معتقدات جزائرية

[مناجاتي لسجادتي]

السلام عليكم و رحمة الله تعالى و بركاته
ان شاء الله راكم لاباس ؟

كلنا من كنا صغار كانت عندنا واحد المعتقدات
كنا مصدقينها و هازينها بعين الاعتبار هههه
في هذا الموضوع نحاولو نجمعو بعض هذه المعتقدات و الا ساطير ..

هيا انطلقو و شاركونا ابداعاتكم

 

[مناجاتي لسجادتي]

تقول الأسطورة الاولى :

كتكون في دار الناس خلي شوي في الكاس باش ميقولوش جيعان

 

[صانعة الإبتسامة]

يعطيك الصحة
انا كان عندي معتقد اذا شفت قط اكحل نهاري منحوس ويروحلي ههههه

 

[مناجاتي لسجادتي]

موش باهي تحط الكلاكات مقلوبة

علاش !!

الله أعلم

 

[مناجاتي لسجادتي]

يعطيك الصحة
انا كان عندي معتقد اذا شفت قط اكحل نهاري منحوس ويروحلي ههههه

ههههه نتي جاتك غي في النحس راكي مليحة
احنا كنا نعتقدوه جني و راح يركبنا ههه

شكرا صفاء على مشاركتكي بهذه الاسطورة ههه

 

[صانعة الإبتسامة]

اذا صونات وذنك واحد يمنشر فيك هههههههه يااه جيل هههه

 

[صانعة الإبتسامة]

اذا جاتك حكة في يدك راح تجيك دراهم هههههه

 

[صانعة الإبتسامة]

اذا جاتك حكة في رجلك راح تروح لكاش بلاصة ههههههه

 

[❤️كلي أمل❤️]

السلام عليكم
ههههه ضحكتيني ولله
يعطيك الصحة اختي
أن شاء راح نرجع ومعايا شوية خرطي ههههه

 

[صانعة الإبتسامة]

اذا طاحت رمشة من رموش عيونك راح يجيكم واحد خاطر (مسافر) هههه

 

[مناجاتي لسجادتي]

هاي ليكم باش كنا معمرين ريوسنا يا عباد الله هههه

- انوكتمشي حفيان رجليك يطوالو ..
- كتلعب بالمقص والديك يتعاركو ..
- كتفحج على الرماد يركبك جن .

 

[صانعة الإبتسامة]

اذا فسد نهارك الذي يتحمل المسؤوليه هو شخص لي صبحت على وجهو هههههههههه

 

[مناجاتي لسجادتي]

السلام عليكم
ههههه ضحكتيني ولله
يعطيك الصحة اختي
أن شاء راح نرجع ومعايا شوية خرطي ههههه

و عليكم السلام
مرحبا بيك حبيبة و بالخرطي تاعك
هههه.

 

[أم منيــــــر]

كنا صعار و ما نحبوش نتعشاو تقولنا يما درك تجيكم الغولة على لي ما كليتوش و كنا نامنو و نخافو و نوضو ناكلو

 

[أم منيــــــر]

حكة في يديك اليمنى رايحة تحكمي دراهم و اذا ليسرى رايحة تخرجي دراهم ههه

 

[مناجاتي لسجادتي]

قالك يا سيدي كي تحب ترتاح من العين والحسد حط بوكشاش(

)
مسكين الحيوان واش راح يعاني هههه

 

[أم منيــــــر]

يعطيك الصحة
انا كان عندي معتقد اذا شفت قط اكحل نهاري منحوس ويروحلي ههههه

هادي ماش معتقد
يقولك كي تشوفي قط اسود استعيذي بالله من الشيطان الرجيم و الله اعلم

 

[مناجاتي لسجادتي]

كنا صعار و ما نحبوش نتعشاو تقولنا يما درك تجيكم الغولة على لي ما كليتوش و كنا نامنو و نخافو و نوضو ناكلو

حكة في يديك اليمنى رايحة تحكمي دراهم و اذا ليسرى رايحة تخرجي دراهم ههه

ههههه و الله غير شيء يحشم
قداش كنا زواولا في مخاخنا هههه
شكرا خلخولتي على لمشاركة و كاش متفكرتي قولينا هههه

 

[صانعة الإبتسامة]

لي يقول كلمة مقص فال مش شباب هههه مالا واش نقولو للمقص ههههه والله
انا ماما نقلها وراه لمقص تقولي واش بيك تفولي لشر هههههههههه

 

[صانعة الإبتسامة]

هادي ماش معتقد
يقولك كي تشوفي قط اسود استعيذي بالله من الشيطان الرجيم و الله اعلم

والله معلاباي حكيت برك شكرا لتوضيح