لغز غير مسجل 13 من sami44

[sami44]

السلام عليكم ورحمة الله

لغز اليوم هو 13 في سلسلة الغازي الفكرية الغير مسجلة

اسهل من السهل حتى الشيماء يمكنها تلقى الحل اتمنى تحلوه من اول رد

اللغز يقول

أسألك عن شيئ غني عن التعريف
للاكل قابل وطعمه كالحنضل
يحيا في التراب وله في الطب اثر
اصله اجوف من الازل موجود
اسمه معروف وعندنا مألوف

اوله في الشام واخره في اخر اللمة موجود



تحيات اخوكم سامي44​

 

[sami44]

@لؤلؤة قسنطينة
@طموحة
@صمت المشاعر.
@Amant liberti
@ماغيكاي تشان.
@حلم كبير
@خووخه
@zagane
@ام أمينة
@أم منيــــــر
الحاضر يعلم الغايب الكل مدعو ولو انو اللغز سهل جدا

 

[لؤلؤة قسنطينة]

السلام عليكم ورحمة الله وبركاته
متأكد راك مريض بضرستك ؟
اممم نخمم شوي وندير أبحاث ونولي ان شاء الله
ديجا شيماء راهي تتوقب تحت الموضوع
ادخلي شيماء رانا شفناك هههه

 

[أم أُنٌَيسة]

وعليكم السلام ورحمة الله وبركاته
جاري محاولة حل اللغز​

 

[sami44]

وعليكم السلام ورحمة الله
ايه متأكد و75 ونص ودرتلها القرنفل ما قرش فيها شربت فوتريكس مادارت والو كي جيت نزيد حبة وقفتني السوسة قالتلي حبس ما تشربش راك هردتني اعطيني فرصة المساء ونروح ايا ما حبيتش نحشمها غاضتني ما لقات وين تروح
اما اختي البهلوله راهي تتفرج برك ما نضنهاش تلقى الحل نهار يلقاوه تعاونني في الدعاء. وتصفق

 

[sami44]

وعليكم السلام ورحمة الله وبركاته
جاري محاولة حل اللغز​

شفتي اختك االمغيارة واش كانت تمنشر فيك. كون جيت منك ندير البوسيبل باش نلقى الحل زكارة فيها ايا شيش ونساعدك

 

[zagane]

السلام عليكم

الشورمة شد بيها يدك بيلاما لقيت ليك الحل

 

[zagane]

السلام عليكم
أعتقد أنه سمكة الصحراء الشرشمانة

 

[sami44]

السلام عليكم

الشورمة شد بيها يدك بيلاما لقيت ليك الحل

لا ليست الشورمة راك بعيد

السلام عليكم
أعتقد أنه سمكة الصحراء الشرشمانة

وعليكم السلام
هاذي ما سمعتش ييها ولكن موش هي راك بعيد ولا تتوافق مع اللغز بتاتا

 

[أم أُنٌَيسة]

اقرب شيء وجدته
نبات الجعدة
اذا صحيحة نجيب التحليل والفوائذ

 

[zagane]

السلام عليكم
هههههههههههه
أخر اللمة لقيت هههههه
أرشيف المواضيع المكررة والمخالفة

 

[أم أُنٌَيسة]

وعليكم السلام ورحمة الله
ايه متأكد و75 ونص ودرتلها القرنفل ما قرش فيها شربت فوتريكس مادارت والو كي جيت نزيد حبة وقفتني السوسة قالتلي حبس ما تشربش راك هردتني اعطيني فرصة المساء ونروح ايا ما حبيتش نحشمها غاضتني ما لقات وين تروح
اما اختي البهلوله راهي تتفرج برك ما نضنهاش تلقى الحل نهار يلقاوه تعاونني في الدعاء. وتصفق

مطالعتليش نلقاه برك ورجلي التافه زاد صرالو التواء
راني في حالة بالالم اني هنا نكسر في راسي اسيدي باه ننساه شوي قلقني
​

شفتي اختك االمغيارة واش كانت تمنشر فيك. كون جيت منك ندير البوسيبل باش نلقى الحل زكارة فيها ايا شيش ونساعدك

يعني انت مكنتش تنمشر يخي حالة يخي
ههههههههههه عجبني الاسم شيش يهببببببببببببببببببببل رووووووووووعة
مسامح اسيدي على الاسم الباهي برك​

 

[أم أُنٌَيسة]

لقيتها والشح فييك انيوي باكا
الحلبة ها هو هي

 

[طموحة]

السلام عليكم و رحمة الله و بركاته
هل هو نبات الشمرة

 

[أم أُنٌَيسة]

الحل هو الحلبة

أسألك عن شيئ غني عن التعريف الحلبة غنية عن التعريف اكيد
للاكل قابل وطعمه كالحنضل اجل قابلة للاكل وطعمها مر
يحيا في التراب وله في الطب اثر اكيد رح اذكر فوائدها الطبية
اصله اجوف من الازل موجود اجل نبات قديم جدا
اسمه معروف وعندنا مألوف واه واه يعرفوه الصغير ولكبير
اوله في الشام واخره في اخر اللمة موجود اوله في الشام اللي هو مدينة حلب واخره في اللي اللي هي حرف التاة المربوطة

ها ليك تحليل اللغز​

 

[طموحة]

لقيتها والشح فييك انيوي باكا
الحلبة ها هو هي

يااه و الله صح حلبة أولها حلب و آخرها تاء
نستعرف بيك شيمو
لكن مكانش علابالي بلي مرة

 

[sami44]

السلام عليكم
هههههههههههه
أخر اللمة لقيت هههههه
أرشيف المواضيع المكررة والمخالفة

لا لا ليس صحيح وانما اخره موجود في اخر ارشيف المواضيع المخالفة والمكررة
حاول مره اخرى وان شاء الله الحل اليوم يكون من نصيبك وتربح رحلة لبوركينافاسو ودعاء في ضهر الغيب

 

[sami44]

لقيتها والشح فييك انيوي باكا
الحلبة ها هو هي

برافو عليك
واخيرا اختي الغبيه ضهر انها ذكية ما تحبش تبين برك

 

[sami44]

الحل هو الحلبة

أسألك عن شيئ غني عن التعريف الحلبة غنية عن التعريف اكيد
للاكل قابل وطعمه كالحنضل اجل قابلة للاكل وطعمها مر
يحيا في التراب وله في الطب اثر اكيد رح اذكر فوائدها الطبية
اصله اجوف من الازل موجود اجل نبات قديم جدا
اسمه معروف وعندنا مألوف واه واه يعرفوه الصغير ولكبير
اوله في الشام واخره في اخر اللمة موجود اوله في الشام اللي هو مدينة حلب واخره في اللي اللي هي حرف التاة المربوطة

ها ليك تحليل اللغز​

نستعرف بيك قستيها وزكارة ف اختي مريم الي حسبت روحها عبقورة اللمة غير الحس و ما شفنا والو
التحليل دقيق عندك غير كلمة اصله اجوف اقصد بها ساق النبته الي هو صلب ومجوف مثل القصب
على كل مشكوره ها ها هو هو هي هي
دعاءك ياتيك في رد خاص ما تتقلقيش ما نحبش نخلط الدعاء مع الرد الجانبي

 

[لؤلؤة قسنطينة]

ابابا شيماء ماتزيدوش تدورو بيها ظهرت واعرة
وانا مدايرتك مساعد في جنبي ونتي ينخاف منك هههه
يعطيك الصحة والله ظهرت ساهلة صح