هوما سامطين والا حنا قلوبنا ضياقت

السلام عليكم
هههه انا ضيف لازملو طريحة بغا يجي كل يوم والا مرة فالعام وخاصة اللي عندهم ذراري ايه تجيبي حنا كبرنا على التربية للمعيز نتاع اليوم طوروات نتاع سبانيا تهدري معاه يبغي يضربك فداركم ولالة مش ضيفة حاسبة روحها الشيخة موزة وانت خدامة نتاع الفيتنام عندها ويا ريت تعجبي وتجيبلك اخبار الديار كلها انا نعيا نقول ربي يسهل خلونا منهم نبدل سوجي وتجيبلك الهدرة منا على 10 سنين تقولي تضرب الكارطةومخليةولادها يرعاو اواه انا يركبني 700 الف جن نضرب ونبخص فالاول كنت نديهم فالكوانة ونقرص هههه قال من قال طاح ومن بعد القريص ماجابش فايدة ايا دورتها ضرب ديركت واخر شي درتو ريحني واش نقولكم يتباعو دمى نتاع الحفافات يتعلمو يمشطو فيهم اللي تجيب وليدها نخرجهالو يولي كحل من البكا رحمتك يا ربي يجمد فبلاصتو ما يزيد ينوض وفالدار يقولولهم ما نروحوش عندها ههتهه تهنيت منهم
شكرا
ههههههه قريت تعليقك أنا وأختي ورانا ميتين بالضحك ، فجيتي على قلوبنا
ربي يرزقنا طولة البال
 
السلام عليكم ورحمة الله

واااا فكرتيني في وحد التسونامي فات على دارنا اسمو ولاد خالي :cry: ياو تقول مش عباد خصني نلمهم في ساك دو بوبال ونطيش عزرينهم في لبحر وما يغيضونيش أو تاع لعجب !!!

أنا والله ما يقلقوني الضياف مي يقلقوني وحد النوع منهم:
- لي ولادهم سامطين ومتوحشين وما يحكموش بلاصة لي كي يروحو تحس فاتت عليك زوبعة ولا تسونامي.
- لي يجي يضيف وما ناويش يبات مي يجي في وقت محرج وقت لغذا ولا لعشا بلا يخبر من قبل وتكمل على واحد من الدار يلعبها شبعان ما ناويش ياكل :ROFLMAO:.
- لي يجي ومازال ما سخنش بلاصتو يقولك واش الكود تاع الويفي ويبغونشي مع أمورو في النت وينسى عزرينك تولي حسيتيه راحتلو الكونكسيون في الدار جا يفوت وقت عندك ما بين ما يبعتولو ميساج بلي رجعت !.
- لي عندو مشاكل في الماكلة هذي ما ناكلهاش وهذي ما ناكلهاش ومطلوب منك تعملو menu على هواه !! مع أنو الضيف مفروض ياكل من واش ياكلو أهل الدار.
- لي يجي يبات وهو سامط ومن سماطتو لي بزاف تستنى الليل يطيح باه تتهنى من سماطتو ويزيد يسهرك ليلة كاملة يطلع بيك النهار وتزيد تنوض الصباح تحس روحك ما فارقتيهش خلاص من البارح في فيقورتك :mad:.

هذو الأنواع لي نكرهم ولي عارف روحو من النوع هذا غير ما يجيش عندي ضيف راني خبرتكم :p.

أما ع السؤال تاعك بالاك الناس عادت ما تعرفش تزور وممكن تخير أوقات مش مليحة ولا تسمط بولادها لي مش مربيين.

مغسي ع الموضوع.
السلام عليكم
ههههه مزية قلتينا واش تكرهي باه نديروحسابنا ههههه
والله تقولي ضيافكم هونما نفسهم ضيافنا انا كي نشوف دارنا كي يخرجو كي شغل ضربت الزنزلة نولو منكوبين وخزانتي المفتاح نخبيه وين نروح معايا ونغلق الباب تقولي صادمة فرنسا مي الصالون يروح فيها نرفد امور اللي تتكسر عليهم والزربية تلقايني نبعد فيهم خاطر باج اذا طاحت القهوة راحت عليا
وخلي تشناف وتشراط ونزيدك لو درتي قاطو وحطيتي انا يجو خارجين تقولي كاش حبيبات قاطو عجبني يا يمى نبغينتف شعري كيما الوردة نتاع يحبني ما يحبنيش نضربها والا لالا
تاكل وتدي ايه عمري راسك قتلك يخص غير رجالتهم ما يجيبيهمش واذا ما تباتش تقعد للمغرب وعرواحي انتي وينتا تخملي وينتا ديري العشا واللي يباتو نثاوبو قدامهم ترقدي نونو مستحيل وتنوض الصباح على 5وهي رقدت على 4 عذاب القبر ما نحتاجهمش يا اختي كل واحد وظروفو وصحتو يقدر والا ما يقدرش والناس ما تراعيش الظروف
كيما قال مالك ماشي كرهناهم ه ما كرهو رواحهم
انا نجي ليك ونبيتك قاعدة ونكونيكتي عندك ههههه وعلبالي فحلة وترحبي بيا
شكرا
 
شكرا لك
البيت لي فيه الضياف بزاف هو بيت نتاع خير باختصار
سواء فيه الهرج ولا مافيهش
السلام عليكم
اهلاخويا الحبيب واش راك واش راه الوالد اعذرني ما سقسيتش مي ربي يعلم ديما ندعيلو
والله يا خويا نتوما رجال نورمال علاه تجو للكوزينة طيبو وجدو الضياف تحيبو وينوضو الخدامات يطيبو ويحطو ويغسلو نتوما تامرو برك يا خوياالضيف ضيف مهما كان ونحبو دارنا عامرة بيهممي اللي عندهم ذوق المخلوقات المريخية شوي معيز مع طوروات اسبانيا لالاما يجونيش انا وحدةمريضةما نقدرش للتعب الله غالب
شكرا
 
ههههههه قريت تعليقك أنا وأختي ورانا ميتين بالضحك ، فجيتي على قلوبنا
ربي يرزقنا طولة البال
اهلا
سلمي على اختك قولها انا نخمم نولد 12 ونديهملهم وعند الباب نقول وبادي لاطاك دقدقو كل شي وانا نتكسل كيما كانو يديرولي ههه
امين الله يفرحك شكرا
 
السلام عليكم
اهلاخويا الحبيب واش راك واش راه الوالد اعذرني ما سقسيتش مي ربي يعلم ديما ندعيلو
والله يا خويا نتوما رجال نورمال علاه تجو للكوزينة طيبو وجدو الضياف تحيبو وينوضو الخدامات يطيبو ويحطو ويغسلو نتوما تامرو برك يا خوياالضيف ضيف مهما كان ونحبو دارنا عامرة بيهممي اللي عندهم ذوق المخلوقات المريخية شوي معيز مع طوروات اسبانيا لالاما يجونيش انا وحدةمريضةما نقدرش للتعب الله غالب
شكرا
وعليكم السلام ورحمة الله
خسارة علي أنا لي ماسالت عليك أنت أولى بالسؤال
في الحقيقة الوالد راه مريض ولاتحسن والقلق يزداد عليى حالته
وانا تاني راني مريض في هدي ليام عليها مارانيش ندخل لكن الحمد لله
لي عودة إ شاء الله
 
اهلا
سلمي على اختك قولها انا نخمم نولد 12 ونديهملهم وعند الباب نقول وبادي لاطاك دقدقو كل شي وانا نتكسل كيما كانو يديرولي ههه
امين الله يفرحك شكرا
ههههه الفريق الوطني
و 12 هاذو راكي ناوية اجيبيهم كي تجي عندي ؟؟؟ هههههه
 
وعليكم السلام ورحمة الله
خسارة علي أنا لي ماسالت عليك أنت أولى بالسؤال
في الحقيقة الوالد راه مريض ولاتحسن والقلق يزداد عليى حالته
وانا تاني راني مريض في هدي ليام عليها مارانيش ندخل لكن الحمد لله
لي عودة إ شاء الله
لالا خويا والله مسامح
ربي يشافيكم يا رب ويشفيني امر الله الحمدلله
راك مريض من القلقة على الوالد لازمك تكون كوراج وتتهلى فيه ربي يرفع ضرو عليه
اي جديد راسلني خبرني بحالتو
 
ههههه الفريق الوطني
و 12 هاذو راكي ناوية اجيبيهم كي تجي عندي ؟؟؟ هههههه
يا اختياذا انتي جبتي 12 نتاعك عندي دارو ماتش لازم نعاودوها روتور عندكم ههههه
 
آخر تعديل:
هذي يا غاليتي ليليا قلة ادب من الضياف ماش كامل بصح كانوا الاشكال هذو صدقيني
المراة التاخذ معها اولادها بالشكل هذا تلقايها مثلهم و همها الشياخة فرات حتى شياختها تلقاي فيها الغيبة و الضحك و التكبر اما التشراط فهذاك هم اخر المعندوش منين يجيب البارح كانوا عندي ضياف و جبت الدجاج هذيك هي قدرتنا و زيارتهم ساعتين فقط اما اليقعد بالاسبوع فهذه قلة ادب و كاين ضياف لظروف قاهرة هما على عيناو رأسنا ،اما ليكوش للطفلة فهذاك هو مستواها في الضيافة ما عندك ما الديري بصح ماش دائما ،تحمد ربي لقات شعر بنتها كاين الخطرة الجاية وجدي المقص
المثل يقول يرحم من زار و خفف فالزيارة عندها اداب

 
وهل هناك ضيوف في هذا الزمن لم نعد نرى ضيوف اخذتهم الفنادق ...
كانت ايام حلوه حينما يكون بيتك موطن كل ضيف لكن هيهات راحت مع الزمن الجميل ...
 
هههههه التشرد الممتع
السلام عليكم اختي
ايه تشرد مع اولادنا كي نطلقوهم فديلر الناس كالجراد كي يدخل لارض يكملها ههته نحب هاكاك ولادي نطلقهم يخلولهم ديارهم خراب كيما دارولي ههه
 
هذي يا غاليتي ليليا قلة ادب من الضياف ماش كامل بصح كانوا الاشكال هذو صدقيني
المراة التاخذ معها اولادها بالشكل هذا تلقايها مثلهم و همها الشياخة فرات حتى شياختها تلقاي فيها الغيبة و الضحك و التكبر اما التشراط فهذاك هم اخر المعندوش منين يجيب البارح كانوا عندي ضياف و جبت الدجاج هذيك هي قدرتنا و زيارتهم ساعتين فقط اما اليقعد بالاسبوع فهذه قلة ادب و كاين ضياف لظروف قاهرة هما على عيناو رأسنا ،اما ليكوش للطفلة فهذاك هو مستواها في الضيافة ما عندك ما الديري بصح ماش دائما ،تحمد ربي لقات شعر بنتها كاين الخطرة الجاية وجدي المقص
المثل يقول يرحم من زار و خفف فالزيارة عندها اداب
سلام عليكم صباح النور ميلينا واش راكي واش راهو وليدي التحفيفة جاتو تهبل خموس عليه
يا اختي ذاك هو مقدوركم الضيف لازم يقدر ضيوف الناس حنا نحبو الضيف مش على جال الماكلة القسرة والضحك الواحد ينحي على خاطرو ما عندهاش بزاف كنت مريضة جاوني جاراتي بلا ذراري لانو ولادهم كامل كبار وجات صحبتي غريبة ما يعرفوهاش لما راحت عيطتلي قاتلي جامي ننسى القسرة عندكم جاراتك هايلات يحكو غير على همهم والضحك ما يقطعو فالناس روعة كي يجو عيطيلي قتلها هذوك يسموهم لاكلاص فمخهم وانا نحبهم وين نتلاقاو فعرس او مناسبة هاكا خاطيهم عقلية يمنشرو فالناس يضحكو برك قتبها لما يجو الاكراد نعيطلك تشوفي. الجراد
يا اختي الضيف مهما يكون ضيف مي لما يولي بجرادو ويتشرط على اهل الدار كيما حنا مرات ماكانش الله غالب تخرج ينى تتسلف باه ديرلهم عشا ياكلو يشبعو ويروحو ويزيدو يقطعو فيك هذي نكرها
واش نديرو ومرحبا بيكم عندي
 
صباح الانوار و الصحة و العافية
انا بخير و الحمد لله و وليدك كبار و الحمد لله بصح أخسري لي الماعين ما خلا لي والوا كل يوم حاجة ،
اما ضيافك ما اجمل القعدة معاهم حاجة مليحة نهدروا على عيبنا باش ننساو عيوب الناس و نبعدوا على الغيبة الي رانا نتخبطوا فيها ،زميلتك عندها الحق كي بغات تزيد تشوفهم كاين ناس متشبعيش منهم كي تلقاي تفكيرهم راقي
كي نحب نجي عندك نبلغك تزربي تخبي ماعينك كيعاد أسلام ما راح يخلي لك والوا
 
وهل هناك ضيوف في هذا الزمن لم نعد نرى ضيوف اخذتهم الفنادق ...
كانت ايام حلوه حينما يكون بيتك موطن كل ضيف لكن هيهات راحت مع الزمن الجميل ...
السلام عليكم
اهلا وسهلا بيك عندي
حنا نازالو ضيوف تحب نبعثلك شوي
ايه نتوما يروحو للفنادق برغم دياركم كبار يرفدو قرية كاملة من عندنا هههه
لالا احنا يحلو فندق فديارنا ههههه ونولو خدامات عندهم بيه بجرادهنا تخمنش انا نجي ضيفة وحدي ما عنديش الجراد هههه
شكرا
 
صباح الانوار و الصحة و العافية
انا بخير و الحمد لله و وليدك كبار و الحمد لله بصح أخسري لي الماعين ما خلا لي والوا كل يوم حاجة ،
اما ضيافك ما اجمل القعدة معاهم حاجة مليحة نهدروا على عيبنا باش ننساو عيوب الناس و نبعدوا على الغيبة الي رانا نتخبطوا فيها ،زميلتك عندها الحق كي بغات تزيد تشوفهم كاين ناس متشبعيش منهم كي تلقاي تفكيرهم راقي
كي نحب نجي عندك نبلغك تزربي تخبي ماعينك كيعاد أسلام ما راح يخلي لك والوا
الحمد لله
خليه يكسر نخسرهنملك انا نورمال جيبيه خلي نديه معايا عند واحد الجارة نقولو انا نقسر وانت قوم بالواجب ههههه وعندي نورمال نولي نلعب معاه هو يكسر وانا نكسر
الحق جاراتي هذو روعة هوما 3 عرايس فدار وحدة معناها سلافات تقوليهم خوتات ووحدة من العاصمة وتسكن هنا عقلية العاصميات توب غير هدرتها بالطبع من يجو عندي غير الضحك يزعقو على رجالتهم على حوايجهم وانا تعرفيني ما نسكتش يولو يبكو من الضحك والله ما يهدرو فالناس ابدا كي تجي عندي نعيطلهم تقوليلي عندك الحق
مرحبا بيك وبيه جيبيه وخليه يكسر
 
السلام عليكم
ههههه مزية قلتينا واش تكرهي باه نديروحسابنا ههههه
والله تقولي ضيافكم هونما نفسهم ضيافنا انا كي نشوف دارنا كي يخرجو كي شغل ضربت الزنزلة نولو منكوبين وخزانتي المفتاح نخبيه وين نروح معايا ونغلق الباب تقولي صادمة فرنسا مي الصالون يروح فيها نرفد امور اللي تتكسر عليهم والزربية تلقايني نبعد فيهم خاطر باج اذا طاحت القهوة راحت عليا
وخلي تشناف وتشراط ونزيدك لو درتي قاطو وحطيتي انا يجو خارجين تقولي كاش حبيبات قاطو عجبني يا يمى نبغينتف شعري كيما الوردة نتاع يحبني ما يحبنيش نضربها والا لالا
تاكل وتدي ايه عمري راسك قتلك يخص غير رجالتهم ما يجيبيهمش واذا ما تباتش تقعد للمغرب وعرواحي انتي وينتا تخملي وينتا ديري العشا واللي يباتو نثاوبو قدامهم ترقدي نونو مستحيل وتنوض الصباح على 5وهي رقدت على 4 عذاب القبر ما نحتاجهمش يا اختي كل واحد وظروفو وصحتو يقدر والا ما يقدرش والناس ما تراعيش الظروف
كيما قال مالك ماشي كرهناهم ه ما كرهو رواحهم
انا نجي ليك ونبيتك قاعدة ونكونيكتي عندك ههههه وعلبالي فحلة وترحبي بيا
شكرا

أرواحي مرحبا بيك مي الكود تاع الويفي والله ما طاحلك ديجا تسلمي تيليفونك مع الدخلة نسيزيه ما عنديش لي يستعمل التيليفون في الدار من غيري :LOL:.

ربي يعيننا ع السماطة تاع لعرب :mad:.
 
خوك سفاح اطفال هه في الدار اذا جاو ولاد العمة وولاد الخالة لا لا هناك الرحمان غير يعيطولي حكيم
ارواح لفلان وتشوفي الطفل يترعد وحدو يااختي انا نخوف الذراري ناكلهم على الفوضى مي ما نقلقش منها
بيسك الام نتاعي تقلق منهم وانا كلشيء الا ميمتي بيسك عندها لينار ومريضة يعني ما تحملش الصوت العالي
مام كي تروح لبيت جدي تقولي في نهارك ارواح تديني بيسك ما تحبش الهراج نتاع الذراري الصغار هذي من ناحية الاطفال
اما الضياف يااختي واش ديري البروبلام الضيف ماراهوش الانسان اللي يجيك في العام مرة هذاك تحطيه في عينك
مي البروبلام كي يشوف خوك روحو ضيف ولا تشوف ختك روحها ضيفة ولا عمك ولا خالك
انا دايما نقولهم انتوما مالين دار صراحة نزعف من عمي كي يقلي راك ضيف بيسك راني مول الدار نجي ناكل واش تاكل ونقعد كيما تقعد
اما الرسميات هذيك خليها للغرباء والله عيب يجيك خوك ويستنى منك معاملة الضياف هذي نشوفها عيب
انا خويا ادخل روح طول للفريجيدار طيب على روحك انت ومرتك وولادك ما تقعدش في الصالون وتقعد تستنى في الخيرات
يعني اللي كاينة ما نبخلوش خاوتنا بيها اما الانسان الغريب هذاك بالسوء نتاعو لازم نقبلوه الله غالب ...
 
السلام عليكم و رحمه الله تعالى وبركاته

اختي الكريمة موضوع رائع بارك الله فيك

فرفوشة المنتدى قريت الردود كامل وعجبتني ،يا ختي ما نعرف منين تجيبو فالهدرة تبارك الله عليكم .(y)

انا نقلك ما ديمك درتي الستاج فالاطفال المشاغبين حلي حضانة الاطفال المشاغبين فقط ،واللي كرهت منهم أماتهم واضربيلهم السومة كيما تحبي وكل طفل على حساب وعارتو تخلصي عليه :devilish:

والله يا أختي ميش عندكم بارك راها ظاهرة منتشرة فالارجاء اكل،وين تروحي تلقايهم يشكيو من ولادهم وولاد الضياف.

كنا نسكنو في دار ميش باطيمة ،جاوني ضياف من بعيد ضالين عندي ،والله يا أختي غير عيينا وحنا نجريو عقاب ولادهم وهوما كون غير تحركو:cautious: وطلعو الفوق للشنابر ودارو ريانهم ،والفوتايات طلعو فوقهم ويسوطيو :cry: قعدنا نوحدو في ربي ،حتى لحيوط خبشوهمo_O.

القهوة قهويناهم عن بعد:sneaky: يعني قرعة القهوة فالكوزينة والحوايج كامل فالكوزينة وجبنالهم فناجل هزوهم في يديهم والقاطو في يديهم ،قالولنا يكسرو لماعن ما تجيبوش قدامهم:unsure: قعدنا نوحدو فالله ،هزينا كلش من قدامهم حتى الطوابل ،بناتي كانو صغار ست شهر كلاوهم وما خلاوهمش يرقدو ركبولهم في بلايصهم يدوحو بيهم وهوما راقدين ،حنا حشمنا :oops: وهوما ما حشمو ، هربناهم بعيد بالمفتاح .

هوما راحو وحنا شهدنا واستغفرنا .

أبابابا هنا في فرانسا كثر من ثم مدلينهم زي هكذا.... تلقايه راجل وهاز ساشي نتاع شيبس قدو فالطول ويقول لخاوتو ما نمدش:( ،وعند الناس كون غير جا في دارهم .
ياو خليك تربية بكري دفنوها .

ربي يحفظك ختي ويعينك عليهم

احترامي وتقديري
حلم كبير
(y)
 
أرواحي مرحبا بيك مي الكود تاع الويفي والله ما طاحلك ديجا تسلمي تيليفونك مع الدخلة نسيزيه ما عنديش لي يستعمل التيليفون في الدار من غيري :LOL:.

ربي يعيننا ع السماطة تاع لعرب :mad:.
السلام عليكم
ابابابا كي شغل اقعدي في داركم يا حوجي حتى تلفوني وما نستعنلوش علاه فت الحدود ههههه
لالا صحا ما نجيش هذا حبس ماشي ضيافة ههههه
بارك الله فيك على السركاجي هههه كي شغل جيت ورحت
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top