- إنضم
- 29 نوفمبر 2017
- المشاركات
- 2,151
- نقاط التفاعل
- 3,164
- النقاط
- 2,186
- العمر
- 23
- محل الإقامة
- بلاد المليون ونصف مليون ش
- الجنس
- ذكر
انا غداً راح ندير اختبار في الجغرافيا وماقدرتش نحفظ عييت ماقدرتش ارجووووووكم قالولي طرق للحفظ السريع وشكرا
اتبع التعليمات في الفيديو أدناه لمعرفة كيفية تثبيت تطبيق المنتدى على هاتفك.
ملاحظة: This feature may not be available in some browsers.
السلام عليكم
أولا يا أخي اعطي لنفسك فترة راحة ولو ربع ساعة ريح مخك شوي
خاطر الضغط يزيد يبلوكيك برك كي تحس نفسك رتحت شوي
وشفت نفسك قادر على الحفظ احفظ اذا شفت مخك ماش قادر يستوعب أفهم أكثر ما تحفظ
يعني اقرا الفقرة بعقلك وأفهمها ولخصها بطريقتك نتا باه تتفكرها
ماتنساش تتوكل على ربي وتقرا قرآن وأدعية وبعض الأذكار وتاكل المأكولات المنشطة للدماغ
بلعقل برك مازال عندك وقت حتى لغدوة زيد ريفيزي بعقلك وماتضغطش على مخك باه ماتبلوكيهش
ربي يوفقك ان شاء الله
سلام عليكم
اول حاجة حط التلفون من يدك ..او الميكرو
لانو راح يدي بزاف من وقتك وراح يشتتلك تركيزك
حاول دير ملخص لدروسك وتبسطهم
متحفظش Mot à mot
احفظ المصطلحات فقط والخرائط اذا استوجب الامر
اما الدروس فكما قلت لك حاول تلخصهم قدر المستطاع او تشيماتيزيهم
ونوض الصباح بكري ..لانو قراية الصباح مفيدة جدا
وربي يوفقك
تحياتي
السلام عليكم ورحمة الله
اهلا بالاخ الصغير ^^ ،، لا عليك بلعق ما تتقلقش كامل فوتنا مرحلة القلق هذي هههه واشنوا كيفاه تخلي حتى لحتى يوصل الامتحان باش تحفظ ؟؟؟
الى تراكموا عليك الدروس لازمك تراجع فقط العناوين المهمة يعني اللي مركزين عليها بزاف ، ماشي حتى تحفظها عن ظهر قلب تفهم برك ^^ ( انا ماكانتش عندي مشكل فالحفظ كان اسهل شي الحفظ ، نحفظ قبل الاختبارات كل مساء قبل العشاء و صباح بكري قبل الفجر وبعد الفجر نولي نرسخ كتابيا واش قريت وحفظت ،، هكا اسهل ،، ) نصيحتي ليك خويا الصغيرون اغلب اللي قراو معاي كانت مشكلتهم مواد الحفظ علاه في رايك ؟ خاطر كانوا يقنعوا ارواحهم بلي صعيبة عليهم يحفظوا ويفشلوا ارواحهم بالعكس استرخي و اتمهبل حتى وانت تقرى يعني ما تقراش وانت عابس و مقلق ، خايف من القراية والامتحان بالعكس اضحك و امرح وانت تقرى
هكا كنت أنا و الحمد لله فوتنا كلشي صعيب ولينا نضحكوا على ارواحنا ههه
هذا واش نقدر ننصحك ( بالتوفيق )
اي انسان عندو عقل بكل تاكيد يقدر يحفظ ا خويا
وللي يحفظ ماهوش خير منك وللي يحفظ راهو بشر كيفو كيفك
القضية قضية اصرار وعزيمة وكي تقرر وتعزم باش تحفظ راك تحفظ بكل سهولة
اعزم وتوكل على ربي هذا ماكان
شكراااااا لكم القضية أني حافظ ومن القلقة والخوف نسيت كلش مع العموم شكراااااا
راهي تبانلك برك بلي نسيت مالا أنا صراتلي نهارا لباك وكي دخلت قاعة الامتحان
وفي مادة جد مهمة هي لي تنجحني ولا ترسبني وقبل ما يمدولنا الأوراق راح كلشي من راسي خاطر
بقيت نسمع للناس وهوما يحكيو ويهدرو قدامي على الدروس تشوشت وبديت نبكي بيني وبين روحي ههههه
بصح غير تحطت الورقة قدامي استرجعت كلشي وجبت 20 في المادة هاديك ههه
فمابالك نتا لي حافظ وعندك ليل كامل وصباح حتى لغدوة وزيد ماش امتحان مصيري
يعني التوتر هاداك نحيه خلاص وريح مخك شوي لمدة معينة وعاود ريفيزي كامل واش حفظت واذا جيت تريفيزي ونسيت
عاود احفظ وينو المشكل بلعقل برك حتى تسترجع كلشي وتخدم غدوة مليح ان شاء الله
بالتوفيق
--انا غداً راح ندير اختبار في الجغرافيا وماقدرتش نحفظ عييت ماقدرتش ارجووووووكم قالولي طرق للحفظ السريع وشكرا