اهل اللمة والفاكونص

احم احم شفت اسمى يتلاوح زدمت 😂😂😂😂

تاع وجهى الرقاد والله رانى كى زاطلة بالرقاد مى الله غالب المشاغل كثرت وغلبت الرقاد 😢😢😢😢
واش نقولك خوياا لغزيز رانى نحاول قدر المستطاع ندخل مى الله هو العالم بلى والله مانى نفرغ 😯😯😯😯 ولكن ماهو قادم اجمل ان شاء الله

وبالنسبة للعطلة رانى جارت البحر كى ما قالك هاداك نحط رجلى على العتبة نلاقي البحر رحت ليه مرة وحدة 😢😢
تسكني حذا البحر هذ الشي
ديري مزية ابعثيلنا شوية ما مالح كل يوم نغسل بيه وجهي عند الرملة ونتخيل روحي على الشط
كون جيت كيما انت ندير ماطلة فالبحر ونربطها بكوردة ونرقد اذا نضت ولقيت روحي تما نعاود نرقد واذا كاس واحد حل الكورده ولقيت روحي في اليكانت ولا كاش جزيرة راني صوفيت للزمان
بصحتك البحر سيي ترقدي السهرة بزاف تمرض
 
وعليكم السلام ورحمة الله وبركاته
صح راهي العطلة وكل واحد وين راه يفوت فيها هههه تحيجميع اللماويين واللماويات
وراك نسيت لي يتفرج في الماتش ههه كيما اليوم بعد راه الحالة مولعة في انتظار ماتش دزاير
المهم الصحة والعافية
يعطيك الصحة
 
وعليكم السلام ورحمة الله وبركاته
صح راهي العطلة وكل واحد وين راه يفوت فيها هههه تحيجميع اللماويين واللماويات
وراك نسيت لي يتفرج في الماتش ههه كيما اليوم بعد راه الحالة مولعة في انتظار ماتش دزاير
المهم الصحة والعافية
يعطيك الصحة
ايه اليوم الماتش ان شاء الله يفرحونا برك
الواحد ملي طاحت المغرب وزادت مصر راه خايف ان شاء الله الطلعة ونشرفو العرب
كي العادة
شكرا سلطانه على المرور ولو انك ما قلتيليش
اذا تفوتي العطله حديقة تسلية وشوبينGولا لا
 
السلام عليكم ورحمة الله وبركاته
ضحكتني غير دبي والسعودية 😂 تاع وجهي
انا كلمة فاكونص ونسيت واش معناها في بالي طبق تقليدي من عائلة الشخشوخة، لدرجة عندي قرون مافاكونصيتش
كي نكتر ندير تحويسة من الكوزينة للغرفة ومن الغرفة للصالون هاداك هو نتشوا في الطريق ونذوب
حتى تتوسوس تحسب كاينة شمس مصغرة مخبية في احد زوايا الغرفة، واحد السخانة ترهج
نولي نستغفر ونحط صور الشتاء والتلج نتفرج عليهم نسترجع الذكريات ونبرد نفسيا ههه
وهكا تعدي عطلتي لا بحر لا تحواس لا استجمام، بالعكس نديرو مسابقة لأقوى شخص يتحمل السخانة ندخلوه في غرفة ونطفيو الكليماتيزور ونغلقو عليه ونستناوه يطيب 😂
هادي اللخرة غير نتمسخر لا تقولو صح هبلو
واش نقولو غير ربي يقدرنا وتوحشنا الشتاء 😢
شكرا ءخي سامي على الموضوع المميز بارك الله فيك
 
السلام عليكم ورحمة الله وبركاته
ضحكتني غير دبي والسعودية 😂 تاع وجهي
انا كلمة فاكونص ونسيت واش معناها في بالي طبق تقليدي من عائلة الشخشوخة، لدرجة عندي قرون مافاكونصيتش
كي نكتر ندير تحويسة من الكوزينة للغرفة ومن الغرفة للصالون هاداك هو نتشوا في الطريق ونذوب
حتى تتوسوس تحسب كاينة شمس مصغرة مخبية في احد زوايا الغرفة، واحد السخانة ترهج
نولي نستغفر ونحط صور الشتاء والتلج نتفرج عليهم نسترجع الذكريات ونبرد نفسيا ههه
وهكا تعدي عطلتي لا بحر لا تحواس لا استجمام، بالعكس نديرو مسابقة لأقوى شخص يتحمل السخانة ندخلوه في غرفة ونطفيو الكليماتيزور ونغلقو عليه ونستناوه يطيب 😂
هادي اللخرة غير نتمسخر لا تقولو صح هبلو
واش نقولو غير ربي يقدرنا وتوحشنا الشتاء 😢
شكرا ءخي سامي على الموضوع المميز بارك الله فيك
البركة فيك وفي طلتك
التحواس من الصالون للكوزينة فكرتيني فموضوع الحلزون الله يعطيك الربح العشيا مع الصباح
انا كنت حاسب السخانة غير فعين الدفلى ضهرت راهي عامة ربي يكون فالعون
اذا ننصحك بفاكونص فالاسكا تما ما تشوفي الشمس ما تشوفي سخانة
بالنسبة للمسابقه الي درتوها مليحة تليق معاكم شيماء اهي تحى السخانة موش عارف علاش واقيلا عندها فوبيا من البراد
عندي وحد اليومين كانت الحرارة عندنا50 درجة كي كملت الخدمة قلت انا ندخل نريح شوية تحت البراد ايا خلطت فالتيليكوموند وما نعرفلهاش وليت نعرق باش فقت بلي درتو شوفاج والي غاضتني اكثر باطة كريبوني ما فرحتش فيها:cry:😣
اتمنى لك فاكونص طيب على الاقل خرجة للبحر
 
هههههه انا كنت مع ليكنطرول ليوم وين كملت تشوطنا فالجاميعة هذيك هههه
 
هههههه انا كنت مع ليكنطرول ليوم وين كملت تشوطنا فالجاميعة هذيك هههه
بصحتك التشويطة المهم فيها خرجة
علاش الجامعة ما فيهاش البراد
ايا مزية كي كملتو. هكا يكون عندك الوقت للتحضير للفاكونص واذا تاخذي رايي الفاكونص فاليونان خير
نقصر برك او علابالي الفاكونص تاع الدزيريين من الشمبرة للصالون برفقة البيسي والموبايل والشارجور بالطبع
 
سبحان مغير الاحوال
أقسم أن حياتي غريبة [ ربما كصاحبتها]
من أقصى الغرب الجزائري إلى أقصى الشرق في ظرف يومين تقريبا [ غير متوقع أبدا]
من شاطئ مرسى بن مهيدي ليلة ماتش نجيريا إلى حمامات تونس ليلة ماتش السنغال !!
برنة هاتف في المرسى على 11 ليلا " دعوة غير منتظرة"

الأجمل و الأسوء أنها كانت رحلة برية ..


 
سبحان مغير الاحوال
أقسم أن حياتي غريبة [ ربما كصاحبتها]
من أقصى الغرب الجزائري إلى أقصى الشرق في ظرف يومين تقريبا [ غير متوقع أبدا]
من شاطئ مرسى بن مهيدي ليلة ماتش نجيريا إلى حمامات تونس ليلة ماتش السنغال !!
برنة هاتف في المرسى على 11 ليلا " دعوة غير منتظرة"

الأجمل و الأسوء أنها كانت رحلة برية ..
معليش برية المهم رحلة
كاين الي من الدار ما خرجش كيما انا
بصحتك التحويسه ربي يدوم
سيرتو مع الماتش تاع نيجيريا مع الربحة تكون الفرحة فرحتين
 
السلام عليكم
علابالك أنا نسيت واش معناها كلمة عطلة تالمون من الدار مارانيش نخرج و مع السخانة زادت كملت
مزية جات الكان لهاتنا شوية و دارت لومبيونص و بدلنا شوية الروتين
حتى لعراس و راهم قلال الواحد يخرج ينحي على خاطرو
و الواحد لازملو الوقت و شكارة دراهم باش يفوت عطلة شابة

مشكور على الموضوع اخي
في انتظار جديد مواضيعك
تقبل تحياتي​
 
السلام عليكم
علابالك أنا نسيت واش معناها كلمة عطلة تالمون من الدار مارانيش نخرج و مع السخانة زادت كملت
مزية جات الكان لهاتنا شوية و دارت لومبيونص و بدلنا شوية الروتين
حتى لعراس و راهم قلال الواحد يخرج ينحي على خاطرو
و الواحد لازملو الوقت و شكارة دراهم باش يفوت عطلة شابة

مشكور على الموضوع اخي
في انتظار جديد مواضيعك
تقبل تحياتي​
وين تخرجي في سخانة كيما هاذي احكمي دارك واولادك خيرلك
على الاقل في الدار كاين البراد والمثلجات
والي حب يبرونزي يدوش ويخرج 5 دقايق فلاتيراس
والحمد لله الخضرا زهاتكم وبونجاح جابنا لاكوب هو بلايلي بصح خسارة اعطاولو. سرفيس تاع فناجل
ربي يقدر الخير
مشكورة على الرد والمرور
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top