قصتي الحقيقية لكل فتاة *حب ...ولا خداع*

بسمة الم 09

:: عضو منتسِب ::
إنضم
12 أفريل 2010
المشاركات
6
نقاط التفاعل
0
النقاط
2
السلام عليك .... وشراكم هده قصي معرفتش واش نسميها حب............ولا خداع...........ولا...... المهم قصتي بدات بحب واحد كنت نقرى سنة اولى في الثانوي المهم عجبني وبشوى بشوى حسيت روحي نبيغه والله غير حسيت روحي بغيته من قلبي .......... فوتنا 3سنين مع بعض حتى هو كنت نحس بيه يبغينى ولا كنت نتخيل .......... حتى جى واحد نهار ويريتو مجاش كنت ندرس للباك وفي الباك كنت ندرس بزاف باش نجيبو على جالو كنت نحلم من نجيب الباك هو يجيب دارهم باش يخطبني بصاح........ كنت منتلقاش بيه بزاف على جال الباك ...........ولا هو يقولي راكي تبدلي عليا بزاف ومركيش تحبي تخرجيلي انا كنت نقولو علابالك بلي على جال الباك
المهم هو بدى يتبدل ومولاش يحبني كما كان حتى واحد النهار عيطتلو انا كما العادى ردت علي وحدة وقاتلي نسايه.......... ومن بعد من جبت الباك و عيطتلو قالي مبروك عليك وعقبال للزواجك انا راني تزوجت ..................... ونهاية راكم عارفنها ............واش سرالي...............واش بكيت ........واش ندمت........... ومزالني نحبو............تالمو فاتو عامين ..........ملقتش واحد من بعدو نبيغيه ..............وهده قصتي لكل فتاة لتاخدى العبرة منها .
 
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تستاهلي ونتي واش داك تخرجي مع واحد و نتي مازالك في الليسي
كامل علابالنا بلي الطفلة حساسة شوي زيادة و تتعلق بالشخص بالخف
لي يحبك يعرف باب داركم
هكدا يقولو
لوكان درتي هاد العقلية من الاول بالاك راكم دك مع بعض
هو سور يكون تزوج بلي خيرتهالو ماماه
ونتي اقعدي تبكي على سعدك
وقدر الله ماشاء فعل
ربي يعضوك ماخير

اسمحيلي على ردي
 
والله يا أختي مالقيت واش نقلك
تسرا حكايات بزاف كما هك بصح ماش لهاد الدرجة
واش نقلك يا أختي أنسايه خليكي منو
وربي يكون معاك نشالله
 
انت على الاقل رابحة الباك........كاين بنات ضيعو مستقبلهم....اللي فات مات .......واللي نساك نسايه .......هو بينو و بين مولاه
 
ربي يصبرك نتي نسايه وتزيديش تخمي فيه خلاص
وربي يكون في عونك
 
اللي باعك بيعيه وهدا باين من لولى مايستاهلكش
ان شاء الله تلقاي اللي خير منو
 
ما لقيت ما نقلك

كون جا يبغيك صح ميفوتكش علجال مخرجتيلوش

نتي قولي الحمدلله ديتي الباك ( لعقوبة ليا السنة ان شاء الله) اياي تخلي لا قدر الله هو فاتك وزدتي نتي خسرتي الباك كي تولي حالتك دايرة !!!

قولي الحمدلله وكملي طريقك الدنيا متحبسش عند بغيتيه وبغاك ونتي ربي يجيبلك ولد لحلال لي يعرف قيمتك ان شاء الله قولي امين
 
الي بدلك ونساك غير انسايه او لوكان كان يحبك ميسمحش فيك هدي ماشي سبة تاع الفراق
ربي يقدرك وتنسايه كملي قاريتك مبعد شوفي القلبك ارجال تاع دوك كامل كدابين ولي يحبك ايجي لدار.
 
ربي يهديه هوا يخون وحدة وربي يكون في عونك ختي ان شاء الله تلقاي لي يخمم عليك
 
هم يضحك ويهم يبكى
 
السلام عليكم ورحمة الله وبركاته
تريدين ان انصحك
انت اخطاءتي لما فكرة في شيء انت موقنة انه لا ينبغي لك فعله ام اعجابك فكل منا مفتون بالاخر وخيرنا من يلتزم حسن الادب ولا يتجاوز الخطوط
فكرتي بقلبك الذي يخدعه المظهر وتسحره الكلمة وتغوية النغمة والهزة واللمسة ونسيتي زينة الانسان عقله فغيبته فكان حكم القلب الهوى فخسرتي
لا تحزني اخطاء نقع فيها ولكن لا تكرريها والا ادمنت عليها وبهذا سوف تخسرين اكثر مما تتوقعين ويترك كل شيء لوقته فان وقته لم يحن بالنسبة لك
هذه نصيحتي لك
السلام عليكم
 
انت راكي ربحتي الباك وتهنيتي ربي يجيبلك ماخيرمنو نشاء الله
 
حبيبتي حقيقة هي عبرة للآخرين لكن ليس للكل
أنا لدي حبيبي والحمد لله يحبني واحبه وليس لدينا هذه المشاكل
نحن متفاهمين لدرجة كبيرةو أهالينا يعلمون بعلاقتنا
أدعو الله ان يمنحك الصبر​
 
قدر الله ما شاء فعل


عسى خير أختي فالله هو أدرى وأعلم منا بخفايا الحياة فممكن لو تزوجت بهذا الشاب لما وجدت السعادة التي ترغبين فيها

وعلينا أن نفهم بان علة تحريم هته العلاقات انما يعلمها الله ولكننا قد نرى في بعض الاحيان أسرار هذا الدين العظيم من خلال تجاربنا في هته الحياة ونتائج أفعالنا المتنافية مع ما جاء به رسولنا الكريم


أسأل الله لك ولنا ولجميع الشباب المسلم الهداية والثبات والعافية
 
ربي يصبرك اختي
كاينة حاجة واحد الناس مافهموهاش
كاينين لي ردو و قالولك تستاهلي هذا العقاب بطريقة او باخرى
ماهيش هي لي خيرت تحب
القلب هو لي خير

وحاجة اخرى راها علاقة 3 سنين مش 3 ايام
يعني مش في ليلة وضحاها رايحة تنساه
ربي يصبرك اختي
مالقيت مانقلك
 
آخر تعديل:
ربي يكوووووووووووووووون معاك​
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top