المهيبة √ موضوع للنقاش

[فريد أبو فيصل]

أنا ندي هذو برك..
منكبرش كرشي

مشاهدة المرفق 145511مشاهدة المرفق 145512

املا تقاسمناها انا اديت اللحم وانت ادي هاذوك الحبيبات

راح العرس بالعافية

 

[aljentel]

الله يعين
الفشخره والمباهات هي المشكله ..
انتم تسموها المهيبه ونحن نسميها دزة العروس والبعض يقول زفت العرس وهناك من يسميها جهاز العروس والزفه حدث ولا حرج لازالت تكلف الشي الكثير لكن اصعب شيء عندنا هي صالات الافراح حيث يتم حجز صاله او فندق للمعازيم الرجال واخرى للنساء هذه تكلف مبالغ طائله اما مهر الزواج عندنا فتدفعه الحكومه وهو مبلغ 6000 دينار يعادل 24000 الف دولار تقريبا والمشكله تكمن في المهيبه وصالات الافراح ..
الله يعين الشباب على المقارنات عرس فلانه احلى من عرس فلانه وهنيه يدخل المعرس في حانا مانا
وللمعلوميه هذه مشكله عامه حتى في الهند والسند الزواجات تكلف وتدخل فيها المزايدات
والله يوفق كل عريس ..

 

[فريد أبو فيصل]

وفجأة تفكرت هذا

صندوق الدردشة

وين را فتحي وين راه

 

[جليلوس]

الله يعين
الفشخره والمباهات هي المشكله ..
انتم تسموها المهيبه ونحن نسميها دزة العروس والبعض يقول زفت العرس وهناك من يسميها جهاز العروس والزفه حدث ولا حرج لازالت تكلف الشي الكثير لكن اصعب شيء عندنا هي صالات الافراح حيث يتم حجز صاله او فندق للمعازيم الرجال واخرى للنساء هذه تكلف مبالغ طائله اما مهر الزواج عندنا فتدفعه الحكومه وهو مبلغ 6000 دينار يعادل 24000 الف دولار تقريبا والمشكله تكمن في المهيبه وصالات الافراح ..
الله يعين الشباب على المقارنات عرس فلانه احلى من عرس فلانه وهنيه يدخل المعرس في حانا مانا
وللمعلوميه هذه مشكله عامه حتى في الهند والسند الزواجات تكلف وتدخل فيها المزايدات
والله يوفق كل عريس ..

الزوح والفوخ والعشا قرنينة
مانعرف فهمتها ولا لا المهم المعنى لي راك تقول فيه لخصتو في مثل واحد برك ههههه
تخيل هاد الخسارة كامل ومايكملش الزواج على خير 3 اشهر 4 ويوصلوا للطلاق والمحاكم واطلع واهبط
وين راهم الدراهم والمهيبات والناس لي كلات وشربت ووووو ماشي تقول نجيف هاد البنادم لي جابلنا هاد العادات والخريفات
الله لا تربحو لا دنيا لا اخرة

خلاصة القول : لا يهم كيف تتزوج بل من ستتزوج وهنا تكمن المشكلة
الله يقدر كل واحد

 

[فريد أبو فيصل]

الله يعين
الفشخره والمباهات هي المشكله ..
انتم تسموها المهيبه ونحن نسميها دزة العروس والبعض يقول زفت العرس وهناك من يسميها جهاز العروس والزفه حدث ولا حرج لازالت تكلف الشي الكثير لكن اصعب شيء عندنا هي صالات الافراح حيث يتم حجز صاله او فندق للمعازيم الرجال واخرى للنساء هذه تكلف مبالغ طائله اما مهر الزواج عندنا فتدفعه الحكومه وهو مبلغ 6000 دينار يعادل 24000 الف دولار تقريبا والمشكله تكمن في المهيبه وصالات الافراح ..
الله يعين الشباب على المقارنات عرس فلانه احلى من عرس فلانه وهنيه يدخل المعرس في حانا مانا
وللمعلوميه هذه مشكله عامه حتى في الهند والسند الزواجات تكلف وتدخل فيها المزايدات
والله يوفق كل عريس ..

ما يتكلم عنه جليل هو نفس الشيء لكن يحدث في كل مناسبة مثل المولد النبوي الشريف او الاعياد يعطيها الخاطب لاهل المخطوبة قبل الزواج حتى وفي كل مناسبة تاتي تقوم بنفس الشيء مع اختلاف المحتوى.

اظن ما تتحدث عنه هو عندنا نسميه الملاك او الجهاز ويعطيه اهل العريس لاهل العروس مرة واحدة.

 

[جليلوس]

وفجأة تفكرت هذا

صندوق الدردشة

وين را فتحي وين راه

يا حسرااااه عنااااه تفكر فيااا عناااااه
حقا ماشي فتحي باع المنتدى ول؟

 

[جليلوس]

ما يتكلم عنه جليل هو نفس الشيء لكن يحدث في كل مناسبة مثل المولد النبوي الشريف او الاعياد يعطيها الخاطب لاهل المخطوبة قبل الزواج حتى وفي كل مناسبة تاتي تقوم بنفس الشيء مع اختلاف المحتوى.

اظن ما تتحدث عنه هو عندنا نسميه الملاك او الجهاز ويعطيه اهل العريس لاهل العروس مرة واحدة.

هو مافصلش فيه بصح باينة كي حكا على قاعات الأعراس والحفلات باينة المقصود وين
اودي مازال ماحكيتلكمش على الجهاز وووو
غلاو على الشبيبة العيشة والله
حكيم غادي يكره جد حياته على النهار لي خمم فيه يدير الدار ويستبيت

 

[فريد أبو فيصل]

كذلك يوجد امر مهم في كل هذا وهو الفنطزية نتاع العريس .

لما يبدا مشوارو بالفخفخة والزوخ الى حد الكذب ويبين نفسو انو مقتدر وعندو عندما يحين وقت مثل المناسبات او حتى العرس عليه تحمل تبعات احتياله وكلامه الاكبر منه.
متعيشش الطفلة في الاوهام والاحلام ومن بعد تدور عليها.

من البداية كن انت ولا تكن شخص اخر . نقدر نقدر منقدرش خلاص علاه الفنطزية.

هذا شيء مهم يقع فيه الاغلبية ويتحول الى صدمة.

 

[إلياس]

كيما اليوم ان شاء الله

مالا راني جاي
@إلياس @Hakan
وجدو وجدو العشا من ضك..

أن شاء الله كامل معروضين

 

[aljentel]

الزوح والفوخ والعشا قرنينة
مانعرف فهمتها ولا لا المهم المعنى لي راك تقول فيه لخصتو في مثل واحد برك ههههه
تخيل هاد الخسارة كامل ومايكملش الزواج على خير 3 اشهر 4 ويوصلوا للطلاق والمحاكم واطلع واهبط
وين راهم الدراهم والمهيبات والناس لي كلات وشربت ووووو ماشي تقول نجيف هاد البنادم لي جابلنا هاد العادات والخريفات
الله لا تربحو لا دنيا لا اخرة

خلاصة القول : لا يهم كيف تتزوج بل من ستتزوج وهنا تكمن المشكلة
الله يقدر كل واحد

فعلا البعض ما يستمر زواجه حتى شهر ويحصل الطلاق الناس تغيرت ولم تعد هي ناس بكري
لكن الله يعين المستحين …

 

[ذكريات]

موضوع شائك والحديث فيه لا ينتهي، كل كلمة كتبت هنا في محلها وكل رجل يعاني من كثرة المصاريف والانفاق، سواء العريس المقبل على الزواج أو ولي أمر العروسة الذي يجهزها، المصاريف أثقلت كاهلهم والحياة تحولت لفشخرة كاذبة وصور مزيفة كتلك التي أرفقتها بالموضوع، وحصادها كثرة الطلاق، والخلع، والأسر المفككة، والأبناء الضائعون بدون رقابة وربي يستر

 

[*amani*]

سلام
والله هذي العادة متعجبنيش غير تضياع دراهم وصايي هذوك الدراهم لي صرفهم على ذاك الشئ كامل ماشي كون اسثمرهم في حاجة اهم من هذا الخرطي
والاغلبية درك يديروها على جال باش يحمرو وجوههم برك ..قال قال فلانة جابولها مهيبة الله الله واذا مجابولهاش خلاااات ترجع هي حديث الساعة
وزيد اذا بقاو مخطوبين ثلاث سنين كل عيد طيلة الثلاث سنين وهو يدي ف المهيبة أيا وش هذا درك
حنا هنا يدو الفاكهة ولقاطو وكادو وكوسميتيك وكذا وزيد يمدلها الدراهم ..وفي العيد الكبير يدخل فيها الكتف يخشان اللعب هنا
انا والله مرة خلاف مانكلفش ولد الناس كل واحد ومقدورو وهذي الحاجة موش ضرورية خلاص
وحدة فاميلتي صرالها نفس الشي لي حكات عليه الأخت افنان فسخو الخطبة ورجع كل يوم يقولها رديلي حوايجي ودراهمي هنا تفهم بلي خرطي برك
الله المستعان ..صحيت جليلو موضوع مميز

 

[sanaya mery]

اهلا خاوتي صحا عيدكم وكل عام وانتم بخير
يادرا كاش قاطو كاش مغافرة ولا الرقاد وبيع البلاد
ولا الخدمة والتمرميد كي حالتنا

علابالكم عندا وحد العادات تمتاز بيهم الزازاير من شرقها لغربها ومن شمالها لجنوبها كاين وحد الناس تبانلهم حاجة غريبة وكاين لي مايسمعش قاع بيها تبانلوا غ زيادة وكاين لي لازم تكون باش يبانو قدام الناس هادا مكان واليوم وبهذه المناسبة تاع العيد جيت نحكيلكم على المهيبة والتي تخص الكنة الجزائرية ولا العروسة الجديدة
اااه ملاحظة برك هادي الكنة مازال ماجاتش لدار اهل زوجها هكا باش نتفاهمو زين يا ناس


خويا العريس علابالك بلي راح تفورني من نهار تعقد على صاحبة السمو عيد الفطر عيد الاضحى عيد المرأة عاشوراء المولود الناير خصك ع عيد الشجرة لي مازال مابان حتى كادو ولا ربطة معدنوس فيه دير حسابك من دروك


اااه ودير في بالك حاجة عندك سمانة لولة تاع العيد ولا المناسبة لي راح تديلها فيها صوا ذهب صوا دراهم صوا جيڨو تاع لحم تحسب راك خاطب نمر وعطور وحناء وملابس وأحذية" والاغلبية الساحقة راهم يكلفوا رواحكم ملخر المهم وجد روحك مولاي السلطان نقولك علاه داروها باش يشدو ويمتنو فيك بعشر يدين

ملاحظة فقط : المشكل تلقاها تتشرط وتضحك على واش جبتولها

نخليكم مع بعض صور المهيبات
مشاهدة المرفق 145508

مشاهدة المرفق 145507

مشاهدة المرفق 145506

مشاهدة المرفق 145505
مشاهدة المرفق 145504

مشاهدة المرفق 145503

عزيزي اللماوي واش رايك في المهيبة ؟؟
اسكو عندكم هاد العادات في منطقتكم ؟؟
واش ديروا كهدايا للعروس مثلا ؟؟

خلونا نتعرف على عاداتكم في مختلف مناطق الوطن​

وعليكم السلام
حنا معندناش المهيبة فالأصل مي كاين ناس يكلفو رواحهم ويديروها أنا شخصيا وحدة من الناس اللي ما يغرونيش بزاف هاذ الماديات سرتو كيلحق فيه أنو نحملو الفقراء فوق طاقتهم يعني بروتوكول فارغ وكل مجتمع عندو بروتوكولات فارغين أنا مش ضد الهدايا ولكن ضد ضد ضد يولي الانسان الزوالي يكلف روحو فوق طاقتها

 

[طموحة]

السلام عليكم و رحمة الله و بركاته
فعلا كما علق الأخ أنو هي عادة من حيث الأصل سليمة لانها هدية تزيد الود واظهار الفرح بهاته العلاقة ...وكانت من قديم الزمان ولم يتذمروا لكن الاشكال لما تخرج عن حدها و تدخل في المبالغات و الزيادات ...لكن في نفس الوقت لا يعني أن تلغى اذا كانت مع ناس ذاك عرفهم ...العرف يعتبرواذا كانت في العيدين فقط الحمد لله هاد العيدين للمسلمين و الزيارة محمودة لكن في المعقول و المقدور ...ولايعني أن تقام القيامة عليهم ...
لكي أوضح رأيي فيالموضوع الانسان يراعي المحيط دون الخروج عن مقدوره اذا محيط العرروس عادي يتساهل فعادي لا يزورها ...وإذا كان محيطهم عادتهم هاته لا يحرجهم لأنها ستبدو تقليل شأن و الله أعلم

 

[aljentel]

ما يتكلم عنه جليل هو نفس الشيء لكن يحدث في كل مناسبة مثل المولد النبوي الشريف او الاعياد يعطيها الخاطب لاهل المخطوبة قبل الزواج حتى وفي كل مناسبة تاتي تقوم بنفس الشيء مع اختلاف المحتوى.

اظن ما تتحدث عنه هو عندنا نسميه الملاك او الجهاز ويعطيه اهل العريس لاهل العروس مرة واحدة.

لا في الخليج لايقدمون هديا للعروس في المولد النبوي ولا في اي مناسبه ولايمنع ان يقدم الزوج لزوجته هديه كل يوم بمناسبه او غير مناسبه هذا شي خاص فيهم لكنه ليس رسمي وملزم ….

 

[dahman kz]

مصارف وتكاليف زايدة وماهيش لازمه
مرا خطبتها يامنعاش للعرس

اما اذا عقدت عليها في الحالة هذي راهي ولات زوجه ومن حقوقها على زوجها انو يهتم بيها كيما يهتم بنفسه

و الظاهرة هاذي عموما موجودة عندنا ثاني بالصح ماهيش عند الناس كامل يعني تقدر تقول عند فيئة معينه.. و كاين فيئة ماعلابالهمش ومايتبعوش البقية

و كاين ثاني بعض من اولياء واباء البنات المنطقيين يرفظو العادات هاذي تكون على بناتهم

والمشكل هنا في التقليد وحب المظاهر اغلب الناس يتبعو في فيئة عندها المال وتحب تتباها وتتظاهر قدام الناس و من كثر التقليد هذا الناس ولات تشوف فيها من الظروربات والاساسيات وللي ما يديرهاش شغل راهو دار العيب

والبراكة في القليل كيما يقولو ناس بكري واهم حاجة هي اختيار لمرا الصاحة والفايدة مبعد في الهنا والعشرة وهذا هو الرسمي.

 

[همس الوُرود]

السلام عليكم ورحمة الله وبركاته
نعم كاين هاد العادات لكن حسب وش شفت انا كل عائلة وكيفاش وحسب شروطها نهار الشوفة اذا يشرطو العيد او لا
ونظن المرأة نورمالمو ماتشرط والو إلا الصلاح وماتستناش حاجة اذا جابو بارك الله فيهم واذا لا تقدر ظروفهم أكيد .. هذا مش واجب ابدا انما اكرام زائد ممكن ينعمل وممكن لا وكل انسان وظروفو ممكن يكون يوجد للعرس وعندو مشاغل ووو فمايقدرش يزيد يصرف فالعيد بزاف .. وزيد حتى اذا جاب مش شرط يصرف بزاف ممكن هدية بسيطة تكفي تفرح العروس والحمد لله مش لازم المبالغة و الفتاة لازم ماتبقاش تسمع للناس وش يقولو هذا راهو رح يكون زوجها هي .. فالاخير هادو مجرد أمور اضافية الصح كلو فالاختيار ..
لازم يكون زوج صالح و متخلق ومتدين هذا اهم شيء والباقي إضافات جميلة فحسب وربي يهني كل مخطوبين و يجمع بينهما في خير​

 

[وۣۗهۣۗہۣۗم]

الله الله
الخير هاداا اكل تبارك الله
ههههههههه صباح الخير عليكم لماويين ولماويات
خوياا جليل منور كى العادة بمواضيعك
​

عزيزي اللماوي واش رايك في المهيبة ؟؟

راي شخصي نزيدووو فيها بزااف حناا ليزالجيرياان نموت على الزوخ والفوخ وتلقاه معندوش عشات ليلة يدير لكريدى ويتسلف ويكلف روحووو ماهو بغنى عنووو غير باه يورى روحووو ولاتلقاها هى طالعة هابطة وتندب في حناكها ومواليها مسودتلهم السعد وداية اللى موراهم ولى قداهم باه تزوخ وتوري بلي هومااا طبقة ....الله الله قدام ناسها وتشريلهم افخم العطور والهدايااا لي يمكن هى معندهاش اصلا طبعاا رانى نحكى على. الطبقة العادية الطبقة الشهارة كيما نقولووو واللى كاينلووو الله يزيدلوو مى هادوو الصنف ياخويااا نوو الواحد يمد رجليه على قد لحافووو ولا وش قال ...
وهاد الهدية ولا المهيبة طيبة خاطر برك ماهيش قانون

اسكو عندكم هاد العادات في منطقتكم ؟؟

وى كاينة مى فالعيد دراهم ولا حاجة تاع ذهب وسينوى القاطوووو
وهى تردلهم عشي ملوكى من المقبلات حتى لتحليات


واش ديروا كهدايا للعروس مثلا ؟؟
هانى جاوبتك


يومكم زين

 

[الامين محمد]

اهلا احبابي و اخواني
اعتذر عن التأخر في ولوج اللمة
ياتل الميكرو يدخل الى كل المواقع ما عدا اللمة ما يفتحهاش
مانيش عارف الخلل وين

و الله ق ضحكت على كثير من التعليقات

المهيبة في الاصل من اختراع ام العروسة او خالتها باش كاشما يبروفيتو
لكن مع الوقت اصبح قانون في الامم المتحدة و الذي يخالفه سيتعرض
للقصف و الغتبة و المنشار و قد يوصف بالرجل الفاشل و ممكن يفك الرابط
من الاصل و تتوقف هته الزيجة
و هنا المصيبة الكبيرة فبسبب لحم العيد تم فض الزواج و ذهاب كل واحد الى حال سبيله
لأن ام العروسة شافت ان الهيبة مسألة مصيرية و لا يمكن غض الطرف عنها
فتفسد علاقة جدية و رابط عظيم لسبب تافه

الهيبة في الاصل شيء رمزي و دليل ان العلاقة مستمرة و هو تذكير للزوجة انها مخطوبة
و زوجها لم ينساها فقط لا اكثر و لا اقل
و ليس مصروف كبير مرهق للشاب بأمور كمالية لا ينتفع منها او يباهى بها
على حساب جيب الخاطب

ان معها و ضد هته العادة
معخها بشيء رمزي و هدية رمزية اما ان يصل الحد الى الغلو و المبالغة
فأنا ضد هذا الامر

الشي اللي محيرني عندي زوجة عمي في احدى السنوات كان عندها بنت و ولد
رايحين للزواج
فكانت مع ابنتها في الهيبة و تطلب مالا يطاق و بكلام جارح في حق اهل الخاطب
و في نفس الوقت مع ابنها اخذت شيء اقل من القليل في الهيبة

فهنا تأكدت ان هته المرأة روحين في جسد واحد ههههههه

 

[sanaya mery]

اهلا احبابي و اخواني
اعتذر عن التأخر في ولوج اللمة
ياتل الميكرو يدخل الى كل المواقع ما عدا اللمة ما يفتحهاش
مانيش عارف الخلل وين

و الله ق ضحكت على كثير من التعليقات

المهيبة في الاصل من اختراع ام العروسة او خالتها باش كاشما يبروفيتو
لكن مع الوقت اصبح قانون في الامم المتحدة و الذي يخالفه سيتعرض
للقصف و الغتبة و المنشار و قد يوصف بالرجل الفاشل و ممكن يفك الرابط
من الاصل و تتوقف هته الزيجة
و هنا المصيبة الكبيرة فبسبب لحم العيد تم فض الزواج و ذهاب كل واحد الى حال سبيله
لأن ام العروسة شافت ان الهيبة مسألة مصيرية و لا يمكن غض الطرف عنها
فتفسد علاقة جدية و رابط عظيم لسبب تافه

الهيبة في الاصل شيء رمزي و دليل ان العلاقة مستمرة و هو تذكير للزوجة انها مخطوبة
و زوجها لم ينساها فقط لا اكثر و لا اقل
و ليس مصروف كبير مرهق للشاب بأمور كمالية لا ينتفع منها او يباهى بها
على حساب جيب الخاطب

ان معها و ضد هته العادة
معخها بشيء رمزي و هدية رمزية اما ان يصل الحد الى الغلو و المبالغة
فأنا ضد هذا الامر

الشي اللي محيرني عندي زوجة عمي في احدى السنوات كان عندها بنت و ولد
رايحين للزواج
فكانت مع ابنتها في الهيبة و تطلب مالا يطاق و بكلام جارح في حق اهل الخاطب
و في نفس الوقت مع ابنها اخذت شيء اقل من القليل في الهيبة

فهنا تأكدت ان هته المرأة روحين في جسد واحد ههههههه

ما عجبتني غير زوجة العم هاذي