منتدى اللمة اخر اهتماماتي ومستقبلي هو اللي ينفعني

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,539
الحلول
4
نقاط التفاعل
13,906
النقاط
2,156
الجنس
ذكر
السلام عليكم احبائي

رسالة عاجلة من عضو قديم ومميز وقدير في منتدى اللمة .


------------------
السلام عليمكم

فريد اخي ارجو منك حضر عضويتي


----------------------


الحقيقة استغربت لانو اول مرة نصادف عضو يطلب الحضر بدون سوابق .

----------------------


يااخي الكريم حضر العضويات بدون سبب مش ساهلة من يضمن لي انك صاحب العضوية .

--------------------------


انا صاحب العضوية واتوسل اليك ان تحضرني فقط لشهرين .
---------------------------

نحضرك لشهرين ؟


زاد الاستغراب ولازم نعرف السبب الاكيد .


----------------------------


اخي لما تعطيني السبب الاكيد والصريح راسلني ساعتها وما يكون غير راحتك .
اما نحضرك بدون السبب فلا .


----------------------------


اخي فريد انا مقبل على شهادة البكالوريا ودايما نلقى روحو مقابل الميكرو على جالها ساعات وساعات

وراني ضيعت دراستي وتحضيري للباك واذا تحضري ومنقدرش نشارك فيها راح نبتعد ونلتهى بالتحضير .


--------------------------

ربي معاك اخي وعندك الحق والمستقبل اولى لانو فرصة العمر لا تتكرر .
ولكن اطلب منك شيء وحيد ان تقسم لي بالله العظيم انو عضويتك اللي تتكلم منها .


-----------------------

والله والله العلي العظيم غير هي عضويتي وانا العضو . . . . .. ربي يحفظ انقذني .

----------------------


. . . . . .
. . تم حضرك لشهرين

السبب ربي ينجحك وتفرحنا وتفرح والديك ونسمعو اخبار سعيدة بالتوفيق .




-------------------------

لهذا كلامي واضح وصريح ومن القلب الى القلب والاكثر من ذلك من العقل للعقل

اللي عندو باك هذا العام او البويام روح اقرى على روحك اللمة ماش راح تنفعك وماشي هي مستقبلك


اللمة تتكرر ولما تنقطع عندنا نسخة احتياطية ولكن مستقبلك للاسف معندناش نسخة احتياطية وهي فرصة يااما تلقى روحك تبني في مستقبل يااما كل يوم في السيبار ولا قاعد في الدار وباباك ويماك يقولولك كل صباح روح اخدم روح دخل الخبزة روح دير مستقبل لعمرك


واما تلقى روحك في الجامعة او الثانوية وعندك فرص كثيرة امامك
ومفرح والديك اللي تعبو عليك ويوشوفو في راحتهم في وجهك

حرام عليك تخيبهم على جال اللمة او الانترنت بصفة عامة
والله حرام وقلبهم يتقطع وهوما يشوفو في وليدهم او بنتهم قاعدة في الدار داخل خارج لا شغل ولا مشغلة

ايا وليداتي اللي عندو تحضير ودراسة نحضرلو العضوية لشهرين


العرض محدود .


تهلاو في رواحكم ومستقبلكم واللمة مايش راح تنفعكم ينفعك مستقبلك وجيبك في المستقبل البعيد اذا كانت عمارنا طويلة .


وماطاوعناش احنا الخدامة ولا احنا البطالين
معدناش واش نخسرو

ولكن انت خسرت مستقبل كان بين يدك وضيعتو في عضوية في اللمة

سلام عليكم

وخوذو رايي
طفي الميكرو ولا ديبرونشيه واديه لدار جدك وخبيه فوق الخزانة ولا في المخزن ولا بيعو وكي تجيب الباك ان شاء الله اشري
ميكرو بورتابل
لانك راح تمزي على باباك ويماك وجدك وجداك اللي يخلص في الدوفيز ومايش خسارة فيك ميكرو بورتابل ساعتها .

139573.gif

 
بااركـ الله فيك أخي فيصل على هاتهـ المبادرة
 
تحياتي ليكـ

و شمكووور على حرصك على الأعضاء
 
يعطيك الصحة اخي فريد على نصائحك الدائمة وتوجيهاتك
وانا الحمد لله تعرفت عليها بعد ماكملت كلش
وان شاء الله ربي ينجحلك الاولاد كيما راك حريص على اولاد الناس
بارك الله فيك
 
الانسان لي يقدر ينظم وقتو راح يكون في المستوى لي عندو شهادة يجوزها هاد العام يتلهى صح بقرايتو ويخمم فيها برسكو ماراهيش رح تتعوض والادمان على النت راهو خطير بزاف مالا كل واحد يحاول يخمم بعقلو وينسى قلبو شوي
ونتمنى التوفيق للجميع

يعطيك الصحة مديرنا الغالي ادامك الله فوق رؤوسنا
 
آخر تعديل:
و الله نفس المشكل الي راني نعاني منو
بصح الحمد لله نوفق مابين قرايتي و الللمة
بصح اخي الواحد كي يكون مايقدرش يتحكم في روحو و قراراتو ثاني مش مليحة ليه حتى في مستقبلو و حياتو
مشكور على الموضوع و يعطيك الصحة اخي فريد

تقبل تحياتي
 
السلام عليكم
يارك الله فيك يا خويا الكريم
والله كلامك صحيح و طيب
ربي يوفق و ينجح كل واحد
شكرا جزيلا ليك
يعطيك الصحة
 
5869rboy8ytrb1.gif
0x4x_29988895.gif

5869rboy8ytrb1.gif





32.gif
32.gif

0x4x_68886451.gif

♥♥♥♥♥♥♥♥
y1pzTEWGxpmzxyt-uiDY5zgT61m9zMZzpMCSl1Mdf7DLnNj9YwRuqengpbBB4NvfYXG
♥♥♥♥♥♥♥♥
heart.gif
heart.gif
heart.gif
heart.gif
heart.gif
اللمة تتكرر ولما تنقطع عندنا نسخة احتياطية ولكن مستقبلك للاسف معندناش نسخة احتياطية
كلآم صوآب
ربـــــــــي يوفق الجميع

heart.gif
heart.gif
heart.gif
heart.gif
heart.gif
 
اوكي اللمة هي بيتنا تاني مع خاوتنا يا حسراه
 
انسان ينظم وقتوا

وقت الخدمة ولقرايا

وقت ماتش

وقت تفراج

وقت تحواس

 
لكن كون نقولكم حاجة ماتصدقوش كي سجلت في اللمة علاماتي تحسنو!!
ان شاء الله يعملو بنصيحتك
 
بارك الله فيكـ خويا
ياريت صح ناس كاملة تخدم على روحهــا
 
ربي ينورك خيو مثل مراك تعمل هنا،،

صح اللمة ولات جزء منا كامل بصح مستقبل الواحد هو الأهم

ربي يوفق طل خاوتنا ونشالله لما نجتمعو في الصيف نجتمعو كامل علا الأخبار للي تفرح//
 
والله أنا رأيي أن يتم حضر المقبلين على الـ bac و bem فورا وبدون طلب
هاذا إذا تم ملاحظتهم حاضرين بشكل دائم ومستمر في المنتدى
كي يُخلي المنتدى مسؤوليته عن كل تعثر لا قدر الله

أقول هاذا ويعز عليا كثيرا فراقهم..ولكن هذا طبعا لمصلحتهم

نحن لما أجتزنا الـ bem و bac ونجحنا والحمد لله لم نكن نتردد على الانترنت.... والا فالله أعلم ماكان مصيرنا
 
آخر تعديل:
خايف نخسر عامي بسباب اللمة يا فريد
الله غالب ولات في الدم

نصيحة مليحة

واش راك كون نقلك حاب نحضر عضويتي لمدة شهر ونرجع بحول الله توافق؟؟؟:crying:
 
عندك الحق اللمة مراحش تهرب الصح في قرايتنا يعطيك الصحة خو ع نصائح
باركـ الله فيكـ
 
فيما يخص موضوعك نضن بللي نحاولو نستفادو من من المنتديات هدو مي منوصلوش لدرجة الادمان...وللي هي لازم تلغي عضويتي باه نقرا....انا شخصيا معنديش مشكل....كي تكون عندي ضروف مندخلش وعادي....وربي يوفق الجميع
 
يااخي بصراحة مستقبلي اهم من اللمة ومن غيرهااااااااااااا​
 
والله عندو الحق
بصح البروبلام اني لازم نطل على اللمة لاااااازم منعرف علاه بصح وقت قرايا قرايا
 
بارك الله فيك اخى و انا بدوري اوجه الرسالة الى كل المقلين على الامتحانات سواء باك او متوسط اقراو و احنا ندعولكم وربي ان شاء الله يقدر الخير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top