الرسم في مدارسنا في الطرق و طروطوارات ?

[Tama Aliche]

بالشوية برك على راسك هههه
راسي راه كي الحديد انا ههه
وش بيك ههه
​

? كي الحديد تاعي حديد مدوبلي بالحجر ????

 

[Salah eddin]

? كي الحديد تاعي حديد مدوبلي بالحجر ????

ها قولي بوطون خير ههه

 

[Tama Aliche]

ها قولي بوطون خير ههه

??? ??خليتك تستنتجها وحدك

 

[Salah eddin]

??? ??خليتك تستنتجها وحدك

​

 

[Tama Aliche]

مشاهدة المرفق 80243​

??? من عند الرايس مقبولة ههخخخه صحيت صحيت ? كشرودة وأفتخر الاكشاريد جميلات و حلوات و لويز ???

 

[زهور الأمل]

راني فنانة فالرسم ومع هاذا مدرتيليش اشارة.مممم معليش دوك نعتزل هه​

 

[Salah eddin]

??? من عند الرايس مقبولة ههخخخه صحيت صحيت ? كشرودة وأفتخر الاكشاريد جميلات و حلوات و لويز ???

​

 

[Tama Aliche]

راني فنانة فالرسم ومع هاذا مدرتيليش اشارة.مممم معليش دوك نعتزل هه​

ههههههه ما علابليش اوااه ما تعتزليش جربي حطينا ? قلب داخله سهم ههنهه علابلي

 

[Tama Aliche]

مشاهدة المرفق 80244​

اللي خاف نجا

 

[Salah eddin]

اللي خاف نجا

و الي نجا سعدت ايامو على بالنا بيها ههه

 

[زهور الأمل]

ههههههه ما علابليش اوااه ما تعتزليش جربي حطينا ? قلب داخله سهم ههنهه علابلي

هاااا شوفي​

 

[Tama Aliche]

و الي نجا سعدت ايامو على بالنا بيها ههه

اللي نجا كحال سعدوا ههههه

 

[Tama Aliche]

هاااا شوفيمشاهدة المرفق 80246​

خهخخههه مصيبة شفت الله يبارك فنانة قلوب مصابة ههه

 

[السلطانة]

وعليكم السلام ورحمة الله وبركاته راني رجعت اخير باه نرد
تجيني الحالة تاع نتلع منشتيش نرد حتان نكون مركزة ياجدك شحال نكرها

علاه تقيسي فيا في الوتر الحساس تاع حاجة اسمها رسم
يامحايني وانا نعاني معاه
في الابتدائي عند معلمي اول رسمة مدهالنا في كراس الرسم رسم شمعة مالا رسمتها ومعرفتش نرسم النار لي شاعلة فيها
جا ليا قربعني بالعصا على راسي وفي الامتحان قالي متعرفيش ترسمي صرفقني ب 6 ومن تم النقطة تاعي في الرسم هاذي هي
ياو انت معلمتنا كيفاه نرسمو لاجد وتجي تحاسب
زدت قريت عند معلمة خلاف كملت عقدتني في الرسم
المنظر الطبيعي تقولي ماش هك
التفاحة تقولي عوجتيها :p
ياي يعواجو حناكك لي خلاه راجلك كملتيه انتي
المهم انا والرسم تعقدت عقدة كبيرة منو
اي حاجة نرسمها ماش مليحة ديما نفس النقطة

طلعت للمتوسطة قريت عند وحد الاستاذة معقدة يعيطولها لونجة هعهعهع
كانت دايرتلنا حصر كبير كي تجي حصتها نكرهو حياتنا
تعلق رسمة وتقولنا ارسموها كيما هي ههههه
ولي يضحك ولايتحرك تخلا عليه
نشفى على رسم وردة ووحد الوجه والبون اني وعيد العلم ومنظر طبيعي والفن التكعيبي معرف واش
كان بابا ربي يحفظهولي يبات ساهر يرسملي فيهم ههههه كانت تقولنا كي تروحو للدار كملوهم مالا يعاود يرسمهم بابا
ونديهم السمانة الجاية كانت تعرف بلي ماش حنا لي نرسمو مي عادي عندها متحوسش تفهم كان تعلمنا ولانو المهم نديو نقطة مليحة ههه

وفي الليسي ويادلالي قريت عند وحد الاستاذ معقد كثر من تاع المتوسط
هاذا ينوض يكفر علينا ويسب
كنا منتحركوش نخلوه غير يهدر ويخرط
كان يحفظنا ههههههههههههه ويعرضنا وليت نحفظ الرسم
بففف زدت كرهتو كثر

المهم مسيرتي مع الرسم هاذا ماتت في سنة ثانية ثانوي بعد ماحبسنا مبقيناش نقراوه وفي الباك نحاوهولنا
ارتحت الصعداء
من المعلمين لي عقدوني فيه

تقبلي مروري

 

[Oussama.GF]

بقيت غير انا مدرتليش اشارة وانا نتهلا فيك هاهي اشارة ليك الصحافية الساخرة
نستيني ياك
اه يا يمات ابتدائية شحال نتوحشهم
كنت منعرفش نرسم انا ودايمن ندي 5/10 استاذة تمداهلي هكاك خاطرش كنت نخلط برك
نرسم خروف كي سحابة وكنت نغمق على لون حتان يتكسر ونتقلق وكل سامنة تقريب نشري باكي اللوان :pمنحافظش عليهم
مي كان صاحبي موهوب من صغرو تعلم من بداية يرسم شخصيات انمي وان بيس و غوغو مواكلي وبدا يتعلم يرسم درجات نارية وطكسيات وكنت نغار منو بزاااف ونحب نقلدو مي متخرجليش كيفو
وحد نهار كنت نقرا في نكت ولقيت وحد نكتة تاع نقطة فيل جاي من بعيد
ايا روحت مدرسة وانا مبكري منعرفش نرسم ونعميها
قاتلنا ارسمو فيل رسمتلها نقطة قاتلي وش هذا قتلها فيل جاي من بعيد انا حسابلي راني نضحك في غاشي وديت طريحة مليحة منها مزدتش فزت ورقة رسم مرة اخرى
ولا هادوك بنات لي شادينها غير قلوب وتعابير عن حب ومانيش عارف من صغر وهوما يعشقو
يمات ميتنساوش
​

 

[قلم مغرور]

سلام الله عليكم
الحاجة لكنت نكرهها كي يقولنا المعلم ارسموا طاولة فوقها مزهرية هههه من صغري علمني الرومانسية ..
و يعجيني كي يقولنا شكلوا واش تحبو بالعجينة. كنت ديما نشكل حصان و لا بقرة تاكل من صحن ...مي واش تاكل مانعرف المهم نشكل حبات دائرية صغيرة ههههه
موضوع رائع يا أم الأفكار الشريرة @الصحافية الساخرة

 

[صانعة الإبتسامة]

سلااااام يعطيك الصحة
والله فكرتني في وقت صغر يااااه وين ديتني الله الله ههه انا نعشق الرسم سورتو نجيب ورقة بيضاء ونرسم فيها × تولي كبيرة ههه وندير وسطها شمس وعلى جيهة نحط شجر وباطيمات ههه نرسم في الحيط نتاع دارنا بكري ماما مسكينة ظل تغسل ورايا ههه نرسم في الباب نتاع جيران ههه كنت ستوتة هه
اما لدرك نحب نرسم مي طلعت نيفو شوي هههه نرسم أزياء نتاع نسا بسكو نحب لخياطة بزااااف
مرسي مجددا موضوع رااائع

 

[Oussama.GF]

سلااااام يعطيك الصحة
والله فكرتني في وقت صغر يااااه وين ديتني الله الله ههه انا نعشق الرسم سورتو نجيب ورقة بيضاء ونرسم فيها × تولي كبيرة ههه وندير وسطها شمس وعلى جيهة نحط شجر وباطيمات ههه نرسم في الحيط نتاع دارنا بكري ماما مسكينة ظل تغسل ورايا ههه نرسم في الباب نتاع جيران ههه كنت ستوتة هه
اما لدرك نحب نرسم مي طلعت نيفو شوي هههه نرسم أزياء نتاع نسا بسكو نحب لخياطة بزااااف
مرسي مجددا موضوع رااائع

من صغرك وديري في شياطين يالطيف ههه باب مخلتيه تاع ناس
ربي يهديك هههههه
انا حاكيتي معا رسم هو في جيهة وانا في جيهة منتلقاش دايمن نعميها

 

[صانعة الإبتسامة]

من صغرك وديري في شياطين يالطيف ههه باب مخلتيه تاع ناس
ربي يهديك هههههه
انا حاكيتي معا رسم هو في جيهة وانا في جيهة منتلقاش دايمن نعميها

ههههه الله غالب هذا الواقع شرييييرة من بكري ايه نرسم كامل في البيبان نتاع جيران في الليل هه كي ينوضو يلقاو مناظر طبيعية خلابة ههههه

 

[Oussama.GF]

ههههه الله غالب هذا الواقع شرييييرة من بكري ايه نرسم كامل في البيبان نتاع جيران في الليل هه كي ينوضو يلقاو مناظر طبيعية خلابة ههههه

عجبتني هادي تاع ليل
تروحي تهربي من داركم وتخربشي في ديار ناس