سهرة مع ضيف عبدالرؤوف1 ( الـ genius )

[جليلوس]

مالا قلتلي راني واجد يااااك

1/ كاين عادات في ولايتكم يستقبلو بيها شهر رمضان ولا مكانش ؟​

2/ يغلبك رمضان وتزعف وتتقلق ولا نورمال؟​

3/ كيفاش تفوت نهارك في رمضان مثل سائر الأيام ولا كاين برنامج خاص؟​

4/ حاجة لا تستغني عليها في الفطور ؟​

5/ تفضل رمضان في الصيف ولا في الشتاء؟​

6/ هل انت من هواة الطبخ وتعاونهم شوي في الكوزينة ولا تاكل برك ​

​

؟​

7/ اكلتك المفضلة في رمضان وش هي ؟​

8/ انت من النوع اللي يرقد بزاف في رمضان؟​

9/ وش تتفرج البرامج ؟​

10/ افضل برنامج او مسلسل في رايك هذا العام ؟​

11/فلان شوكولا ولا وش من ذوق تحب؟​

 

[جليلوس]

1- من أي ولاية قلتلي الجلفة ياك
2- طبقك المفضل في رمضان
3- واش مالتحليات تحب في رمضان
4- قهوة ولا اتاي ولا ماء
5- راك توجد شوي للبيام ولا رقاد برك
6- كيفاش تشوف روحك تلميذ نجيب ولا كور واعطي لعور
7- عندك ورد يومي لقراءة القران الكريم ؟
8- كاين فرق بين رمضان هذا ورمضان تع الأعوام السابقة ؟ واذا كان موجود فما هو ؟
9- واش راك تصلي التراويح في رمضان ؟
10- كاش مسلسلات ولا خاطيك ؟
11- رسالة لمن يحفظ القرآن في رمضان
12- كاش نهار غلطت وفطرت في رمضان ؟

 

[A-Boudjema]

الجزء الثالث ونخليك تريح

بحكم صغرك مي معليش نسقسيك

هل تضع نفسك في خانة الانسان الوطنيّ أم العادي ـــ حشيشة طالبة معيشة ــــ

لوكان بيدك تغيير بعض الأوضاع في البلاد ماهي المجالات التي تتمنى اصلاحها؟

بدون مثالية من هو مثلك الأعلى في الحياة ؟

هل أنت أقرب لأبيك أم لامك ولماذا؟

ما هو ترتيبك في العائلة ؟ وهل تساعد في أعمال البيت ؟

عندك خواتاتك ؟؟ اسكو تهدر معاهم ؟ هل تقف إلى جانبهنّ في مشاكلهن ؟ أم أنّك الأخ المسيطر

ـــــ سي السيّد ــــــ لاعبها عليهم

ماهي أحب أكلة إلى قلبك ؟

باينة اسئلة خفيفة ظريفة ومانكونش طولت عليك

1- ماني لا عادي لا وطني، فالوسط منيش مستعد نموت لأجل الوطن وفي نفس الوقت مشي حركي
2- المجالات التي أتمنى إصلاحها هي التعليم والبحث العلمي فقط، والباقي سيتغير بنفسه، فالشعب المتعلم يصلح بنفسه كل شيء
3- بعد الرسول عليه الصلاة والسلام، البروفيسور بلقاسم حبة
4- أقرب لأمي، لا أعرف السبب في الواقع، لكن ممكن لكثرة جلوسي معها
5- الوحيد الأوحد، وحداني غريب فالدار معنديش إخوة، ياحي انا ندير الميناج
6- ...
7- الكسسسسسسسسسكسسسسس باللبن


مرحبا بيك خويا جليلوس
مطولت عليا ماوالو
بالتوفيق وصحا فطوركم

 

[A-Boudjema]

مالا قلتلي راني واجد يااااك

1/ كاين عادات في ولايتكم يستقبلو بيها شهر رمضان ولا مكانش ؟

2/ يغلبك رمضان وتزعف وتتقلق ولا نورمال؟

3/ كيفاش تفوت نهارك في رمضان مثل سائر الأيام ولا كاين برنامج خاص؟

4/ حاجة لا تستغني عليها في الفطور ؟

5/ تفضل رمضان في الصيف ولا في الشتاء؟

6/ هل انت من هواة الطبخ وتعاونهم شوي في الكوزينة ولا تاكل برك



؟

7/ اكلتك المفضلة في رمضان وش هي ؟

8/ انت من النوع اللي يرقد بزاف في رمضان؟

9/ وش تتفرج البرامج ؟

10/ افضل برنامج او مسلسل في رايك هذا العام ؟

11/فلان شوكولا ولا وش من ذوق تحب؟​

1- مكان والو، حنا ولاية جافة كيشغل، معندنا لا عادات لا تقاليد نعيشو والسلام على الدنيا
2- منتقلقش ولكن راسي يضر
3- كاين كاين برنامج خاص، نتحول إلى خفاش وكائن ليلي
4- القرنون
5- فالشتاااااااااااااااء
6- انا عندي مهمة سبيسيال، نذوق ونعطي نقطة على 10
7- في رمضان، في شعبان في كل السنة، يحيا الكسكس باللبن
8- العكس، نرقد 4 سوايع برك، الله أعلم كيفاه راني عايش
9- كنت نتفرج عاشور العاشر ولكن السنة ماداروهش، راني نتبع برنامج متأمنش عقلك تع ميلود وقادة فاليوتيوب
10- خاطيييييني مسلسلات تع دزاير، البرامج كاين غير متامنش عقلك تع ميلود وقادة، عندي جفاف سينيمائي
11- الكاراميل الكاراميل

 

[A-Boudjema]

1- من أي ولاية قلتلي الجلفة ياك
2- طبقك المفضل في رمضان
3- واش مالتحليات تحب في رمضان
4- قهوة ولا اتاي ولا ماء
5- راك توجد شوي للبيام ولا رقاد برك
6- كيفاش تشوف روحك تلميذ نجيب ولا كور واعطي لعور
7- عندك ورد يومي لقراءة القران الكريم ؟
8- كاين فرق بين رمضان هذا ورمضان تع الأعوام السابقة ؟ واذا كان موجود فما هو ؟
9- واش راك تصلي التراويح في رمضان ؟
10- كاش مسلسلات ولا خاطيك ؟
11- رسالة لمن يحفظ القرآن في رمضان
12- كاش نهار غلطت وفطرت في رمضان ؟

1- من تيبازة بلاد البحر والرومان
2- الكسكس باللبن دائما وأبدا
3- الزلابية
4- قهوة كحلة مع 10 مغارف سكر
5- شوي شوي، انا مالنوع الي كي يراجع قبل الاختبار بسمانة ينسى كلش، لازم نراجع قبل نهار ولا يومين
6- خسارة عليك، معاك الخباش تع 4م1
7- لا معنديش ورد، نقرا وخلاص وين حبست حبست
8- نعم كاين فرق شاسع، السنة راني نحس روحي تعلقت بالانترنت اكثر راني فالدار 24 ساعة
9- راني نروح مرة على مرة مشي يوميا
10- جفاف سينيمائي من الدرجة الخطيرة
11- أهل القرآن هم أهل الله وخاصته
12- نعم وبشدة، سورتو هذيك تع المضمضة فالوضوء

 

[جليلوس]

1- متى بدأت تصوم شهر رمضـآن [ يعني كم عمرك ] ؟
2 - صيامك وانت صغير مبادرة منك او بطلب من اهلك ؟؟
3- موقف مضـحـك صـآإر لكـ في شهر رمضـآإن ؟
4- ذكـرى لا تنسى عـشتهـآ فِـِي رمضـآإن ؟
5- برنـآإمـ ج ـكـ الـيومـِـِي في شهر رمضـآإن ؟
6- أح‘ـلى مـآ في شهر رمضـآن ؟
7- واش هو الهدف اللي تتمنى تـ ح ـقيقه فـِـي رمضـآإن السنـة ؟
8-حينما يعلن إن غداً هو أول أيام.رمضان.من أول شخص تتصل به لتهنئه.بهذاالشهرالفضيل"؟
9-ما هي.استعداداتك لشهرالفضيل "؟
10 - هل سبق ان صمت خارج ولايتك ؟؟


واش رايك في جليلوس ؟؟ امممم ​

 

[A-Boudjema]

هاذي من المفاجآة خويا فريد
خونا عبد الرؤوف هو ابن خونا حسان ماشاء الله ماشاء الله ربي يحفظهم وربي يبارك

والصور تاع الارشيف روعة حركت فينا الحنين ههه
وماشاء الله خويا فريد عندك مخيلة ربي يبارك حتى الناس للي تمشي لبىرا ولاو يدخلو باش يظربو طله

ومرحبا بيك خونا رؤوف في السهرة و مفروض انت ثاني ترحب بينا انت راك ولد الدار ههه

ألف أهلا ومرحبا،
شكرا على مرورك خويا @dahman kz
صحا فطوركم

 

[Hakan]

خويا رؤوف والله غير تفكرني في نفسي كما كنت في سنك ونقرى سنة رابعة متوسط هههه الله يبارك ماشاء الله ،تعبيرك يبين بلي عندك مستوى دراسي مليح وفتى مثقف ،
مالا تعطيلنا معدلاتك شحال راك تجيب ،وواش راك معول تجيبلنا هذا العام في bem .
علاقتك بالاساتذة تاعك ؟
واش هي المادة لي تحبها و تقرى فيها مليح .
علاقتك بالرياضة .
هل أنت فتى منعزل عن المجتمع يعني غير في البيت و الانترنت ولا عندك أصدقاء تحب تخرج معاهم .
واش هو التخصص لي حاب تقراه في جامعة .
واش هي الهواية تاعك .
هل تحفظ القرآن في المسجد أم لا ،واذا لا نصيحة ليك غير سجل روحك في مدرسة قرآنية .

 

[صاحبة الأثر]

في الحقيقة أنا أعتبر هذه أحاديث رجالية ولا دخل للنساء بها لكن وبما أنني رأيت إسمي فوق وبما أن الأخ الكريم أصغر مني سنا فأحب أن أسألك ؟
ما هو المجال الذي تشعر بأنك ستقدم فيه الكثير إن أتيح لك
هل تحب الكتابة .. إن كان كذلك ما إسم الرواية أو الكتاب الذي لفت إنتباهك !
إن قلنا أننا نريد أن نتعلم منك شيئا
برأيك ماهي النصيحة الثمينة التي تستطيع أن تقدمها لنا
هل تفقه في التسويق الإلكتروني مثل موقع خمسات وشبابيك ..إلخ
إن كان بقلبك أمنية ماهي لأدعو لك بها
) عدا أن تحقق معدلا عاليا فقد دعوت لك بها بالفعل )
هل تخالط الناس كثيرا ! إن كان كذلك فأنصحك " صاحب العقلاء تنسب إليهم و إن لم تكن منهم ولا تصاحب الجهال فتنسب إليهم وإن لم تكن منهم "
منذ أن رأيت صورة حسابك فهمت أنك تحبي الأنمي .. مارأيك في آن شرلي وجودي آبوت
وهل هناك آنمي رائع تنصحني بمشاهدته
كلمة تقولها عن أمك
هل أنت متدين .. إن لم تكن كذلك أنصحك أن تفعل في أقرب وقت ( يبدأ هذا عندما تحب أن تكتشف دينك بنفسك بسعيك بإجتهادك لا أن تجعلها تقاليد متوارثة )
نهاية حفظ الله ورزقك بر والديك وحب الجنة فإن فعلت أفلحت

 

[aljentel]

مقدمه رائعه كالعاده
الله يعينك عبدالرؤوف على هالكم الهائل من الاسئله …
سألت في المتابعه واتمنى لك كل خير …

 

[أبو عاتكة]

يا خاه من الصباح وانا تاعب نوجدلو في سهرتو شكر الناس ڨاع وانا مامبا مقاليش صحا ولا شكرا عمي فريد على الاستضافة. هاذي هي يا سي عبد الرؤوف مالا؟

 

[إلياس]

وعليكم السلام ورحمة الله وبركاته
أهلا بك أخي إلياس

إذا كنت تقصد على أرض الواقع فللأسف لم ألتق بأي عضو
وإن كنت تقصد هنا فالمنتدى، أول شخص تعرفت عليه هو أنت أخي

وجدته عند البحث عن دروس

لا وأبدا، منتدى اللمة من أفضل الأشياء التي دخلت حياتي

هدفي في المنتدى أن أفيد وأستفيد مع جميع الأعضاء الكرام

أرى أن المنتدى كامل متكامل ولا يحتاج أي تغيير

اواه هذي نخاف منها يا خويا إلياس

راك أستاذ المنتدى خونا إلياس وأرى أنك تستحق هذا بجدارة

الأخ @ناصر dz

@جليلوس يوالم يدي شخصية رئيسية في مسلسل كوميدي ياخويا ياخويا

الأخت @سكون الفجر، أراها نشيطة دائما تبارك الله

الله أعلم، والله ما نعرف ناس عندهم هذو الوظائف في المنتدى وياريت تدلوني عليهم، إلى الآن راني غير مع الأساتذة


الأخ @Oussama.GF، كان غايب لفترة وعاد لكنو قليل الحضور، نتمنى يكون بخير

منتدى اللمة هو المنتدى الأول والوحيد الذي انضممت له

أرشحك أنت أخي إلياس للفوز في كليهما، لديك حضور بارز وقوي في المنتديات الدينية والثقافية لذا أرشحك للفوز في كلتا المسابقتين ان شاء الله

أنا وكرة القدم خطان متوازيان لا يلتقيان، لا أشجع أي فريق

الأسود

الكسكس باللبن

لا، أنا زيرو فالطبخ نعرف ناكل برك

نعم، لدي وظيفة جد مهمة في السفرة، أنا متذوق العائلة أقيم الأكل من 10

أمنيتي في هذا العام أن يخفف الله على إخواننا الفلسطينيين المضطهدين

قد لا تتوفر الفرص في الجزائر، إصنعوها إذا، بدلا من الشكوى فلنحاول على الأقل إحداث تغيير وفارق

مهما طال الزمن، ومهما كانت الصعوبات، فإن الله يمهل ولا يهمل، وسيرجع للمظلومين حقهم

أقول ما قاله رسول الله، التمسك بكتاب الله وسنة نبيه، فهما سبيل التقدم، ونحن قوم أعزنا الله بالإسلام فإن ابتغينا العزة في غيره أذلنا الله

عليك بالصبر والصبر والصبر، فهو مفتاح كل فرج، حفظك الله ورعاك، ووفقك وجعل مثواك الجنة فأنت إنسان طيب، خلوق وصاحب ذوق رفيع

تحياتي

بورك فيك اخي ان شاء الله تلاقي اخي عبد الجليل قريبا ان شاء الله

1- أؤديها للأسف في البيت، أحاول أداءها جماعة قدر ما أستطيع لكن أفشل للأسف
2- الأنترنت+ أهل الخبرة
3- أسعد أيام في حياتي، أنا بطبعي أعشق العزلة
4 + 5- @جليلوس

حفظك الله أخي إلياس ووفقك لكل خير، شكرا جزيلا لمرورك

اللهم امين يارب العالمين اجمعين

 

[Golden Man]

مرحبا بخويا الصغير عبد الرؤوف
رايك جايبها ماشاء الله
يعطيك الصحة

قل لي عبد الرؤوف /
1-اذا وضعت لك الخياااار وقلت لك ماذا تريد أن تكووون في المستقبل إن شاء الله - ماذا تختار ؟ ( محارب, عالم في التكنولوجيا الرقمية والاكترونيك, رئيــــــس, عالم في الطب والبيولوجية ومكافحة الامراض, عالم في الفيزيا والكمياء الصناعية, عالم اقتصاد ) .؟؟؟

2-رغم انك صغير ف السن والحياة مازالت امامك إن شاء الله ولكن لكل واحد منا صغير او كبير .. امور محزنة مرة عليه في حياته وفي المقابل امور مفرحة وهذه سنة الحياة..
-فما هو الامر الذي مر عليك في حياتك واحزنك كثيرا ؟؟؟؟
-ثم ما الامر الذي مر عليك في حياتك وأسعدك كثيرا ؟؟؟


3- يُقال من طرف أهل العلم والفقه أن في ___ تفسير القرآن ___ أسرار كــــــــــــــــــــــــل العلــــوم. هل تعرف تلك الأســرار ؟؟؟ أو أنت من النوع الذي لا يدخل الدين في حياته ؟


لا اثقل عليك بكمية اسئلة كثيرة . 3كافية . وسهرانين معاك صديقي
تحياتي..

 

[السلطانة]

انا قريت المقدمة بصح مافهمتش مليح

الواحد مفطرش مليح اليوم




صح @عبدالرؤوف1 ابن عمو حسان؟

 

[Golden Man]

طولتها شويا صديقي عبد الرؤوف .. انتهى الوقت المحدد لك . الى فرصة أخرى إن شاء الله

عموما شرفتنا بمعرفتك ونرحبو بيك عندنا خونا الصغير .. اهلا وسهلا

/////////////////
والسهرة الآن .. مع الأختين العزيزتين:

( Rayhan *amani* ( Mission Impossible​

=========
للغلق .