عجينة مورقة طريقة *2* + فطائر حلوة بالشرح المصور

[اميرة الساحل]

السلام على الجميع ان شاء الله الكل راه بخير


كيما وعدتكم اليكم طريقة اخرى لعمل عجينة مورقة و هي ناجحة 100% و للامانة هي طريقة ديتها من منتدى اخر طبقتها و طلعت النتيجة اروع و زدت اضافة من عندي


بلا مانطول اولا نخليكم مع طريقة عمل العجينة المورقة ثم طريقة عمل نوعين من الفطائر الحلوة بنفس العجينة ​

لعمل العجينة
المقادير هناك مرحلتين في العجينة
مكونات رقم1
- 300g فرينة
- ملعقة صغير ملح
- 135 ملل او gماء بارد جدا​

مكونات رقم 2
- g300 زبدة طرية خاصة بالتوريق
- 90 g فرينة
- ( 1/4 ملعقة صغيرة خميرة كيميائية) هذه اضافة من عندي​

طريقة العمل
- في اناء نجمع مكونات رقم 1 و ندلك العجينة جيدا و نخليها على جهة ترتاج
- في اناء اخر نجمع مكونات رقم 2 وندلك مليح حتى تدخل الزبدة في الفرينة مليح نتحصل على عجينة نلاحظ ان حجم الزبدة اكبر من العجينة رقم 1

​

​

- نبدا عملية التوريق نبسط العجينة رقم 1 على طاولة العمل مرشوشة بالفرينة ثم نوضع فوقها عجينة الزبدة

​

- ثم نقوم بعملية الطي على 3و4 و نخليها ترتاح 20د ثم نطوي على 3و4 و ترتاح 20د ثم نطوي للمرة 3 و الاخيرة على 3و 4 ثم نوضعها في كيس بلاستيكي و نخليها في المجمد يوم على الاقل ترتاح قبل الاستعمال حتى تتورق لينا و جي هشيشة و خفيفة

​

​

​

​

لعمل الفطائر هنا ديت شكلين
للشكل الاول نعمل مربعات من بعد نطيبها ونزينها و صور توضح ذلك
و شكل الثاني نطيب كل شي بارد في بارد و صور توضح كل شي
للتزيين لك الاختيار انا ديت
- حبات تفاح قشرتهم ابراج و طيبتهم في سيرو حتى ذبالوفيه صفيتهم و خليتهم حتى بردو و استعملتهم في التزيين
- حبات موز مقطعة شرائح
- انا استعملت كرام ديسار ذوق كراميل تقدري تعوضي بالكرام باتيسيار
- و شكولا
الشكل الاول

​

​

​

​

​

​

​

​

​

​

​

​

​

​

للشكل الثاني

​

​

​

​

​

​

ملاحظة العجينة المورقة كي نخرجها من المجمد قبل الاستعمال نتركها مدة من الزمن حتى تطرى و تولي سهلة في الاستعمال​

تحياتي للجميع اي استفسار انا في الخدمة و تحياتي للجميع :heh::ax_flw:​

 

[karima tati]

يعطيك الصحة و بارك الله فيك .....راكي شهيتيني مممممممممممممم
+ تقييم

 

[ISMA.dz]

بارك الله فيك اختي اميرة

يعطيك الصحة​

 

[om abdulhadi 2011]

ما شاء الله الله يبارك

 

[ŚσÚмĨÁ.Ďz]

واااااااااو
جاوك هايلين تبارك الله عليك
ولك اطلق تقييم+
​

 

[iman la brune]

روووووووووووووووعة

يعطيك الصحة
​

 

[merieme hassi]

تبارك الله عليك ماشاء الله
احلي تقييم

 

[dahbito]

يعطيك الصحة اميرة جاتك هايلة
حتى انا نستعمل هاذي الطريقة

 

[أم نيفين]

وااااااااو رووووووعة ماشاء الله عليك حنونة
+++ تقييم

 

[kahla]

شكراا ليك فكرة هايلة
انا نديرهم ميني بيتزا بهذا الشكل

 

[هداية الروح]

مشاء الله
ربي يىارك خرجوا هايلين

 

[imane27]

جاوك هايلين اميرة يعطيك الصحة واحلى تقييييييييييييم من عندى

 

[fatima_19]

سلام
300غ فرينة مع 300 غ زبدة ماشي بزاااف
ذاك نهار خدمت لابات فويتي كي حطيتها تطيب خرجتلي الزيت قلت واقيلا كثرت الزبدة و جات مدسمة بزاف
مي تاوعك خرجو يهبلو كيفاه طيبتيهم قصدي كيفاه كانت حرارة الفور تاعك

 

[ام خديجة1]

بارك الله فيك اختي اميرة رائعة ومتقنة ما شاء الله عليك

 

[اميرة الساحل]

شكرا لكل اخت ردت على الموضوع و قامت بتقييمه ردودكم افرحتني و شجعتني في نفس الوقت
نورتو جميعا تحياتي لكم

​

 

[حكيك]

يعطيك الصحة مميزة حتى في مواضيعكي تسلمي+تقييم

 

[اميرة الساحل]

سلام
300غ فرينة مع 300 غ زبدة ماشي بزاااف
ذاك نهار خدمت لابات فويتي كي حطيتها تطيب خرجتلي الزيت قلت واقيلا كثرت الزبدة و جات مدسمة بزاف
مي تاوعك خرجو يهبلو كيفاه طيبتيهم قصدي كيفاه كانت حرارة الفور تاعك

و عليكم السلام اختي فاطمة
بالنسبة للمقادير هديك هي راهي مضبوطة و الا راكي تلاحظي ماستعملتش لازيت ولا زبدة في العجينة العادية فقط فرينة ماء و ملح و 300 غ زبدة التوريق راني ماستعملتهاش وحدها راني ضفت ليها 90غ فرينة و كي طيبتهم ماخرجوش زيت طابو عادي مقرمشين بلاك انت المشكل راه في نوعية زبدة التوريق او في المقاديراللي اعتمدتي عليها لان هناك عدة طرق في عمل العجينة المورقة لكن هذه الطريقة راهي مضمونة جربيها و رديلي الخبر
و بالنسبة للفور انا خليتو سخن مليح من بعد كي طيبتهم طابو على نار فوق المتوسط ماتقربيش صينية للنار حطيها في رف الوسطاني للفور و دايما حطي ورق المنيوم او ورق زبدة في الصينية باش ماتلصقلكش العجينة
ان شاء الله نكون وصلت الفكرة اي سؤال راني هنا تحياتي ليك

 

[كوثر الوهرانية]

روعة روعة روعة الله يعطيك الصح اختي اميرة تسلم اديكي الحلوين يا فنانة مواضيعك كلها رائعة و انا شخصيا متابعتها و طبقت منها و التطبيقات كانت ناجحة جدا الف شكر اختي

 

[ibtesem]

بارك الله فيك اختي اميرة الساحل ماشاء الله كل وصفاتك هايلين
احلى تقيم

 

[فايزة1207]

ما شاء الله عليك ربي يعطيك صحتك