قلب اللـــوز بنتيجة جيـــدة

حاملـة المسك

:: عضو بارز ::
أحباب اللمة
إنضم
15 ماي 2010
المشاركات
3,994
نقاط التفاعل
9,487
النقاط
191


السلام عليكم و رحمة الله و بركاته


بعض مقادير الوصفة شويا من العالم الافتراضي و شويا من الواقع و جزى الله كل خير من ساعدني


باسم الله نبدأ

المقاديــر :

500 غ دقيق أحرش - 375 غ سكر - رشة ملح - نصف فنجان زبدة أو زيت - 1 خميرة حلوة - حليب - لبن -ماء الورد - قرفة

للعسل :

400 غ سكر - نصف حبة ليمون - ماء الورد -ماء


الطريقة :

نطيب الشربات مع نصف حبة الليمون و عصارتو و ماء لازم ما تكون عاقدة ما تكون خفيفة

نمزج جيدا الدقيق مع السكر ثم نضيف القرفة الزبدة و رشة حليب و لبن أو رايب و ماء الورد
لازم تكون كما الكسكس نخلوها تبات ليلة كاملة .. غدوة من داك نصيبوها نتفخت نضيف الخميرة و نبللها مرة أخرى بالحليب غير شويا نضعها في صينية و نبسطها براحة اليد بخفة
نقطعها مربعات بالسكين لقاع الصينية نزينها بالكوكاو...... نحطها طيب في فرن مسخن مسبقا ضروري تكون النار تقريبا عالية
الجوانب لازم يحمارو مليح و كذلك الوجه لازم يميل اللون الى حد القاتم
نخرجها مباشرة نعسلها.... بالعسل بارد و نتركها تتشرب مليح

هذي الطريقة لي نجحت معايا السر باش ما تجيش يابسة في كمية السكر
حنا موالفين كي نديرو قلب اللوز نقصو السكر خطراش في بالنا رايحة تتعسل
و صديقة لي نصحتني قاتلي باش تكون ناجحة كتري السكر و ديري العسل خفيف
السكر يرطب الدقيق و يلينو

ألف شكر لها و جزاها الله كل خير

080910120808ckznohr5ho4tbr.jpg


080910120808ryw4e2b4kcwe.jpg


080910120808hwu6f9gnlyt.jpg


0809101208083lcbfu9zs7r8wli2on.jpg


0809101208088lp8nycly30lorsr3.jpg


080910120808hyydmf6.jpg


شهية طيبة للجميـــع ..و مبارك عليكــم و علينا شهــر رمضــان
الله يعيدو علينا و عليكم بالخير و الهنــاء .. و غفــر الله لنــا من ذنبنــا و ما تأخر

هنا راني غير سييتها ...تقدرو تقسمو العجينة لقسمين و تعملو حشوة بالكوكاو مرحي متوسط ممزوج بالقرفة و ماء الورد....و تستغناو من القرفة في الدقيق
حاجة وحدة بقات الحبة تكسرتلي شويا .......غير متوفر في المطبخ الملعقة الخاصة بقلب اللوز :heh:
 
آخر تعديل:
بارك الله فيك فكرة رائعة و جديدة نوعا ما على الطريقة التقليدية
تقبلي مروري
 
اكيد نجربها وشكرا سؤال فقط كمية الزبدة 1/2 فنجان قهوة فقط
وكي تزيدي الخميرة تبليها بالماء تدهني السنيوة او لا وكي تقطعي توصلي السكين لاسفل السنيوة او ترسمي فقط
اسفة على كثرة الاسئلة
 
آخر تعديل:
بارك الله فيك فكرة رائعة و جديدة نوعا ما على الطريقة التقليدية
تقبلي مروري

وفيك بارك الرحمن.....كل وحدة توصل تجربتها لكي يستفيد الجميع
أياااامدام ستحسنتوها راني أضفت تعديل جديد في الوصفة خفت نحطها تستغربو
قلت نشوف قبل الردود :glare:
عاودي أقراي و لا عرفتيها عندك 10 على 10 :wink:
لصبت لعشية أو ليلا نحط الموضوع لنقلت منو
ألف شكر لمرورك عزيزتي

3551_p126833.gif
 
اكيد نجربها وشكرا سؤال فقط كمية الزبدة 1/2 فنجان قهوة فقط
وكي تزيدي الخميرة تبليها بالماء تدهني السنيوة او لا وكي تقطعي توصلي السكين لاسفل السنيوة او ترسمي فقط
اسفة على كثرة الاسئلة


من حقـــــــــك

نعم و تقدري حتى تستبدليه بالزيت
زدت شمختها بماء الورد ....مدهنتش الصينية
وصلت للاخير بالسكين....كاينة حاجة واحدة خفت نديرها مبسطتش براحة يدي وجه قلب اللوز
و راهي واضحة وضوح الشمس راهي طايبة محربشة
خفت نعجنها ..مدام جاتني مليحة تقدرو تبسطوهاا لالالالالا خوف
بالتوفيق عزيزتي....شكراا لمرورك

3551_p126833.gif
 
اختي بائعة الكبريت دكرتي لبن والحليب والخميرة وفي التحضير ما دكرتيهومش ارجو توضيح
وبارك الله فيكي اختي بالتاكيد راح نجربها ونحط التطبيق لكان ناجح
ارجو منك الاجابة ورمضانك كريم
 
اختي بائعة الكبريت دكرتي لبن والحليب والخميرة وفي التحضير ما دكرتيهومش ارجو توضيح
وبارك الله فيكي اختي بالتاكيد راح نجربها ونحط التطبيق لكان ناجح
ارجو منك الاجابة ورمضانك كريم

رمضانك أكرم....بارك الله فيك
رايحة نعدل في طريقة الوصف...شكراا للمتابعة
بالتوفيـــــــــق

3551_p126833.gif
 
مشكورة
نجربو انشاء الله ونردلك الخبر
 
في انتضار التعديل
موفقةان شاء الله
 
شكرا ليك والله غير كنت نحوس عليها جاك هايل يعطيك الصحة راني نجربو في رمضان ان شاء الله ونرجعلك الخبر
 
شكرا ليك والله غير كنت نحوس عليها جاك هايل يعطيك الصحة راني نجربو في رمضان ان شاء الله ونرجعلك الخبر

بالتوفيق....نورتي عزيزتي

3551_p126833.gif
 
shoukran ala alwasfa barak alah fik
 
شكرا على التعديل لكن ما قلتيش مقدار اللبن والحليب
نتمنى ما نكونش صمت عليك
لكن حقا الوصفة عجبتني وحابا ننجح فيها
شكرا تانية
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top