السلام عليكم جميعا لمة الأحباب واش راكم وشعال راكم ووين راكم ؟
المهم يا جماعة اليوم حبيت نحكي فسوجي فتحناه انا والبنات فالواقع يعني جلسة نسائية
السوجي يا جماعة انهم كانو يحكو على الضياف
وحكيتلهم انا فيوم على ضيفة جاتنا واش نقولكم ماشي عندها ذراري ياو معيز يا ناس الحيطان كانو رايحين يكرطوهم وكامل قباحتي مع الذراري ما قدرتلهمش والشابة واللي كملت عليها انو بنتها واش نقولكم الريحة تقولي ليا يا ليليا ربي يعيشك حلاتلي القسرة لوكان غير تبدليلها قدامك ليكوش اواه يا لالة نوض نضربك قتلها لالا اواه هذي ماكانش منها بنتك انتي ماشي ببنتي يمى شافت فيا نتاع عيب ياو قريب كريتها من الشعر طيفاه جات ضيفة وانا نبدل لبنتها ليكوش هذي قالتهم ارقدو
خارجة وجايبة 4 ذراري متوحشين اكراد ماشي ذراري اموا القهوة كي حطيتها زعمى درتلهم وحدهم ياو شربوها وانا رافدتها قتلها واشبيك راكي مصومتهم اواه انا فالوده نهدر مهم كل وحدة فينا حكات حكاية الضياف على جال قباحة الاولاد لحد وين وصلنا نقطة عليها جيت نشوف رايكم
انو جارتي قاتلك انا كرهت الضياف يجو ويا ريتهم يقضو من يدخلو وانتي تصرفي وهي تقصد اللي يباتو ويظلو واللي يصيفو قتلها انا والله عيب انو تستناي الضيف يصرف مهما كان يسموه ضيف تقومي بيه حتى يروح ما عندك ما ديري من جهة لقيتها غالطة ومن جهة قاتلي بزاف ريتهم ياكلو واش ناكلو الضيف لازملو اللحم دايما وكاين تحطلهم الجاج يغيضهم الحال ولازم تنوعي واللي ما عندوش واش يدير هنا لما قاتلي هاكا قتلها ايه مي فالحق حنا قلوبنا ضاقو علاه بكري كانو الناس يحبو الضياف ويستناو يجوهم وضرك طبطب فالباب من داخل يقولك ما راهمش هنا وهوما هناك
الناس كرهت من الضياف ما نعرف سماطتهم ما نعرف الشي غالي ما نعرف رجع واحد ما يحمل واحد
المهم كاين ولايات يقولك نا نحبو الضياف وحنا ما نكرهوهمش مي كاين عادات واسلوب يختلف من ولاية لولاية انا وحدة من الناس الضيف الي ما يعرفنيش العام كامل تصرا جنازة ما يجو نمرض ما يجو ما يرحموكش ولو بتلفون ولما يحتاجو صوالحهم يجو ياكلو ويشربو ويتشرطو ويروحو ويزيدو يقطعو فيك كلينا يقولو ما كليناش
وضياف يما لالة جابتلي ولادها فايحين انا نوض نبدل لبنتها ليكوش مليحة هذي و ولخرى بدات تبعيط ماما ندير بيبي قتلها هاكي تلفوني بيبي وعيطي راكي مسامحة شدي بلاصة برك
ياو قاتلي لالا تروج لذيك الجهة يعطيك راجل يا ليليا اغسليلها قتلها لالا ما يعطينيش غير نوضي انت لبنتك تعيط تبيي تقسر مع اصحابها راهي مسامحة والله يا ضياف كيما هذو والا خلي
وضباف اخر زمن تعيطلك الو راكي مليحة رانا جايين راكم فالدار ياخي الويفي عندكم ترن تلفون تكوبا وانت نوضي وجدي روحك المواكل والقاطوات والفراش ويحلى الفايس والفايبر في دارنا وزيد ماكانش اللي يرقد بسهرو مع النت علاه ما يقعدوش في ديارهم يكونيكتو
انا نحير فحاجة علاه حنا كي نروحو ليهم وقليل جدا وين نضيف خفيفة ضريفة ما نطولش يا ربي ساعة ساعتين ونرجع لدارنا
ضياف اخر زمن في رايكم هوما سامطين والا حنا قلوبنا ضياقت من واش المشكل
الخط ليكم راني عيانة ما كثرتش بالتفصيل نخليلكم ليكم تحكو
شكرا
المهم يا جماعة اليوم حبيت نحكي فسوجي فتحناه انا والبنات فالواقع يعني جلسة نسائية
السوجي يا جماعة انهم كانو يحكو على الضياف
وحكيتلهم انا فيوم على ضيفة جاتنا واش نقولكم ماشي عندها ذراري ياو معيز يا ناس الحيطان كانو رايحين يكرطوهم وكامل قباحتي مع الذراري ما قدرتلهمش والشابة واللي كملت عليها انو بنتها واش نقولكم الريحة تقولي ليا يا ليليا ربي يعيشك حلاتلي القسرة لوكان غير تبدليلها قدامك ليكوش اواه يا لالة نوض نضربك قتلها لالا اواه هذي ماكانش منها بنتك انتي ماشي ببنتي يمى شافت فيا نتاع عيب ياو قريب كريتها من الشعر طيفاه جات ضيفة وانا نبدل لبنتها ليكوش هذي قالتهم ارقدو
خارجة وجايبة 4 ذراري متوحشين اكراد ماشي ذراري اموا القهوة كي حطيتها زعمى درتلهم وحدهم ياو شربوها وانا رافدتها قتلها واشبيك راكي مصومتهم اواه انا فالوده نهدر مهم كل وحدة فينا حكات حكاية الضياف على جال قباحة الاولاد لحد وين وصلنا نقطة عليها جيت نشوف رايكم
انو جارتي قاتلك انا كرهت الضياف يجو ويا ريتهم يقضو من يدخلو وانتي تصرفي وهي تقصد اللي يباتو ويظلو واللي يصيفو قتلها انا والله عيب انو تستناي الضيف يصرف مهما كان يسموه ضيف تقومي بيه حتى يروح ما عندك ما ديري من جهة لقيتها غالطة ومن جهة قاتلي بزاف ريتهم ياكلو واش ناكلو الضيف لازملو اللحم دايما وكاين تحطلهم الجاج يغيضهم الحال ولازم تنوعي واللي ما عندوش واش يدير هنا لما قاتلي هاكا قتلها ايه مي فالحق حنا قلوبنا ضاقو علاه بكري كانو الناس يحبو الضياف ويستناو يجوهم وضرك طبطب فالباب من داخل يقولك ما راهمش هنا وهوما هناك
الناس كرهت من الضياف ما نعرف سماطتهم ما نعرف الشي غالي ما نعرف رجع واحد ما يحمل واحد
المهم كاين ولايات يقولك نا نحبو الضياف وحنا ما نكرهوهمش مي كاين عادات واسلوب يختلف من ولاية لولاية انا وحدة من الناس الضيف الي ما يعرفنيش العام كامل تصرا جنازة ما يجو نمرض ما يجو ما يرحموكش ولو بتلفون ولما يحتاجو صوالحهم يجو ياكلو ويشربو ويتشرطو ويروحو ويزيدو يقطعو فيك كلينا يقولو ما كليناش
وضياف يما لالة جابتلي ولادها فايحين انا نوض نبدل لبنتها ليكوش مليحة هذي و ولخرى بدات تبعيط ماما ندير بيبي قتلها هاكي تلفوني بيبي وعيطي راكي مسامحة شدي بلاصة برك
ياو قاتلي لالا تروج لذيك الجهة يعطيك راجل يا ليليا اغسليلها قتلها لالا ما يعطينيش غير نوضي انت لبنتك تعيط تبيي تقسر مع اصحابها راهي مسامحة والله يا ضياف كيما هذو والا خلي
وضباف اخر زمن تعيطلك الو راكي مليحة رانا جايين راكم فالدار ياخي الويفي عندكم ترن تلفون تكوبا وانت نوضي وجدي روحك المواكل والقاطوات والفراش ويحلى الفايس والفايبر في دارنا وزيد ماكانش اللي يرقد بسهرو مع النت علاه ما يقعدوش في ديارهم يكونيكتو
انا نحير فحاجة علاه حنا كي نروحو ليهم وقليل جدا وين نضيف خفيفة ضريفة ما نطولش يا ربي ساعة ساعتين ونرجع لدارنا
ضياف اخر زمن في رايكم هوما سامطين والا حنا قلوبنا ضياقت من واش المشكل
الخط ليكم راني عيانة ما كثرتش بالتفصيل نخليلكم ليكم تحكو
شكرا
