ولعجايز شكون فسدهم ؟؟؟ " مادام أنا صافية نلبس واش نحب " ....

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
كل يوم نشوفو حكاية تغلب
أيا الصباح هذي خرجت عندي قضية، أيا فت على واحد الكارطي يبيعو فيه الذهب ...
أيا من بعيد نشوف في الغاشي ملموم شوي وحاكمين واحد انا قلت سير حكموه يسرق ...
أيا كي قربت جيهتهم عرفت لحكاية ، حكموه يديرونجي في عجوزة _o: يتبع فيها ويلوحلها في الهدرة ووو ...
مانعرف هيا ألي عيطت عليه جاوه، ولا الناس ألي شافوه راحولو ؟؟؟
أيا زمان شفتها هيا واقفة وقالتلهم ذرك نعيط لبني يجي يديني ؟؟؟
ياخاوتي شفتها واقيلا في عمرها 60 ولا كثر وحاطة الماكياج ولابسة جلابية ملونة ولابسة الطالون ووو
ودرت للراجل هذا لقيتو باين مسوقر مانعرف منين هبط، قالولو باتنة راهي معمرة كذا وكذا هبط ومايفرقش ...
قلت في قلبي عيب مرا كبيرة تلبس هكذا تجيب المشاكل لروحها ولولادها ؟؟؟ زمان سمعتها قالت " مادام أنا صافية نلبس واش نحب، الرجال نعفس عليهم _o: " ...
اه ؟؟؟
أيا كملت طريقي وهذاك خليتهم واقيلا عطاوه زوج كفوف وحاوزوه وكملت مادرتش ورايا
وبديت نطلع ونهبط فراسي قلت هذ لمرا برك -نقدرو نسميوها عجوزة- شكون فلسها برك وعلمها تلبس هكذا سير عندها بنتها شجعتها وتعاون فيها وتبدل معاها القش ؟؟؟
لإيه هذا هوا الحل وتفكرت واحد لعوام ختي ولات تمد للوالدة تلبس الجلبيات لملونين وتبالي الطالوات ، وتلقها ألبسي وعيشي نتاجاتك مازال مازوجوش _o: ؟؟؟ ويما مسكينة في الستينات في عمرها هههه
قلت سير بنتها فلستها ، وليت نلوم لبنات والطفلة
لأنو لوكان كانت بنتها عاقلة راهي تنهرها تقلها يا يما مابقاش تلبسي هذ اللبسات راهم يجيبو الشبهات، واله غالب علينا حنا فلمدينة راهم هبطو علينا هذوك مايفرقو بين بنت الأصل لا والو ووو ... تقنع يماها وتنصحها
بصح هذو العكس تقلها نتاجاتك مازال مازوجوش هههههههه
وانا هكذاك تفكرت حكاية واحد لعجوزة عندها سمانة المهم حكيت معاها حتى قاتلي " تعرف مهند ؟؟؟ " هههههه
قلتلها في قلبي مالا تتفرجيه يا الحاجة هههه وهذي في عمرها بلاك 70 ولا كثر وحكاية طويلة مرة خرا نحكيهالكم هههههه
هذي ألي تتفرج مهند وحدها وحدها لقات المسلسل هذا ولا بنتها قالتلها أرواحي يا يما تشوفي هذا ألي يقولولو مهند هههههههه
كي روحت قلت نحكيها لناس اللمة يعطيوني رايهم في هذ الظاهرة والأسباب تاعها ....

ملاحظة:
مانيش نقول لمرا كي تلبس هكذا راهي ماشي مليحة ؟؟؟ لالا وحاشا
بصح نقول كاين ناس مايفرقوش بين لمليحة وألي ماشي مليحة ...
ثانيا:
من أنتم ؟؟؟ ، أين كنتم ؟؟؟​

 

[ماكانش]

شكرا لقبول الموضوع

 

[ISMA.dz]

اهلا خويا سفيان هاذي مدة مادخلتش لمواضيعك

ناس تكبر وتعقال وناس تكبر وتخرف

انا كان جات ماما كيفها والله الباب مانخليها تجوز منو

تحكم الدار خير ههههه

تبهديلة وعيب كبير

وانت علاه تلوم في بنتها بالاك المسلسلات هبلوها ولا كاش جارة سوفجتها ههه

ربي يهدينا ولا يدينا

سلامو​

 

[ماكانش]

اهلا خويا سفيان هاذي مدة مادخلتش لمواضيعك​

ناس تكبر وتعقال وناس تكبر وتخرف ​

انا كان جات ماما كيفها والله الباب مانخليها تجوز منو​

تحكم الدار خير ههههه​

تبهديلة وعيب كبير ​

وانت علاه تلوم في بنتها بالاك المسلسلات هبلوها ولا كاش جارة سوفجتها ههه​

ربي يهدينا ولا يدينا​

سلامو​

أهلا بيك إيسما
هههه
انا ألي عندي مدة ماكتبتش موضوع هنا، قريب نديو التقاعد منا ...
هذي نتي إيسما، وراني قتلك ختي واش تقول ليما ههههههه​

 

[mimi star]

ههههه Vraiment وقت تاع العجب​

يعني كون جات ماما تعمل هك انا نخليلها حوايجي كامل تشبع بيهم و نرووح هههه​

ربي يهديهم برك​

بصح اللوم ما يكونش ديما على بنتها ça ce peut تكون ما عاشتش صغرها مليح ولا تغير من​

جارتها ههه​

lol​

 

[ماكانش]

ههههه vraiment وقت تاع العجب​

يعني كون جات ماما تعمل هك انا نخليلها حوايجي كامل تشبع بيهم و نرووح هههه​

ربي يهديهم برك​

بصح اللوم ما يكونش ديما على بنتها ça ce peut تكون ما عاشتش صغرها مليح ولا تغير من​

جارتها ههه​

lol​

ههه
أهلا بيك ميمي
ههههههه
كيفاش تخليلها قشك يعني تعاونيها ؟؟؟ هههههههه
ماشكيتش تغير من جارتهان ولا صح بلاك تغير
مي راني حكيت وقست على ختي ويما هههههه
يعطيك الصحة ميمي​

 

[محاربة صحراء]

هههههههههه والله وحدك هذا كارتي كنت فيه شفت عجوزة بصح ماشفتيش حكايه خويا سفيان
هذيك عجوزة تبيع ذهب لبنات من ثم بنات بشروا كي يشروا لبنات تعيط لجماعة نتعها بسرقوا لبنات
كنت تقولي ربي يعيشك اشري من عندي خاتم نتع دهب فوت من ثم جا رجل هذاك حكيت عليه راهوا شركها خويا سفيان حكاية كبييييييييييرة بزاففففففف بصح اناكي فت سمعتها تعيط وحكاية فهمتها من عندك راهي كذبة
مهم عندك حق في كلامك والله انا ماما كي نشوفها تعدل نزعف
شوف بنات ديما هم راس سوسة والله يعيبروا راس حتى يطريف
انا لو تشوف خت ننننانا واش تلبيس تحل فمك تسكيت ماتزيديش
تكتب في عمرها70 تلبيس تبان في عمرها 20
كي نهدر معها تقول جاتني سن مراقبة يعين سن مراهفة/size]

 

[ماكانش]

هههههههههه والله وحدك هذا كارتي كنت فيه شفت عجوزة بصح ماشفتيش حكايه خويا سفيان
هذيك عجوزة تبيع ذهب لبنات من تم بنات بشروا كي يشروا لبنات تعيط لجماعة نتعها بسرقوا لبنات
كنت تقولي ربي يعيشك اشري من عندي خاتم نتع دهب فوت من دهب جا رجل هذاك راهوا شركها خويا سفيان حكاية كبييييييييييرة بزاففففففف
مهم عندك حق في كلامك والله انا ماما كي نشوفها تعدل نزعف
شوف بنات ديما هم راس سوسة والله يعيبروا راس حتى يطريف
انا لو تشوف خت ننننانا واش تلبيس تحل فمك تسكيت ماتزيديش
تكتب في عمرها70 تلبيس تبان في عمرها 20
كي نهدر معها تقول جاتني سن مراقبة يعين سن مراهفة/size]

ههههههه
أهلا بيك محاربة
ضحكتني تاع مراقبة هذي هههههههههه
سترك ربي
هذي قالك يديروها جماعة بريكة يبيعولك حاجة وفي الطريق يسرقوك هههه
كيما قلتي البنت هيا السوسة لوكان كمانت تنهر يماها راهي تحشم
يعطيك الصحة ....​

 

[hollahop girl]

السلام عليكم
​

هي بغات عاشت في صغرها ولا ما عاتش رانا حنا مسلمييييييييييييييين على كبرها خارجة تتبزز
مش كون مقابلة غير الصلاة والدعاء خير من هدا التبهديل اللي دايرته لعمرها

هدا راي الشخصي لا اقصد اهانة احد
​

 

[خولة19]

خخخخخخخخ باينة ماعشتش في صغرها
ربي يهديها ويهدينا كامل
​

 

[homework]

ههههههه دورك الصغارات خلاوا المشعل للكبار هذوك لعجايز تلقاهم يغيروا من عرايسهم يبداوا يخلطوا يقولوا واش لازم نرجعوا الشباب نتاعنا تظهرلهم اللبسة و التحواس عوض يكونوا العبرة يوليوا حجة وحد أخري
وقضيت اللبسة انا نعتبر اللباس يدل على ثقافة الشخص و نحكيلك على وحدة نعرفها راهي عجوزة مقرقبة وصات الاحفاد نتاعها ممنوع تقولولي نانة قولولي خالتي منحبش تكبروني راني صغيرة وحنا ندعيوا ربي يكبرنا في طاعتوا و قضيت الكبر تدل على الوقار و الأحترام
وهذي حكاية صراتلي جاتني وليت تلميذ دخلتها عليا مدام مدام و هيا منحكيلكش لاكوب كيفاه و المكياج و وووو
وانا بالحجاب نتاعي قلت وقيل حسبتني كبيرة عليها ربي يثبتنا بعقلنا

 

[souhila_95]

ماعاشتش صغرها طامعة في وقت غيرها بقاتلها شهقة وتودع وسبحة والماء يحمى دير في الماكياج ومنيش عارفة تقول رايحة لعرس..يخي الحالة يخي ...يقولك البنات فسدوا وكيفاش يروحو فيها اذا ما شافوش لي اكبر منهم معفس على الدنيا .. الله يهدي.. العجايز هبلت والشيوخ هبلو حتى هم ولاو يجوزو وحدة 18 عام ويدراgو في بنات ليسي هههه شر البلية مايضحك

 

[ماكانش]

السلام عليكم ​

هي بغات عاشت في صغرها ولا ما عاتش رانا حنا مسلمييييييييييييييين على كبرها خارجة تتبزز
مش كون مقابلة غير الصلاة والدعاء خير من هدا التبهديل اللي دايرته لعمرها

​

​

هدا راي الشخصي لا اقصد اهانة احد ​

أهلا بيك ختي
صح بلا مانشوفو لصغرها ولا كبرها حنا مسلمين مالازمش نديرو هكذا
بصح شكون يسمع ؟؟؟
يعطيك الصحة وربي يصلح لحوال ...​

 

[إيمان قلب]

السلام عليكم
عاش من شاف تخربيشك خويا سفيان
تعرف سفيان عندي عمتي كبيرة فالسن , وتشفا بكري كان كاين غي الحايك المرما هههه منعرف اذا تعرفو ولالا
لمهم هذاك الحايك اللي يجي صفر , ومبعد خرج أ لامود لحايك تاع fina هذاك الابيض
جابتلها بنتها واحد " وهذا دليل انه المرأة صح بنتها هي اللي توريلها " والله غي قاستو قالتلها علاه هبلت
وا نلبس لبيض برا رجعت صغيرة وا هههه بهدلتهامسكينة على كثر ماوالفت بالحايك لصفر وتحسب الابيض يلبسوه الصغارات هههه
وماااااااجات ترجع تلبس هذا لبيض بلاك عندها واحد العامين هاك ولا قل هههه وكي خرجو الجلاليب تاني , قالتلهم هذا مابقالي نلبس الجلابة على كبري, يعني المرة لكبيرة لازم تكون عااقلة , ماما كي نقوللها روحي راكي كبرتي تقولي ربي يكبرنا على طاعتو , وعندي عمتي اخرى شايقة في صغرها كي نقوللها كبرتي تقولي لالالالا مازلت صغيرة هههههه وتتفرج قاع المسلسلات مسلسل ماتراطيهش ههههه راني نبالغ شوية
مشكل كبيييير العجايز كي يلحقو للستين يستتو ويجياحو , وتاني كاين اللي تغير من صحباتها وجاراتها وكاين اللي بنتها هي اللي تولها لهاذ الحوايج , في عوض انها هي اللي تعقلها
هيا سيفو بلاما اطيشني علبالي كثرت الهدرة عندي بزاف ماهدرتش في مواضيعك
سلااام ويعطيك الصحة على الموضوع​

 

[عفاف الجزائرية]

اللي نقولو انا
اللي فاتو وقتو مااااااااايطمع في وقت الناس
وزيد الدنيا زايدة غير تخلى والقيامة قريب تقوم
وهوما مازالهم في الطالون والجلابية اغكونسيال
ربي يهي برك
في عوض راها جلابية بيضة وخمار ابيض وسبحتها في يدها وتمشي تقول عليها حماحة
هي لابستلي لاغكونسيال والطالون تتعيوج بيه
اللي نقولوه ربي يهدي ما خلق
وكيما قلتها ماش كامل كيف كيف
مشكور خويا صاحب الظواهر الاجتماعية الحصرية
سلام.
​

 

[ماكانش]

خخخخخخخخ باينة ماعشتش في صغرها

ربي يهديها ويهدينا كامل ​

اميييييييييييين
كيقاش يسميوه الروتور داج ؟؟؟ هههه

 

[ماكانش]

ههههههه دورك الصغارات خلاوا المشعل للكبار هذوك لعجايز تلقاهم يغيروا من عرايسهم يبداوا يخلطوا يقولوا واش لازم نرجعوا الشباب نتاعنا تظهرلهم اللبسة و التحواس عوض يكونوا العبرة يوليوا حجة وحد أخري
وقضيت اللبسة انا نعتبر اللباس يدل على ثقافة الشخص و نحكيلك على وحدة نعرفها راهي عجوزة مقرقبة وصات الاحفاد نتاعها ممنوع تقولولي نانة قولولي خالتي منحبش تكبروني راني صغيرة وحنا ندعيوا ربي يكبرنا في طاعتوا و قضيت الكبر تدل على الوقار و الأحترام
وهذي حكاية صراتلي جاتني وليت تلميذ دخلتها عليا مدام مدام و هيا منحكيلكش لاكوب كيفاه و المكياج و وووو
وانا بالحجاب نتاعي قلت وقيل حسبتني كبيرة عليها ربي يثبتنا بعقلنا

هههههه
اهلا بيك هومروك هههههه
هذي عند الوالدة تاعي تقوزل لولاد خويا وختي يقولولها يما، ماتحملش يقولولها نانا تولي تبان كبيرة زعما وهيا شابة ههههههههه
أنا نحب نقلقها نقلهم روحو عيطو لناناكم ههههه
عييت نعرف السبب تبالي عوامل بزاف منها ماعاشوش في صغرهم تغبنو زوجوهم والديهم 15 سنة ولا 16 ماشافو والو ههه
وزيد البنت تلعب دور في تشجيع الوالدة تاعها ...
يعطيك الصحة هومروك​

 

[كمايا]

هههههههههههه بلاك راهي تحوس على عجوز

 

[ياقوتة الصحراء]

من المفروض هذ العجوز راهي حاكمة السبحة والسجادة تصلي و تقوم..
اللهم انا نسالك العفو والعافية
ربي يهدي ماخلق
​

 

[SirineUSA]

أيا الصباح هذي خرجت عندي قضية، أيا فت على واحد الكارطي يبيعو فيه الذهب ...

واش القضية هذي وواش داك لكارطي الذهب رايح تشري خاتم ؟ رايح تخطب ؟ ههه كي تجاوبني نرد على موضوعك
' هذي خدمة جزائري حر التقرعيج داير حالة '

السلام
​