كاين و كاين

زاد الرحيل

:: عضو بارز ::
أحباب اللمة
إنضم
14 جوان 2016
المشاركات
4,624
نقاط التفاعل
8,126
النقاط
996
محل الإقامة
الجزائر
الجنس
أنثى
السلام عليكم و رحمة الله تعالى و بركاته
اخواني و اخواتي في الله ، اشتقت لعائلتي اللماوية بعد تغيبي عنها لظروف قاهرة . بصح اليوم حبيت نقول كلام و كلام يدور في خاطري ..استنتجته من الحياة اليومية اللي نعيشوها ، و الامور اللي نلاَحظها.
في مرة من المرات كنا في عيادة خاصة بإجراء عمليات للقلب حيث كان شقيقي الاصغر إسلام في حالة حرجة تتطلب عملية عاجلة ، و لما كنا في القاعة من اجل فحصه يسمى بالكاتي و لما جاء الممرض كان يأخذ الاطفال عراة للتخدير ، فوجد امرأة مانزعتش الملابس لإبنتها ، فقال بنرفزة :" و علاه ماوجدتيهاش " فردت عليه بقوة " ياخي قلت اصبروا مازال " . فتحركت الممرضة الاخرى و حركت حاجبيها لزميلها خفية و قالت له بشوية :"هاذي مرت فلان " فأخفض صوته و قال لها انا ماعلاباليش و راح يسايس فيها مع انو المرأة بمكانة زوجها المرموقة كانت طيبة فأضافت الممرضة لزميلها " كاين و كاين " بمعنى انو كاين ناس في الاعلى و ناس في الاسفل ، لكنها نسات انو كاين اللي اعلى منهم و هو رب العالمين ، و المكانة اللي تحطو فيها راح يتحاسبوا عليها لحظة بلحظة و دينار بدينار " منين جبتهم و وين انفقتهم " و الناس اللي في الاسفل ايضا عندهم رب العالمين يجازيهم يوم القيامة على صبرهم و كل ماقل مالهم قل حسابهم ، و كاين ناس اصحاء طغاو و عاثوا في الارض فسادا و قالوا :"احنا الاقوياء نعفسوا على كل شيء كيعاد قوتنا و صحتنا ما يخلصوش و لخصوها بمعصية الله عز وجل ، و كاين ناس مرضى حاكمين الفراش و المستشفيات خير دليل على ذلك ، يتمناو يمشيو ، يشوفوا ، او يتنفسوا طبيعي حتى لدقائق او يدخلوا المرحاض بشكل طبيعي ( مرضى الكلى) مع ذلك يحمدوا ربي و يشكروه دومًا ، و هو ينقيهم من خطاياهم في الدنيا ، و كاين ناس قلوبهم مليئة بالطيبة و الرحمة ، و ناس قلوبهم مليئة بالحقد و البغض يحبوا يقطعوا عليك حتى الهواء اللي تتنفسه ، و ناس الوظيفة تنتظرهم في الدرج ، و ناس يمضيو حياتهم يبحثوا عليها بشتى الطرق الا المعريفة ، و مايصلولهاش و ما توصلهمش .
يا ترى اين العدل في كل هذا ؟ و اين المساواة ؟
اخيرا عرفت من كلمة الممرضة اللي قالت كاين و كاين قصدت بيها ناس الفوق و ناس التحت ، انا نقول كاين الصالح و كاين الطالح . و كاين الميزان .
 
السلام عليكم
شكرا حبيبتي على الموضوع ربي يهنيك
وللاسف هادي هي الدنيا وحاشاها الدنيا هادو هوما العباد مقسمين الناس لطبقات
مع انو ربي خلقنا سواسية كأسنان المشط والفرق بيناتنا برك هو في التقوى والعمل الصالح ماش في المال والسيارة
لكن الناس عادت تمشي بالمصالح وماش غير في المستشفيات حتى في الجامعات والمدارس والحافلات وخلي وخلي
مادامنا نجريو على الدنيا ما تتحلش الامورن لحسن الحظ انو الحكم والحساب بيد الخالق عز وجل
لأنو عادل ويعطي كل انسان حقو خاطر كن جات بيد البشر كن رانا لحقنا لما هو اسوء
ربي يهديهم برك وربي يهدينا وربي يشفي خوك ان شاء الله ويعافيه ويرزقو الصحة
بالتوفيق غاليتي
 
DaNiAlE AlIkOnT، تم حظره "حظر دائم". السبب: مخالفة القوانين / إستغلال سيء لخاصية المحادثات
وعليكم السلام
العنصرية موجودة عند العرب فقط
كنت عايش عند الكفار ومكان خصني والو
من رجعت لبلاد النفاق الخدمة ومكانش بلاد العرف والعنصرية الاعراب
 
من أمن العقاب أساء الادب ...
لو كان سيحاسب من رب عمله على سؤ تصرفه لما بدرمنه ما بدر ..
لكنه عديها وخليها على الله ...
 
واش راح ديري اختي ياك يقولك الدنيا بالوجوه والآخرة يالافعال
قبل ماتكون طبيب ولا ممرض ولا اي مهنة اخرى .ماتتخلاش على مبادئك كونك انسان .
والله ماكان كيما الكلمة الطيبة والابتسامة الحسنة الانسان يدخل بيها لقلوب الناس .مي واش راح ديري .انا ساعات نتلاقا بوحد العباد نحير فيهم ...
مشكورة على الموضوع اختاه
 
السلام عليكم
شكرا حبيبتي على الموضوع ربي يهنيك
وللاسف هادي هي الدنيا وحاشاها الدنيا هادو هوما العباد مقسمين الناس لطبقات
مع انو ربي خلقنا سواسية كأسنان المشط والفرق بيناتنا برك هو في التقوى والعمل الصالح ماش في المال والسيارة
لكن الناس عادت تمشي بالمصالح وماش غير في المستشفيات حتى في الجامعات والمدارس والحافلات وخلي وخلي
مادامنا نجريو على الدنيا ما تتحلش الامورن لحسن الحظ انو الحكم والحساب بيد الخالق عز وجل
لأنو عادل ويعطي كل انسان حقو خاطر كن جات بيد البشر كن رانا لحقنا لما هو اسوء
ربي يهديهم برك وربي يهدينا وربي يشفي خوك ان شاء الله ويعافيه ويرزقو الصحة
بالتوفيق غاليتي
و عليكم و السلام و رحمة الله تعالى و بركاته
اختي الغالية ان شاء الله تكوني بخير ، نشكرك على مرورك و نشكرك اكثر على مشاركتك اللي اثرات الموضوع و اعطاته بُعد اضافي آخر ، و اللي يوضح انتشار مشكلة الفوارق في شتى الميادين ، و اللي احنا نشجعوها بسكوتنا ، و كما قلتي الفرق الوحيد ببن الناس هو في التقوى و العمل الصالح ، و الله سبحانه و تعالى يمهل و لا يهمل و شر عباد الله من اكرم الغني و أهان الفقير . اما اخي اسلام فهو بخير فالعملية نجحت و لله الحمد و الشكر ، اسأل الله ان يجازيك على سؤالك عليه.
تحياتي
 
وعليكم السلام
العنصرية موجودة عند العرب فقط
كنت عايش عند الكفار ومكان خصني والو
من رجعت لبلاد النفاق الخدمة ومكانش بلاد العرف والعنصرية الاعراب
صحيح عندك الحق في كل ماقلت ، لكن بلادنا مازال فيها الخير و الشر هو اللي غطى على جمالها ، و ايضا هذا مايعنيش انك تستسلم فهذا يعني دليل فشلك ، لازم تقاوم و تثبت وجودك و تتطالب بحقك . اذا مالقيتهش اليوم راح تلقاه غدوا ، المهم تتحرك و انت واثق بلي راح تنتصر . العدل الموجود عند الكفار ماجاش بسهولة،حتى هوما قاوموا لمئات السنين ، كانت عندهم الرأسمالية فحاربوها و ماتوا فيها ناس و ناس حتان قضاو عليها ثم العنصرية . مالا ماتخليش حثالة المجتمع تقضي على حقوقك و شخصيتك .
شكرا
 
من أمن العقاب أساء الادب ...
لو كان سيحاسب من رب عمله على سؤ تصرفه لما بدرمنه ما بدر ..
لكنه عديها وخليها على الله ...
كل انسان يحاسب على عمله لوحده امام رب العالمين ، و ما يشاركوا حتى واحد في ذلك يعني لما نتصرف اي تصرف ما نحطوش في بالنا الخوف من رب العمل او من غيره او فلان ولد فلان ، نحطوا في بالنا الخوف من رب العالمين ، و نقاء الفكر ايضا يخلق قلوب طاهرة ماتعرفش تظلم حتى لو حاولت .
شكرا لك
 
والله هادي دنيا لي رانا عايشين لباس بها ولحمد الله
مي شعب هو فاسد
انا جدي عايش حياتو كامل في فرنسا
وهو يحكي قالي رانا ا عايشين حمد الله نساعدو بعضا لا فقير لا غني كلنا نتساوو في كلش
مي حنا مسلمين نقتاقتلو
لازم يكون غني خير من فقير وهكذا
الله غالب مجتمع فاسد
_اراقي ايها الشعب _
 
واش راح ديري اختي ياك يقولك الدنيا بالوجوه والآخرة يالافعال
قبل ماتكون طبيب ولا ممرض ولا اي مهنة اخرى .ماتتخلاش على مبادئك كونك انسان .
والله ماكان كيما الكلمة الطيبة والابتسامة الحسنة الانسان يدخل بيها لقلوب الناس .مي واش راح ديري .انا ساعات نتلاقا بوحد العباد نحير فيهم ...
مشكورة على الموضوع اختاه
نشكرك غاليتي على مرورك الكريم و على مشاركتك المثرية .
قال رسول الله صلى الله عليه و سلم :" تبسمك في وجه اخيك لك صدقة، و امرك بالمعروف و نهيك عن المنكر لك صدقة .." . و شر عباد الله العبوس الوجه . المهم اختي الغاالية انو الواحد مايرضاش بالذل و الظلم و يبقى ساكت سواء في حقه او في حق واحد ضعيف ، لازم يدافع عن حقه و كرامته حتى نوقفوا هاذوا التصرفات المشينة. اخذنا حريتنا بأكثر من مليون و نصف المليون شهيد ، لكن اليوم نحتاجوا لثورة اخرى بعيدة عن العنف لتحقيق العدل و المساواة في كل المجالات باش نوقفوا كل متعدي على حقوقنا عند حده ، و اذا استمررنا بالسكوت نستاهلوا الذل .
تحياتي
 
نشكرك غاليتي على مرورك الكريم و على مشاركتك المثرية .
قال رسول الله صلى الله عليه و سلم :" تبسمك في وجه اخيك لك صدقة، و امرك بالمعروف و نهيك عن المنكر لك صدقة .." . و شر عباد الله العبوس الوجه . المهم اختي الغاالية انو الواحد مايرضاش بالذل و الظلم و يبقى ساكت سواء في حقه او في حق واحد ضعيف ، لازم يدافع عن حقه و كرامته حتى نوقفوا هاذوا التصرفات المشينة. اخذنا حريتنا بأكثر من مليون و نصف المليون شهيد ، لكن اليوم نحتاجوا لثورة اخرى بعيدة عن العنف لتحقيق العدل و المساواة في كل المجالات باش نوقفوا كل متعدي على حقوقنا عند حده ، و اذا استمررنا بالسكوت نستاهلوا الذل .
تحياتي
ايه اني معاك اختاه في كل كلمة قلتيها .تحياتي لكي أيضا
 
والله هادي دنيا لي رانا عايشين لباس بها ولحمد الله
مي شعب هو فاسد
انا جدي عايش حياتو كامل في فرنسا
وهو يحكي قالي رانا ا عايشين حمد الله نساعدو بعضا لا فقير لا غني كلنا نتساوو في كلش
مي حنا مسلمين نقتاقتلو
لازم يكون غني خير من فقير وهكذا
الله غالب مجتمع فاسد
_اراقي ايها الشعب _
صحيح هناك فساد و لكن ليس في كل الشعب ، هذه الفئة المصابة به تنشر حتى الفساد الفكري ، فالغرب اخذ شريعتنا الاسلامية و طبقها حرفيا لهذا نجد عندهم العدل و المساواة . اما نحن فربي يصلح حالنا و يهدينا .
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top