قريبا تبدا راهو غالبك ولا راك غالبو ؟

sami44

:: عضو بارز ::
أحباب اللمة
إنضم
10 ديسمبر 2009
المشاركات
13,068
نقاط التفاعل
26,463
النقاط
956
محل الإقامة
فالفيراج
الجنس
ذكر
السلام عليكم ورحمة الله

زوار واعضاء منتدى اللمة الطيبين مع اقتراب شهر الرحمة واغفران اقول لكم اللهم بلغنا رمضان

ان شاء الله تصوموه بالصحة والهنا والخير والمسرات

اليوم جا في بالي موضوع اضنه في وقته بما انو خاص برمضان

مانيش رايح نحكيلكم على التمكريش ولا التمشرير راهي حكات عليه اختي مريم قي موضوع طويل وعريض

ميم الفورماتاج تاع الكوازن و الماعن والعقول والملابس خلاص حكى عليه خويا كمال بالتفصيل الممل

انا حاب نحكي على ضاهرة تبدأمع بداية الشهر الفضيل وتنتهي يوم العيد الصباح

كامل نعرفو بلي مش كامل الناس تصوم نورمال كاين الي يصومو ذراع شغل من فوق القلب الله يهدينا

هاذو عندنا نقولو غلبهم رمضان .

مي كاين منهم اصناف مانيش نهدر على الي يغلبهم يتركو الصلاة ولا الي يرقدو النهار ويسهرو الليل ولا الي يسافر زعما للبعيد ويقولك نطبق الرخصة من حقي نفطر وكاين الي يغلبو رمضان يولي يتضارب وكاين الي يشريها للخضار على جال كيلو بطاطا وكاين الي يفاتن البوشي وووووووووووو كاين مئات الحالات

نهار تقولو علاش انعل ابليس يقولك غلبني رمضان

انا حبيت نهدر على صنف طيب وتقي يصوم ويصلي وما يتشاجرش وما يمنشرش بزاف مي عندو اوبصيون سبيسيال

مثلا في اول يوم من رمضان تتلاقى مع خويا @الامين محمد رايح يشري الدوارة تقولو يخي كاين بوشيي في الفيراج الاول بعد الدار يقولك لا لا نشريها من تيارت قالولي وحد البوشي يبيع الدوارة شابة .

وهي نورمال دوارة عادي معاها الزلوف وليبياص لخرين تاع معزو ولا خروف نهار يولي يوصفلك في البوشي الي حب يروح لبه تقول بالاك يبيع الدوارة تاع الزرافة ولا الغزال هنا تفهم بلي غلبو رمضان



كاين عندنا وحد العباد في رمضان يضربهم الجن على الماء تاع العنصر ولا المنبع غير تتلاقى بيه يقولك قالولي وحد لما راه في العنصر الفلاني يهبل حلو ويصفي الكلاوي .

تبوجي وتعاود تولي يقولك اهم قالولي كاين عنصر في الدخلة تاع المدية صافي فيه 0/100 كالكير

لو تعاندو يقولك كاين عنصر فيه ما زمزم نورمال

105839
كاين تاني عباد يموتو على الزلابية تاع بوفاريك انا شخصيا كليتها وما لقيتش فيها حاجة سبيسيال ماعدا رائحة الفاني او حاجة هك
نهار يولي يوصفلك فيها تقول مخترع الزلابية مازالو عايش وهو اونبرسون الي يبيعها في بوفاريك

وهي عادي السميد والزيت وال العسيلة وشوية ليسيبيس وانت كليت زلابية

ميم الشاربات في رمضان تولي بشلاغمها ويطلعوله شانها الي ما يعرفش يقول من واجبات الصوم

وهي حبات قارص والماء والسكر ووحد السموم مع الصبايغ تقدر في دارك تخدمها نووووووورمال

كيما العام الي فات انا شفت شاربات روز و زرقاء وتاني مارون ماعرفتش وش فاكهة تابعة

هاذيك المارون تشبه للقريزيل تاع بكري اذا تشفاولو والمشكل الناس دايرين لاشانالي تسقسيه يقولك انا مانقدرش نفطر بلا بيها وعلاش بلا بيها يبطل الصيام

وفي الاخير جماعة الحلويات سيرتو القلب لوز وليتارت سيترون

كاين عندنا واحد في مليانة يخدم ليتارت سيترون والحلويات لخرين يلزمك تدير لاشان قبل منتصف النهار

باش تصحلك حبيبات

والناس تدي بالمعارف والوصاية تقول فيزا وهو نورمال انا كليتو خترة ديجا ما عجبنيش وكي قلت ما عجبنيش قريب عاقبوني
واش انت هبلت هذا هو المخير 8000 للحبة ويحسبلك الباطة بعلفين ونضن ليكيسات تاني

يا ترى عندكم الناس كيما هاذو الي يضخمو الامور غير في رمضان ولا غير عندنا

اكيد كاين واذا مكاش انتضروهم اول ايام رمضان


 
ههههههههههه يعطيك الربح خويا نااصر ضحكت حتى المدام خلعتها
و راهي تزعف قريب وصلتني ندي طريحة ههههههههههههههههه

اصبر عليا غدوة نرد عليك نكون حاكم راسي بقهوة مزيرة هههههههههه
 
ما تخافش خويا الامين نقدر نقول خويا @حلم كبير ماشي انت
انتضر عودتك من عند البوشي غدا لترد ورد بالك يعطيك دوارة تاع زرافة راهي صعيبة فالتنقية 😂😅😂
 
خذي راحتك مرحبا في اي وقت
علابالي انتي في رمضان تشربي حليب البقرة وتشريه من السيبيرات تاع وسط البلاد هو المخير
شغل الحليب لاخر موش تاع بقر تاع وحيد القرن

انتضر عودتك
 
صباح الخير خويا ناصر خلاص الطريحة اديتها و فرات هههههههههههه
فعلا كاين منها مثلا تلقى واحد خصوصا كي تكون السخانة يقولك الحانوت هاذاك راه يجيب مشروبات غازية فووور
و حنا عندها كميون واحد يجيب للحوانت كامل ههههههههههههههه
او هذاك عنده زلابية حاجة ما دارتش خير من فلان زلابية تاعه ناقصها بنة و هوما يخدموها في بلاصة وحدة ههههههههههه

كاين واحد نعرفه كل يوم بعد العصر يجي للحانوت تلقاه رافد قرعة تاع لي موناد و يقلب فيها و يسقسي
و يقول انا تبالي هاذي مليحة و نقية واش رايكم ههههههههههههههه و النهار اللي بعده يقول جات شوي ماهيش كيما تمنيتها و يعاود يرفد اخرى و نفس الكاسات يعادها كل يوم مع لون او نوع ههههههههههههههه

كاين ناس ايضا تسقسيك منين شريت الخضرة تاع رمضان ههههههههه علاه رمضان خضرة تاعه ماهيش كيما تاع الفطر
تقوله و انت منين شريتها و يقولك رحت لهاذيك البلاد جبت واحد البطاطا و واحد الجلبانة هههههههههههههه
يعني مشى 120 كلم و باش يشري البطاطا

كاين ولد اختي كل يوم يجي بعد الفطور و يقول للمدام فهميني على الحريرة بنينة عندك كيف راكي تطيبيها
تشرح ليه و يقول ليها راح نجربوها و نخبرك
و في اليوم الثاني يعاود يرجع يقول ليها كا جاتش شابة عاودي فهميني تعاود تحكيله
لكن في النهار لاخر يعاود يرجع و نفس الشي حتى يكمل رمضان و هو يسقسي على الحريرة تاعنا
كيف رانا نطيبوها ههههههههههههههه

اما انا يجي في خاطري بعد التراويح ناكل كسكس مرة على مرة
العام اللي فات المدام ما حبتش تطيبلي الكسكس حتى قريب يكمل رمضان
في واحد الليلة تدابزنا قلت ليها ـــ ما حبتش تعمله وقالت راك مريض بالسكر ما نطيبش ليك الكسكس
رحت زعفان للتراويح و ما شربتش القهوة
كي رجعت لقيتها موجدة قصعة تاع كسكس بالرايب و الزبيب و البيض
قالت ليا هاك كول و خبي للعام الجاي هههههههههههههه

سقسيتها علاه رجعتي في رايك و طيبتيه قالت خفت تدعي عليا في التراويح ههههههههههههه

هته بعض النوادر و راني متابع للموضوع عارف راح تشوف العجب من شعبنا العظيييم ههههههههههههههه
@حلم كبير عارف راه يغلبك رمضان هههههههههههه
 
السلام عليكم ورحمة الله تعالى وبركاته
الله يعطيك عام ربح نشالله على هذا الموضوع
جبت كلش بصح ما جبتش الحالة اللي تمر بي في رمضان ،انا ننوض الصباح صايم على الهدرة هههههه ايه الهدرة حتى تعود الاحداش وما فوقها باه نبدا ننطڤ كلش اشارة ههههه
يغلبني رمضان الصباح برك من الساعة السابعة الى منتصف النهار هههه وعلى الهدرة برك ما نتقلقش والسبة اني سبحان الله كون نكثر نهدر نستفرغ يعني حالة تجيني ملي بديت نصوم وانا في سن صغيرة ،ههههه لازم فمي يڤعد مسكر حتى تروح هاذيك الحالة ,وكل يوم على ڤداه يسرح لساني ههههه
اما يغلبني على الماكلة فهذا اخر شيء نخمم فيه كي يجي رمضان نصوم الليل والنهار ناكل باه نحيي الروح وخلاص .
كاين عباد نعرفهم يرڤدو حتى للزوج ولا للربعة نتاع العشية يا لطيف والطف بينا واش صام هذا من رمضان والليل يباتو ڤاعدين حتى للسحور ويڤولك غلبني الله يهدينا .

الاخ @الامين محمد أنا غالبيني اشهر السنة القمرية والشمسية كامل خخخخخخخ 🤣🤣🤣🤣🤣🤣
رمضان كي يجي يأكد برك ما سبقه هههههه

ربي يعطينا القوة نشالله ويقدرنا كامل على القيام والصيام اللهم امين
بارك الله فيك اخي سامي وجزاك الله خيرا

احترامي وتقديري
 
هههههههههههههههه اضحك الله سنك أودى والله تحس ممخهم إللى صايم مش هوما بون حتى انا معاهم علاه الكذب :cry::cry: بصح انا منحبش الهدرة برك تنبغي سيلووووووووووونس :censored::censored: بغيروو عادى يفوت هههههههههههههههه
 
صباح الخير خويا ناصر خلاص الطريحة اديتها و فرات هههههههههههه
فعلا كاين منها مثلا تلقى واحد خصوصا كي تكون السخانة يقولك الحانوت هاذاك راه يجيب مشروبات غازية فووور
و حنا عندها كميون واحد يجيب للحوانت كامل ههههههههههههههه
او هذاك عنده زلابية حاجة ما دارتش خير من فلان زلابية تاعه ناقصها بنة و هوما يخدموها في بلاصة وحدة ههههههههههه

كاين واحد نعرفه كل يوم بعد العصر يجي للحانوت تلقاه رافد قرعة تاع لي موناد و يقلب فيها و يسقسي
و يقول انا تبالي هاذي مليحة و نقية واش رايكم ههههههههههههههه و النهار اللي بعده يقول جات شوي ماهيش كيما تمنيتها و يعاود يرفد اخرى و نفس الكاسات يعادها كل يوم مع لون او نوع ههههههههههههههه

كاين ناس ايضا تسقسيك منين شريت الخضرة تاع رمضان ههههههههه علاه رمضان خضرة تاعه ماهيش كيما تاع الفطر
تقوله و انت منين شريتها و يقولك رحت لهاذيك البلاد جبت واحد البطاطا و واحد الجلبانة هههههههههههههه
يعني مشى 120 كلم و باش يشري البطاطا

كاين ولد اختي كل يوم يجي بعد الفطور و يقول للمدام فهميني على الحريرة بنينة عندك كيف راكي تطيبيها
تشرح ليه و يقول ليها راح نجربوها و نخبرك
و في اليوم الثاني يعاود يرجع يقول ليها كا جاتش شابة عاودي فهميني تعاود تحكيله
لكن في النهار لاخر يعاود يرجع و نفس الشي حتى يكمل رمضان و هو يسقسي على الحريرة تاعنا
كيف رانا نطيبوها ههههههههههههههه

اما انا يجي في خاطري بعد التراويح ناكل كسكس مرة على مرة
العام اللي فات المدام ما حبتش تطيبلي الكسكس حتى قريب يكمل رمضان
في واحد الليلة تدابزنا قلت ليها ـــ ما حبتش تعمله وقالت راك مريض بالسكر ما نطيبش ليك الكسكس
رحت زعفان للتراويح و ما شربتش القهوة
كي رجعت لقيتها موجدة قصعة تاع كسكس بالرايب و الزبيب و البيض
قالت ليا هاك كول و خبي للعام الجاي هههههههههههههه

سقسيتها علاه رجعتي في رايك و طيبتيه قالت خفت تدعي عليا في التراويح ههههههههههههه

هته بعض النوادر و راني متابع للموضوع عارف راح تشوف العجب من شعبنا العظيييم ههههههههههههههه
@حلم كبير عارف راه يغلبك رمضان هههههههههههه
تبغي الصح خويا الامين
ولد اختك عندو الحق حريرة تديروها في تيارت عندي 10 سنوات ملي كليتها ومازالت في قلبي الحريرة بالزعتر حارة تنحي ضيقة الخاطر
اما مول القازوز راهم عندنا يشري فالنهار قريب 5 انواع وعلى الفطور ممكن يشرب كاس ما يزيدش
اما الزلابية حدث ولا حرج سميد واحد وعسيلة وحده ياو يخدمهم حانوت واحد عمي احمد الزلاباجي وتصيبهم يروحو عند هذا ويخلو هذا
مرات راسي يحبس
اما الخضره واش نقولك الناس راهي تروح لبوفاريك 100 كيلو على جالها وهي خضرة وحدة نهار يولي يحكيلك عليها تقول بالاك مسقية بماء زمزم
هذا هو رمضان واحد يصوم لربي وواحد يصوم على كرشو
انتضر عودتك
 
السلام عليكم ورحمة الله تعالى وبركاته
الله يعطيك عام ربح نشالله على هذا الموضوع
جبت كلش بصح ما جبتش الحالة اللي تمر بي في رمضان ،انا ننوض الصباح صايم على الهدرة هههههه ايه الهدرة حتى تعود الاحداش وما فوقها باه نبدا ننطڤ كلش اشارة ههههه
يغلبني رمضان الصباح برك من الساعة السابعة الى منتصف النهار هههه وعلى الهدرة برك ما نتقلقش والسبة اني سبحان الله كون نكثر نهدر نستفرغ يعني حالة تجيني ملي بديت نصوم وانا في سن صغيرة ،ههههه لازم فمي يڤعد مسكر حتى تروح هاذيك الحالة ,وكل يوم على ڤداه يسرح لساني ههههه
اما يغلبني على الماكلة فهذا اخر شيء نخمم فيه كي يجي رمضان نصوم الليل والنهار ناكل باه نحيي الروح وخلاص .
كاين عباد نعرفهم يرڤدو حتى للزوج ولا للربعة نتاع العشية يا لطيف والطف بينا واش صام هذا من رمضان والليل يباتو ڤاعدين حتى للسحور ويڤولك غلبني الله يهدينا .

الاخ @الامين محمد أنا غالبيني اشهر السنة القمرية والشمسية كامل خخخخخخخ 🤣🤣🤣🤣🤣🤣
رمضان كي يجي يأكد برك ما سبقه هههههه

ربي يعطينا القوة نشالله ويقدرنا كامل على القيام والصيام اللهم امين
بارك الله فيك اخي سامي وجزاك الله خيرا

احترامي وتقديري
وعليكم السلام اخي حليم والله احبك في الله والربح الي جاني نقسموه انا وياك
هاذي تاع صايم على الهدرة واعرة انا ما صراتليش بصح راني حاس بيك قصدك تصبح صم بكم والي يخلط فيك يخلصها مزية ما جيتش تسكن قدامي سينون كل يوم تنوض الدبزة
يغلبك رمضان من السابعة لمنتصف النهار راك مليح الناس راهي في رمضان تنوض على ال12 تاع النهار وغير ينوض يقولك راني عيان والنهار اليوم صعيب وهو مازال ما طلش برا واش كاين
ما يغلبكش على الماكلة راك حاب تقولي انت كيما شيماء تصوم الليل والنهار وتفطر على الحليب والماء والهريسة
انا في رمضان تأثر فيا القهوة برك نخرج الصباح وجهي مزير ومكشر وما نحبش الي يخزر فيا واذا خزر فيا وضحك نتوسوس ونولي نقلب في روحي ما نقدرش نمشط شعري نخرج مغوفل تقول هارب من مغارة نكمل خدمتي ونولي نرقد والعشية نخرج ندير المشاكل مع صحاب الشاربات والقلبلوز
والمخيرة كامل في رمضان عندي نهار نتلاقى بصاحبي الجيلاي ويقولي نروحو نجيبو الماء تاع العنصر نسقسيه واش من ماء يقولي وحد العنصر قريب من مليانة يصفي الكلاوي وما فيهش الكالكير نتخيلو زمزم ولا لا لاة خديجة المهم فيلم تضحك وتبكي
تقبل الله صيامك وقيامك ويسر امورك وحقق مرادك اخي

ومشكور على المرور
 
هههههههههههههههه اضحك الله سنك أودى والله تحس ممخهم إللى صايم مش هوما بون حتى انا معاهم علاه الكذب :cry::cry: بصح انا منحبش الهدرة برك تنبغي سيلووووووووووونس :censored::censored: بغيروو عادى يفوت هههههههههههههههه
الله يدوم الضحكة والابتسامة على فاك
ايه المشكل راهو فالمخ الكرش لما تجوع تبعث الرسائل للمخ وهو الي يدير هذ المشاكل
وحد صاحبي يرقد النهار كامل ولما نسقسيه علاش ترقد يخي الصيام نهار كامل يقولي نرقد خير ما ننوض وندير المشاكل
ايا وحد النهار فطن على الاذان تاع الضهر ناض يجري يغسل وجهو قالتلو يماه الحمد لله اليوم نضت بكري قالها اووووو والي اذن دركا وشنو موش المغرب قالتلو لا لا با ولدي هذا الضهر عاود ولى رقد
والسيلونس في رمضان مكاش الا اذا تغلقي على روحك في شمبرة
مشكورة نسرين على المرور العطر

تقديري لك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top