي ماشي كيما تاع ضرك
تمديلي ساجام يهرب يدير في بالو قنبلة
والله ايام لا تنسى كنا نروحو لداك العملاق الابيض هههه ونفتحو الوارد ونبداو نكتبو تجينا حاجة كبيرة
وعلى مجلة بانوراما نشفى معلمة تاع الابتدائي تداوست هي وصحبتها على جال المجلة ههه خخخ قاتلها شريتها غالية وماحبيتيش ترديهالي
موضوعك هايل اختي الله يخليك ويحميك
تقبلي مروري
سلام​

اهلا بيك عزيزتي
الميلسون ومادار ههههههههههههههه سورتو كي راه ميتكسرش كي يطيح ولي سونري تاعو يايوما ههههههههههه كنا نضلو نسمعو فيهم ولي ميساج ايماج نشفى لتاع الزهرة ومعرف واش ههههههههههههه نفرحو كي نبعثوهم
المعلمة تاعك زيها كانت مهووسة بالمجلات خخخخخخخخخخخخخخخخخخخ يخي حالة
يعطيك الصحة على المرور الطيب

 

[السلطانة]

رد: قدّم شوي ارواح تشوف

ربي خير في هذه الدنيا

رد خارج عن الموضوع

- نقطة في الاختبار :sport01:

اكيد ربي خير ياريت رديت حسب فكرة الموضوع انت بنتلي قريت السطر الاخير برك :d

على كل حال نورت خويا

 

[أم منيــــــر]

رد: قدّم شوي ارواح تشوف

السلام عليكم
و الله يا ام ياسمين رجعتينا للزمن الجميل
و انا رايحة نزيد نديكم لقدام شويا بلاك انت كنت ما زال ما جيتيش للدنيا

مع سنة 80 او 81 دخلنا الفيكس للدار و كان حدث عظيم و كي يرن رواحي تشوفي السباق
كانت اختي اكبر مني بعامين و كنا ما زلنا طفلتين و كانت دارنا فيها طابق ارضي و طابق علوي
و التلفون كان في الطابق العلوي امالا كي يبدا يصوني يبدا السباق هي تجبد فيا و انا نجبد فيها و احنا دايرين حالة في الدروج باش نردو على التلفون و مرات كنا كي نوصلولو نلقاوه حبس
و الله ايامات حلوة
و في بداية التسعينات دخل البارابول كوليكتيف و كنا نحكمو قنوات محدودة اكثرها فرنسية و نهار زادونا الامبيسي واش نقولك العييييييييييييد
و شفنا العالم العربي من خلالها و عرفنا بزاف صوالح و كانت حصة ما يطلبه المشاهدون تقدمها رانيا برغوت و كنا نستاوها نهار الجمعة كي شغل حاجة كبيرة
و لي كانت تعجبني بزاف صلاة التراويح من مكة لي شفناها اول مرة في امبيسي
كنت ندابز انا و خويا اصغر مني هو يحب يتفرج دزاير و انا نحب نشوف التراويح
و كان وقتها عندنا تلفزيون واحد و الكل داير بيه
اما اليوم كل غرفة بتلفزيون و الناس ماشي هانية
يا حسراه كانت ايام حلوة و اي حاجة تفرحنا و اليوم كامل التطور و الخير لي لحقنالو تلقاي الانسان قلبو دايمن مقبوض و جامي يكون صاتيسفي كما يقولو
يعطيك الصحة ام ياسمين و ربي يحفظلك ياسمين تكبر و تحكيلها ذكرياتك الحلوة
​

 

[السلطانة]

رد: قدّم شوي ارواح تشوف

حالياً الأعضاء النشيطين الذين يشاهدون هذا الموضوع: 26 (2 عضو و 24 ضيف) ‏أم ياسمينdz, ‏Hiba habouba




​

 

[أم منيــــــر]

رد: قدّم شوي ارواح تشوف

حالياً الأعضاء النشيطين الذين يشاهدون هذا الموضوع: 34 (2 عضو و 32 ضيف) ‏أم منيــــــر, ‏Hiba habouba

 

[قرصان الساحل]

رد: قدّم شوي ارواح تشوف

هيا نرجعو شوي للور
والناس لي متحبش تتفكر الأرشيف هاو مكرا فيكم هاذا الموضوع
ايه زيديهم يستاهلو ياك قالك دولة بدون تاريخ معندهاش مستقبل ... ايه ارشيف ولا انا نسميه الربج خير ربجتي الحالة كاملة باه تعاودي تنقبي على الجراح
معليش والله نقرا في موضوعك ونتفكر في ليام نوار اي بلان نهار دخل البارابول وسقسيت على سبايس تون ولقيت لي كوميك من صباح العشية ايامات كانت الجزيرة الرياضية وارتي مفتوحين ولي ماتش وووواااااووو زمن لا ينتهي سيدتي
ههه اغنية هشام عباس تاع الهنودا ناري ناري ناري من جمالو دارت سوكسي كبير هداك الوقت والله يا دوبل كانو تاع هداك لي لقى روحو يعشق في فطيمة وداوه لسبيطار لمهابل مع لخر الوقت هداك كان الوالكمان لتشفاي اللي يكسبو هو القوة هو الشاااااااااف هو امبراطور زمانو.
ايه قبل ما يجي تلفون كان عشق تاع البروات تحت الطابلة وادا فاقو بوحدة بعثلها واحد برية ياك ليسي كامل تسمع وتبدا تشوف فيهم واحد شوفة هههه يا حسراه
ايه ومبعدا جات الساجام x1 x2 x5 ههه ماشي كيما دوك ولات غلاكسي اس 5 و اس 6 ناس كامل دير لاشان باه تلعب دودة في الميل صون ههه يا حسراه
ايه وقت جميل ام ياسمين ... ليت شباب يعود يوما ههه هرمنا
يعطيك الصحة والله موضوع قمة رجعتيني لهادوك ليام وعشتهم معاك
مشكوووووورة اختي
​

 

[فيتامين سي]

رد: قدّم شوي ارواح تشوف

يامات بزاف شابين ...كنت رايحة ندخل السنة أولى /2001/
و جداتي تمدلي في السكر مفهمتش علاش بلاك باش نولي مجتهدة
ايه البرابول دخلناه كنت كبيرة **الفقر و السعادة**
المهم نعقل كنت نهدر بالالف و الحاء و العين في بلاصت الخاء و الغين و القاف هههه من بكري قافزة
.............................................................
اكديلي على هيا نرجعو شوي للور
والناس لي متحبش تتفكر الأرشيف هاو مكرا فيكم هاذا الموضوع


قصف تلاتي الابعاد

 

[ليليا مرام]

رد: قدّم شوي ارواح تشوف

السلام عليكم اختي ام يسمين
وعلاه تقلبي علينا المواجع انا اختك وتفكرينا باللي شرفنا وخرفنا وااااااااااع اللس قلتيه كلو نتفكرو بالدقيقة والله كانت يمات حلوة ياه اييه الفيكس انا كنت دايرة بيه رايي وشعال منت نعيط للحماية مدنية ههههه ومرة حصلت فال 17 ورفدو عليا لجوندارم وانا نكوبي وما بغاش يتكوبا وواحد ذلني انا نبكي وهو يضحك ويقولي تحبي ندوك للحبس ازعاج السلطات وانا نقولو يا عمو والله ما بالعاني غلطت فالرقم واااااااااع الاجرام كنت نروح للفيكس برا فالزنقة ويسرقلي الصرف ونبدا نضرب فيه بالركلة حتى يخرجو دراهمي ونعيط للدار ماما واش راكي ديري تقولي ارجعي يا كذا وكذا تشبعني سب اييه والصي دي حنا كنا عشاق حسني فالليسي واش نقولك البكا والخنونة والمشاور وهذي وردة حمرا والغنية اللي تخرج الشاطرة اول وحدة تجيب الصي دي نتاعها وكان عندي نشفالو والكمان ويقرا لي صيدي كان غالي ذاك الوقت شريتو من سطيف البنات يشيتولي باه نسلفهولهم وانا والو ما نبغيش ودوبياس اي كوزين وين نديرك آزين وييييييين وذا زهري وذا زهري ............اييه الله يرحمك يا حسني الصراحة لضرك نموت على غناه وقت الحب كان حب صح
نقولك والله الوقت اللي يروح ما راحش يرجع وصح توحشنا اليمات ذوك
شكرا لك

 

[الورد الأحمر]

رد: قدّم شوي ارواح تشوف

السلام عليكم

هههه قريب الموضوع من ساعة بالاك وبقيت مشغولة في الكوزينة وهذا وين تفرغت تعرفي رانا جيل يدخل للكوزينة بالميكرو ويكون آجوغ مي ما يردش برك خخخخ هكاك وحرقت الكاوكاو تبا لي تالمون تهت مع اللمة هههه ... يا الزمان يا الزمان ... أنا نتفكر ما يطلبه المشاهدون مع رانية هههه بعد لغناية هك ما يطلبه المشاهدون ما يطلبه المشاهدون مع رانية رانية أطلبوووه ... ومعرف واش التكملة ههه ... وقوقع في الموقع كيما تسميه الميكرو هذاك بو ظهر محدب يجي بيض وما عندو حتى معنى فيه غير الوورد والباينت ولي جو تاع زمان خخخخ ... ونهار خرجو لي تيليفون بوغطابل هههه زعمة أنا سعيت أول بوغطابل مدهولي بابا كان تاعو جابهولو خالي من لندن كنت أنا التوب في صحاباتي ووقتها تالمون الشعب مازال ما تأقلم مع التيليفون بوغطابل تلقاه يعيطلك للفيكس وينسى روحو يسقسيك وين راك ؟ هههه راني عند لاكوافوز مطولة برك الكابل تاع الفيكس ؟؟؟ خخخخ وكنت نموت على نتمسخر بالفيكس نشفى لوحدة كنت نعيطلها مرا كبيرة ونطلها لغنا تاع لهنودة تولي تقولي شوفي نروح نطيب لغذا ومن بعد عاوديلي زيدي شوفيلي وحدة خلاف هههه وكانت تقولي واش اسمك نقوللها اسم وحدة قرات معايا معرف علاه لدرك مازلت حافظة اسمها ههه ولا المسابقات تاع التيليفيزيون كنت نتلاح لتاع اليتيمة تاع المسلسلات المكسيكية المدبلجة يخي كل ما تفض الحلقة يديرو السؤال وأنا نجري نعيط خخخ وكان عندنا الفيكس هذاك أبو عجلة هههه لي ما نقدرش نضغط فيه على الدياز بصح كنت كل يوم نجرب نقول بالاك ينفع ويخي العجلة هذيك في الرجعة تدير حس كبير وتسقسي ماما شكووووون في الفيكس وأنا نضرب الطلسة هههه وكي تجي الفاكتيغ غالية يقول بابا واش هذا ما نحكيوش بيه بصح تجي غالية وأنا نطلس هههه ومن بعد كي كبرنا وفضينا النش هذا قالنا نتفكر نهار كانت تجيني الفاكتيغ غالية ساعات كنت نقول بالاك تشاركو في المسابقات تاع التيليفيزيون وقتها ما حكمتش رحي وضحكت قلتلو هذيك هي ولا يضحك عليا يخي فاتو سنين ما جاتش يتغشش ههههه ... والمجلات ما تبعتهمش والجرنان كنت نقرا فيه طلبات الزواج باش نضحك هههه كامل أنا فتاة جميلة وكي عادو جميلات علاش ما شافوهمش حتى يجو يطلبو الزواج من الجرنان ههههه ... وواش كنت نحب نتفرج القنوات تاع لغنى ومن بعد يخي تبدلت الحالة كي دخلت روبي وماريا ودانا للمجال هههه وولا اللعب يحماض :p ... بصح كانو يامات حلوين نفضلهم على يامات درك تاع كلش متوفر بصح حاكمتنا قلقة عظيمة ... وتبا لك في لافان خخخخ

 

[الورد الأحمر]

رد: قدّم شوي ارواح تشوف

السلام عليكم اختي ام يسمين
وعلاه تقلبي علينا المواجع انا اختك وتفكرينا باللي شرفنا وخرفنا وااااااااااع اللس قلتيه كلو نتفكرو بالدقيقة والله كانت يمات حلوة ياه اييه الفيكس انا كنت دايرة بيه رايي وشعال منت نعيط للحماية مدنية ههههه ومرة حصلت فال 17 ورفدو عليا لجوندارم وانا نكوبي وما بغاش يتكوبا وواحد ذلني انا نبكي وهو يضحك ويقولي تحبي ندوك للحبس ازعاج السلطات وانا نقولو يا عمو والله ما بالعاني غلطت فالرقم واااااااااع الاجرام كنت نروح للفيكس برا فالزنقة ويسرقلي الصرف ونبدا نضرب فيه بالركلة حتى يخرجو دراهمي ونعيط للدار ماما واش راكي ديري تقولي ارجعي يا كذا وكذا تشبعني سب اييه والصي دي حنا كنا عشاق حسني فالليسي واش نقولك البكا والخنونة والمشاور وهذي وردة حمرا والغنية اللي تخرج الشاطرة اول وحدة تجيب الصي دي نتاعها وكان عندي نشفالو والكمان ويقرا لي صيدي كان غالي ذاك الوقت شريتو من سطيف البنات يشيتولي باه نسلفهولهم وانا والو ما نبغيش ودوبياس اي كوزين وين نديرك آزين وييييييين وذا زهري وذا زهري ............اييه الله يرحمك يا حسني الصراحة لضرك نموت على غناه وقت الحب كان حب صح
نقولك والله الوقت اللي يروح ما راحش يرجع وصح توحشنا اليمات ذوك
شكرا لك

هههههههههههههه يا طفلة منين تجيبي في الهدرة انتي هههه ضحكتيني بعد كي فكرتيني في الوالكمان يا حسرااااه خخخخخ وكي يطيحو ليبيل تولي الموسيقى فيه مش مفهومة لا راهي موسيقى بآلات موسيقية ولا بلكساكس ولفراشط خخخخ ... والسي دي نهار خرج زعمة واحد يخدم مع بنت عمي جاب سي دي فرحان فيه لغنا وحطو في الميكرو وخلاه يغني كي كملو لغنايات قاللها قلبي قلبي السي دي هههه يحسب كيما الكاسات :p خخخخ وحد الزمان فوغميدابل

 

[ليليا مرام]

رد: قدّم شوي ارواح تشوف

هههههههههههههه يا طفلة منين تجيبي في الهدرة انتي هههه ضحكتيني بعد كي فكرتيني في الوالكمان يا حسرااااه خخخخخ وكي يطيحو ليبيل تولي الموسيقى فيه مش مفهومة لا راهي موسيقى بآلات موسيقية ولا بلكساكس ولفراشط خخخخ ... والسي دي نهار خرج زعمة واحد يخدم مع بنت عمي جاب سي دي فرحان فيه لغنا وحطو في الميكرو وخلاه يغني كي كملو لغنايات قاللها قلبي قلبي السي دي هههه يحسب كيما الكاسات :p خخخخ وحد الزمان فوغميدابل

شفت الوالكمان كي يموتو ليبيل تحطي حسني ويخلاص بالرميتي يولي يعقن فورحو انا كنت نحساب المغني راح يموت :d:d ما كنتش نعرف ايام البراءة
اييه على اقلبي اقلبي ذاك ديتو لليسي واول مرة نحطلهم سي دي قاتلي الطفلة اقلبي قتلها يقلب مصارنك راهم هوما هاكا جهة وحدة هذا اختراع جديد تعلمي :yahoo01:
:yahoo01:
يمات حلوين والله ما يرجعو كرطابي كلو ليبيل وزريعة تشغيل الشباب نمشي ونفصص ونسمع فالغنا اييه وكبرنا وعرفنا الغلاط والصح الدنيا جرات واااااااااع انا اذا انتحرت سبابي ام يسمين :cray02:

 

[شمس الاصيل2]

رد: قدّم شوي ارواح تشوف

السلام نخلص الملايير ونرجع لداك الزمان كانت كل حاجة حلوه مي دركا كلش كاين وصامط شكرا ام ياسمين ديتينا في رحلة زمنية

 

[دعاء الجنات]

رد: قدّم شوي ارواح تشوف

سلاااام
موضوع جمييييييل جداااااا
ويشرفني نشارك
ونتفكر يامات زمان
ايا كيما جا "بارابول" حنا آخر من شراه في الجزائر كامل (^_^) علا خاطر وحد المرة كنت عند دار صحاباتي كنت نتفرج رسوم ومن بعد قلت اواه نروح نكملو في الدار..
وكي روحت للدار لقيت شريط
آو... وين راح الرسوم ؟؟؟
هاذيك أول مرة نعرف بلي الناس كان عندهوم البارابول وحنا مازال
ماعليش نروحو للفيكس تلفون
كانت يما كي تحب تعيط لجداتي حنا ماعندناش
حتى تروح لعند عمتي مرفهة كاسبة تلفون تروح...
وانا نكره حياتي تڨصر معاها حتى تكره ومن بعد تقول لها حبيت نعيط ليما بهاتف خالتي
وكانت خالتي هي الوحيدة لي عندها بورطابل ...
وكي شرات امي تلفون sagam x1 هههههه والله ماننسا
والله ماتخلينا نمسو فيه تقتلنا لوكان نمسوه ...تخاف عليه
ايه يامات شابة .....
شكرا كي فكرتينا.​

 

[السلطانة]

رد: قدّم شوي ارواح تشوف

السلام عليكم
و الله يا ام ياسمين رجعتينا للزمن الجميل
و انا رايحة نزيد نديكم لقدام شويا بلاك انت كنت ما زال ما جيتيش للدنيا

مع سنة 80 او 81 دخلنا الفيكس للدار و كان حدث عظيم و كي يرن رواحي تشوفي السباق
كانت اختي اكبر مني بعامين و كنا ما زلنا طفلتين و كانت دارنا فيها طابق ارضي و طابق علوي
و التلفون كان في الطابق العلوي امالا كي يبدا يصوني يبدا السباق هي تجبد فيا و انا نجبد فيها و احنا دايرين حالة في الدروج باش نردو على التلفون و مرات كنا كي نوصلولو نلقاوه حبس
و الله ايامات حلوة
اهلا وسهلا بيك خالتي
هههه وي 80 قبل مانولد انا خلاص
التليفون تاع بكري واش كنت نموت عليه ههه
كان ارشيف عند عمتي لعبت بيه انا وبنتها كي كنا في الابتدائي
و في بداية التسعينات دخل البارابول كوليكتيف و كنا نحكمو قنوات محدودة اكثرها فرنسية و نهار زادونا الامبيسي واش نقولك العييييييييييييد
و شفنا العالم العربي من خلالها و عرفنا بزاف صوالح و كانت حصة ما يطلبه المشاهدون تقدمها رانيا برغوت و كنا نستاوها نهار الجمعة كي شغل حاجة كبيرة
و لي كانت تعجبني بزاف صلاة التراويح من مكة لي شفناها اول مرة في امبيسي
كنت ندابز انا و خويا اصغر مني هو يحب يتفرج دزاير و انا نحب نشوف التراويح
و كان وقتها عندنا تلفزيون واحد و الكل داير بيه
ههههه هاي اول مرة اكتشفتو فيها عادات وتقاليد ناس خلاف
اكيد كل واحد يحب يشوف لي حاب
ورانيا برغوث وقتها كانت كاينة ههه ؟ نحسب فيها صغيرة في العمر مالا راهي كبيرة
اما اليوم كل غرفة بتلفزيون و الناس ماشي هانية
صح درك كل واحد تيلي وكل واحد بورتابل وكل واحد ميكرو والهنا والو لأنو الفايدة ماش في هاذو كل
يا حسراه كانت ايام حلوة و اي حاجة تفرحنا و اليوم كامل التطور و الخير لي لحقنالو تلقاي الانسان قلبو دايمن مقبوض و جامي يكون صاتيسفي كما يقولو
يعطيك الصحة ام ياسمين و ربي يحفظلك ياسمين تكبر و تحكيلها ذكرياتك الحلوة
​

صح بكري كانت البساطة ومع التطور السريع رجعنا كي الروبوات
ربي يستر
امين يارب وربي يحفظلك وليداتك
تحياتي

 

[السلطانة]

رد: قدّم شوي ارواح تشوف

هيا نرجعو شوي للور
والناس لي متحبش تتفكر الأرشيف هاو مكرا فيكم هاذا الموضوع
ايه زيديهم يستاهلو ياك قالك دولة بدون تاريخ معندهاش مستقبل ... ايه ارشيف ولا انا نسميه الربج خير ربجتي الحالة كاملة باه تعاودي تنقبي على الجراح
اهلا خويا الافريقي البائس ههه
والله ضحكتني بكلمة ربج ههههههههههههههههههه نحسب غير ماما تقولها
موالفين نقولوها في الدار كي نعودو نعدلو تقولي اجبدي الربج كل
معليش والله نقرا في موضوعك ونتفكر في ليام نوار اي بلان نهار دخل البارابول وسقسيت على سبايس تون ولقيت لي كوميك من صباح العشية ايامات كانت الجزيرة الرياضية وارتي مفتوحين ولي ماتش وووواااااووو زمن لا ينتهي سيدتي
شغل كنا نفرحو بيهم من نيتنا انجاز كبير ههههههه
ههه اغنية هشام عباس تاع الهنودا ناري ناري ناري من جمالو دارت سوكسي كبير هداك الوقت
كانت واين تمشي تسمعها في لي ديسكوتاك ههههههههههه
كانت تتباع في ليكاسات هههههههه

والله يا دوبل كانو تاع هداك لي لقى روحو يعشق في فطيمة وداوه لسبيطار لمهابل مع لخر الوقت هداك كان الوالكمان لتشفاي اللي يكسبو هو القوة هو الشاااااااااف هو امبراطور زمانو.
ههههههه نشفى على خويا كان صغير ويقولو مالكمان هههههههههه
ودرك كي نجبدهالو يقولي بدلي السوجي برك راكي صامطة :d
ايه قبل ما يجي تلفون كان عشق تاع البروات تحت الطابلة وادا فاقو بوحدة بعثلها واحد برية ياك ليسي كامل تسمع وتبدا تشوف فيهم واحد شوفة هههه يا حسراه
هههه وديجا بعد يتفاهمو البنات ووحدة مابقات تحكي معاها لانها مسوفجة ههه
ايه ومبعدا جات الساجام x1 x2 x5 ههه ماشي كيما دوك ولات غلاكسي اس 5 و اس 6 ناس كامل دير لاشان باه تلعب دودة في الميل صون ههه يا حسراه
الدودة ذيك كانت حاجة كبيرة وشكون لي يفوت السكور كثر من خوه ههههههههه
ايه وقت جميل ام ياسمين ... ليت شباب يعود يوما ههه هرمنا
يعطيك الصحة والله موضوع قمة رجعتيني لهادوك ليام وعشتهم معاك
مشكوووووورة اختي
​

هههه بقاو سوفونيرات :d
شكرا خويا

 

[السلطانة]

رد: قدّم شوي ارواح تشوف

يامات بزاف شابين ...كنت رايحة ندخل السنة أولى /2001/
و جداتي تمدلي في السكر مفهمتش علاش بلاك باش نولي مجتهدة
اهلا بيك
هههه مدتلك السكر باه تحلى ايام الدراسة زعم
ايه البرابول دخلناه كنت كبيرة **الفقر و السعادة**
المهم نعقل كنت نهدر بالالف و الحاء و العين في بلاصت الخاء و الغين و القاف هههه من بكري قافزة
هاذي مفهمتاش ههه واش من لغة كنتي تهدري بيها
.............................................................
اكديلي على هيا نرجعو شوي للور
والناس لي متحبش تتفكر الأرشيف هاو مكرا فيكم هاذا الموضوع
ايه كاين ناس معقدين من الماضي تاعهم ههه

قصف تلاتي الابعاد

شكرا اختي

 

[السلطانة]

رد: قدّم شوي ارواح تشوف

السلام عليكم اختي ام يسمين
وعلاه تقلبي علينا المواجع انا اختك وتفكرينا باللي شرفنا وخرفنا وااااااااااع اللس قلتيه كلو نتفكرو بالدقيقة والله كانت يمات حلوة ياه اييه الفيكس انا كنت دايرة بيه رايي وشعال منت نعيط للحماية مدنية ههههه ومرة حصلت فال 17 ورفدو عليا لجوندارم وانا نكوبي وما بغاش يتكوبا وواحد ذلني انا نبكي وهو يضحك ويقولي تحبي ندوك للحبس ازعاج السلطات وانا نقولو يا عمو والله ما بالعاني غلطت فالرقم واااااااااع الاجرام

اهلا بمزعجة السلطات هههههههههههههه درتي رايك
​

كنت نروح للفيكس برا فالزنقة ويسرقلي الصرف ونبدا نضرب فيه بالركلة حتى يخرجو دراهمي ونعيط للدار ماما واش راكي ديري تقولي ارجعي يا كذا وكذا تشبعني سب اييه

​

فكرتيني في الفيكس تاع الدراهم ههههههههههه
ويخي مباعد عادو يسرقو منو وكسروهم باه خرجو الدراهم خربوهم تقول ماشي عباد
والصي دي حنا كنا عشاق حسني فالليسي واش نقولك البكا والخنونة والمشاور وهذي وردة حمرا والغنية اللي تخرج الشاطرة اول وحدة تجيب الصي دي نتاعها وكان عندي نشفالو والكمان ويقرا لي صيدي كان غالي ذاك الوقت شريتو من سطيف البنات يشيتولي باه نسلفهولهم وانا والو ما نبغيش ودوبياس اي كوزين وين نديرك آزين وييييييين وذا زهري وذا زهري ............اييه الله يرحمك يا حسني الصراحة لضرك نموت على غناه وقت الحب كان حب صح
والله ياحسني الله يرحمو ومادار بالشعب
انا كنت نسمع لدوبل كانو ههه ولا للقور داك الوقت
ملياش في حسني
​

نقولك والله الوقت اللي يروح ما راحش يرجع وصح توحشنا اليمات ذوك
شكرا لك

صح الوقت لي يروح خير منلي يجي
شكرا