ما وليتش نتحمل خلاص يا جماعة ألحقوني !!!!!

الحالة
مغلق ولا يسمح بالمزيد من الردود.

** غزال الصحراء **

:: عضو بارز ::
أحباب اللمة
إنضم
19 جويلية 2007
المشاركات
10,901
نقاط التفاعل
164
النقاط
319
العمر
32
محل الإقامة
العدم
الجنس
ذكر
السلام عليكم

و الله يا جماعة صاي إستسلمت ماوليتش نقدر نgاردي

في ليكول لقراية من 8 ل 12و من 1.30 ل 5.30 واش هاذا واش هاذا !

الله لا تربحك يا لي ورا كل هاذا و الله الأستاذة تاعنا تاع الإنجليزية تحكينا قريب تبكي

ايا لي دارو بعيدة كي يدير ياكل و لا يقرا و لا يرقد و الله بوزيد راه يدير في القرارات

على جال باش يقول دار قرار لا أقل و لا أكثر هاذا العام الباك على ربي غير لي تشوفلو

تلقى راصو منفخ أساتذة و لا تلاميذ مام العساس و المدير و قاع قاع يعني 4 سوايع

لعشية مع السخانة و الله حرام الأستاذة قاتلنا ولادي قتلتهم بشر الغيابات و لاو بزاف

الناس كرهت تقري و كرهت تقرا كي تولي لدارك ما تأمنش راصك

تحس بدوخ و ما تعرف لا تريفيزي لا ترقد لا تاكل ايا طيح في بلاصتك و تبدا تحكي مع روحك كي المهبول

اي و الله ضركا هنا في اللمة و الله لا راصي راه يوجع فيا خطراش يومي فات إجهااد ماشي إجتهاد

زادونا الأسابيع و وخرو العلطة و طولو الوقت

بدلونا النظام زادو كثفوه و شارجاو كلش يعني ولينا روبوات

و عطاونا السبت عطلة قالك هدية اييييييه شدو عندك السبت حابين نرجعو كي بكري

قرار فاااااااشل حابين نرجعو لسيستام تاع بكري راهو تغيير صغير يدير كارثة

ياااا جماعة كرهت و ما حملتش صاي حابين نولو لأيامات زمان ( اي لعام ليفات ) .
 
آخر تعديل:
H@teM، تم حظره "حظر دائم". السبب: مخالفة القوانين
صح خويا هشام ربي يكون في العون
وش تحب دير والله مهمهم واحد سوا مصالحهم الخاصة
 
واش تحب خويا بن بزيد هادا تليقلو طريحة مخلا ما يغير في البرامج الدراسية
ربي يكون معاكم برك
 
صح خويا هشام ربي يكون في العون
وش تحب دير والله مهمهم واحد سوا مصالحهم الخاصة

الله يهنيك خويا حاتم

و و الله ما عيينا نهربو من الكلمة هاذيك تاع ( لي قرا قرا بكري )

مي راني شايف رانا رايحيلها 190 في الطابلو .
 
واش تحب خويا بن بزيد هادا تليقلو طريحة مخلا ما يغير في البرامج الدراسية
ربي يكون معاكم برك

الله يهنيك و يوفقك

و ما نضنش راح يحبس هنا

رانا نتسناو في التالي .
 
يا هشام أنتم الطلبة تعبتو من لقرايا
روح صقصي الإدارة يقولولك معرفناش كيفاش نوزعو الحصص على الأساتذة والله الناس الكل حبست ومعرفتش تمشي مع عبقرية بن بوزيد
مراكمش غير أنتم الطلبة برك
 
واه يا خويا أنا الحمد لله سلكت من بوزيد وجماعته بصح تلاقيت مع واحد اسوء منه وهو حراوبية والمافيا تاعه
المهم الله يسلكنا على خير بصح حبيت نقولك طبيعة شفتها في المجتمع الجزائري دائما يحب القديم ومايحبش التجديد
سواء للأحسن او للاسوء
و القراية من 8 ل 12 13.30 ل 17.30 بزاف تاع الصح بقا غيل يقولك جيب فراشك ورواح تقرا في الليل هكدا تقرو على حصة تاع النوم بصح فيها غيل ساعة برك و ساعة حصة تاع استيقاظ من النوم وفنونه هههههههههههههههههههههههههههههههههه
أنتوما صحاب الثانوية غادي تنغبنو بزاف بصح الصغار تاوعنا درك يوالفو ههههههه حبو يرجعوهم روبويات
 
ربي يكون في العون كول عام يخرجولنا باخرجة جديدة اوما تطفر غير في دراري مساكن
 
يا هشام أنتم الطلبة تعبتو من لقرايا
روح صقصي الإدارة يقولولك معرفناش كيفاش نوزعو الحصص على الأساتذة والله الناس الكل حبست ومعرفتش تمشي مع عبقرية بن بوزيد
مراكمش غير أنتم الطلبة برك

ايه حمة راني قلتها في الموضوع ديجا !!

و الله لا راهم أكثر منا و هاذا الشيء لي غايضني سير تو الأستاذات يعني النساوين

لي يقرو و الله لا عيب مرا كبيرة تلقاهم مرمدينها بهاذا السيستام و لا يا يطلقوها مع

ال 5.30 يعني مدة قصيرة و يولي المغرب مع ال5 و حاجة يعني ياذن عليهم و هوما

يقرو حنا صغار و ما حملناش و الإدارة يحسن عونها راهم في معاناة كبيييرة ربي

يفرج عليهم و علينا .
 
واه يا خويا أنا الحمد لله سلكت من بوزيد وجماعته بصح تلاقيت مع واحد اسوء منه وهو حراوبية والمافيا تاعه
المهم الله يسلكنا على خير بصح حبيت نقولك طبيعة شفتها في المجتمع الجزائري دائما يحب القديم ومايحبش التجديد
سواء للأحسن او للاسوء
و القراية من 8 ل 12 13.30 ل 17.30 بزاف تاع الصح بقا غيل يقولك جيب فراشك ورواح تقرا في الليل هكدا تقرو على حصة تاع النوم بصح فيها غيل ساعة برك و ساعة حصة تاع استيقاظ من النوم وفنونه هههههههههههههههههههههههههههههههههه
أنتوما صحاب الثانوية غادي تنغبنو بزاف بصح الصغار تاوعنا درك يوالفو ههههههه حبو يرجعوهم روبويات

و الله لا فاجيت علي قالك هم يبكي و هم يضحك !!!

يا خويا هاذاك ما بقى و الله و راك نسيت ( حصة الفطور و ملحقاته )

و حصة العشا يلغوها خطراش ما عندهاش أستاذ راهو في عطلة أموميةيعني نباتو بلى

عشا !! الله يهنيك صاحبي و ان شاء الله عام جاي نتهنو من بوزيد

و نجيو للمافيا تاعكم .
 
H@teM، تم حظره "حظر دائم". السبب: مخالفة القوانين
الحل الوحيد ديروا اضراب وطني
على ها التمسخير
 
ربي يكون في العون كول عام يخرجولنا باخرجة جديدة اوما تطفر غير في دراري مساكن

و الله لا صح

مي هاذا العام خرجونا بخرجاات ماشي غير بخرجة

حسبي الله و نعم الوكيل .
 
الحل الوحيد ديروا اضراب وطني
على ها التمسخير

ايه و الله راني حاير كيفاش طولو ما داروهش

موالف حوايج صغار يديرو و هاذي المرة كي ولات كارثة سكتو

هاذا ال Paradox تاع الصح .

 
:..................................................

معرفت ما نقوللك ربي معاكم
الله يوفقكم

..................................................:
 
ياخويا رانا كل كيف كيف واش تحب؟
تتحمل ماتتحملش اخبط راسك ع لحيط هاذ وش راه يقولنا بوزيد
ونزيدك تاني احنا عدنا تيبي علوم وفيزيا لعشيه من 3.30حتان5.30
قلي كيفاش تدخلكـ وتفهمها؟؟؟؟؟
ماعندي مانقول غير الله لاتربحو
 
هاذو عصابة مايهمهم غير يرضيو
اسيادهم في اوروبا والغرب وهوما لي قالولهم بدلو السيستام نتاع
العطل وراني نشوف بلي لازم الشعب
يتحرك ويقول كلمتو
المشكلة راهي في السكات والخضوع
والاضراب احسن وسيلة للتغيير
كيما راني نشوف

وربي يكون في العون
 
والله غير ماشي تمسخير برك
البارح جا خويا تعرف يكركر في رجليه ومهوش شايف قداموديحا مزال مكملش شهر كره القراية
خلاص من بكري راهم يحبو القراية وزاد ظرك
من عرف وين راح نوصلو مع بن بوزيد
ربي يعاونككم
 
ربي يكون في عونكم..
الحمد لله منعت ..
اصبروا برك واش تعملوا راكم فالجزائر..

 
السلام عليكم
ربي يكون في العون
نتكلم بصفتي استادة انا دخلت و خرجت نجري من المتوسطة الي نخدم فيها
دارونا استعمال الزمن يخلي الديار
تعود العايلة تتلاقي غير في الليل
هدي مصيبة !!!!!!!!!!!!!!
منزيدش علي الي قلتو في موضوعك راك درست جميع الجوانب
بارك الله فيك علي الموضوع الهادف
 
معنى الديمقراطية هو حكم الشعب

اذا الحل بيد الشعب

اضراب عام

طلبة واساتذة

(((باراكات)))

تجارب ماناش فئران تجارب

نوض يالشعب بركاك من الذل والمهانة وحالت الطوارئ
غير عالشعب والمسؤولين عايشين
في الخارج يتمتعو بخيرات البلاد
فوق يالشعب راهم يضحكو عليك في حانات السكر والقمار
انفض التراب عليك
راك مول الدار راك مول الارض
راك مول البترول راك مول الغاز
راك مول البر والبحر
مكانش الرجال فالبلاد ولا واش راه
رهجو الشعب وراه فاقد الوعي
ويتكالب باه يرضيهم ويرضي قوانينهم التافهة

خلونا يرحم والديكم
اموال الشعب يديها الارهابي
ويديها السراق ويديها الخوان
والشعب يخلص الدم والمال
وزادونا العقل والدين

راني خارج
.....................
 
آخر تعديل:
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top