صح الرجالة كامل هكدا و لا راني غالطة ؟؟؟؟ فهموني
- كاتب الموضوع كلي امال
- تاريخ النشر
شفتي وين المشكل كي تجي من المتعلمين هنا راسك يحبس
و معاك حق في انو الراجل يقولوا ما يعيبوا والو و هاد الكلمة لدرك ماما تقولهالي لكن حاجة ربي تمس المرا و تمس الراجل
و نقطة ثاني ذكرتيها هيا استحمال كل واحد للطرف الاخر و كان يكون الراجل عاقر المرا تبقا معاه و تقول هادا مكتوبي ما عندي ماندير لكن في المقابل كان تكون المرا عاقر الراجل يقول لازم نتزوج و نجيب ولاد صح معاه حق و من حقو يجيب ولاد لكن هيا تاني حقها تجيب وليدات و تفرح بيهم
ربي يهدينا و يهديهم
ربي يخليك اختي و يهنيك على المرور العطر
الله اعلم
تحية طيبة وعطرة اختي العزيزة كلي امال
أولا قبل كل شيء نقولك والله غير يعطيك الصحة على الموضوع القيم والهادف والذي يستحق كل التقدير
فيما يخص موضوعك ختي نقولك ماشي جميع لي دخل لقرايا راه مخ وماشي جميع لي يقري راه معلم ولا أستاذ
وماشي جميع الشخصيات راهم شخصيات قبل مانطرق لأي شيء ورانا نشوفو فيهم يقرو يعني أساتذة وعينهم على الطفيلات ويديرو فالمناكر وهما زعما حاملين مشعل التربية في مايخص مسألة العاقر والعقيم وهنا نقدر نقولك أسمحيلي نصحح لبعض الأعضاء أن المرأة يقال عليها العاقر والرجل عقيم المهم في مايخص هذ النقطة نقول بلي كي المرأة كي الرجل ممكن أن يصاب بالعقم المرأة تدفع الثمن غالي والرجل لا وهذا هو ظلم المجتمع وظلم الرجل بحذ ذاته في حق المرأة لأن المرأة الجانب الضعيف في المسألة بين الرجل والمرأة
عنما يقال للمرأة عليك بزيارة الطبيب أو بالعكس المرأة وحدها تروح لطبيب في حالة تأخر الحمل عندها لكن الرجل يتهرب منها لأنها مسألة تضرب في نظره رجولته في الصميم وممكن أنه يذهب للطبيب لكن بسرية تامة كذلك وهذ الموضوع يعني ينوض الدنيا عليها ماشي غير مع مرتو يعني مع أي واحد لو كان يقولو هذ الهدرة والكثير ينساو بلي إرادة الله والكثير ممكن يسبب لروحو عقم دائم كان يقدر يتفاداه لو عالج نفسو مبكرا والمثال بسيط عند الكثير يعني طفلة لو يكثر عليها الخطاب وماتقبل حتى واحد أول حاجا يقولوها راهي دايرة حاجا وخايفة لكن الرجل لو يطول مايتزوجش أول حاجا يقولوها أنه رجل عقيم ومنها نعرفو بلي من الشي لي تخاف منو المرأة بكثرة يخاف منو الرجل كذلك واش هي الميزان ماشي متعادل في هذ النقطة لأن المرأة تبقى دائما الجانب أو الحلقة الأضعف يعني لو كانت المرأة عاقر تعطي الفرصة أكثر للرجل أن يتسلط عليها وإعادة الزواج تصبح النقطة الشاغلة في حياته وغيرها من الأمور لكن لو كان الرجل عقيم هنا يعلم بلي حتى لوعاود الزواج يبقى عقيم لأن المشكلة فيه هو لذلك يحب يخبي هذ الضعف بالهراج و العياط ولازم عمرها المرأة ماتشكك في رجولتو إلى غيرها من الأمور وهذا ظلم حقير إتجاه المرأة لأن الرجل أو المرأة من اليوم الأول للزواج قررو ربط وبناء حياتهم معا يعني يتقاسموها بحلوها ومرها ولا أحد منهم كان يعلم الأمر من الأول ولو في وقتنا تطورت الأمور وأصبح من الممكن كل واحد منهم يأتي بكشف طبي باش حتى واحد مايتسبب على الأخر ومنها يقدر كل واحد يقرر حياتو من الأول
النقطة الثانية لي هي كي تزيد عندو طفلة يولو وجهو أكحل ههههه والله غير كي نسمعها راسي يحبس وعلاش لوكان ماشي الطفلة هو أصلا ماراهش زايد ولا هو جابو رجل ياخي جهل ياخي والله ثم والله من بكري في وقت الجاهلية منين كنت نقرى على أنو الطفلة يدفنوها حية كنت نقول واش من قلوب عندهم هذو وكيفاش من جهة عندو لمرا لي زيدتلو هذ الطفلة وعندو يماه ومن جهة يدفن في بنتو حية مسألة جهل فوق القانو لكن في وقتنا هذا ومازال نلقاو هذ الجهالة والله غير عيب تاع الصح وصرات قصة أمامي لواحد نعرفو صاحبي زادت عندو طفلة مور طفلة وعندو طفل واحد حب يهبل وإستغفر الله حتى جهل ريحت معاه كل يوم وأنا يارجل ألعن بليس وخليك من هذ الجهل وهو يقولي وعلاش وعلاش وغيرها قلتلو أولا حكمة مولانا وثانيا
حتى من الناحية العلمية أنت المسؤول ماشي المرأة ويعجبك أنو إطار في المستشفى ومرتو ماولاش يطل عليها فالسبيطار لكن الحمد لله بعد وقت رجع لعقلو ورجعت عندو الطفلة عزيزة عليه أكثر من أي شيء أخر
وحتى الكثير ولا يقول بلي الطفلة أرحم من الطفل ونقولها صراحة يعني الطفل إذا جات مرا تقدر تبدلو على ولديه بصح الطفلة عمرها ماترمي ولديها وحتى من تربيتهم تختلف الطفلة يعني الطفلة تأخذ الرأي والطفل في الكثير من ألحيان يكون ماياخذش الرأي ومانهدرش على المستوى يعني كيما قلتي يقري العلوم ولاغيرها لن المشكلة ماشي مشكلة قرايا وكيما قلتلك ماشي جميع لي قرا راه عالم لكن لي عندو في راسو ومتشبع بالثقافة العامة وعايش الدنيا مليح هذاك عندي لي عندو مستوى وحتى لو كان على الورق عندو السنة أولى إبتدائي وفي الأخير نقولك تاني الرجالة ماشي كامل هكذا بصح كاين واش قلتي وحتى واحد ماينكرو
موضوع قيم ورائع وعلى بالي لوكان نكمل مانحبسش نكتفي بهذا اليوم ونقولك ربي يبارك فيك ويعطيك الصحة ويعطيك ماتتمني وربي يحفظك ودمتي بألف خير وهناء إن شاء الله
أولا قبل كل شيء نقولك والله غير يعطيك الصحة على الموضوع القيم والهادف والذي يستحق كل التقدير
فيما يخص موضوعك ختي نقولك ماشي جميع لي دخل لقرايا راه مخ وماشي جميع لي يقري راه معلم ولا أستاذ
وماشي جميع الشخصيات راهم شخصيات قبل مانطرق لأي شيء ورانا نشوفو فيهم يقرو يعني أساتذة وعينهم على الطفيلات ويديرو فالمناكر وهما زعما حاملين مشعل التربية في مايخص مسألة العاقر والعقيم وهنا نقدر نقولك أسمحيلي نصحح لبعض الأعضاء أن المرأة يقال عليها العاقر والرجل عقيم المهم في مايخص هذ النقطة نقول بلي كي المرأة كي الرجل ممكن أن يصاب بالعقم المرأة تدفع الثمن غالي والرجل لا وهذا هو ظلم المجتمع وظلم الرجل بحذ ذاته في حق المرأة لأن المرأة الجانب الضعيف في المسألة بين الرجل والمرأة
عنما يقال للمرأة عليك بزيارة الطبيب أو بالعكس المرأة وحدها تروح لطبيب في حالة تأخر الحمل عندها لكن الرجل يتهرب منها لأنها مسألة تضرب في نظره رجولته في الصميم وممكن أنه يذهب للطبيب لكن بسرية تامة كذلك وهذ الموضوع يعني ينوض الدنيا عليها ماشي غير مع مرتو يعني مع أي واحد لو كان يقولو هذ الهدرة والكثير ينساو بلي إرادة الله والكثير ممكن يسبب لروحو عقم دائم كان يقدر يتفاداه لو عالج نفسو مبكرا والمثال بسيط عند الكثير يعني طفلة لو يكثر عليها الخطاب وماتقبل حتى واحد أول حاجا يقولوها راهي دايرة حاجا وخايفة لكن الرجل لو يطول مايتزوجش أول حاجا يقولوها أنه رجل عقيم ومنها نعرفو بلي من الشي لي تخاف منو المرأة بكثرة يخاف منو الرجل كذلك واش هي الميزان ماشي متعادل في هذ النقطة لأن المرأة تبقى دائما الجانب أو الحلقة الأضعف يعني لو كانت المرأة عاقر تعطي الفرصة أكثر للرجل أن يتسلط عليها وإعادة الزواج تصبح النقطة الشاغلة في حياته وغيرها من الأمور لكن لو كان الرجل عقيم هنا يعلم بلي حتى لوعاود الزواج يبقى عقيم لأن المشكلة فيه هو لذلك يحب يخبي هذ الضعف بالهراج و العياط ولازم عمرها المرأة ماتشكك في رجولتو إلى غيرها من الأمور وهذا ظلم حقير إتجاه المرأة لأن الرجل أو المرأة من اليوم الأول للزواج قررو ربط وبناء حياتهم معا يعني يتقاسموها بحلوها ومرها ولا أحد منهم كان يعلم الأمر من الأول ولو في وقتنا تطورت الأمور وأصبح من الممكن كل واحد منهم يأتي بكشف طبي باش حتى واحد مايتسبب على الأخر ومنها يقدر كل واحد يقرر حياتو من الأول
النقطة الثانية لي هي كي تزيد عندو طفلة يولو وجهو أكحل ههههه والله غير كي نسمعها راسي يحبس وعلاش لوكان ماشي الطفلة هو أصلا ماراهش زايد ولا هو جابو رجل ياخي جهل ياخي والله ثم والله من بكري في وقت الجاهلية منين كنت نقرى على أنو الطفلة يدفنوها حية كنت نقول واش من قلوب عندهم هذو وكيفاش من جهة عندو لمرا لي زيدتلو هذ الطفلة وعندو يماه ومن جهة يدفن في بنتو حية مسألة جهل فوق القانو لكن في وقتنا هذا ومازال نلقاو هذ الجهالة والله غير عيب تاع الصح وصرات قصة أمامي لواحد نعرفو صاحبي زادت عندو طفلة مور طفلة وعندو طفل واحد حب يهبل وإستغفر الله حتى جهل ريحت معاه كل يوم وأنا يارجل ألعن بليس وخليك من هذ الجهل وهو يقولي وعلاش وعلاش وغيرها قلتلو أولا حكمة مولانا وثانيا
حتى من الناحية العلمية أنت المسؤول ماشي المرأة ويعجبك أنو إطار في المستشفى ومرتو ماولاش يطل عليها فالسبيطار لكن الحمد لله بعد وقت رجع لعقلو ورجعت عندو الطفلة عزيزة عليه أكثر من أي شيء أخر
وحتى الكثير ولا يقول بلي الطفلة أرحم من الطفل ونقولها صراحة يعني الطفل إذا جات مرا تقدر تبدلو على ولديه بصح الطفلة عمرها ماترمي ولديها وحتى من تربيتهم تختلف الطفلة يعني الطفلة تأخذ الرأي والطفل في الكثير من ألحيان يكون ماياخذش الرأي ومانهدرش على المستوى يعني كيما قلتي يقري العلوم ولاغيرها لن المشكلة ماشي مشكلة قرايا وكيما قلتلك ماشي جميع لي قرا راه عالم لكن لي عندو في راسو ومتشبع بالثقافة العامة وعايش الدنيا مليح هذاك عندي لي عندو مستوى وحتى لو كان على الورق عندو السنة أولى إبتدائي وفي الأخير نقولك تاني الرجالة ماشي كامل هكذا بصح كاين واش قلتي وحتى واحد ماينكرو
موضوع قيم ورائع وعلى بالي لوكان نكمل مانحبسش نكتفي بهذا اليوم ونقولك ربي يبارك فيك ويعطيك الصحة ويعطيك ماتتمني وربي يحفظك ودمتي بألف خير وهناء إن شاء الله
CHAIBOTHMAN
:: عضو مُشارك ::
مكانش منها المرض من عند ربي
و الجاهل برك الي يقعد يعاند( يخشن راسو )
وشكرا على الموضوع الطيب
و الجاهل برك الي يقعد يعاند( يخشن راسو )
وشكرا على الموضوع الطيب
صح صعيبة بزاف لانو الاولاد زينة الحياة
لكن حاجة ربي لازم ترضى بيها المرا و الراجل على حد سواء لكن عقلية انا راجل مايخصني والو و ما يعايبني والو ماحبتش تروح خلاص و لاصقة رغم كل شيئ
ربي يخليك اختي على المرور و الرد
ادا مكانش بايدنا التغيير نقولوا الله غالب و ندعوا لربي يهدينا
مشكور اخي الكريم على المرور
الناس ماشي كامل كيف كيف
و ادا كنت انت من هاد الناس اللي عندهم عقلية تاع الجاهلية ربي يهديك
ميرسي على المرور
صح المرض من عند ربي و هداك مكتوب الانسان
لكن كاين ناس جهلت و قريب تكفر بربي و شافين انو العقم يكون غير في المرأة
ربي يهدينا و يصلح احوالنا
بارك الله فيك على المرور العطر
boutarfaya_2
:: عضو مُشارك ::
شكرا...
للاتنلامفنفغى
للاتنلامفنفغى
:confused1::confused1::confused1::confused1::confused1::confused1:
صح ماشي كل قاري فااهم و واعي و درك الناس ماعادتش تقرا باه تفهم و تتثقف و لكن لاغراض اخرى
لكن مرات تلقا ناس عقلية تاع عصر الجاهلية رغم كل شيئ و رغم انو يعرف لكن يبقا معاند و مخشن راسوا و تلقاه يقولك انا راجل و ملازمش نكون عقيم و هدا الشي ينقص من رجولتي و لا منيش عارفة واش و نسى بلي هادي ارادة ربي و ماشي بايدوا و لا بايد مرتو و هدا مرض يمس المرا و يمس الرجل على الرغم من صعوبتوا لكلا الطرفين و ممكن بالنسبة للمرا اكثر لانها من تكون صغير و هيا تحلم تكون ام
و الله تلقا ناس مساكن يجروا على رواحهم و يسلفوا في الدراهم و حتا يطلبوا غير باه يداووا و لا يديروا اطفال انابيب و ناس فاهمة و عندها معترضين على قضاء ربي
و الظم المرا تتعرضلوا ادا كان المشكل فيها و لا فيه , ادا كان فيها رايحة يتزوج عليها و ما يعاملهاش مليح الا من رحم ربي و ادا كان المشكل فيه رايحة تصبر معاه و تصبر على معاملتوا و تنسى امر الامومة و ادا طلبت الطلاق ممكن يرفض
و الامر الثاني معاك حق تحس بلي راك في الجاهلية و الناس كامل تقول الطفلة ماشي مليحة على اساس انو تجيب العار و العار تجيبوا وحدها بلا راجل ؟؟؟؟؟؟؟؟؟؟؟؟ هدي مكانش منها و كلش من تربية الوالدين و درك رانا نشوفوا في ناس رماوهم ولادهم و بناتهم راهم هازينهم
و كاين ناس حتا تقبلوا انو البنت عادي لكن يقولك البنت بلاصتها الدار و ماعندهاش حق التعليم و الخرجة و بزاف حوايج
صح الواقع مر و عدنا نشوفوا حوايج تكره لكن هاد الشي نورمالمون يحفز الشخص انو يجيب طفلة و يربيها مليح و يكون قدوة
ربي يخليك على مرورك الرائع و دمت دائما مميز اللمة
هدا الامر بايد ربي لكن كاين ناس مزالوا بهاد العقلية حتا وراهم في سنة 3000
ربي يهدينا و يهديهم
ربي يخليك على المرور
هيا حاجة صعيبة لكنها قدر ربي و لازم الانسان يحمد ربي على كل شيئ مهما كان
ربي يخليك على المرور العطر
تحية مجددة أختي العزيزة كلي أمال
وفي هذي عندك الحق الناس ماولاتش تقرى باش تتقف ولا باش تستفيد أهداف أخرى ومنين مرات تريح مع قوم زعما عندهم مستولى ومنين تسمع لهدرتهم والله غير تبقى حابس من مخك
المهم كاينين لي مازالهم شادين في وقت الجاهلية وكاين البعض يحسبها رجلة وهذي هي المشكلة لي داير حاجا غالطةوهي في عقليتو ولا المعتقد تاعو بلي رجلة لالا حوايج مولانا باش مايبقى فيهم أدنى شك وهكذا ك ومازال تلقايهم يشاحنو فيهم والله غير عيب كبير نورمالمون رانا مسلمين وهذا ألأمور خلاص إختفت لكن البعض مازال راهم مبلوكين على عصر الجاهلي وهي تاع الصح يشوفو فيها عقم الرجل هي طياحة كبيرة ليه ونقصان من رجولتو بالرغم من أنها حاجا خارجة على قدرتو ولوكان يعرف روحو بلي عقيم يعني رايح يعيش حياتو بينو وبين نفسو في ظغط رهيب وصعيبة عليه بزاف بزاف
وهذا المعيشةوالضغط لي عايش فيهم دايمن المرأة مسكينة لي تخلصو ومنها نعرفو بلي في كلتا الحالتين المرأة تخلص لأانها الجانب الأضعف في الحلقة هذي وحتى لوكان مثلا يطولو مايجيبوش طفل الأنظار كامل تتوجه للمرأة بلي عندو مرا ماتولدش ومايبداوش بالرجل كيلي الرجل ديما صحيح وهدي
ممكن سبابها أن المجتمع رجالي أكثر منو نسائي وفهمو قوامة *الرجل في هذ الأمور ماشي في أمور أخرى قضية الطفلة تجيب العار وغيرها من الكلام والله غير كلام تاع طياحة تاع الصح وتخرج غير من رجل جاهل ومنين يعرفو بلي الطفلة تاع عار وعلاش تلقايهم فالزنقة يجرو من وحدة لوحدة وعلاش تلقايهم يتزوجو وعلاش يتزوجو بالعار وعلاش ينسو بلي عندهم أمهم يعني أمهم عار والله غير هدرة تاع ناس
فاتو كلمة جهالة وإذا كان الطفلة تاع عار يعني هو راه عار في روحو مادام لي جابتو هي إمرأة
وتاع الصح المرأة أحن بكثير في كل شيء وسنة الله في خلقه وكاين الكثير من الرجال يستغلو هذ النقطة بدون ضمير ولا إحساس كي الحيوانات مايهموش شعور وأحاسيس الناس
الواقع مر بزاف وحتى مانظلموش طرف على طرف نقولو تاني الحرية لي لقاوها فسدوها بزاف بعض
اشباه الرجال وأشباه البنات كذلك ربي يخليك وربي يعطيك ماتتمني دمتي بالف خير وهناء إن شاء الله
وفي هذي عندك الحق الناس ماولاتش تقرى باش تتقف ولا باش تستفيد أهداف أخرى ومنين مرات تريح مع قوم زعما عندهم مستولى ومنين تسمع لهدرتهم والله غير تبقى حابس من مخك
المهم كاينين لي مازالهم شادين في وقت الجاهلية وكاين البعض يحسبها رجلة وهذي هي المشكلة لي داير حاجا غالطةوهي في عقليتو ولا المعتقد تاعو بلي رجلة لالا حوايج مولانا باش مايبقى فيهم أدنى شك وهكذا ك ومازال تلقايهم يشاحنو فيهم والله غير عيب كبير نورمالمون رانا مسلمين وهذا ألأمور خلاص إختفت لكن البعض مازال راهم مبلوكين على عصر الجاهلي وهي تاع الصح يشوفو فيها عقم الرجل هي طياحة كبيرة ليه ونقصان من رجولتو بالرغم من أنها حاجا خارجة على قدرتو ولوكان يعرف روحو بلي عقيم يعني رايح يعيش حياتو بينو وبين نفسو في ظغط رهيب وصعيبة عليه بزاف بزاف
وهذا المعيشةوالضغط لي عايش فيهم دايمن المرأة مسكينة لي تخلصو ومنها نعرفو بلي في كلتا الحالتين المرأة تخلص لأانها الجانب الأضعف في الحلقة هذي وحتى لوكان مثلا يطولو مايجيبوش طفل الأنظار كامل تتوجه للمرأة بلي عندو مرا ماتولدش ومايبداوش بالرجل كيلي الرجل ديما صحيح وهدي
ممكن سبابها أن المجتمع رجالي أكثر منو نسائي وفهمو قوامة *الرجل في هذ الأمور ماشي في أمور أخرى قضية الطفلة تجيب العار وغيرها من الكلام والله غير كلام تاع طياحة تاع الصح وتخرج غير من رجل جاهل ومنين يعرفو بلي الطفلة تاع عار وعلاش تلقايهم فالزنقة يجرو من وحدة لوحدة وعلاش تلقايهم يتزوجو وعلاش يتزوجو بالعار وعلاش ينسو بلي عندهم أمهم يعني أمهم عار والله غير هدرة تاع ناس
فاتو كلمة جهالة وإذا كان الطفلة تاع عار يعني هو راه عار في روحو مادام لي جابتو هي إمرأة
وتاع الصح المرأة أحن بكثير في كل شيء وسنة الله في خلقه وكاين الكثير من الرجال يستغلو هذ النقطة بدون ضمير ولا إحساس كي الحيوانات مايهموش شعور وأحاسيس الناس
الواقع مر بزاف وحتى مانظلموش طرف على طرف نقولو تاني الحرية لي لقاوها فسدوها بزاف بعض
اشباه الرجال وأشباه البنات كذلك ربي يخليك وربي يعطيك ماتتمني دمتي بالف خير وهناء إن شاء الله