معلمي القرآن و المدارس القرآنية سلسلة / ناس ملاح City

[Salah eddin]

السلام عليكم و رحمة الله تعالى و بركاته
ناس اللمة ان شاء الله أموركم بخير و عافية
قالو الحمد لله على فضلو اسي ... ااتل قولو الحمد لله
-----
المهم كي العادة ... مرحبا بيكم في عدد جديد من سلسلة

هذي السلسلة الي نشوفو فيها الأمور الايجابية و نشجعو ناسها على المزيد من العطاء
لانو من لا يشكر الناس لا يشكر الله
و موضوع عدد اليوم نشالله ... هو :
--------
" معلمي القرآن و المدارس القرآنية "
--------
بسم الله ... كيما تعرفو يا جماعة الخير ... انو من أهم العلوم الي يتلاقها الانسان المسلم هو علم القرآن ... من تفسير و أحكام

و فقه و كل العلوم الفرعية الي يكون مصدرها و أصلها القرآن الكريم .

و كيما تعرفو ... أنو لطالما كانت المدرسة القرآنية في مناطق الوطن ... رمزا صامدا في وجه كل الامواج

الي كادت و تكاد تعصف بهوية المجتمع المسلم ...

و كي نشوفو و ندورو على مناطق الوطن الواسعة ... نلقاو تقريبا في كل بلدية على الاقل 5 الى 6 مدارس قرآنية ...

و المدارس القرآنية هذي ... مزالو كي بكري ... باللوحة و القلم تاع الدواية ( الحبر الطبيعي ) ... و مزالو بالخميسية

( الخميسية هي التلاميذ يجملو مبلغ معتبر و يقدمه للمعلم بيوم الخيمس ) ...

و مزالو محافظين على الارث الي خلاوه الاجداد ...

و هذي المدارس فيها معلمين قايمين على الخير و قايمين على تحفيظ و تعليم كتاب الله للأجيال الصاعدة ...

و تعب كبير راهم يتعبو فيه ... كاين الي يقرو مع الفجر في البكرة هذيك ...

و كاين الي دايرين برامج يعني بين المغرب و العشاء ... و كاين الي يقرو بع دصلاة العشاء حتى وقت متأخر

و هذا قاع ... فقط باه ما تندثرش هذي السمة و هذا الرمز من المجتمع

و كاين فيهم الي متطوعين برك ... يعني يخدمو لله في سبيل الله بدون مقابل مادي يعينو بيه رواحهم

و نسأل الله ان يجعل ذاك في ميزان الحسنات

لانو صح ... كي نشوفو المجتمع تاعنا ... نلقاو الآفات و نلقاو الناس المدرحين

و نلقاو ياسر أمور تخلينا نقولو ان القيم و المبدائ صاايي انتهكت و ما بقاش

بصح من نسلطو الضوء على مثل هذو الناس ... مثل معلمي القرآن الي مزالو يجاهدو يحاربو في العادات الدخيلة

الي دايما تكاد تعصف بالهوية في سبيل العصرنة و التطور السلبي

امالا من هنا نقدمة تحية تقدير و احترام لكل معلمي القرآن ... و لكل الساهرين على سير المدارس القرآنية

و يستاهلو نصنفوهم ضمن صنف الناس الملاح

و السلام عليكم و رحمة الله تعالى و بركاته







​

 

[Salah eddin]

@حروف تائهة​

@acher.dz
@dahman kz
@فيتامين سي
@حمزةusma
@عمر عبد السلام
@ربي اغفرلي
@{هِشام}
@scorpion16
@باتنية و نص
@الحلم الوردي
@إنسانة ما
@زهور الشوق
@Skor m@k
@sقطر الندىs
@يونس قاسم
@صدام بكل فخر
@madridista
@chirine zina
@بنت سطيف
@ميلينا
@بشرى ملاك
@aYyÖub aDaM
@جيهان جوجو
@لؤلؤة قسنطينة
@امين احمد
@جلال عبدالمنعم
@صمت المشاعر
@theking
@saddek06000
@Ma$Ter
@bassem1618
@BTCMADANI
@hakim story
@Hossam 01
@sanaya
@ليليا مرام
@ماجدة لربها ساجدة
@Soumia hadj mohammed
@Asseli Queen
@نعمات
@أم ياسمينdz
@عآشقة الجنـة
@omaridj27
@NOOR EL Huda
@مكان وزمان
@طموحة
@رضا الرحمان غايتي
@الصراحة راحة
@محمد التبسي
@الامين محمد
@حلم كبير
@الصحافية الساخرة
@Twinkle Stars
@طيب الكلام
@فتحي عاشق الجنه
@عاشقة الإحسان
@صفاءdz
@أم منيــــــر
@Princesse Diyor
@Princess nour
@FADWA maria​

@♥نجلاء♥
@yaso ياسمين
@الورد الأحمر
@جميلة أنا
​

​

​

 

[همس الوُرود]

السلام عليكم
تم الإعتماد
وأعتذر والله ماراني قادرة
بإذن الله لي عودة إن استطعت

 

[Salah eddin]

السلام عليكم
تم الإعتماد
وأعتذر والله ماراني قادرة
بإذن الله لي عودة إن استطعت

و عليكم السلام و رحمة الله
شكرا على الاعتماد
و ربي يجيب الشفا نشالله


​

 

[لؤلؤة قسنطينة]

السلام عليكم
بارك الله فيك خويا صلاح على هذا العدد المميز كغيره من الأعداد السابقة
وبالفعل راك قست فئة مميزة داخل هذا المجتمع ولي هوما معلمي القرآن
أولا لأنهم يعلمو كلام ربي للاطفال وبالتالي كأنهم يزرع بذرة طيبة في المجتمع
خاطر الطفل الواحد لي يتعلم كتاب ربي هاداك القرآن راهو يربيه ويخليه يمشي على الطريق الصحيح
وكذلك قادر الطفل هاداك يكبر ويولي إمام ويزيد يهدي الناس للخير ولدين الحق
يعني هذا طفل واحد برك قادر يهدي أمة فمابالك بمجموعة أطفال
وعلى هادي فيها خير كبير وهي حاجة بالفعل جميلة جدا وسط هذا المجتمع لي ولينا نشوفو فيه غير
الأمور السيئة، ولكن هكاك مازالت ناس تخمم تعلم كلام ربي وحتى بلا مقابل كيما قلت
يعني ناس حابة الآخرة كتر من الدنيا، وربي يكتر من أمثالهم
شكرا خويا صلاح على الموضوع بارك الله فيك
تحياتي

​

 

[dahman kz]

بارك الله فيك خويا صلاح
والمدارس هاذي لعبت دور تعليمي وثقافي كبير زمان الاستعمار الفرنسي و هي للي حافظت على هويتنا الاسلامية من الزوال في هاذيك الفترة وساهمت بدور كبير في مقاومة الاستعمار الفرنسي و في تحرير لبلاد..ومازالت المدارس هاذي تقوم بدور تعليمي كبير الى يومنا هذا.
والمعلمين اجرهم عند ربي كبير ..علمونا وقرونا وربونا ومهما قلنا فيهم مانوفوهمش حقهم .

 

[خووخه]

وعليكم السلام ورحمة الله وبركاته
أخي الكريم @Salah eddin
لا يختلف اثنان على أهمية العمل الجليل الذي يقوم به معلمو القرآن الكريم
فهم وإن لم يحصدوا الثناء على عملهم فلهم ربّ وعدهم بجزيل الثواب
ومدارس تحفيظ القرآن كانت وسوف تظل نبراسا للإسلام وأهله
أسأل الله أن يُوفقهم فيما نذروا أنفسهم له
عن عثمان بن عفان رضي الله عنه قال: قال صلّى الله عليه وسلّم:
((خَيْرُكُمْ مَنْ تَعَلَّمَ الْقُرْآنَ وَعَلَّمَهُ))
رواه البخاري
....
جزاك الله خيرا على جميل الثناء عليهم
تقديري وامتناني
​

 

[زاد الرحيل]

ما شاء الله عليهم ،من أحسن و أفضل الناس و المدارس هذي للاسف عندنا راحت.و بقات المدارس القرأنية انتاع المساجد ،واش كانت القراية مليحة فيهم ،و كان الطالب كي يحفظ يجيب اللوحة انتاعه و ينعتها للناس و يمدوا لو الدراهم
كل يوم يروحوا الحوايج الملاح

 

[أشــواق 19]

وعليكم السلام ورحمة الله وبركاته..
الحمد لله اسي ههه
عدد مميز كي العادة بارك الله فيك..
والله ماشاء الله بكري كنت صغيرة كنت نقرا فيهم وكنا بلوحة ولحبر هذاك وبعدا كنكملو الحفظ يديرنا شيخ حلقة ونقراو حزب كامل مع بعض...دكا تبدلو ورجعو مدارس قرأنية ومبقاتش كاينة اللوحة ووو...مي لمهم مزالو محافظين على تعليم القران جيل يعلم جيل...وهذي حاجة مليحة...لقوله صلى الله عليه وسلم "خيركم من تعلم القران وعلمه"...!
شكرا خويا صلاح ربي يحفظك على الموضوع القيم..
تحياتي..​

 

[حلم كبير]

السلام عليكم ورحمه الله وبركاته
اليوم جبتها عليا يعطيك الصحة ههههه
لي عودة بإذن الله نشكر روحي شويه هههه

 

[Princess nour]

الموضوع في القمة فعلا التحية لكل المدرسين لكتاب الله عزوجل

 

[Salah eddin]

السلام عليكم
بارك الله فيك خويا صلاح على هذا العدد المميز كغيره من الأعداد السابقة
وبالفعل راك قست فئة مميزة داخل هذا المجتمع ولي هوما معلمي القرآن
أولا لأنهم يعلمو كلام ربي للاطفال وبالتالي كأنهم يزرع بذرة طيبة في المجتمع
خاطر الطفل الواحد لي يتعلم كتاب ربي هاداك القرآن راهو يربيه ويخليه يمشي على الطريق الصحيح
وكذلك قادر الطفل هاداك يكبر ويولي إمام ويزيد يهدي الناس للخير ولدين الحق
يعني هذا طفل واحد برك قادر يهدي أمة فمابالك بمجموعة أطفال
وعلى هادي فيها خير كبير وهي حاجة بالفعل جميلة جدا وسط هذا المجتمع لي ولينا نشوفو فيه غير
الأمور السيئة، ولكن هكاك مازالت ناس تخمم تعلم كلام ربي وحتى بلا مقابل كيما قلت
يعني ناس حابة الآخرة كتر من الدنيا، وربي يكتر من أمثالهم
شكرا خويا صلاح على الموضوع بارك الله فيك
تحياتي

​

و عليكم السلام و رحمة الله

اهلا و سهلا بالاخت مريم

صحيح ... في هذا العدد سلطنا الضو على فئة مميزة

و فئة تناضل من اجل اعلاء كلمة الله و من اجل الحفاظ على الهوية و الارث

و تعليم المبادئ و القيم الاسلامية و القرانية لدى الاطفال

يخليهم يكبرو على الاستقامة و الطاعة لله و رسوله

لذلك وجب ان نقدمولهم تحية احترام و تقدير

و شكرا على مرورك المميز
بارك الله فيك​

 

[Salah eddin]

بارك الله فيك خويا صلاح
والمدارس هاذي لعبت دور تعليمي وثقافي كبير زمان الاستعمار الفرنسي و هي للي حافظت على هويتنا الاسلامية من الزوال في هاذيك الفترة وساهمت بدور كبير في مقاومة الاستعمار الفرنسي و في تحرير لبلاد..ومازالت المدارس هاذي تقوم بدور تعليمي كبير الى يومنا هذا.
والمعلمين اجرهم عند ربي كبير ..علمونا وقرونا وربونا ومهما قلنا فيهم مانوفوهمش حقهم .

مرحبا بيك خويا دحمان

يبارك فينا و فيك نشالله

صح المدارس القرانية لعبت دور كبير ابان الاستعمار الفرنسي

لانها هي الي حافظت على الهوية الاسلامية و اللغة العربية

في ظل سياسة الفرنسة و التنصير المتبعة من قِبل الاستدمار

و تحية كبيرة لكل المعلمين وللقايمين على المدارس القرانية

بارك الله فيك خويا
​

 

[Salah eddin]

وعليكم السلام ورحمة الله وبركاته
أخي الكريم @Salah eddin
لا يختلف اثنان على أهمية العمل الجليل الذي يقوم به معلمو القرآن الكريم
فهم وإن لم يحصدوا الثناء على عملهم فلهم ربّ وعدهم بجزيل الثواب
ومدارس تحفيظ القرآن كانت وسوف تظل نبراسا للإسلام وأهله
أسأل الله أن يُوفقهم فيما نذروا أنفسهم له
عن عثمان بن عفان رضي الله عنه قال: قال صلّى الله عليه وسلّم:
((خَيْرُكُمْ مَنْ تَعَلَّمَ الْقُرْآنَ وَعَلَّمَهُ))
رواه البخاري
....
جزاك الله خيرا على جميل الثناء عليهم
تقديري وامتناني
​

أهلا بالاخت الكريمة خوخة

صحيح ... أهمية العلم الشرعي و عليم تعاليم الدين و القرآن

شيء لا يُختلف فيه ولا عنه

و خير الناس من تعلم القران و علمه لغيره

بارك الله فيك اختي على الاضافة
شكرا



​

 

[Salah eddin]

ما شاء الله عليهم ،من أحسن و أفضل الناس و المدارس هذي للاسف عندنا راحت.و بقات المدارس القرأنية انتاع المساجد ،واش كانت القراية مليحة فيهم ،و كان الطالب كي يحفظ يجيب اللوحة انتاعه و ينعتها للناس و يمدوا لو الدراهم
كل يوم يروحوا الحوايج الملاح

اهلا بالاخت الكريمة ميلينا

هذي المدارس و ان قلت عندك ... الا ان ريحها مزال و الحمد لله
في باقي ربوع الوطن

و الله يحفظ كل من ساهم في تحفيظ ولو آية لابناء الوطن

شكرا على مرورك
بارك الله فيك​

 

[Salah eddin]

وعليكم السلام ورحمة الله وبركاته..
الحمد لله اسي ههه
عدد مميز كي العادة بارك الله فيك..
والله ماشاء الله بكري كنت صغيرة كنت نقرا فيهم وكنا بلوحة ولحبر هذاك وبعدا كنكملو الحفظ يديرنا شيخ حلقة ونقراو حزب كامل مع بعض...دكا تبدلو ورجعو مدارس قرأنية ومبقاتش كاينة اللوحة ووو...مي لمهم مزالو محافظين على تعليم القران جيل يعلم جيل...وهذي حاجة مليحة...لقوله صلى الله عليه وسلم "خيركم من تعلم القران وعلمه"...!
شكرا خويا صلاح ربي يحفظك على الموضوع القيم..
تحياتي..​

أهلا بالاخت اشواق
ههه الحمد لله كي قلتي الحمد لله ههه

مليح راكي وافيتي عهد الحبر و اللوحة الله يبارك

و الحمد لله كاين الي مزالو محافظين على الامور هذي

و مزالو ماشيين في طريق القران و تعاليمه

بارك الله فيك و شكرا على الاطراء


​

 

[Salah eddin]

السلام عليكم ورحمه الله وبركاته
اليوم جبتها عليا يعطيك الصحة ههههه
لي عودة بإذن الله نشكر روحي شويه هههه

و عليكم السلام و رحمة الله و بركاته

مرحبا بيك خويا حليم

سي فري ههه راني قصدت الجماعة الي ينشطو كيما راك ناشط خونا

و الله يباركلكم في عملكم و جهدكم نشالله

لانها رسالة عظيمة راكم و امثالكم تأدو فيها

و الله يوفقكم نشالله
شكرا

​

 

[Salah eddin]

الموضوع في القمة فعلا التحية لكل المدرسين لكتاب الله عزوجل

اهلا و سهلا بالاخت نور

شكرا على الاطراء و المرور الجميل

بارك الله فيك

​

 

[حلم كبير]

و عليكم السلام و رحمة الله و بركاته

مرحبا بيك خويا حليم

سي فري ههه راني قصدت الجماعة الي ينشطو كيما راك ناشط خونا

و الله يباركلكم في عملكم و جهدكم نشالله

لانها رسالة عظيمة راكم و امثالكم تأدو فيها

و الله يوفقكم نشالله
شكرا

​

آمين خويا
بارك الله فيك على الدعوات الطيبة
هذا من طيبتك ولطفك

عودة للموضوع الرائع


طالب الجامع إيييه ما نحكيش على روحي.... أنا ولا شيء ڨدام واحد كان يقري فيا فالدوار الله يذكرو على خير نشالله
شوف ما شفتش أحرص منو على تحفيظ كتاب الله ،قريت عندو باللوحة والدواية والقلام كنا فالصيف نبداو على الثمانية نكتبو لوحنا ونڤعدو نحفظو ونخلصو على الاثناش نتغداو ونعاودو نوليو على الزوج وعلى الرابعة نبداو العرضة يا محاينك كان يڤولنا ( يوم الامتحان يكرم المرأ أو يهان ) واللي حفظ هاو راح يمحي برا واللي ما حفظش الفلاقة للكرعين تاكل هههه
كان يڤررنا واش كون اللي ماهوش يصلي وما نقدروش نكذبو اللي ما يصليش يڨولو ويدي الفلاقة هههه
كان ما شاء الله واڤف بيها صح على أكمل وجه
ونهار الخميس الصباح نحفظو والعشيا نكررو أكل حزابنا من اللي حافظ عدد اكبر من الحزاب مع الطالب وتبدأ اللي يلحڤ للسورة نتاعو ينقزو الطالب بعود الڨصبة الطويل يڨولو يالله أبدا معانا وهكذا حتى للي راه في المعوذتين ...
مكانش اللي يڤول ما نيش حافظ جزابي يدي الطرايح
وكل شهر امتحان للأحزاب اللي فاتو

إييييه يا خويا فكرتني فيه كان منبع يسقي العطشان لكتاب الله ومزال يقري كيما زمان بكري بصح في جيهة أخرى...
أما أنا فحالتي صعيبة بزاف مع ولاد الزماڤرة خاصة ماهمش ناطڤين بالعربية ... صعيبة باه يحفظو ...ومع ذلك توفيق ربي كاين والحمد لله راني بديت من القارعة وهبطت اليوم رآهم في سورة قريش ڨريب يحفظوها وحافظينهم مليح والحمد لله ....
مع هذا نشوف روحي كون يتسنى ليا الوقت نمد أكثر بصح الله غالب ....

هاذ المهنة مهنة شريفة والربح فيها كبير مع ربي سبحانه ،أكبر تجارة
ربي يعين كل طالب ( شيخ ) جامع ويسددلو خطاه ،ويحننلو ڤلبو على القدادشة آمين ...
بارك الله فيك خويا على الموضوع
تقبل مروري مع فائق الاحترام والتقدير​

 

[Salah eddin]

آمين خويا
بارك الله فيك على الدعوات الطيبة
هذا من طيبتك ولطفك

عودة للموضوع الرائع

مشاهدة المرفق 78789
طالب الجامع إيييه ما نحكيش على روحي.... أنا ولا شيء ڨدام واحد كان يقري فيا فالدوار الله يذكرو على خير نشالله
شوف ما شفتش أحرص منو على تحفيظ كتاب الله ،قريت عندو باللوحة والدواية والقلام كنا فالصيف نبداو على الثمانية نكتبو لوحنا ونڤعدو نحفظو ونخلصو على الاثناش نتغداو ونعاودو نوليو على الزوج وعلى الرابعة نبداو العرضة يا محاينك كان يڤولنا ( يوم الامتحان يكرم المرأ أو يهان ) واللي حفظ هاو راح يمحي برا واللي ما حفظش الفلاقة للكرعين تاكل هههه
كان يڤررنا واش كون اللي ماهوش يصلي وما نقدروش نكذبو اللي ما يصليش يڨولو ويدي الفلاقة هههه
كان ما شاء الله واڤف بيها صح على أكمل وجه
ونهار الخميس الصباح نحفظو والعشيا نكررو أكل حزابنا من اللي حافظ عدد اكبر من الحزاب مع الطالب وتبدأ اللي يلحڤ للسورة نتاعو ينقزو الطالب بعود الڨصبة الطويل يڨولو يالله أبدا معانا وهكذا حتى للي راه في المعوذتين ...
مكانش اللي يڤول ما نيش حافظ جزابي يدي الطرايح
وكل شهر امتحان للأحزاب اللي فاتو

إييييه يا خويا فكرتني فيه كان منبع يسقي العطشان لكتاب الله ومزال يقري كيما زمان بكري بصح في جيهة أخرى...
أما أنا فحالتي صعيبة بزاف مع ولاد الزماڤرة خاصة ماهمش ناطڤين بالعربية ... صعيبة باه يحفظو ...ومع ذلك توفيق ربي كاين والحمد لله راني بديت من القارعة وهبطت اليوم رآهم في سورة قريش ڨريب يحفظوها وحافظينهم مليح والحمد لله ....
مع هذا نشوف روحي كون يتسنى ليا الوقت نمد أكثر بصح الله غالب ....
مشاهدة المرفق 78790
هاذ المهنة مهنة شريفة والربح فيها كبير مع ربي سبحانه ،أكبر تجارة
ربي يعين كل طالب ( شيخ ) جامع ويسددلو خطاه ،ويحننلو ڤلبو على القدادشة آمين ...
بارك الله فيك خويا على الموضوع
تقبل مروري مع فائق الاحترام والتقدير​

و عليكم السلام و رحمة الله
مرحبا بيك من جديد خويا حليم
...
راك الله يبارك وصف وصف دقيق حالة الزوي و المدارس القرآية

و نقولك راها مزالت مدارس قرآنية ( عربيات ) سايرة في نفس المنهج الي كانت تسير عليه

العربيات تاع بكري ...

و الله يوفقك نشالله في تعليم ابناء المغتربين القرأن و تحفيظهم اياه

مسؤولية كبيرة ... و أجرها أكبر ان شاء الله

بالتوفيق خويا و بارك الله فيك

شكرا جزيلاً

​