ولعجايز شكون فسدهم ؟؟؟ " مادام أنا صافية نلبس واش نحب " ....

[ماكانش]

hhhhhhhhhh:sheer: chaba hadi alah yahdi ma5la9 merci:re_gards: by

اميييييييييييييييييييييين

 

[ماكانش]

وعليــكم السلام

هههه هدي زعمــه عجوزة ، سبحان الله ناس تكبر وتعقال وناس تكبر وتخرف
دركـ قولي واش قعدلهــا فالماكيــاج والطالوون ، ياو انــا في عز شبابي وجامي خرجت هكدكـ والله
هدي تكون ماعاشتش في صغرهــا ، وكمــا تقول ماما عند الشيب ظهر العيب
ربي يهدي من خلق ان شاء الله
+
على قولتكـ يعطيكـ الصحة على الموضوع الباهي ​

أهلا بيك ملكة الإحساس
ربي يحفظك ويكثر من مثالك
صح كل ما يكبارو يصغارو ههههه
واش بقالها ادير الماكياج
بصح كيما قلت تلقى ألي يشجعها ...
يعطيك الصحة ...​

 

[ماكانش]

ههههههههههههه انت وحدك ياك قلتهالك تعجبني العفسة تاع اللي طلع الحسابات وحدك ايا قلت في قلبي
و بالنسبة للموضوع تاعك عندك الحق كي يكبرو يخرفو

هههههههه
اهلا هيبة
ربي يحفظك ديما نحكي مع راسي هههه​

دمت متميز اخي الفاضل

والله شر البلية ما يضحك
يا أخي والله الدنيا صارت تمشي عكس التيار
العباد تتقدم في العلم والتكنلوجيا باه يحاربو الفكر العربي المسلم والناسنا قاعدين يجرو ورا الفاني حسبنا الله ونعم الوكيل
منروحش بعيد في عائلتي وحدة عمرها 68 سنة انتقلو من 5 سنين للعاصمية وسكنو في سيتي معلوفة نتاع santa_1 والله العظيم نهار جات عندنا خرجت من راسي ، معرفتهاش ومن الصدمةوليت نضحك( قلعت الغرقه ولبست الطالون) السروال جينز والشعر بان من الخمار وشعارها ولا عيش la vie.
وكيما تفضلت وقلت اخي سبابها بناتها يحشمو يخرجو معا يماهم بالجلابة والخيمار ايا بدلوها اللوك.
لا الاه الا الله تبت علينا نعمت العقل لانو والله هذا العقل منين يغيب على مولاه وينغمس في امور الدنيوية .

تقبل مروري ​

أهلا بيك نور الهدايات
سبحان الله
شتي كيفاش بناتها هوما سباب خلاها مسكينة
تبالي كي يكبارو يروح عقلهم ويصغارو ...
لوكان مالقاتش تشجيع وتصفيق راهي نورمال
يعطيك الصحة أختي الفاضلة وربي جيب الخير ...​

 

[ماكانش]

و راني رجعت باسكو الساع نت غاصبة بغيت نهدر برك
المهم صح شا قلت و الله بعض النسا و حتى الرجال كي يكبرو تبانلهم بلي هاد اللبسة و هاد الشي يبينهم بلي راهم صغار كي شغل الكبر حاجة عيب بالعكس انا تعجبني و تقتلني و تقلع مني النص و يزيد فيها النص المرا اللي عاطية لسنها حقو يرحم باباك وين باغي تبان هاد اللبسة تاعنا مع بلوزة بيضوة وخاتم تاع اللويزة و الشانة البيضة و الصم و كريفشة و القعدة الله الله خطرات نقول كون غي نكبر بلخف باش ندير هكاك اصلا تعطي وحدة الطلة وحدها اما الرجال كي يكبرو و عندنا عينتين في البلوك منهم العمر 60 عام و الشعر طويل و البونتاكوغ و يمشي و يخمس بوحد الطريقة للشاشرة تحسب في عمرهم 20 عام الله يهديهم

أهلا بيك هيبة
ههههه
مسكين حب يعاود الزواج هههه
ياحصرا على هذوك لعجايز كي نشوفهم يدخلو للقلب هههه
كاين وحدة كبيرة موالف كل مانشوفها ساعات نهز عليها الثقل وتبدا تحكيلي غير نضحك
وراكي عارفة لحكايات حنا بكري ولبنات درك وهيا ماشية ههه
يعطيك الصحة هيبة
​

هههههههههه تعكست الاية

ماغسي عالموضوع اخ سفيان ولله فور

تستاهل تقييم++​

شكرا شيومة ربي يحفظك ...​

 

[ماكانش]

الشيب و العيب
كي ولات لكبيرة تدير هك الصغيرة مالا قريب نشوفوهم يخرجو من غير هدوم​

فهمني فالرجال نعفس عليهم هادي وش قصدت بيها !!!!!!!!!!!!!:huh:​

قلها تعفسي على جمرة برك​

هههه عجبتني الملاحظة
فكرتني فالمرحوم القذافي
:shiny:​

أهلا بيك يا النورس
مليح كي عجباتك وفركاتك هههه
واقيلا تقصد بنعفس عليهم مانقولش بيهم ومايهمونيش ويدزو معاهم هههههه​

 

[ماكانش]

هههه اوكي اذن لعجايز فسدوهم بناتهم وحفيداتهم وكاين لي فسدوهم الأتراك وكاين لي بالهم يواكبوا العصر برك وصرالهم روتور داج ومرسي على الموضوع​

والسلام​

أهلا بيك سيرين
هههه
ركزيلي على بناتهم
مام الأتراك يفسدو بصح ديما البنت هيا ألي تعاون وتصفق وتشجع
يعطيك الصحة ...​

 

[ماكانش]

دومااج حكمها الروتور داج هههههه

لالا نضحك برك هدوك حالة اخرى
والله مالقيت مانقول
نلوم
الرااجل لي جامي شااف و مزالو في عقلية يتبع
ولا نلوم
الام الكبيرة لي لابسة لباس غير محتشم ​

في زوج عمااوها
نورمالمون
هي تحترم العمر تاحها و تلبس لبسة معليش على المووضة مي محتشمة و تلييق بعمرها
و هو لازمتلو واحد يفلاشيه ههههههه مزااال برك عيبااد يتبعووووو
ربي يهدي هدا ماكان
شكرااا​

أهلا بيك صافي
اف شتي العقلية تاع يتبع واش قديمة ؟؟؟ ههههه
هدرتي هدرة باهية صح تلبس لبسة باهية بصح شوي تواتي عمرها واللاج تاعها وتكون مستورة ...
يعطيك الصحة ​

 

[ماكانش]

كاين هادا النوع بالاك تكون ما عاشتش مليح في صغرها حابة تعوض هههه و كيما قلت يمكن من بناتها يشجعوها باه تلبس و تعدل و تستيكي روحها
بصح فالاخير كي دير هكدا تجيب التبهدي لروحها هدا ماكان
الله يهدي
سلام

أهلا بيك مابقاش بزاف
ههه
صح تجيب غير لبهادل لعمرها ولولادها ...
مهما يكون الروتور داج الا ولوكان مالقاتش تشجيع من بناتها ولا واحدة راهي ماتجدعش
ربي جيب الخير
يعطيك الصحة ...​

 

[ماكانش]

الله يزين العاقبة ​

اميييييييين

 

[ماكانش]

واه كاين هاد les cas هاكا انا توجور نشوف عجايز لابسين والماكياج نورمال والله غي نبقا حايرة

دير ما دير من الماكياج وما يبان عليها والو ههههه باسكو صاي كبرت وشبنت وشيانت هههههه
الله يهديهم

جارتنا هادي عندها 65 سنة مين تشوفني تقولي صارة بنتي كي راني نبان انا توجور نقولها راكي تهبلي وراكي شابة متأمنش شحال تفرح​

هههههههههههه
اهلا بيك سارة
قتلتيني بالضحك
وعلاه عليك تزيدي عليها ههههههههههه
هذا واش يعجبهم كي تنقصيلها من عمرها هههه​

 

[ماكانش]

يعطيك الصحة خويا موضوع مهم و محير فعلا عجايز و يديرو كي لبنات علاه ما نعرف لبنات الصغار نقولو بلاك ينعتو في رواحهم باش يتزوجو و المتزوجات على جال رجالهم و العجايز علاه انا عييت نعرف كيفاه يفكرو
و ما تقولش البنات هوما السبب انا عندي عجوزتي قريب تموت و هي تغير و تعاندني في كلشي و خلي على المسلسلات هذي سيلا و هذي ما نعرف واشي و التحواس ما نحكيلكش صح تلبس محترم بصح قبل ما تخرج تجيب ساعة و هي تلبس و تعدل في روحها
هيا قولي هذي شكون ينعتلها ؟ انا ما نعتلهاش و البنات ما عندهاش طول عمرها عايشة هي و راجلي برك

أهلا بيك داليا
ربي يهنيك مع راجلك وعروستك
صح حيرة وعلاه يديرو في رواحهم هكذا ؟؟؟
مالا هذي علموها الأتراك وسيلا هذا ولا هذي ههههههه
يعطيك الصحة​

 

[ماكانش]

انا امي حاجة ماتلبسش الملون ههههههههه

انا قتلها ذهب ماتزيديش ديريه لوكان تصيبي يا امي الحبيبة تمديهلي هههههههه​

أهلا بيك نوال
هههههه
ربي يحفظهالكم
تعرفي صلاحك
لالا قوليلها تعطيك العباءة البيضة تاع الحج هههههه​

 

[آمِيْرَتُه]

قالك كي شاب علقوله حجاب ربي يهديهم برك خصها غير ماء و لازاز و مازالت طامعة فالمكياج

تقبل مروري
​

 

[nawal 88]

أهلا بيك نوال
هههههه
ربي يحفظهالكم
تعرفي صلاحك

لالا قوليلها تعطيك العباءة البيضة تاع الحج هههههه​

شكون قالك والله غير حاولتهم قتلهم ديوني معاكم الحاج ماحبش :schmoll:​

 

[مارينا]

كون جيت انا نقولها يا عمريييييييييي عليك والله راكي انتيك انا ندبرلك كاش ببون ما يكون غير خاطرك
ياي واش بقالها
بقالها الماء يحمى
غير تروح تجري على روحها قبل ما يجري من وراها شاب قد وليدها ويرميلها الهدرة

 

[ماكانش]

قالك كي شاب علقوله حجاب ربي يهديهم برك خصها غير ماء و لازاز و مازالت طامعة فالمكياج​

تقبل مروري​

أهلا بيك منيني
هاكي تشوفي
انا خرين نعافهم مانحملهمش صح صح
يعطيك الصحة ...​

 

[ماكانش]

شكون قالك والله غير حاولتهم قتلهم ديوني معاكم الحاج ماحبش :schmoll:​

ماعليهش كي اليوم تروحي يا الحاجة
عندك برك يوصل اليوم هذا ونوصيك تدعيلي بلمرا هههه
مانيش قادر نستناك نتي حتى تحجي ههههه​

 

[ماكانش]

كون جيت انا نقولها يا عمريييييييييي عليك والله راكي انتيك انا ندبرلك كاش ببون ما يكون غير خاطرك
ياي واش بقالها
بقالها الماء يحمى
غير تروح تجري على روحها قبل ما يجري من وراها شاب قد وليدها ويرميلها الهدرة

أهلا بيك مارينا
ههههههه
تقلك يا بنتي الله غالب ماعنديش الزهر برك هههههههههه​

 

[مارينا]

أهلا بيك مارينا
ههههههه
تقلك يا بنتي الله غالب ماعنديش الزهر برك هههههههههه​

هههههههههههههههههه يا لطيف الطف كون تقولي هك لتم نظمن لك خويا بلي احنا ليش مش نورمال
ياو احنا اللي ما عدناش الزهر مغابن مساكن هي واش خصها دايرة الحطة لروحها ضاربة الدنيا كوتبي

 

[nawal 88]

ماعليهش كي اليوم تروحي يا الحاجة

عندك برك يوصل اليوم هذا ونوصيك تدعيلي بلمرا هههه

مانيش قادر نستناك نتي حتى تحجي ههههه​

:shiny: نحجو كيف كيف ونجيبو فيها سعودية وسعودي خخخخخ​