منتدى اللمة اخر اهتماماتي ومستقبلي هو اللي ينفعني

نصيحة هامة ،الي يعرف روحو اللمة ضيعتلو وقتو يديرها لكن الانسان لي حاب يضيع وقتو يضيعو إذا ما ضيعاتوش اللمة تضيعوا حاجة واحداخرا ولا واش رايك؟
 
والله ماتقدر تنضم روحك او مام تكون في حالة مي تدخل
القراية وندخل
صح مشكلة راني من الجماعة لي عاشت فيها بزاف
ماقدرتش نخطيها والله ماقدرت

فريد واش قولك في الرد نتاعي لي قبل هادا
 
بارك الله فيك على الموضوع والفكرة

لاكن لازم على العضو ان ينضم نفسه ووقته

لازم ايكون واعي شوية ويفكر في المستقبل ديالو

الدراسة تفوت مي النت لاتفوت كول ماتروح ليها تلقاها مي الباك مايسناكش


والله القضية راجعة الى تنضيم وقت وارادة
اللي حاب يقرا حاجة ماتشدو اوماكاين حتى مشكل ويذا يدخل للمنتدى مرة اعلى مرة لاكن
ليس حساب الدراسة

والعام راه قريب يتخلاص
اوماينفع غير الصح


**ربي ينجح جميع الطلبة ويووفقهم ان شاء الله***
 
السلام عليكم

الحكاية اللي حكيتها حقيقية وهي لعضو معروف في اللمة .

واقتراح الحضر مجرد مزحة وان كان البعض يجدها جادة

سي فلا مول الكوستيم انا ننصحك انت وكامل الاخوة اللي عندهم امتحانات مصيرية انك ديبرونشي الميكرو

اصلا في هذه المدة الاخيرة .وليس معناها انك تبقى غير في القراية والتحضير .ولكن في وقت الراحة والفراغ

خارج الدراسة كاين اشياء احسن من الانترنت .لانو الادمان على الانترنت واللمة نسانا بزاف امور مليحة كنا

نعملوها قبل مانقعدو سوايع طوال قدام الميكرو .

والجلوس قدام الميكرو احيانا ليس راحة وتسلية ولكن احيانا تقع في مشاكل ومشاغل تشغلك على القراية وتخليك

تخمم فيها وانت في وسط الدرس او المحاضرة .وراح يتعمر راسك بامور تنسيك كل ما قريت في العام .

كاين اللي يقول نظم وقتي هذا شيء مليح ولكن هل صحيح تقدر تعمل هذا الشيء وتلتزم بيه ام انو مجرد اقتراح

وفكرة .

اللي مقبل على الامتحانات المصيرية يوجد اوقات للتحضير ويوجد اوقات فراغ وراحة يمكننا الاستفادة منها نفسيا

وذهنيا واظن ان في غالب الاحيان الجلوس امام الجهاز يشغل الذهن والفكر ويرهق العينين والتفكير والبدن .

ويوجد طرق كثيرة لاراحة الذهن من بعد الدراسة والتحضير والمذاكرة الشاقة .يمكنك اكتشافها خارج الانترنت

وخارج البيت او مقاهي الانترنت .
 
نصيحة هامة ،الي يعرف روحو اللمة ضيعتلو وقتو يديرها لكن الانسان لي حاب يضيع وقتو يضيعو إذا ما ضيعاتوش اللمة تضيعوا حاجة واحداخرا ولا واش رايك؟

اجيب على اظافتك وفعلا هناك عدة امور ونحن تطرقنا الى الادمان على الانرنت واللمة بالذات بما انو رانا فيها
وهي تتوقف على شخصية الانسان اذا حاب ينجح او هو اصلا غير مبالي بمستقبلو او حياتو ويوجد
يعني تركيبة الشخصية تتحكم في نظرته للاشياء والامور اللي تخصو وتخص غيره حتى .
 
العام غمض عين افتح عين
يفوت يجري وتلقى روحك قدام ورقة الامتحانات .

واللي فوت الباك سابقا او اي امتحان مرور راه عارف تلك اللحظة اللي تتحط الورقة قدامو ويبدى شريط الافكار تلعب في مخو اذا كان ذهنك صافي ومافيه غير المذاكرة والتحضير ويتكون مرتاح راح تستوعب وتسترجع ماقريت وتجاوب بسهولة

اما اذا كان راسك معمر انترنت ومحادثات واصلا تعبان نفسيا وبدنيا وذهنيا لانك تقضي وقت كبير فيها راح تتخلط عليك وتنسى واش قريت .
 

السلام عليكم
امم
كلام معقول
ربي يوفق الجميع

شكرا اخي
وفقك الله
 
مالا لازم تحضرني شهرين حتى أنا !!

اللمة إدمان و الله العضيم ..بدينا نريفيزو للباك ديجا مي اللمة دايمن عندها سويعاتها

ربي يوفق .
 
نهار يوصل الوقت نقولك احضرني من فضلك
مناه انا لازم نحضر للبيام
 
الله يبارك
******
 
سي vري كاين اللي راها مشاتلو تراتمون و ضيع صوالحو و بارك الله فيك
 
والله ماتقدر تنضم روحك او مام تكون في حالة مي تدخل
القراية وندخل
نتفق معاك تماما، وانا ضد اللي يقولوا أنو بالأمكان تنظيم الوقت.....وأنا نتحدى أي واحد يكون عندو الحرية الكاملة باش يدخل الأنترنت ويقول أنو قدر ينظم وقتو بين القرايا والأنترنت....مُستحيل ...تعرفو لماذا مستحيل؟؟

لأن المنتدى (بصفة عامة وليس هاذا المنتدى بالخصوص) يختلف عن أي شئ آخر فهو متشعب للغاية، والملل منو وأكتشاف كل مافيه يستهلك وقت طويل جدا وقد لا ينتهي

 
عمو ضرك نلملك جماعة الباك كل و احظرهم :glare:
والله عندو الحق ديجا الباك ما بقالوش لازم كامل يتهلاو في قرايتهم
بالتوفييييييق لكل الطلبة
**هات برك ما يسجلش بعضوية اخرى و يدخل ****:angel_not:
 
ربي يوفق طل طالب علم ان شاء الله

وانا تاني معاهم

شكراااا
 
الانسان لي يقدر ينظم وقتو راح يكون في المستوى لي عندو شهادة يجوزها هاد العام يتلهى صح بقرايتو ويخمم فيها برسكو ماراهيش رح تتعوض والادمان على النت راهو خطير بزاف مالا كل واحد يحاول يخمم بعقلو وينسى قلبو شوي
ونتمنى التوفيق للجميع

شكرا لك
 
و الله غير عندك الصح خويا
انا العام الجاي الباك و غادي نحلف على روحي الميكرو مانتلمسو غي لكانت في القراية
 
بارك الله فيك و ربي يعطيك الصحة

بالتوفيق للجميع
 
السلام عليكم
مشكور اخي فيصل على اهتمامك .....انا ايضا مقبلة على باكالوريا لكن مقسمة وقتي وعلابالي بالمسؤولية يعني مانقدرش نفرط في لقراية ونجي كدام ميكرو لالا هاذي مكانش منها ....كما قالوا اخواني من قبل اللمة بيتي التاني واخواني واخواتي فيها
شكرا لك تانية وبالتوفيق لكل الطلبة
ادعولنا معكم .تحياتي
 
عندك الحق
المستقبل اولى الاولويات
راني كي نوصل للباك ان شاء الله نقلك تحضر العضوية تاعي
علابالي مانقدرش نصبر على اللمة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top