ولعجايز شكون فسدهم ؟؟؟ " مادام أنا صافية نلبس واش نحب " ....

[arnouba]

اهلا اخي ماكانش موضوع ديالك شباب باش نهدرو فيه
مالوغوزمو راهم شايعين عجايز هكداك بيانسور اللوم ماشي على بناتهم لاخاطرش راهي تبالي بلي ادا كاين لي ينجم ايبدل طبايع لوخر فهي الام ماشي العكس
او ربي معى راجلها او ربي ايصبرو على هبالها (بلاك غوتوغ داج مسكينا) او ربي يهديها
الله يهفضلي يما حاكما قدرها الحمد لالله

 

[ماكانش]

السلام عليكم و رحمة الله و بركاته

صحيح والله شحال من مرة نشوف نساء كبارات في السن و ديك الحطة اللي ضاربتها انا بالاك في حياتي ما درتهاش
و تقولك نعيش لافي تاعي و شكون يسالني
المهم كاين ربي
و كل واحد بيناه بين مولاه
ناس بكري كانوا يقولوا
البنادم كي يكبر يبقاله غير الرحمة و الماء يحما​

تقبل مروري اخي و مشكور على الموضوع

أهلا بيك أعيش راضية
عندك الحق
بصح كي يروح لعقل مايبقى والو ...
زعما ماعلابالهمش بلي واش راهم يديرو مايصلحش ومايخرجش عليهم ؟؟؟
ماكانش منها
يعطيك الصحة​

شفيت اسفيان لي شفتها انا وياك في ليزالي واحد اليوم لابسة التشيني وتهدر في التيليفون وتتمايل ههه

الله المستعان ربي يجيب الخير​

اهلا زاكي
تا ألي شتها انا ماشفتش ههههه

​

 

[ماكانش]

يا خويا هادي بلاك حبت تعيش من جديد الي مادارتوش في صغرها بغات تعوضو كي كبرت
وقت عجب لحقنالو الله يستر برك

أهلا بيك أمولة
ياي واش يقالها وواش تعوض ؟؟؟
حيرة
يعطيك الصحة​

هههههههه و الله يالعجوووزة هاذي صراتلها لحكاية نتااع هاذاك الشيخ لي ناضتلو حبة في وجهو قال ياااي حبة شباب مازالني jeune ههههه ... حقا نسيت ماقولتلك الموضوووع فووووووووور + تقييم

هههههههه
اهلا خوليتا هههههههه
مالا هذي تنوضلها حبة واش يصرا ههههههههه
يعطيك الصحة
وربي يحفظك على التقييم
نخلفهولك هههه​

ومالا علاش البنات راهم هكدا
البيوت يا اخي راحت فيها مع الاسف
الا من رحم ربي طبعا
مشكور على الموضوع

اهلا بيك خويا
صح جايا من الوالدين قبل ....​

ياخويا هديك على الاقل لابسة جلابة واش نقول اللي شفتهم انا لابسين سراول الجينز والسليم وزيد معاهم كفاليار :cra_zy:
ربي يهديهم ويهدينا هدا مكان

أهلا بيك نبع الحنان
اع مايخرجش على عجوزة خلاص
بلاك اللباس القصير كي لعجايز لقور وبلاك يخرج عليهم
اما دجين وو يعيفو القلب ...
عيش تشوف
يعطيك الصحة ...​

و الله كلامك صادق لو كان كانت تحترم نفسها لأاحترمها الناس حتى ولو كانت في عمرها 120 سنة

أهلا خويا لعزيز حسان
صح تحترم نفسها يحترموها الناس ولو شابة 18 سنة ...
يعطيك الصحة ​

وعليكم السلام
يخي يقلك عند الشيب يظهر العيب
بلاك هدا الشي par ce que معاشوش كي كانو صغار donc راهم يخلفو فيه درك
مي تاع المسلسلات هدي ااه واش نحكيلك على جارتنا بلات تفوت 70 سنة
mais ممخليا ني مهند ني لميس . الكسوفي . ايزل ....... La liste طويلة ههههههه
انا كي تفوتني كاش حلقة ولا نروح عندها تحكيهالي ههههههه
يعطيك الصحة خويا سفيان

أهلا ميرة
هههههههههههههههههههه
كيما جارتنا تسقسي وين يلعب كينان هذا هههههه
صح بلاك كانو مغبونات في وقتهم بصح واش بقالها وواش راح تعوض ؟؟؟
راح لعقل
يعطيك الصحة ميرة​

 

[nina usma]

hhhhhhhhhh:sheer: chaba hadi alah yahdi ma5la9 merci:re_gards: by

 

[ملكًة الاحسآس]

وعليــكم السلام
هههه هدي زعمــه عجوزة ، سبحان الله ناس تكبر وتعقال وناس تكبر وتخرف
دركـ قولي واش قعدلهــا فالماكيــاج والطالوون ، ياو انــا في عز شبابي وجامي خرجت هكدكـ والله
هدي تكون ماعاشتش في صغرهــا ، وكمــا تقول ماما عند الشيب ظهر العيب
ربي يهدي من خلق ان شاء الله
+
على قولتكـ يعطيكـ الصحة على الموضوع الباهي
​

 

[hiba14]

ههههههههههههه انت وحدك ياك قلتهالك تعجبني العفسة تاع اللي طلع الحسابات وحدك ايا قلت في قلبي
و بالنسبة للموضوع تاعك عندك الحق كي يكبرو يخرفو

 

[نور الهدايات]

دمت متميز اخي الفاضل
والله شر البلية ما يضحك
يا أخي والله الدنيا صارت تمشي عكس التيار
العباد تتقدم في العلم والتكنلوجيا باه يحاربو الفكر العربي المسلم والناسنا قاعدين يجرو ورا الفاني حسبنا الله ونعم الوكيل
منروحش بعيد في عائلتي وحدة عمرها 68 سنة انتقلو من 5 سنين للعاصمية وسكنو في سيتي معلوفة نتاع santa_1 والله العظيم نهار جات عندنا خرجت من راسي ، معرفتهاش ومن الصدمةوليت نضحك( قلعت الغرقه ولبست الطالون) السروال جينز والشعر بان من الخمار وشعارها ولا عيش la vie.
وكيما تفضلت وقلت اخي سبابها بناتها يحشمو يخرجو معا يماهم بالجلابة والخيمار ايا بدلوها اللوك.
لا الاه الا الله تبت علينا نعمت العقل لانو والله هذا العقل منين يغيب على مولاه وينغمس في امور الدنيوية .
تقبل مروري ​

 

[hiba14]

و راني رجعت باسكو الساع نت غاصبة بغيت نهدر برك
المهم صح شا قلت و الله بعض النسا و حتى الرجال كي يكبرو تبانلهم بلي هاد اللبسة و هاد الشي يبينهم بلي راهم صغار كي شغل الكبر حاجة عيب بالعكس انا تعجبني و تقتلني و تقلع مني النص و يزيد فيها النص المرا اللي عاطية لسنها حقو يرحم باباك وين باغي تبان هاد اللبسة تاعنا مع بلوزة بيضوة وخاتم تاع اللويزة و الشانة البيضة و الصم و كريفشة و القعدة الله الله خطرات نقول كون غي نكبر بلخف باش ندير هكاك اصلا تعطي وحدة الطلة وحدها اما الرجال كي يكبرو و عندنا عينتين في البلوك منهم العمر 60 عام و الشعر طويل و البونتاكوغ و يمشي و يخمس بوحد الطريقة للشاشرة تحسب في عمرهم 20 عام الله يهديهم

 

[ماكانش]

يعطيكم الصحة كامل ...

 

[βǻŋǾừŧά ₡ǖŦё]

هههههههههه تعكست الاية
ماغسي عالموضوع اخ سفيان ولله فور
تستاهل تقييم++​

 

[النورس]

زمان سمعتها قالت " مادام أنا صافية نلبس واش نحب، الرجال نعفس عليهم _o: " ...
اه ؟؟؟

من أنتم ؟؟؟ ، أين كنتم ؟؟؟​

الشيب و العيب
كي ولات لكبيرة تدير هك الصغيرة مالا قريب نشوفوهم يخرجو من غير هدوم

فهمني فالرجال نعفس عليهم هادي وش قصدت بيها !!!!!!!!!!!!!:huh:

قلها تعفسي على جمرة برك
​

من أنتم ؟؟؟ ، أين كنتم ؟؟؟​

هههه عجبتني الملاحظة
فكرتني فالمرحوم القذافي
:shiny:
​

 

[SirineUSA]

ههههههه
أهلا نسرين
وينا خاتم ووينا زواج هذا ههههه
حنا الكارطي تاع الذهب هذا وين تحبي تروحي لازم تفوتي عليه هههه
هاني جاوبت​

هههه اوكي اذن لعجايز فسدوهم بناتهم وحفيداتهم وكاين لي فسدوهم الأتراك وكاين لي بالهم يواكبوا العصر برك وصرالهم روتور داج ومرسي على الموضوع

والسلام


​

 

[ماكانش]

يا خويا هادي بلاك حبت تعيش من جديد الي مادارتوش في صغرها بغات تعوضو كي كبرت
وقت عجب لحقنالو الله يستر برك

أميييييييين
واش بقالها وواش حبت تعيش ؟؟؟
حيرة
ربي يعطينا لعقل

 

[M!ss D!or]

دومااج حكمها الروتور داج هههههه
لالا نضحك برك هدوك حالة اخرى
والله مالقيت مانقول
نلوم
الرااجل لي جامي شااف و مزالو في عقلية يتبع
ولا نلوم
الام الكبيرة لي لابسة لباس غير محتشم

في زوج عمااوها
نورمالمون
هي تحترم العمر تاحها و تلبس لبسة معليش على المووضة مي محتشمة و تلييق بعمرها
و هو لازمتلو واحد يفلاشيه ههههههه مزااال برك عيبااد يتبعووووو
ربي يهدي هدا ماكان
شكرااا

​

 

[مابقاش بزاف.Dz]

كاين هادا النوع بالاك تكون ما عاشتش مليح في صغرها حابة تعوض هههه و كيما قلت يمكن من بناتها يشجعوها باه تلبس و تعدل و تستيكي روحها
بصح فالاخير كي دير هكدا تجيب التبهدي لروحها هدا ماكان
الله يهدي
سلام

 

[virus2015]

الله يزين العاقبة ​

 

[SaRa MosTa]

واه كاين هاد les cas هاكا انا توجور نشوف عجايز لابسين والماكياج نورمال والله غي نبقا حايرة
دير ما دير من الماكياج وما يبان عليها والو ههههه باسكو صاي كبرت وشبنت وشيانت هههههه
الله يهديهم
جارتنا هادي عندها 65 سنة مين تشوفني تقولي صارة بنتي كي راني نبان انا توجور نقولها راكي تهبلي وراكي شابة متأمنش شحال تفرح​

 

[داليا]

يعطيك الصحة خويا موضوع مهم و محير فعلا عجايز و يديرو كي لبنات علاه ما نعرف لبنات الصغار نقولو بلاك ينعتو في رواحهم باش يتزوجو و المتزوجات على جال رجالهم و العجايز علاه انا عييت نعرف كيفاه يفكرو
و ما تقولش البنات هوما السبب انا عندي عجوزتي قريب تموت و هي تغير و تعاندني في كلشي و خلي على المسلسلات هذي سيلا و هذي ما نعرف واشي و التحواس ما نحكيلكش صح تلبس محترم بصح قبل ما تخرج تجيب ساعة و هي تلبس و تعدل في روحها
هيا قولي هذي شكون ينعتلها ؟ انا ما نعتلهاش و البنات ما عندهاش طول عمرها عايشة هي و راجلي برك

 

[nawal 88]

انا امي حاجة ماتلبسش الملون ههههههههه
انا قتلها ذهب ماتزيديش ديريه لوكان تصيبي يا امي الحبيبة تمديهلي هههههههه
​

 

[ماكانش]

اهلا اخي ماكانش موضوع ديالك شباب باش نهدرو فيه
مالوغوزمو راهم شايعين عجايز هكداك بيانسور اللوم ماشي على بناتهم لاخاطرش راهي تبالي بلي ادا كاين لي ينجم ايبدل طبايع لوخر فهي الام ماشي العكس
او ربي معى راجلها او ربي ايصبرو على هبالها (بلاك غوتوغ داج مسكينا) او ربي يهديها
الله يهفضلي يما حاكما قدرها الحمد لالله

أهلا بيك أرنوبة
أنا تبالي اللوم على الطفلة
لاخاطر لعجايز كي يكبرو يروحلهم لعقل هههه
تولي كلي مراهقة ويولي يغيضهم الحال وووو
يعطيك الصحة ​