مسابقة فريدة .... تفضلو شاركو

[ليليا مرام]

جيت ليلوشة احم احم خفت
المهم بغيت نقولك كاش نهار تحكمي بنادم و تقسميه على زوج :X3::X3: ولا تجيفيه هههههه
عجبتني تاع البورطابل لي سلقتيه
انت كارثة بشرية
نجي لروحي انا قد ما منارفيا مي بلخف نتكالما يعني كي نتنارفا نولي نطرطق كما الذرة و شويا اه تقول ماشي انا دجا نقوللهم علاش كنت زعفانة شوية هكدا هههه
هذو اليمات راني كالم يا ربي متشوفش اختي ردي :X3:
غير نتنارفا كي نكون ناعسو و تنوضني و تسقسيني وين راه خماري وين راه صاك تاعي نتم لينار يفوتو حدهم هههه نهاري يخسر

رجعتي مادام شينة برتقالة
انا العبد ما نخدمش يديا اللهم لو تعدى كل الحدود وطفلة يعني ندقدقها غرانتي
البرتابل انا كسرتو ما بغاش معناها بغا يجرب تجربة البيض المغلي خليتو يعيش اللحظة ويجرب
انا حسدتك على لينير اللي بالخف ترجعي انا والله نبقا وقت مقلقة اللهم لو خرجت نمشي باه يروحلي الزعاف
راكي كالم امممم انا ثاني مي راني خايفة تجيني تسونامي نتاع زعاف هههه
شكرا

 

[ليليا مرام]

انا لا غضب كثيرن , واذا ما غضبت , العن دين الغضب فيرحل بعيدا
جميل موضوعك رفيقتي لو ما تلك الوجوه الشيطانية فيه ولعياذ بالله ​

السلام عليكم اخي الكريم
اهلا وسهلا يعني انت ما تزعفش ولما تزعف تسب دين الغضب وبعدو تقولي وجوه شيطانية وين راهي مجرد رسوم اخي الكريم وعلاه العياذ بالله واش درت انا مجرد رسوم
على كل رايك مقبول ومشكور جدا

 

[ليليا مرام]

اسف ليلى والله ما نيتي نقلقك , ديري واش تحبي نضحك برك ,,
​

يا خويا لالا على العكس وريلي وين غلطت عادي نمحي واش من رسوم انت شفتو خارج على النطاق انا درتهم بنية المزاح والضحك وبرك لو كاين صورة خلاتك تتعوذ بالله عادي وريهالي نمحيها لالا خويا عادي نتقبل ردك
واشبيها جارتك البشعة مسكينة خلقة ربي يماما ناس شابين من برا وبشعين من داخل ومشكور انك اهديتها صورة الفلق بارك الله فيك

 

[أم أُنٌَيسة]

السلام عليكم ورحمة الله تعالى وبركاته
اضحك الله سنكي غاليتي قتلتيني بالضحك والله هههههههههههههه
اممممممممممم ،ممنوع انو نغضب وادا غضبت او قلقت نبعد على الكل اي وحدة نعرفها نوصيها لما تلقاني نرسم او نكتب في شعر او نقرا في رواية لما تدخل للكلاصة يعني تبعدني طول راني منرفية
ادا تنرفيت بزاف تديرلي الضيقة ولازم نبكي او ندوخ ههههههههههه
وقبل مانمرض مرة تكسرتلي السلسلة ديالي نكسرتها اختي وكانت هدية من عند جدتي حكمتها من عنقها خنقتها وطلعتها في الحيط
وكنت نضرب راسي للحيط او يدي او نقرط شعري
وادا قلقني مخلوق بالكلام نبهدلو بكل برود ولما تروح عليا القلقة ثاني يوم ،يوم وكامل وانا سمحلي هههههههههههه حتى يهبلو مساكن
اسكتي ،مرة ضربت طفلة دخلتها للسبيطار في الشتاء
كنا راح نلعبة واحد اللعة وكنا نديرو قرعة باه نشوفو شكون تجي الاولى ايا جيت انا الاولى لما جينا راح نلعبو قالتلي بلا امك الكلبة انا الاولى قلتلها عاودي واش قلتي ؟ قالتلي بلا امك الكلبة انا الاولى
ونحكمها من شعرها سيقت بيها الطريق وكانت كاينة حفرة فيها ماء ندخللها راسها ونخرج ولما خلصت ديتها لباب بيتهم وهي هكداك وطبطبت على بيتهم وقلت لامها هاي واش قالتلي
قالتلي عندك الحق ،لما جا عمي فالليل لاني كنت عايشة فبيت عمي لقا الراجل وقالو انو الطفلة راهي فسبيطار
جاني عمي وهو مستغرب قاللي ماراكيش موالفة وراكي هادية قلتلو واش صرا مات بالضحك هههههههههههههه
وهدي وحدة برك من خرايبي ههههههههههه
ارجو تقبل مروري
تحياتي احترامي وتقديري
في امان الله وحفظه​

 

[شاعرة الأمل]

هههههههه قتلتني تاع التلفون لي طيبتيه هههه
نون مالازمش تكوني مقلقة هكا لانو تجيبيها غي فروحك وزيد هداك التقلاق ماعندو حتى فايدة ومايجيب حتى حل الوغ مالازمش تتقلقي وتنارفي روحك
انا كالم كالم لواحد الدرجة ماتتصوريهاش تاع الدار يبقاو مخلوعين فيا بصح يلا تقلقت غير يبعدو من طريقي نولي كيما الطورو هههههه لي نصيبها ندخل فيها
مرة كنت مقلقة بزاف وغير على شعرة ونطرطق وكان عندي بحث رحت لهداك الميكرو ها بدا يتبلوكا ويسيبريمي غي لوحدو وانا نعاود ونعاود تالية خرجتو من الشومبرة قدامي درج دمرتو دمرة وصل بياس ديتاشي و مرة تاني كنت نقرا فالليسي وكانت وحد لمساعدة تربوية جايها جنها عليا كل يوم تشريلي سبة وانا قايستها فالثقيل وحد اليوم كنت معصبة بلحمر وكاتبة سريع الانفجار لا تخرب فيه وجات خيتكم من جيهتي والله غير دليتها مل بالكون حتى بداو يتوغو ويحاولو فيا حسيت روحي درت انجاز عظيم طلقتها وقلتلها زيدي دوري من جيهتي ياو والله غير خرجت كامل من داك الليسي ماعاودتش رجعت وانا مانبغيش نتقلق لانو صحتي ماتسمحليش ونعرف بلي نضر غي روحي
ننصحك تشربي النعناع بزاف لانو يهدئ الاعصاب
موضوعك هايل هايل هايل تقبلي تخربيشي هنا
سلام

 

[حلم كبير]

السلام عليكم و رحمه الله تعالى وبركاته

الاخت الكريمة بارك الله فيك
موضوعك رائع كعادتك انت بهجة المنتدى وروحه المبتسمة التي تشع فرحا ،بارك الله فيك وأدامك مشعة بهجة وتفاؤل

على حساب واش ذكرتي في موضوعك انت هي الرابحة دون منازع ،يا بن عمي هذا زعاف ولا سلفتي منا ومنا ولايمتيه .
انا كي نزعف نزعف نهدر نعافر بصح ميش كيما انت اختي راكي تخصص تقشاش بامتياز.

هذا هو الشعب الجزائري يزعف ويرضى وكي تجي ترضيه يزيد يزعف هههه
يعطيك الصحة ضحكتيني من قلبي
تقبلي مروري مع فائق الاحترام والتقدير
حلم كبير
​

 

[Malika Tlm]

مساء الفل والورد والعنبر والياسمين حبيبتي
راكي تحكي علي لينار هههههههههه ربي معاك
تعرفي انا من طبعي كيفاش زعما كي نتنارفا منقدرش نحكي ويلا حكيت تحكمني الرعشة ومنكسر موالوا الحمد لله
ولكن نتوما رابحين فلافير هههه بعدا تخرجوا زعافكم مش كيفي انا نرد لداخل مرات حتي نمرض
ربي يجازيك حبيبتي
الله يبعد علينا العصبية والقلق
تحياتي لك

 

[ليليا مرام]

السلام عليكم ورحمة الله تعالى وبركاته
اضحك الله سنكي غاليتي قتلتيني بالضحك والله هههههههههههههه
اممممممممممم ،ممنوع انو نغضب وادا غضبت او قلقت نبعد على الكل اي وحدة نعرفها نوصيها لما تلقاني نرسم او نكتب في شعر او نقرا في رواية لما تدخل للكلاصة يعني تبعدني طول راني منرفية
ادا تنرفيت بزاف تديرلي الضيقة ولازم نبكي او ندوخ ههههههههههه
وقبل مانمرض مرة تكسرتلي السلسلة ديالي نكسرتها اختي وكانت هدية من عند جدتي حكمتها من عنقها خنقتها وطلعتها في الحيط
وكنت نضرب راسي للحيط او يدي او نقرط شعري
وادا قلقني مخلوق بالكلام نبهدلو بكل برود ولما تروح عليا القلقة ثاني يوم ،يوم وكامل وانا سمحلي هههههههههههه حتى يهبلو مساكن
اسكتي ،مرة ضربت طفلة دخلتها للسبيطار في الشتاء
كنا راح نلعبة واحد اللعة وكنا نديرو قرعة باه نشوفو شكون تجي الاولى ايا جيت انا الاولى لما جينا راح نلعبو قالتلي بلا امك الكلبة انا الاولى قلتلها عاودي واش قلتي ؟ قالتلي بلا امك الكلبة انا الاولى
ونحكمها من شعرها سيقت بيها الطريق وكانت كاينة حفرة فيها ماء ندخللها راسها ونخرج ولما خلصت ديتها لباب بيتهم وهي هكداك وطبطبت على بيتهم وقلت لامها هاي واش قالتلي
قالتلي عندك الحق ،لما جا عمي فالليل لاني كنت عايشة فبيت عمي لقا الراجل وقالو انو الطفلة راهي فسبيطار
جاني عمي وهو مستغرب قاللي ماراكيش موالفة وراكي هادية قلتلو واش صرا مات بالضحك هههههههههههههه
وهدي وحدة برك من خرايبي ههههههههههه
ارجو تقبل مروري
تحياتي احترامي وتقديري
في امان الله وحفظه​

السلام عليكم
اهلا وسهلا الله يفرحك دايما يا رب
يعني انت لما تزعفي تولي شاعرة ورسامة هههه محال نتخيل روحي هاكاك خاطر لو رسمت اكيد راح نرسم كاش مشعوذة رافدة قدرة تغلي فيها العباد
هههه والا الشعر نولي نتكب فالمعاير هههه نونونو ما يتلاقاوش الامور هذي لازملهم واحد حنين وانا كي نزعف حانوت الحنان يبلع واحد العام ما يدورش بيا
اختك جيفتيها وعلقتيها فالحيط هاي الهدرة انا درتها لبنت الجارة كانت مهبلتني وطاحتلي في نهار القرون هذاك وين خرجولي ونرفدها بجيافة وعلقتها قعدو رجليها يدلاو ههههه المرا تصادي على بنتها حسبتها ماتت مناك والاو يخافوني ولاد الجيران ههه
اياو عجبتيني فالطرحة نتاع لارمي وقت كانو يدو الارهاب غطسلو راسو فالصابون والنشاف هههه انت كنتي تخدمي معاهم ه
ايه عمك حار يا طفلة قال وينتا دارت ستاج مع دياراس

اسعدني ردك بارك الله فيك

 

[ليليا مرام]

هههههههه قتلتني تاع التلفون لي طيبتيه هههه
نون مالازمش تكوني مقلقة هكا لانو تجيبيها غي فروحك وزيد هداك التقلاق ماعندو حتى فايدة ومايجيب حتى حل الوغ مالازمش تتقلقي وتنارفي روحك
انا كالم كالم لواحد الدرجة ماتتصوريهاش تاع الدار يبقاو مخلوعين فيا بصح يلا تقلقت غير يبعدو من طريقي نولي كيما الطورو هههههه لي نصيبها ندخل فيها
مرة كنت مقلقة بزاف وغير على شعرة ونطرطق وكان عندي بحث رحت لهداك الميكرو ها بدا يتبلوكا ويسيبريمي غي لوحدو وانا نعاود ونعاود تالية خرجتو من الشومبرة قدامي درج دمرتو دمرة وصل بياس ديتاشي و مرة تاني كنت نقرا فالليسي وكانت وحد لمساعدة تربوية جايها جنها عليا كل يوم تشريلي سبة وانا قايستها فالثقيل وحد اليوم كنت معصبة بلحمر وكاتبة سريع الانفجار لا تخرب فيه وجات خيتكم من جيهتي والله غير دليتها مل بالكون حتى بداو يتوغو ويحاولو فيا حسيت روحي درت انجاز عظيم طلقتها وقلتلها زيدي دوري من جيهتي ياو والله غير خرجت كامل من داك الليسي ماعاودتش رجعت وانا مانبغيش نتقلق لانو صحتي ماتسمحليش ونعرف بلي نضر غي روحي
ننصحك تشربي النعناع بزاف لانو يهدئ الاعصاب
موضوعك هايل هايل هايل تقبلي تخربيشي هنا
سلام

السلام عليكم اختي اهلا وسهلا
ايه طيبتو هو جابها لروحو انا كسرتو وما بغاش امالا طيبتو
وانا قدرت نتكالما ما عرفتش يا اختي الله غالب راني نسيي نهدي روحي قد ما نقدر
حييلي الطورو هههههه ياك الخوف من الساكتين كي يطرطقو ههه
ايه نستعرف بيك انا كثرولي الطرايح وسيرتو نتاع الليسي طكنت نكره استاذة العربية منين ندخل تحاوزني جبتها عاقلة باه تخليني ندخل وانا كنت موجدتها بومبة فالكلاصة استاذتي الغالية عندها فوبيا من الفيران اهدري قدامها عليهم تحكمها الحكة ايا ختك خسرت دراهم وفرامج وخبرة باه صيدت فار وواش من فار اكحل يخوف شبعتو وتهليت باه ما يموتش ودرتو فبواطة وديتو لليسي انا دخلت وهي طلعت للصبورة تكتب ونفتح البواطة وانطلق ياووووو الاستاذة فلوتورت تصادي خرجت من الليسي للبرا حتى تغاشات فالطريق هععععع وانا ميتة بالضحك قتلها شوفي يوم يتغلب التلميذ على الاستاذ انت خرجتيني من كلاصة نا خرجتك من البلدية كلها هههه وماشي غير وحدها الكلاصة فرغت المصادية العياط لبنات وختك طايحة بالضحك هههه
ايه وانا نكره النعناع الله غالب شكرا
ربي يخليك وردك اروع بارك الله فيك

 

[ليليا مرام]

السلام عليكم و رحمه الله تعالى وبركاته

الاخت الكريمة بارك الله فيك
موضوعك رائع كعادتك انت بهجة المنتدى وروحه المبتسمة التي تشع فرحا ،بارك الله فيك وأدامك مشعة بهجة وتفاؤل

على حساب واش ذكرتي في موضوعك انت هي الرابحة دون منازع ،يا بن عمي هذا زعاف ولا سلفتي منا ومنا ولايمتيه .
انا كي نزعف نزعف نهدر نعافر بصح ميش كيما انت اختي راكي تخصص تقشاش بامتياز.

هذا هو الشعب الجزائري يزعف ويرضى وكي تجي ترضيه يزيد يزعف هههه
يعطيك الصحة ضحكتيني من قلبي
تقبلي مروري مع فائق الاحترام والتقدير
حلم كبير
​

وعليكم السلام ورحمة الله وبركاته
وفيك بركة الله
ربي يحفظك على كلامك الرائع وهاته شهادة اعتز بها جدا
لالا زعافي والله ما مسلفاتو وهذا غير شونتيو هههه وما خفي اعظم
انت تنقرش يا بن عمي اواه لالا يحسن عون المادام مسكينة لالا خويا كسر وتقلق وعاير ولا التنقريش منين دور تهدر اواه راجل هاكا واعر يا خونا ياك ما يسكتش هههه
ايه حنا شعب يزعف ويرضى ولما يرضى يزعف انو رضى هههه
ويعطيك الخير شكرا
نتقبل ردك ولو ما نحبش الراجل النقراش هههه
شكرا

 

[ليليا مرام]

مساء الفل والورد والعنبر والياسمين حبيبتي
راكي تحكي علي لينار هههههههههه ربي معاك
تعرفي انا من طبعي كيفاش زعما كي نتنارفا منقدرش نحكي ويلا حكيت تحكمني الرعشة ومنكسر موالوا الحمد لله
ولكن نتوما رابحين فلافير هههه بعدا تخرجوا زعافكم مش كيفي انا نرد لداخل مرات حتي نمرض
ربي يجازيك حبيبتي
الله يبعد علينا العصبية والقلق
تحياتي لك

سلام عليكم اختي مليكة آسم نقولك يا طفلة وينو الببوش ما كليناه لا فالشتا ولا فالصيف راح يولي ديناصور وانا نستنى فيه
وانت علاه تولي سيلونسيو كي تزعفي راهي مش مليحة مرات مليح الواحد يخرج صح ما يخرجش كيما انت والخوتات المهبولات اللي اكثر مني مي ثاني تردي لقلبك تطرطقي
امين يا رب
شكرا وتحياتي لك

 

[لؤلؤة قسنطينة]

السلام عليكم
والله يا ختي ليليا كي العادة غير الفم لي يضحك ويخلينا نضحكو ونفرحو، كيما فرحتينا وضحكتينا ربي يفرحك دنيا وآخرة
المهم قبل ما نتكلم على الموضوع قوليلي يوم ميلادك وكتاه والحفلة عليا ماتخميش نروبلوها كيما يقولو هههه
نديرو فيها حفلة ماصراتش
المهم نوليو للموضوع راكي كارثة في الزعاف ختي ليليا هههه ختك بالعكس بركان خامد مايتحرك ماوالو بصح
لا طرطق واحد مايحبسو هادو بكاوات وهادو كلام غير مفهوم ههههه
انا كي نزعف من انسان براني مانديرش عليه يعني نسكت ونحكمها في قلبي نقول ماش رايحة نشوفو مرة اخرى مانربح معاه عيب لاوالو
بصح كي يعود عبد قريب تلقايني كي نزعف نسكت كلمة مانخرجها ونجبد روحي يعني مانديرونجيش خلاص الناس ههههه
بصح غير العبد هاداك يقولي برك واش بيك تما تنفجر القنبلة الدموع يطيحو ونهدر ونبكي في نفس الوقت ماتفهمي والو هههه
نفوت نخرج الهدرة لي غايضتني خلاص نولي نورمال نضحك ونحكي نورمال ههههه انا حالة سبيسيال
بصح راني نسكت نسكت وعاقلة بصح لاكان ناضتلي الحالة مانتوقعش واش يصرا ههههه
المهم الغضب واعر وقليل لي يقدر يتحكم في نفسو اصلا حنا شعب منارفي دوريجين هههه تقول الجو منارفي بعد ههه
ربي يهدينا ان شاء الله
شكرا غاليتي ليليا على الموضوع ربي يهنيك ختي وربي يوفقك لكل خير ان شاء الله
تحياتي



​