حصلت فزواج وملقيتش مرا

طارق الوفاق

:: عضو منتسِب ::
إنضم
4 جوان 2008
المشاركات
20
نقاط التفاعل
18
النقاط
3
السلام عليكم وصحا عيدم
انا جامي خلطت فلبنات وخاطيني من بكري من لقراية جامعة للعسكر وكي كملت بقيت غير نخمم فالخدمة لي بسيف باش جات هيا قلت درك لواحد مدام خدام خلي يزوج دار كاينة كبيرة وعلتنا صغيرة لبنات زوجو بقات غير يما وبابا هيا قلت نبدا نحوس ونتاع دار تاني يحسولي هيا شت وحدا في فيسبوك قلتلها نتلقاو عجبتني عقليتها كي تلاقيتها كدبت عليا مقلتليش لاج نتاعها قالتلي قدك وهيا كبيرة عليا من بعد كي صارحتني مقبلتش انا وقعدت تحاول فيا مافيها والو تدي وحدة كبيرة عادي المهم تفارقنا ومتفهمناش زدت شت وحدة خرى تاني فيسبوك بعتتلي فطواتها زينة ميخصها والو وزادت عجبتني كي سقسيت عليها مليح وقالولي بنت فامي هيا قلت نتلقاها ونشوف خير بعيني كي تلاقيتها لقيتها ضعيفة لطاي مكانش خلاص يعني كدبت عليا ومصرحتنيش وزادت مقتعتنيش كي شتها قالتلي اصبرشهر برك وشوفني درك نتاع دار قلولي اخطيك منها ياخي شت ومعجبتكش خلاص المشكلة انا تقلقت خاطر هدي 5شهر ونا نحوس وملقيتش وتقلقت خلاص ومعنديش الوقت خاطر تخدم بعيد فصحرة
 
اهلا اخي
واش نقول ليك
اولا راك قلت خمس اشهر يعني المدة ماهيش طويلة لازم شوي صبر و رزانة
ياك زواج ليلة تدبيرو عام
نظن لازم تترزن و تحوس بالعقل راح تلقى الدنيا راه فيها فاميليات زينين و عندهم
بنات اصل اللي تخليك سعيد
ما تعتمدش على روحك في البحث فقط لازم توصي اصدقائك من اهل الثقة طبعا
او اقاربك ايضا من اهل الثقة

انا متأكد انك راح تبشرنا و تعرضنا للعرس بحول الله
 
السلام عليكم
خويا الاسباب لي حبست عليهم ماشي اسباب صح عقلية ماشي لاطاي او لعمر
اسمحلي هاذ مجرد راي
ربي يرزقك الزوجة الصالحة
 
واش المطلوب منا لكي نساعدك نشوفوك مرا ممكن احنا تعجبنا انت متعجبك

اخي الزواج كما تكون انت تلقى لي كيفك هذي الآية الطيب لي الطيبة والحديث قياس
 
وعليكم السلام ورحمة الله وبركاته
مازال المكتوب تاعك برك اخويا
ان شاءالله ربي يسخرلك لي فيها الخير من جميع النواحي
 
السلام عليكم
يا أخي مازال ما كتبلكش ربي الزواج و دير في بالك بلي الشيئ المليح يطول
دير في بالك بلي الزين و لا لاطاي عمرهم لا بناو دار شفناهم فاتنات في الجمال غير باش تتهلا في روحها لازملها شهرية ( ماشي كامل طبعا ) و من بعد تلقاها بعد شهر و لا شهرين مطلقة
و الا المراة كانت كبيرة على زوجها ماشي عيب الرسول عليه الصلاة و السلام كانت زوجته خديجة كبيرة عليه ب15 سنة
الزواج مكتوب و ما تعرف كامل شكون تدي
كما قال رسول الله صلى الله عليه و سلم ** تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ **
و انت زيد حوس و خلي أمك و خياتك يحوسو معاك و كل ما تشوف واحدة ما تتسرعش فالقرار و صلي صلاة الاستخارة و لي فيها الخير ربي يقدمهالك ان شاء الله
دمت بخير
 
السلام عليكم.....
من جهة ياخى الكريم شاك تحوس ملكة جمال ولا يا لكمال لله ربما في جيهت العمر نقبلها مى جيهت لاطاى ما لاطاى زين مازين نوو مع كل احتراماتى تقدر تديها شابة ويعطيها ربي مشكل يروح زين 💉👺😯😯😯. ومن جيهة خرى خمسة اشهر كى والوو الغاشي بالعام بالعامين يحوسوو والخطرو هاذي مش لليوم واحدبرك ياوو هادى حياة تانى اخى الكريم ربي يهنيك ويعطيك اللى فخاطرك
 
السلام عليكم
خويا الاسباب لي حبست عليهم ماشي اسباب صح عقلية ماشي لاطاي او لعمر
اسمحلي هاذ مجرد راي
ربي يرزقك الزوجة الصالحة
شكرا ختي ربي يحفضك
 
واش المطلوب منا لكي نساعدك نشوفوك مرا ممكن احنا تعجبنا انت متعجبك

اخي الزواج كما تكون انت تلقى لي كيفك هذي الآية الطيب لي الطيبة والحديث قياس
شكرا خويا ربي يحفضك
 
السلام عليكم
يا أخي مازال ما كتبلكش ربي الزواج و دير في بالك بلي الشيئ المليح يطول
دير في بالك بلي الزين و لا لاطاي عمرهم لا بناو دار شفناهم فاتنات في الجمال غير باش تتهلا في روحها لازملها شهرية ( ماشي كامل طبعا ) و من بعد تلقاها بعد شهر و لا شهرين مطلقة
و الا المراة كانت كبيرة على زوجها ماشي عيب الرسول عليه الصلاة و السلام كانت زوجته خديجة كبيرة عليه ب15 سنة
الزواج مكتوب و ما تعرف كامل شكون تدي
كما قال رسول الله صلى الله عليه و سلم ** تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ **
و انت زيد حوس و خلي أمك و خياتك يحوسو معاك و كل ما تشوف واحدة ما تتسرعش فالقرار و صلي صلاة الاستخارة و لي فيها الخير ربي يقدمهالك ان شاء الله
دمت بخير
شكرا ختي ربي يحفضك
 
وعليكم السلام ورحمة الله.


اخي لسلامتك ولسلامة دينك وعرضك

لا تبحث بهذه الطريقة
فإن الغاية لا تبرر الوسيلة
وتلك الوسيلة اي الفايسبوك ليس
طريقة واتوا البيوت من ابوابها
ربما ترى في هذا الكلام شيئا من الغرابة الا انه يمكنك البحث عنه واستباينه.

الفايسبوك حفلة تنكرية
والزواج ميثاق غليظ يجب فيه النية الحسنة والطريقة الحسنة
لكي نفلح فيها.

توكل على الله سبحانه وادعوه
واستخر عندما تجد.


ربي يوفقك خويا لعزيز.


نسال الله ان يرزقني واياك زوجات صالحات تقيات نقيات.
 
وعليكم السلام ورحمة الله.


اخي لسلامتك ولسلامة دينك وعرضك

لا تبحث بهذه الطريقة
فإن الغاية لا تبرر الوسيلة
وتلك الوسيلة اي الفايسبوك ليس
طريقة واتوا البيوت من ابوابها
ربما ترى في هذا الكلام شيئا من الغرابة الا انه يمكنك البحث عنه واستباينه.

الفايسبوك حفلة تنكرية
والزواج ميثاق غليظ يجب فيه النية الحسنة والطريقة الحسنة
لكي نفلح فيها.

توكل على الله سبحانه وادعوه
واستخر عندما تجد.


ربي يوفقك خويا لعزيز.


نسال الله ان يرزقني واياك زوجات صالحات تقيات نقيات.
شكرا لك اخي وبارك الله فيك بصح علاه قلتلي فيسبوك حفلة تنكرية تبالي مكانش لي معندهاش درك فيسبوك
وكي تحب تتعرف على وحدة ياخي تقلهم يجبولك فيسبوك نتاعها باش تحكي معاها وتتفاهمو اي مجرد وسيلة تواصل
 
شكرا لك اخي وبارك الله فيك بصح علاه قلتلي فيسبوك حفلة تنكرية تبالي مكانش لي معندهاش درك فيسبوك
وكي تحب تتعرف على وحدة ياخي تقلهم يجبولك فيسبوك نتاعها باش تحكي معاها وتتفاهمو اي مجرد وسيلة تواصل

الفايسبوك فيه تظهر المحاسن وتخبأ البواطن
والشرع احل الرؤية او النظرة الشرعية
فيها يكون الكلام موجها مباشرة
وملامح الخداع او الحياء او الريبة
او ما شابه تظهر عيانا لمن تبصر.
ليس طعنا في من ملكت فايسبوك
فهو وسيلة والوسائل لها حكم المقاصد وانما الحذر ثم الحذر.

اعطيك وجهة نظري الخاصة.

الدردشة هي خلوة والشيطان
ثالث المتكلمان هذا ما اراه واؤمن به.
 
أخي الزواج أو أكثر من شكل خارجي : زبن وطاي وعمر ووو
انت مقدم على خطوة كبيرة واك راح تختار واحدة تكون معاك مدى الحياة يعني تخزر ليها غير هي وتاكل ماكلتها هي وتخرجها هي وتجيب معاها اولاد
كي تدي وحدة كبيرة عليك ماش عيب ممكن هي كي كدبت عليك خافت انو متعجبكش لكن بعد كي صارحتك انت اللي غلطت كان عليك تعرفها كتر مش من أول حاجة ترفض
أيضا أخي الجسم ماهوش كلش كانت قادرة وحدة فيهم هي لي تكون حلالك، يعني أسبابك للرفض كانت اساب واهية اسمحلي نقولهالك
نعرف وحايد داو امرأة كبر منهم فوق التلات سنين ولا زوج 8 سنين وعايشين لباس عليهم
نعرف ناس داها ضعيفة وعاش معاها وجابت ولاد والله يبارك قايمة بالدار على أكمل وجه
المهم واش حابة نقلك : الزواج أكبر مما تراه عينك
 
السلام عليكم و رحمة الله و بركاته
أرأيت الصغير اذا أراد أن يطلب أمرا كيف يحرص أن لا يغضب والديه قبيل الطلب ..لا تراه يفعل الا ما هو محمود كي لا يرفض ...لكننا نكبر و نتجرأ أن نطلب ما عند الله بما يسخط الله !
الزواج ماشي قفازة ..رزق يوفقك الله له فأحسن الطلب ..
و لا تقل لي تعارف ما تعارف لأنك لو كلمت احداهن عشر سنين و أخذت فيها الدكتوراه كما قالها أحدهم لن تعرفها و لن تعرفك الا اذا ما محصتكما المشاكل سويا و أنتما في بيت واحد بعيوبكما ومحاسنكما
ثم هل ترضى هذا لأختك ؟!يتعرف عليها شخص ولو بنية الزواج و فوقه يطلب صورها و يلتقيها ؟لا و الله لا يرضاه الرجل لمن تعنيه
ولا ترضاه الحرة لنفسها
ادع الله أن يوفقك للزوجة الصالحة التي تناسبك ولو كانت أينما كانت سيدلك الله عليها ثم اتخذ الأسباب بما هو مباح
 
يا جماعة سي طارق كي ملقاش مرا اذا الديفو (خطأ) فيه هو .الجزائر طول وعرض مافيهاش مرا

لا حول ولا قوة الا بالله . على حساب طارق النساء لي ديناهم احنا متوفر فيهم الشروط ههههههههههههه..
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top