الدزيريين و اللغة العربية؟؟؟

[aMiNa-K]

المكل لا يكمن في الأنظمة التربوية و التعليمية

و لكن لو أنّ كلّ فرد منّا لجأ إلى المطالعة، لكان قد حسّن مستواه اللغوي​

و عندما أتكلّم عن المطالعة أقصد كتب كبار الكتاب أمثال نجيب محفزظ، طه حسين، العقاد و غيرهم
فالقائمة طويلة و لا يمكن حصرها​

أمّا أغلبية الجزائريين فإنّهم، لا يحولا إنماء لغته
ثمّ يرمن بالحمل على كاهل الأنظمة و الحكومة
و يرجعونا هذا للعولة
حقيقة العولمة هدفها الأوّل و الآخير هو طمس معالم الشخصية العربية
و لكن لو تمت"عنا ببعض من النخوة لما وصلنا لما نحن عليه الآن
أمّا فيما يخصّ الدّراسة الجامعية بالفرنسية أهون
لأنّه ليكن في معلومكم إخواني الكرام أنّ الترجمة قد لا تفسد المعنى الصّحيح للجملة المترجمة​

لذا أنصحكم بالمطالعة و بكلّ اللغات طبعا​

تحيّاتي​

اختي انا نقول كاين اللي يهجيو كي يكونو يقراو و انتي تقولي نجيب محفوظ و طه حسين و العقاااااااد :blink:
نبداو بالشوية بالشوية مارانيش مزروبين..مثلا نبداو بكتاب السنة اولى تاع بكري و مانعرف :lol:
و محال كل فرد يقدر يتعلم وحدو او ينمي اللغة تاعو وحدو..كاين اللي يقرا و النهار كامل يقرا بالفرنسية و كاين الخدامين..المخير يكمل كتاب في عام:001_huh:

​

 

[الورد الأحمر]

خاصة لبنات تلقاهم زعمة يحبو يهدرو بافرونسي عند
بالهم تزيد فيهم النص،صح كاين كلمات الشعب الجزائري
كامل يهدرها بالفرونسي بصّح لازم نتمكنوا من لغتنا راهي
رمز من رموز عروبتنا
...​

 

[aMiNa-K]

همالا نزيدلك وزير التربية والتعليم لما قعد يخطب

باش يقول لكي لا نسقط في نفس المطب
قال لكي لا نطيح وأنت تقولي دراري

يودي إدا الوزير إلي شاد التربية والتعليم ماعرفش يهدر هادوك يهدرو​

و كاين هاداك الوزير اللي يعلن نتائج الانتخابات..هو يهدر و انا تطلعلي لاطونسيو و السكر :cursing:
هدي هي حال الرجل الغير المناسب في المكان غير المناسب​

 

[مسامعية]

نورمالمو نحمدو ربي كي نعرفو شوي عربية ؟؟؟؟؟؟؟؟؟؟
حنا مفرنسين
قرن و فرنسا محتلتنا
و بالرغم من هذا رانا ملاح وخير من شعوب عربية اخرى ​

 

[aMiNa-K]

أوّلا أختي بارك الله فيك على طرح الموضوع​

سأعطيكم مثالا و ليكن عبرة للآخرين​

أنا زوجي فرنسي الأصل اعتنق دين الإسلام في العشرين من عمره و ترك دراسته بالجامعة و سافر ليتعلّم اللغة العربية فتعلّمها على أصولها و حفظ القرآن و أخذ العلم على أيدي مشايخ كبار و هو الآن يؤلّف كتب دينية و كتب في تعليم اللغة العربية
بالله عليك أختي الإنسان كي يشوف هكّا ماشي يحشم بروحو أنا وحدة نحشم قدّامو لأنّي لا أستطيع أن أتكلّم العربية بطريقة عادية لازم ندخّل فيها كلمة بالفرنسية و لّا نعوّجها و إذا زلقتلي كلمة مع وليدي بالفرنسية ما يحبش مثلا نقول لولدي لفريجيدير كيما نقولوها حنا يقولي لالا قوليلو الثلاجة هههه
و مع أنّي ساكنة بفرنسا إلّا أنّنا نتكلّم مع ابني بالعربية الفصحى لترسخ في ذهنه و هذا أمر أفتخر به و يسعدني كثيرا أن أرى إبني يتكلّم بالفصحى
تعلّم اللغات الأخرى ليس فيه عيب و لكن يجب أن نبتدأ بالأصل و أن نتكلّم لغة القرآن و باقي اللغات نتركها لحالات الضرورة أو في الدراسة فقط
و الله كي حبطت للبلاد العام ليفات مخّي حبس وين نروح نلقى الصغار يتكلمو بالفرنسية ألهذه الدرجة مخلوعين بفرنسا و الله إن دلّ فإنّه يدلّ على انعدام شخصية الوالدين و احساسهم بالنقص ​

و الله غير عجب papa et mamaو في حومتي معمرين هاد الأشكال زعما لاتشيتشي صحاب
و الكلام يطول و يطول بصّح نختمو بقول الرسول صلى الله عليه و سلّم
( لتتبعن سنن من كان قبلكم ، شبرا بشبر، وذراعا بذراع، حتى لو دخلوا جحر ضب تبعتموهم) قالوا: يا رسول الله: اليهود والنصارى؟؟!! قال: ( فمن؟)...أخرجه البخاري

الله يهديهم الله يهديهم حاجة توجع القلب!!!!​

يا اختي فكرتيني في الشيخ الالباني -رحمه الله- هو ماشي عربي بصح يهدر العربية خيرمن كل العرب
الله يهدينا​

 

[aMiNa-K]

خاصة لبنات تلقاهم زعمة يحبو يهدرو بافرونسي عند

بالهم تزيد فيهم النص،صح كاين كلمات الشعب الجزائري
كامل يهدرها بالفرونسي بصّح لازم نتمكنوا من لغتنا راهي
رمز من رموز عروبتنا

...​

المشكل ماشي في البنات او الاولاد.. هادي ضاهرة شاعت بزاف في المجتمع تاعنا ​

 

[aMiNa-K]

نورمالمو نحمدو ربي كي نعرفو شوي عربية ؟؟؟؟؟؟؟؟؟؟

حنا مفرنسين
قرن و فرنسا محتلتنا

و بالرغم من هذا رانا ملاح وخير من شعوب عربية اخرى ​

aaaaaaaaw.. نحمدو ربي على العربية اللي خربنالها الرحمة تاعها؟..و نحمدو ربي على الجيل اللي راهو جاي مايعرفش لغة الدين تاعو؟
صح فرنسا ضربت قرن و زيادة عندنا.. بصح عندنا 47 سنة ملي ادينا الاستقلال.. 47 سنة و المراجع مازالهم بالفرنسية.. بعد 47 سنة وزير التربية و التعليم مايعرفش يهدر عربية مسقمة:cursing:
بزاف دول عربية تعرضت للاستعمار بصح محافظين على اللغة العربية تاعهم..سوريا استعمرتها فرنسا كما حنا بصح محافظين على العربية..و مصر استعمرتها بريطانيا بصح الهدرة تاعهم ماشي مخلطة بزاف بالانجليزية

اختي ماركيش تشوفي la gravité de situation اللي راني فيها

(و ماقدرتش نحط رد بلاما ندخل فيه الفرونسي )​

 

[مسامعية]

على كل حال كلامك صواب ختي بصح متنسايش الله غالب طبعنا بهذا الطبع و لا حياة لمن تنادي
او بالاحرى المسؤولين للي راهم شادين البلاد من هذاك العصر أي عصر الفرنسة -فهمتيني-
لو كان كاين واحد من عصر الاستقلال و للي موراه بالاك ماراناش هكدا
و المسألة مسألة وقت و أجيال​

 

[abidou 20081]

الله يحفظك انت تانيك خويا
هاداوين راني بديت نفهم شوية برك

تحية مجددة وبوركت على التتبع وروح النقاش المميز لديك لكن كلمة شوية برك هذه هي ما جعلتني أتسائل هل هناك شيء غير مفهوم من مشاركتي وإن كنت بعيد عن مستوى الحوار والمناقشة فأعتدر منك فأنا أحاول المشاركة فقط وتستطعين نقد مشاركتي بكل روح رياضية كذلك

وأتفق معك هذه المرة في ما يخص كلمة الكبار الذين يرددون كلمة الله غالب علينا أحن قراتنا فرنسا والخطأ هنا يتحمله المسؤولين الذين لم يسارعو إلى نشر وإنهاض لغتنا العربية بالعكس فقد كنا ندرس اللغة الفرنسية بشكل يكاد يكون كلي للاسف نجني ثماره لحد الساعة بحيث كانت الفرنسية تدرس إبتداء من السنة الثالثة إبتدائي فبدل أن نحي جيل جديد معرب بدأنا بجيل مستقل أرضيا محتل فكريا كما أتفق معك حول التشعب الملاحظ حول المشكلة لان المسؤولية يتحملها الجميع
جزاك الله كل الخير و جعل موضوعك في ميزان الحسنات دمتي ودامت مواضيعك المميزة

 

[sarah02]

آش ندير بالعربية الا كنت نطلع للجامعة والقرايا كامل بالفرونسي؟:glare:

 

[aMiNa-K]

تحية مجددة وبوركت على التتبع وروح النقاش المميز لديك لكن كلمة شوية برك هذه هي ما جعلتني أتسائل هل هناك شيء غير مفهوم من مشاركتي وإن كنت بعيد عن مستوى الحوار والمناقشة فأعتدر منك فأنا أحاول المشاركة فقط وتستطعين نقد مشاركتي بكل روح رياضية كذلك

ايه خويا شووووووية برك.. راك هارب علينا بزاف في اللغة ​

​

​

​

:blush:​

وأتفق معك هذه المرة في ما يخص كلمة الكبار الذين يرددون كلمة الله غالب علينا أحن قراتنا فرنسا والخطأ هنا يتحمله المسؤولين الذين لم يسارعو إلى نشر وإنهاض لغتنا العربية بالعكس فقد كنا ندرس اللغة الفرنسية بشكل يكاد يكون كلي للاسف نجني ثماره لحد الساعة بحيث كانت الفرنسية تدرس إبتداء من السنة الثالثة إبتدائي فبدل أن نحي جيل جديد معرب بدأنا بجيل مستقل أرضيا محتل فكريا كما أتفق معك حول التشعب الملاحظ حول المشكلة لان المسؤولية يتحملها الجميع
جزاك الله كل الخير و جعل موضوعك في ميزان الحسنات دمتي ودامت مواضيعك المميزة

انا قريت الفرنسية ابتداءا من السنة الرابعة ابتدائي و راهي متالبتني للان :glare:

بالنسبة لكبار السن في رايي مانقدروش نلوموهم و تانيك مانقدروش نلومو الدولة.. صعيبة شوية الحالة خصوصا بعد الاستقلال مباشرة الدولة كانت منشغلة بالسياسة و الصناعة و التجاة و الزراعة الخ (نقدرو نغضو الطرف في هذه الحال فقط)

بارك الله فيك اخي.. اراءك كلها في محلها.. و فعلا يبقى هاد المشكل مشكل متشعب بالبزاف.. ان شاء الله بالشوية الشعب يفطن و كل واحد يحسن اللغة تاعو

شكرا لك مرة اخرى و جزاك الله كل خير ​

​

 

[اشراقة الغد]

كاين الي عندهم العكس

انا جزائرية اجيد العربية و لا اجيد الفرنسية ولو بشوية وبالعرببية كيما يقولو تقول مانيش جزائرية ؟؟

يعني هماك استغراب ان شخص عربي يجيد العربية لغته الام و لا يجيد اللغة الفرنسية


الجزائر صايبتها تشتت ثقافات
​

 

[aMiNa-K]

آش ندير بالعربية الا كنت نطلع للجامعة والقرايا كامل بالفرونسي؟:glare:

يا اختي ماتغلطيش كما انا.. انا تانيك كي كنت في الليسي كنت نقول وش ندير بيها العربية.. الجامعة كلش بالفرنسية و كنت مانحضرش الحصص..كنت كي تلحق تلحق حصة الادب العربي او الفلسفة او التاريخ و الجغرافيا كنت نخرج و ادا بقيت كنت نبقى ندير الطوايش برك :blush:
بصح بعد اعوام قليلة في الجامعة تندمي عليها.. تولي تجي ليك بنت الجيران تقولك قريني تصيبي روحك ماتعرفي والو باش تفهميها تعشي انتي تقراي في الدرس تاعها.. و لا يجيك نهار لازم تكتبي فيه دومند بالعربية الستيلو يبلوكي في يدك ماتجي تكتبي جملة حتى بالسيف..و المليحة كامل كي تحبي تقراي كتب بالعربية يجوك مفردات صعاب بزاف بالديكسيونار و ماتفهميش الشرح..و تولي تقولي لوكان غير كنت نحضر حصص الادب العربي في الليسي

اختي مادام عندك فرصة باش تقراي عربية غير اقرايها مليح ..و كي تطلعي للجامعة ماتخليهاش تضيع منك كملي اقراي كتب بالعربية سينو تندمي عليها
​

 

[أم عبد الرحمان]

يا اختي ماتغلطيش كما انا.. انا تانيك كي كنت في الليسي كنت نقول وش ندير بيها العربية.. الجامعة كلش بالفرنسية و كنت مانحضرش الحصص..كنت كي تلحق تلحق حصة الادب العربي او الفلسفة او التاريخ و الجغرافيا كنت نخرج و ادا بقيت كنت نبقى ندير الطوايش برك :blush:

بصح بعد اعوام قليلة في الجامعة تندمي عليها.. تولي تجي ليك بنت الجيران تقولك قريني تصيبي روحك ماتعرفي والو باش تفهميها تعشي انتي تقراي في الدرس تاعها.. و لا يجيك نهار لازم تكتبي فيه دومند بالعربية الستيلو يبلوكي في يدك ماتجي تكتبي جملة حتى بالسيف..و المليحة كامل كي تحبي تقراي كتب بالعربية يجوك مفردات صعاب بزاف بالديكسيونار و ماتفهميش الشرح..و تولي تقولي لوكان غير كنت نحضر حصص الادب العربي في الليسي​

اختي مادام عندك فرصة باش تقراي عربية غير اقرايها مليح ..و كي تطلعي للجامعة ماتخليهاش تضيع منك كملي اقراي كتب بالعربية سينو تندمي عليها​

يا أختي أمينة و الشيء الأهم كي تحكم المصحف و تقرا ما تفهم فيه والو ولّا تحبّ تتعلّم دينها تحكم كتاب راسها يحبس!!!
الواحد لازم يشد في اللغة العربية باش يقدر يفهم دينو مليح و هذا هو الأساس

 

[aMiNa-K]

يا أختي أمينة و الشيء الأهم كي تحكم المصحف و تقرا ما تفهم فيه والو ولّا تحبّ تتعلّم دينها تحكم كتاب راسها يحبس!!!
الواحد لازم يشد في اللغة العربية باش يقدر يفهم دينو مليح و هذا هو الأساس

صعيبة بزاف لو نلحقو لهاد الحال..ماشي غير المخ يحبس.. الدمعة تهبط وحدها :sad:
انا سلكني الشيخ عبد الرحمان الهاشمي -رحمه الله- يمد دروس باللهجة الجزائرية..هو كان كبداية ليا
ان شاء الله مانلحقوش لهاد الحال
​

 

[killua0555]

السلام عليكم ..خويا موضوع شباب ....و بزاف نشوفوه سورتو هادوك الوزارة ...ميفرقش مام با بين التى و الدى مهم

انا فى راى كاين زوج من الناس
اللوليين الى يهدرو بهاد اللغات لخطر يحبو يزوخو و يفريميو ولا يشوفوها نوع من التطور و حاجة كيما هاك فهمتونى
و التانيين هادوك الى يمتلو اغلبيتنا بتما ملى زدنا الناس تهدر فرونسى كاسى مال بلاسى ...و العربية مكاش يتما قضبة ولف ....

و السلام

 

[Sini]

السلام عليكم و رحمة الله و بركاته

بعيد عن مناقشة ما جاء في الموضوع الهادف

ردي مجرد اضافة و هي رأي : انعام بيوض
"الدكتورة إنعام بيوض هي كاتبة وشاعرة وفنانة تشكيلية جزائرية، عملت في مجال الترجمة ، وشغلت منصب مدير المعهد العالي للترجمة بالجزائر"

تقول : وهناك من يقول أن الجزائر متفرنسة هذا يعتبر خلطا، إضافة الى أنه غير صحيح فـ 5% من سكان الجزائر يتقنون اللغة الفرنسية وهي نسبة ضئيلة جدا ولا تقاس بالنسبة لمجموعة الكتب المنشورة. المفروض أنه عوض أن نترجم إلى لغات أخرى نساهم في نشر اللغة العربية والحث على القراءة يكون ابتداء من الأسرة إلى المدرسة وعن طريق الإشهار للكتاب أيضا.. فالكتاب في الجزائر لا يشهر له. ....أريد أن أقول بأن كل واحد منا مهما كان مركزه يستطيع أن يقدم خدمة ولو بسيطة تجاه تخصصه، فنحن بحاجة إلى تكاتف كل الجهود البشرية ونحن بحاجة الى أن ننظر لأنفسنا نظرة إيجابية وليست سلبية.


تقبل مروري و لك الشكر على الموضوع

​

 

[كرومة الوهرانية]

السلام عليكم ..خويا موضوع شباب ....و بزاف نشوفوه سورتو هادوك الوزارة ...ميفرقش مام با بين التى و الدى مهم

انا فى راى كاين زوج من الناس
اللوليين الى يهدرو بهاد اللغات لخطر يحبو يزوخو و يفريميو ولا يشوفوها نوع من التطور و حاجة كيما هاك فهمتونى
و التانيين هادوك الى يمتلو اغلبيتنا بتما ملى زدنا الناس تهدر فرونسى كاسى مال بلاسى ...و العربية مكاش يتما قضبة ولف ....

و السلام

والله خويا عندك الحق في كل كلمة تقولها والله الفرنسية راهم حابين يغرسوها في عروقنا والله نصف هدرتنا فرنسية وحتى مين تكون تقرى تشوف كل برامجك اللغة الفرنسية ولينا نقرو حصص الفرنسية اكثر من حصص العربية وانا حابس بززاف في العربيةوالله كينجي نحكي بالعربية الفصحى دايما دخل فيها كلمات فرنسية المهم ربي يهدينا وصايي

 

[حسنية27]

شوفي هذا الموضوع مليح بزاف، شولا العربية مشي كيما قاع قالولك ، كاين حاجة سموها التاريخ الطويل تاع الجزاير، الاصل تاعنا امازيغ، ce qui fait، الهدرة تاع الاصل هي الامازيغية، من بعد دخلوا العرب كانوا شويا في القرن 7، موراها في القرن 11 دخلوا قبائل بنو هلال، جاوا من صعيد مصر و هنا كاين اختلاف بين المؤرخين، كاين لي يقول بلي كانوا بزاف و خسروا فلبلاد، وكاين لي يقولوا كانوا شويا و ما عندهم ماداروا من غير انهم اتروا في الهدرة الامازيغية، و زيد صبانيا و زيد الترك و موراهم فرانسا هدوا قاع عطاوا شارانا نهدروا، ومشي عيب يلا كان عندنا اختلاف اللهجات، هذا يعني بلي حنا مرفحين تقافيا، راني كتبت كتاب.

 

[حسنية27]

عندي حاجة بغيت نزيدها للي كتبوا و عطاوا كلمات، ما عندهم غير يعسوا هدرتهم يعرفوا بلي ما راهمش يهدروا غير الفرانسي، حتى كي نقولك مثال"لز علي" بمعنى "زح قليلا" هدي ما كان مادخلها فلعربية و لا فل فرانسي، وكاين حاجة وحدخرا، حنا كي نهدروا العربية في ليكول، مانهدروش الفصحى وتاني ما ندخلوش عليها عامية ولا دارجة، كيما تبغوا، حنا هدرتناdiglossique بمعنى ازدواجية لغوية، وطيقو ترجعوا لل: خولة طالب الابراهيمي في كتابها les Algériens et leur(s) langue(s)a، ولا حتى لمليكة قريفو، كاين بزاف غير لي ما يبغيش يقرا ، و يدخل عليها زعاقة.