مشكلتي أفيدوني و دعولي ربي

[مشكلتي]

السلام عليكم
أنا انسانة فوتت بزاف فحياتها مشاكل و الناس القراب مني ذلوني المهم صبرت و كان حلمي يخلاصو مشاكلي ولكن والو متبدلش
نهار زادو عليا المشاكل و خصوصا كجات الضربة من بابا لحقت باش نترك الصلاة و مبعد عاودت وليت ولكن قلبي قساح ذلك الخشوع اللي كان عندي و تلك الرحمة و السعادة اللي كانت عندي راحت خلاص
الله غالب تبدلت من حاجة لحاجة
المشكل رفدت كرش و هو الطفل الرابع و طحت فالوحم و تعب الحمل و ربي عالم بحالة المرأة بهاذ الحالة أيا وليت لترك الصلاة
من جهة علاه ربي دار لي هاك
مالقري ربي مظلمنيش بابا هو اللي ظلمني
و من جهة زاد عليا تعب الحمل
دوكا ياناس غايضتني حالتي كفاه كنت و كفاه وليت
غاضني قلبي القاسح غاضني نرقد و نوض و صلاتي مضيعتها
ساعات نقول بلي ربي ميحبنيش علابيها باعدني منو
كنت نطول فصلاتي حتى راجلي يتقلق ونا تالمون كنت نصيب راحتي فيها
كنت ندعي ربي بعد الصلاة و نحمدو على نعمة حتى يحكمني لبكا و نخبي دموعي على ولادي
نقصد بالنعم الاولاد و الصحة و الرزق بالرغم من حالتي و الظلم اللي كنت فيه سبحان الله نفرح من قلبي كللي منيش محقورة
و دركا حالتي تبدلت
دعولي ربي يخفف عليا تعب الحمل مع العلم و لله الحمد الحمد لله الحمد لله الحمد لله لا أعاني من مشاكل صحية
و دعولي ربي يلين قلبي نولي كما كنت
كنت كل يوم نقرا 10 صفحات كل شهر نختم في شهر و نسمع مواعظ وووو الحقيقة مام راجلي مش شخص ملتزم بزاف و الحاجة الأولى اللي خلاتني نلحق هاك هي خيانتو ليا
مالڨري مخانييش ففراشي مصح لحرام هو حرام
موراها بدا قلبي يقساخ على بزاف صوالح
سبحان الله كتكوني ملتزمة و راجلك يتبع فالمعريات وووووووو
المهم راني ظالمة روحي
نتمنى من كل شخص جاز منا يدعيلي
حاجة متهمني غير ديني
سلام

 

[sanaya]

سلام اختي اذا على المشاكل راهو كامل عندنا مشاكل اذا بسبة راجلك متظلميش روحك بسبتو
اذا على الوحم و تعب الحمل راني معاك فهاذ المرحلة مام انا حامل فالشهر الثاني و حالتي عالم بيها ربي منيش كاملة لا روحي لا العباد لا الماكلة لا الروايح مصح مهوش مبرر لترك الصلاة
ساعات نتيمم و نصلي فكرسي تحكمني الدوخة بيسك الماكلة عفتها كامل البارح صليت و نا راقدة الله غالب و ربي عالم بحالتي حبيت نفهمك بلي الدين يسر مقدرتيش تتوضاي تيممي مقدرتيش تريحي رقدي و صلي الدين راهو يسر مش عسر
أما راحة البال اللي قلتي رزقك ربي بيها هاذيك جاتك بيسك كنت ملتزمة و الانسان الملتزم عندو راحة بال و سعادة عجيبة
نتي دوكا اختي متفرطيش في دينك و تمسكي بربي شوفي صوالح لملاح فحياتك
البارح كنت مقنوطة رحت للطبيبة قلتلها بشريني بلي البيبي مات تالمون الوحم قتلني
موراها كخرجت حليت الفايسبوك و دخلت لمجموعة الحوامل لقيت وحدة تشكي من السكر وحدة من البواسير وحدة من ضغط الدم وحدة ولدت سيزاريان و رفدت قبل الوقت و راهي في خطر وحدة حامل و عندها مرض الكلى بديت نقول الحمد لله جات غير فالقلق و شدة الوحم معليش
و راني أكدتك على الحمل خاطرش راني معاك فنفس الفترة و متفهمة حالتك مي صدقيني هي الفترة اللي تزيدي تتقربي فيها من ربي سبحانو
القلب يقساح من كثرة اللغو و الكلام الفارغ
نقصي الدخول للمواقع. و قراءة التفاهات خصصي وقت للقران ووقت لسماع المحاضرات ننصحك بدروس النابلسي
اذا ماتقدريش تخدمي شغل الدار و كرهتي واش كنتي ديري مقبل تعلمي حرفة مثلا درك راني نخدم سجاد بالكروشي نلهي روحي فيه
لأنو البقاء. وحدك و النوم راح يخليك عرضة الوساوس
تفكري مع البيبي تاعك شريلو صوالح مثلا كلما تقراي قران تمناي واش راح يكون كيكبر مثلا و هكذا
و الوقت اللي تكوني مريحة فيه ديري فيه نشاطات لأبناءك
بناتي درك درتلهم أنشطة هما كانو مبرمجين مقبل و بحكم الشوماج كل يوم يريحو معايا يوم للرسم يوم نعلم لهم المنسج التقليدي صغير يوم مبادئ للخياطة و هكذا دواليك
اتسما مام في فترة الراحة هاذي اذا كنتي ماتقدريش على الشقا فالحمل استثمري فيها بلي تقدري عليه و. ربي يفرج عليك اختي
تفكري الصلاة راهي كلشي ضيعيها ضيعي طهلاي فيها يتفتحو لك بيبان الخير

 

[ناصر dz]

يا اختى الكريمة أنه لا سعادة للعبد ولا راحة له إلا في طاعة الله تعالى والانقياد لأمره، وأن الحزن والهم والضيق والاكتئاب ونحوها من الأمراض النفسية إنما تحدث بسبب البعد عن الله تعالى وضعف الصلة به، قال تعالى: مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ {النحل:97}. فالحياة الطيبة لا تنال إلا بالإيمان والعمل الصالح. وما تشعرين به أحيانا من عدم رغبة في الصلاة ثم يحملك ذلك على تركها إنما هو من تزيين الشيطان وإغوائه لك، فهو يبغضك في طاعة الله تعالى ويوهمك أنها ثقيلة عليك ليحول بينك وبين الحقيقية السعادة ، فعليك بمجاهدة نفسك الأمارة بالسوء وعدم الاستسلام لتسويل الشيطان والانخداع بمكره، واعلمي أنك مع المجاهدة الصادقة والإخلاص لله تعالى والاستعانة به ستوفقين إلى ما فيه مصلحتك وسعادتك، فإن الله تعالى وعد المجاهدين فيه أن يهديهم كما قال تعالى: وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا {العنكبوت:69}. وأكثري من الدعاء بالهداية فإن القلوب بين إصبعين من أصابع الله تعالى يقلبها كيف يشاء، ومن يهده الله فلا مضل له ومن يضلل فلا هادي له. وعليك بصحبة أهل الخير والصلاح ممن يذكرون بالله تعالى ويعينون على طاعته، وأكثري من سماع الأشرطة الطيبة والمحاضرات النافعة والكتب السهلة التي تعنى بأمر الوعظ وترقيق القلوب. واستحضري دائما خطورة ترك الصلاة وأن تاركها يعرض نفسه لعقوبة الله العاجلة والآجلة.
نسأل الله أن يوفقنا وإياك لما فيه رضاه.

 

[الوهم]

ربي معاك اختي والله حسيت بكل كلمة قلتيها لانو هاد الشيء جاز عليا وراهو يجوز مايحس بالجمرة غير لي كواتو الله يغفرلنا ويهدينا باه ننصحك والله ما علابالي حالتي كثر من حالتك عجوزتي وشيخي سمحوني حتى في صحتي والله مانسمحلهم ليوم الدين حب يدولي ولدي وووووووو واش نحكي ربي معاك ويكبر بالك

 

[Wissem wiwi]

ربي معاك ختي وربي يخفف عليك انشاءالله

 

[وۣۗهۣۗہۣۗم]

السلام عليكم ....
مسالة صبر ووقت ان شاء الله ومابعد الضيق الا الفرج واعلمى ان راحتك في صلاتك اقتربي من الله اكثر ونصيحة مجربة اكثري الاستغفار في كل وقت في كل مكان رددى الاستغفار ستجدين راحتاا نفسية ان شاءالله

 

[طموحة]

السلام عليكم و رحمة الله و بركاته
لا حول ولاقوة الا بالله..ردك الله اليه ردا جميلا
لكن الى أين ! و الى متى ! و ما تظنين أنك فاعلة!
الله سبحانه غني عن صلاتك , عبادتك لا تزيد في ملكه ذرة , لكن ما أفقرك اليها !
المصائب و اجتماع الهموم لا يبرر للانسان معاصيه الأصل أن يزداد حرصه على القرب من الله ! سبحان الله الرجل من السلف كان يقول اذا سلط عليه أمر هذا من ذنوبي فيتوب و ينيب و يستغفر ..ونحن نزداد بعدا ...أصلا الموضع موضع ضعف !فكيف
يده ضعفا بالبعد عن الله !
الله سبحانه و تعالى يقول (واستعينوا بالصبر و الصلاة) لكنك تتجهين الى الطريق المضاد
تعلمين أنك في الطريق الخاطئ و الأجدر بك اذن أن توليه ظهرك فورا و تقبلي على الصراط المستقيم راستغفري الله لذنبك و لتأخير التوبة من ذنبك
أعلم أن همومك عظيمة لكن لك رب عظيم تتوجهين له ...و ربي أودع في الانسان قوة اسمها الصبر كل و نصيبه منها لكن من لم يصبر فليتصابر و ليطلب من الله أن يعينه على ذلك ..مع الوقت ستجدين في نفسك قوة التحمل
لا تعيشي دور المظلومة و ان كنت كذلك ...الحياة أقصر من أن نمضيها نبكي ظلم من حولنا ...تفاعلي مع مشاكلك بمرونة في المواجهة ابحثي عن الحلول دائما مستعينة بالله و ان لم تجدي فكفى بالله حسيبا ...كل مشكل داء والمعلوم أن لكل داء دواء ...حل المشكل موجود دائما الا أننا نجهله لقصر عقولنا و حكمتنا ...لكن لنا في المقابل طلب ذلك من الله
نقطة أخرى ضعيها في بالك الله يدافع عن أوليائه و هو ناصرهم كوني ولية لله ولن تخافي من شيء "من خاف من الله أخاف الله منه كل شيء و من لم يخف الله خاف من كل شيء" عندما تقوى استعانتك بالله من ذا الذي يشقيك !
أباك و ان كان ظالما تطيعنه في غير معصية الله و تصاحبينه بالمعروف ...فان فعلت غير هذا لا تلومي غير نفسك نعم صعب هو البر ام كان هو عاق بك ...لكن الأصعب أن يكتب الله شقاءك بسبب عقوقك له
زوجك تنصحينه بالمعروف و تدعين له و تسعين جاهدة في اصلاح أمركما وان فاق ذلك طاقتك فالانفصال في النهاية حل لكن ترك الصلاة هو ما لا يقبل كردة فعل لزيغ زوجك !
أختي ...حبيبتي ...لن تشفع لك المشاكل يوم القيامة ستقفين مع أشخاص ابتلوا بأكثر مما ابتليتي لكن لم يثنهم ذلك عن السير في طريق الله ...تذكري حديث الرسول الذي في معناه أنه كان أقوام يؤتى بأحدهم فيفرق رأسه لا يثنيه ذلك عن الله
الرسول عليه الصلاة و السلام ولد يتيما و ماتت أمه و جده أخرجه قومه و سبوه و شتموه و لم يفرواجهدا في اضراره لكنه أكمل الخلق في مقام العبودية
و الكثير الكثير من الناس يعيشون هموما لا تخطر على بالك و لا تتصورينها لكنهم لم ينتكسوا
الفرار الى الله يا أخيتي و هو سيأمنك و يكفيك شر كل أمر
تمنياتي لك بصلاح الأحوال كلها و أن يصلح اللله لك دينك و دنياك و يريك فرجا قريبا
أكثري من الاستغفار و الصلاة على النبي و الذكر عامة فيه قوة لك و راحة و فرج