أحلآمُ مستقبليةَ ~ حلمُ قيدَ التحقيـقْ {2} مع الضَيْف حَكيم ستُوري

[Hakan]

عادت الأخت طوحة على قولتك لتطرح أسئلة مجددا هههه
أولا ما شاء الله على الأفكارالمطروحة ماشي غير على أسئلتي ولكن على اسئلة الأخوات أيضا و نسأل الله التوفيق
كلنا نعلم أن الهمة تزيد و تنقص كيف لا والايمان الذي هو بالله تعالى خاضع لذلك كيف يتعامل الاخ حكيم مع نقص همته التي قد تعرقل نوعا ما المضي نحو الأهداف
ما هي العبارة التي عندما تسمعها تشحن همة قد تكون شعر قد تكون حكمة .قرآن ....
وشكرا

اهلا بيك اخت طموحة وبارك الله فيك على هذه المداومة على الاسئلة ههه تستحقين وسام التقرعيج بجدارة
نعم الايمان يطلع يهبط المورال كيف كيف يطلع يهبط لكن الحاجة اللي طلعلي المورال هي لما نقول انو يعني مازالني حي
وعلى قيد الحياة ومازال هناك امل باش نحقق الاحلام ربما يضيعلك عام زوج 4 من حياتك لكن مازالك عايش وتقدر تعوض السنوات
هذي لما نحاور نفسي كي نجي راقد خخخ
اما بعض الاشياء اللي طلع الهمة يعني ساعات آية نقراها او حدث يصرالي او ممكن دعوة نتاع خير طلع المورال
في الشعر كيما قلت ساعات نقرا حوايج نكون نمشي 10 كلم نرجع موتور نتاع جاغوار هه
ربي يهنيك اما الحكمة اللي طلع المورال هي :
لا يأس مع الحياة وحياة مع اليأس

شكرا تشكر لر ​

 

[Hakan]

هههههههه عجبتني فاضح روحي الله يهديك
كي تقوليلي الله يهديك نكتشف انو راني في طريق الشر الصحيح نيهاهاهاهاهااا
لكن تقابلنا في عدة مواضيع من هاد النوع على هادي نعرفو تقريبا تفكير خونا حكيم
مالا إليك الجزء الثاني من اسئلة سلال هههه
اجوبتك خلاتني نكتشف اسئلة جدد (على طريقة اميرة هههه)
نتا أكدت في جاوبك أنو المرأة او الزوجة بعبارة اخرى لازم تكون مثقفة بالإضافة لتربية الأهل كالجد وغيرهم
مع أنو الجد والاهل كاين فيهم لي غير مثقف يعني يشتاركو في نفس الهدف وهو تربية الطفل
ولكن بمستويات مختلفة، في رايك التربية تحتاج ثقافة (اي بمستويات عليا؟)
نعم التربية تحتاج ثقافة والثقافة لا تعني انو لازم يكون الانسان قاري او واصل اعلى الدرجات الثقافة تعني وصل الواقعة بالحل المناسب لها
يعني لازم يكون الاهل عندهم التجربة الصحيحة في تنشئة الفرد نعطيك مثال احنا في العائلة نتاعنا مايستعملوش الضرب للطفل الا في حالات نادرة وكي يضربو الطفل والدين الطفل لا يتدخلون ان كان في الامر مصلحة راجحة
او كان الضرب الخفيف
أو تحتاج تجربة حتى من دون مستويات عليا؟
نعم ماتستحقش الدراسات العليا كاين اللي دارس دكتراه فلسفة الطفل وولادو لا علاقة بالتربية والعكس
لكن احسن ما يميز العائلة هي الحب لانو الطفل يترب في وسط العائلة اللي يعطي فيه كل واحد الحق للآخر
وايضا في جوابك أكدت على الأم والاهل كما سبق وذكرت ولكن أين دورك كأب في هذه المهمة؟
خخخ نعلمو كيف يختار فارسة احلامه ههه والله دوري هو التنسيق مع العائلة ككل
يعني نهار يعيط عليه جدو نحكي معاه ونقلو راهو باغي صلاحك
نهار تعنفو يماه نقلو ماديرش عليها راهي مهبولة ههه
وهكذا نروح نخرجو معايا نعطيلو الحب ومنين ذاك يدي طريحة من عندي ههه
والتعليم التعليم
لواش يطمح خونا حكيم مثلا أنو يوفر لولادو أو يعلم ولادو مستقبلا طبعا بعد المدرسة القرآنية
اممم حاجة التوفير اكيد لازم نوفر لولادي متطلبات الحياة
ثاني عندي هدف انو الابن الذكر يتزوج بكري ما يعانيش كي حالة باباه خخخ
الطفلة نربيها على الحشمة ونحوسلها على الراجل الخلوق ونروتريها لهذا الراجل باطل
ونزيدلو معاها مهر نرجع هندي ههه
واكيد نوفرلهم اشياء الراحة والحب ومانضربش يماهم قدامهم نيااهاهاها كم انا شرير
بالتوفيق ان شاء الله​

بارك الله فيك اخت مريمومة ان شااء الله نكون اجبت من كل قلبي وعقلي
بارك الله فيك ​

 

[طموحة]

السلام عليكم
أعجبتني فكرة وسام تقرعيج سأكلم الأخت عاشقة الجنة هههه
لكن أنا أحب الاطلاع على طموحات الغير وكيفية السير نحوها من أجل الاستفادة
بالتوفيق اذا كانت لي أسئلة جديدة ستكون لي عودة باذن الله {للتقرعيج }

 

[Hakan]

السلام عليكم
أعجبتني فكرة وسام تقرعيج سأكلم الأخت عاشقة الجنة هههه
لكن أنا أحب الاطلاع على طموحات الغير وكيفية السير نحوها من أجل الاستفادة
بالتوفيق اذا كانت لي أسئلة جديدة ستكون لي عودة باذن الله {للتقرعيج }

ولو اختي مرحبا بيك في اي وقت
المرة الجاية تلقاي كاس عصير نتاع البرتقال الله كيما تبغيه
اسئلي برك ههه ​

 

[لؤلؤة قسنطينة]

مساء النور خويا حكيم
نعتذر على التأخير في طرح الاسئلة
اسئلتي كالآتي:
بما أنو اخونا طموح ومتفائل وعندو ثقة في ربي سبحانو هل هناك أمور في الدنيا يمكن تحطملك هاد الطموح؟
إذا نعم قولنا من وجهة نظرك الامور لي تعتبرها اكبر محطم لطموحات الانسان واحلامو
وهل هناك حلول لتفاديها او للقضاء عليها
اعتذر هذا واش عندي من اسئلة للأسف القراجم والزدرة والسخانة كلشي ضربة وحدة
على هادي ماجاونيش افكار بزاف هههه
بالتوفيق ان شاء الله
​

 

[Hakan]

مساء النور خويا حكيم
نعتذر على التأخير في طرح الاسئلة
اسئلتي كالآتي:
بما أنو اخونا طموح ومتفائل وعندو ثقة في ربي سبحانو هل هناك أمور في الدنيا يمكن تحطملك هاد الطموح؟
إذا نعم قولنا من وجهة نظرك الامور لي تعتبرها اكبر محطم لطموحات الانسان واحلامو
وهل هناك حلول لتفاديها او للقضاء عليها
اعتذر هذا واش عندي من اسئلة للأسف القراجم والزدرة والسخانة كلشي ضربة وحدة
على هادي ماجاونيش افكار بزاف هههه
بالتوفيق ان شاء الله
​

اوهوه العزيزة مريضة والله ربي يشافيك ان شااء الله
القراجم ليهم المضادات الحيوية وكثري من الليمون وزيت الزيتون اذا تحبي حاجة طبيعية
ربي يشافيك في ميزان حسناتك ..
اما كأجابة على سؤالك :
اعتبر انو اكبر محطم للآمال هو فقدان الثقة بالنفس او الاسرة نتاع الانسان
لانو صراحة الانسان اللي يفقد الرغبة في القتال من اجل احلامو خلااصص مكانش اي واحد يقدر يحفزو
اما الاسرة فمن خلال احباط المعنويات او الصد عن تقديم يد العون ساعات الواحد يحب يدير تخصص مليح يحبو يروح والديه يغيرولو ويوقفو في وجه الطموح نتاعو
وهكذا
اما تجاوزها يعتمد على قوة شخصية الانسان لانو النفس نتاعك اذا تحاورتي معاها مليح وقعدتي معاها اكثر رايحة تقدري تقنعيها بانو على خطأ
كذالك الاسرة لازم الصد نتاعهم يكون حاافز منشط ماشي مثبط باش تقدري تواصلي حياتك واحلامك بارك الله فيك
وربي يشافيك يعني حاجة كبيرة بالنسبة ليا هو انو تمرضي وهكاك تجي تواصلي الجلسة معايا وقيلا ساعدل عن رغبتي الشريرة وساصبح انسان عاقل خخخ
نقصر برك ... تحيا الشر
ههه بالتوفيق ان شااء الله كي تجي تقراي الرد مرة اخرى تكوني ريحتي
​

 

[طموحة]

السلام عليكم
بداية @لؤلؤة قسنطينة طهورا ان شاء الله
الأخ حكيم هل من بين مشاريعك مشروع تنمي به المشاريع الأخرى يعني مصدر للتمويل يعني هل أنت مخطط لمشروع رأيته يسمح بتحصيل سريع للمال اكثر من تخصصك فقررت تدعم به مشاريع تخصصك ؟
أم أنك تفضل مصد التمويل يكون من شخص آخر
وهل أنت من الشباب الذين يفكرون أنه اذا كان هناك عمل آخر فيه امتيازات أكثر من ناحية المال و الأريحية تتخلى عن المشاريع المتعلقة بتخصصك و فرصة الاستمتاع بتطبيق مادرسته ؟
وهل تخطط تخطيط استراتيجي لمشاريعك و تقيم سيرك نحوها أم أنك تسير بعشوائية و عفوية نحوها ؟
هل ساعدك يوما أحد في توجيه طموحاتك أم أنها انبثقت من شخصك و فقط ؟
هذه هي أسئلتي لهاته المرة ربما أسئلتي الأخيرة و ربما قد يخطر في بالي غيرها
لذلك أسأل الله أن يوفقك و يسدد خطاك للسير نحو طموحاتك وان شاء الله نسمع بك يوما ما كاسم لامع في البيطرة و لما لا حتى في تخصصات أخرى

 

[Hakan]

السلام عليكم
وعليكم السلام اهلا بيك
بداية @لؤلؤة قسنطينة طهورا ان شاء الله
الأخ حكيم هل من بين مشاريعك مشروع تنمي به المشاريع الأخرى يعني مصدر للتمويل يعني هل أنت مخطط لمشروع رأيته يسمح بتحصيل سريع للمال اكثر من تخصصك فقررت تدعم به مشاريع تخصصك ؟
أم أنك تفضل مصد التمويل يكون من شخص آخر

يخاه عمري 22 سنة برك مازالني صغير ونقرى ههه هذي قوليها لمياردير انا خيك ما نبالغش مشاريعي يعني لازالت مخططات فقط في السماء وفي الهواء
اما في الواقع مازال الشي بعيد من الناحية المالية مانيش نخمم يعني كاين مدخول حاليا لكن فقط لامور الدراسة اما
مشاريع التخصص يعني انا من النوعية اللي تحب يكون عندها مداخل متععدة في المال ومن كل جيهة اذا قدرت
يعني مثلا راني خدام في العيادة نتاعي وعندي مثلا مشروع نتاع تربية الدواجن وعندي مثلا محل للعطور راني نخمم فيهم كأفكار
يعني فهمتيني وهذي فقط مجرد افكار وان شااء الله بحول الله نعملو عليها لكن الشيء اللي نتمناه انو يجعلها ربي لقمة حلال فقط في السنوات القادمة ​

وهل أنت من الشباب الذين يفكرون أنه اذا كان هناك عمل آخر فيه امتيازات أكثر من ناحية المال و الأريحية تتخلى عن المشاريع المتعلقة بتخصصك و فرصة الاستمتاع بتطبيق مادرسته ؟

يعني نقدر نقلك عرضت علي خدمة ب 7 ملاين للشهر وفي سلك الجمارك ماحبيتش نخدم
لانو عندي مخططات لحياتي ومانيش حاب تتعلق براتب شهري فقط ومانيش حاب نعيش مقيد عن جهة معينة ولذالك لا اتخلى عن مشروع 24 سنة واللي هو دراستي على جال حفنة نتاع دراهم
نجيب 2ملاين للشهر بقرايتي اللي شقيت عليها احسن من مبلغ شهري آخر وانا صراحة من النوعية اللي تحب تستمتع بحياتها وعلى بالي هذا الشيء مستقبلا رايح يضر بعلاقتيي مع شريكة الاحلام ​

وهل تخطط تخطيط استراتيجي لمشاريعك و تقيم سيرك نحوها أم أنك تسير بعشوائية و عفوية نحوها ؟

هذا يعتمد حاليا على حرية ما بعد الدراسة لانو صراحة الدراسة راهي مقيدتني لكن معليه ما بقاش بزاف ان شااء الله وكل شيء يكون بتخطيط من عند ربي ماشي حتى تخطيطي ​

هل ساعدك يوما أحد في توجيه طموحاتك أم أنها انبثقت من شخصك و فقط ؟

الحمد لله جميع تحركاتي مبنية على قناعات نفسية يعني يااختي ممكن ماراكيش رايحة تفهميني او حتى تضني سوء بيا وتقولي انسان مغرور لكن منين شفيت لعمري كل شيء وحدي
نمشي وحدي ندير وحدي لكن الحمد لله جامي ازعجت اولياء اموري والديا بشيء درتو وخممت فيه ديما يعرفو بلي نحط حاجة مليحة حتى وممكن نخسر فيها لكن ديما معايا ​

هذه هي أسئلتي لهاته المرة ربما أسئلتي الأخيرة و ربما قد يخطر في بالي غيرها
لذلك أسأل الله أن يوفقك و يسدد خطاك للسير نحو طموحاتك وان شاء الله نسمع بك يوما ما كاسم لامع في البيطرة و لما لا حتى في تخصصات أخرى

ان شااء الله نشوفوك مرة اخرى اختنا ربي يجازيك وبارك الله فيك وان شااء الله يكون عجبك عصير البرتقال ههه اشربي في الخيال نتاعك ​

 

[طموحة]

نسيت أن أشكرك على عصير البرتقال شكرا
و أنا لا أنظر لمن اعتمد على نفسه وفقط على نفسه نظرة انسان متكبر أبدا
الناس التي تستمتع بنجحاتها و تحس بالعظمة الحقيقية لذلك هي الناس التي اختارت بنفسها ذلك و فضلت تعيش مغامرة الاختيار
بالتوفيق

 

[لؤلؤة قسنطينة]

اللهم آمين خويا حكيم ربي يحفظك ان شاء الله
والله ليوم مخي مبلوكي خلاص هههه لا سؤال لا زوج الرحمة في البارح
يعني جيت نتوقب برك نشوف واش كاين كاش اسئلة وكاش اجوبة هههه
اممم يسمى بدات المشاعر تاع الخير تتحرك حركة صغيرة ونقضيو على الشُريرات الصغار هادوك لي مخبيين هههه
بارك الله فيك خويا ونرجع مرة اخرى ان شاء الله نشارك في الموضوع
حبيبتي @طموحة ربي يحفظك غاليتي اللهم آمين الزينة تاعي ربي يبعد عليك كل سوء ان شاء الله :Love:
لنا عودة ان شاء الله
تحياتي



​

 

[Hakan]

نسيت أن أشكرك على عصير البرتقال شكرا
و أنا لا أنظر لمن اعتمد على نفسه وفقط على نفسه نظرة انسان متكبر أبدا
الناس التي تستمتع بنجحاتها و تحس بالعظمة الحقيقية لذلك هي الناس التي اختارت بنفسها ذلك و فضلت تعيش مغامرة الاختيار
بالتوفيق

ولو فيك البركة ربي يجازيك اختي نلتقي في موعد آخر بحول الله ​

 

[Hakan]

اللهم آمين خويا حكيم ربي يحفظك ان شاء الله
والله ليوم مخي مبلوكي خلاص هههه لا سؤال لا زوج الرحمة في البارح
يعني جيت نتوقب برك نشوف واش كاين كاش اسئلة وكاش اجوبة هههه
اممم يسمى بدات المشاعر تاع الخير تتحرك حركة صغيرة ونقضيو على الشُريرات الصغار هادوك لي مخبيين هههه
بارك الله فيك خويا ونرجع مرة اخرى ان شاء الله نشارك في الموضوع
حبيبتي @طموحة ربي يحفظك غاليتي اللهم آمين الزينة تاعي ربي يبعد عليك كل سوء ان شاء الله :Love:
لنا عودة ان شاء الله
تحياتي



​

ربي يشافيك وترجعي لينا ولو انو نضن الموضوع قريب يكمل وقتو
لكن على العموم تهليتي فيا انت والاخت طموحة واميرة وباقي الناس اللي حضرو ​

 

[الصحافية الساخرة]

السلام عليكم عليكم , بما انني جديدة هنا سامحوني لا اعرف عنكم الا انكم ما شاء الله هي اخلاقكم .. لكن.. ارحب بالضيف اللي استقبلتوه مرحبا بيك يقولون انك عضو مميز جميل.. هذا لا يمنعني من سؤالك لذا تفضل بالاجابة عن أول سؤالي عن أحلامك الاخرى خارج دراستك الان والعمل اقصد احلاما تبدوا مستحيلة تحقيقها في بلادنا هل في خيالك هكذا احلاما تتمنى تحقيقها قد تغير شيئا ما بهذا العالم..

 

[Hakan]

السلام عليكم عليكم , بما انني جديدة هنا سامحوني لا اعرف عنكم الا انكم ما شاء الله هي اخلاقكم .. لكن.. ارحب بالضيف اللي استقبلتوه مرحبا بيك يقولون انك عضو مميز جميل.. هذا لا يمنعني من سؤالك لذا تفضل بالاجابة عن أول سؤالي عن أحلامك الاخرى خارج دراستك الان والعمل اقصد احلاما تبدوا مستحيلة تحقيقها في بلادنا هل في خيالك هكذا احلاما تتمنى تحقيقها قد تغير شيئا ما بهذا العالم..

ياه راهم يغتبو فيا وانا لا خبر لالا ختي انا شرير مانيش طيب وقبيح لست جميلا خخخ
في الجزائر تتوقعي كل شيء وممكن الشاب الجزائري كي حالتي يحلم بكل شيء
وفي الاخير قادر ما يتحصلش على اي شيء
صراحة خوك ينقصو المال شوي لانو انا من النوعية اللي تحب تتعلم الجديد يعني اي حاجة نحب نتعلمها سواء في المهن الحرة سواء في الدراسات
عندي لحد الآن ديبلوم خارج مجال الدراسة نتاعي
وراني نقرى وان شااء الله نحاول نستفاد منهم في زوج وبحول الله غير تدخل كاش دراهم نزيد نتعلم الاشياء المهمة في العصر
كيما الانفورماتيك حوايج المقاولاتية وامور بزاف فير اسي ربي يسهلهالي ان شااء الله
اما الاحلام المستحيل تحقيقها في بلادنا هي انو تكون رئيس الجمهورية خخخ اما الباقي ساهل بارك الله فيك ​

 

[afnene]

السلام عليكم
اعجبتني الفكرة كثيرا

بوركت اختي لدي بعض الاسئلة لا اعلم ان كانت قد طرحت من قبل
من هو حكيم؟
كما نعرف كل شخص في مرحلة الطفولة تكون له احلام فهل حقق حكيم احلام الطفولة؟
اي اختصاص تدرس؟ وهل كان احد احلامك وطموحاتك؟
ماهو الطموحك الذي ترى انه سيبقى مجرد حلم ؟
هل كان للمحطين بك اهلك او اصدقاؤك... اثر في وصولك لهدفك او احباطك ؟
​

 

[الصحافية الساخرة]

ياه راهم يغتبو فيا وانا لا خبر لالا ختي انا شرير مانيش طيب وقبيح لست جميلا خخخ
في الجزائر تتوقعي كل شيء وممكن الشاب الجزائري كي حالتي يحلم بكل شيء
وفي الاخير قادر ما يتحصلش على اي شيء
صراحة خوك ينقصو المال شوي لانو انا من النوعية اللي تحب تتعلم الجديد يعني اي حاجة نحب نتعلمها سواء في المهن الحرة سواء في الدراسات
عندي لحد الآن ديبلوم خارج مجال الدراسة نتاعي
وراني نقرى وان شااء الله نحاول نستفاد منهم في زوج وبحول الله غير تدخل كاش دراهم نزيد نتعلم الاشياء المهمة في العصر
كيما الانفورماتيك حوايج المقاولاتية وامور بزاف فير اسي ربي يسهلهالي ان شااء الله
اما الاحلام المستحيل تحقيقها في بلادنا هي انو تكون رئيس الجمهورية خخخ اما الباقي ساهل بارك الله فيك ​

ههههههههههههههههههههه يااااا علييك واش خصك الشر والقبح من صفات الرجولة خخخخخخ ربي يوفقك ويسرلك امورك والله حاجة مليحة انك تحب تتعلم واصل, ومي تاع رئيس الجمهورية هههه نضحك شوي شكوون يحلم بيها خلاص ما بقاتش نفذت الثروات كلاوها عمو سلاليل وجماعته ثقبوا الشكاكير وعمروا البنانيك تاعهم وواش نديروا بمنصب رئيس مالا ههه وماهوش مستحيل قالك خلي نحتفظوا برايس مشلول وبين حي وميت ومنكسروش راسنا بالفوط الشعب يكره يفوطي ههه خلي لبلاد تمشي بلا راس ولا مال خخخهههه

 

[Hakan]

السلام عليكم
اعجبتني الفكرة كثيرا
ياه هيا مليح ضركا تحشم عاشقة الجنة
بوركت اختي لدي بعض الاسئلة لا اعلم ان كانت قد طرحت من قبل
من هو حكيم؟
حكيم انسان بسيط ساعات في جيبو 10 دج ساعات مكانش خخخ
نحب الناس وجامي ظلمت الناس انسان في حياتو بسيط في لبسو بسيط وفي كل شيء بسيط غير في الحب معقد شوي
علابيها راني سيليباير هذا حكيم تحبو يماه والاب نتاعو يعيطلو في النهار 4 مرات
خواتاتي يهبلو كي نجي للدار
وخويا الصغير يخاف مني باسكو نستعمل معاه العنف بكل انواعه بصح من بعد نشريلو حاجة حلوة
وتوتة توتة خلصت الحتوتة
كما نعرف كل شخص في مرحلة الطفولة تكون له احلام فهل حقق حكيم احلام الطفولة؟
كنت احلم نشري بوكيمون كنت نحب شمندر خخخ مكانش
كنت حاب نكون طبيب وراني طبيب حققت الحلم نتاعي
مي طبيب بيطري
اي اختصاص تدرس؟ وهل كان احد احلامك وطموحاتك؟
نقرى طببيب بيطري
لم يكن من ضمن حتى كوابيسي هيا ومن بعد تلاقيت انا واياه صدفة وصحبنا مع بعضانا ورانا حباب ضركا عندك تغيري منو
ماهو الطموحك الذي ترى انه سيبقى مجرد حلم ؟
مكانش طموح يبقى حلم راني نحاول مي ممكن الوقت مايسااعدنيش كبرنا يا اختي خخ
هل كان للمحطين بك اهلك او اصدقاؤك... اثر في وصولك لهدفك او احباطك ؟
انا من بكري ومنين كان عمري 7 سنين نرقد في شمبرة وحدي يعني في الصالون نتاع الدار
وكي نهبط للبلاد نهبط وحدي
وحققت كل شيء وحدي وكل شيء هذا هو انو راني بخير وعايش ههه هذا مكان
ما عندي والو
مي الدعم المالي كان من الوالد قبل 7 سنوات
ومن بعد بدينا نتكلو على رواحنا نخدمو في العطل ونقراو من جيوبنا
​

بارك الله فيك اخت جميلة وشكرا على المشااركة نتاعك والاسئلة الجميلة ​

 

[afnene]

بارك الله فيك اخت جميلة وشكرا على المشااركة نتاعك والاسئلة الجميلة ​

وفيك بارك الله
العفوو

البساطة هي اكثر شيء تميز المرء (معقد في الحب لاحظته من خلال ردك على ماكتبت في قسم البوح)

ربي يحققلك ما تتمناه
ولا تبقى طموحاتك مجرد احلام وتحقق على ارض الواقع

بالتوفيق.

 

[Hakan]

ان شااء الله شكرا ​