ثقافة لي كادو عندنا الجزايريين ....

[ماكانش]

وعليكم السلآم​

الكولار لصفر معروف بالغيرة يعني مدوهولها فوق القلب + رسالة ههههه
كاين دي كادو يحبسو البيسكلات في الهبطة ههه
وحدة دارت لصحبتها porte clé قلب تع جلد
ووحدة مسايس كحولة تع الايمو لي خرجو
وحدة جابت مزيود دارولها زوج بيبرونات
وحدة توس بـ20 الف​

وكاين لي يقولك مادارتليش كادو انا تاني مانديرلهاش
يطبقو قاعدة "شد مد يا حمد"
والله عجب يا خويا​

خطرة شفت حصة داروها في a3 tv تحكي على ليكادو
قالك الناس لي تعرف تكلخ وتقضي شغالها دير ليكادو
راهم يزيدو المحبة والمودة
وحنا والووووو ويا ربي لا درنا كادو ستيلو وكادر تع 5 آلاف تع الورد وماشي حتى ورد شباب​

خصارة جيت زوالية لوكان سماوني هدية كل يوم كادو لواحد :shiny:​

مرسي سفيان على الموضوع
++تستاهل تقييم++
و
(ومبروك عليك الاشراف خويا تستاهل)​

تحياتي​

أهلا بيك بنت باباها
ههههههههه
اواه مليح القلب تاع الجلد
ياي انا بورتكلي وجامي جاني ههههه
حنا كي توصل للي كادو العقلية تفريني وتحبس
ههه
يعطيك الصحة بنت باباها وكي تدي الباك ان شاء الله تسالينا بكادو باهي ههههههه​

 

[محـ أمين مد]

عذراا صديقي لكن انا واحد من الناس اي حاجة الواحد يمدهالي ناويها كادو نقبلها عليه و نفرح بيها

لانو الكادو يا عزيزي ماجاش في ذاك الستيلو جات في هذيك الحية اللي خلات تعطي الستيلو

و الكادو البسيط كي ينمد لواحد . هذا الكادو ماراهش لروحو راه مصحوب بمشاعر بزاف ناس مايفهموهاش



موفقين ان شاء الله .
​

 

[ماكانش]

عذراا صديقي لكن انا واحد من الناس اي حاجة الواحد يمدهالي ناويها كادو نقبلها عليه و نفرح بيها​

لانو الكادو يا عزيزي ماجاش في ذاك الستيلو جات في هذيك الحية اللي خلات تعطي الستيلو​

و الكادو البسيط كي ينمد لواحد . هذا الكادو ماراهش لروحو راه مصحوب بمشاعر بزاف ناس مايفهموهاش​

موفقين ان شاء الله .​

أهلا بيك خويا محمد
ماهوش المقصود من الموضوع الإستنقاص من الكادو والستيلون وان القيمة بالكادو الغالي
لالا
ولكن المقصود علاه نفس الهدايا تتكرر وعينا نخرجو منها ؟؟؟​

 

[محـ أمين مد]

أهلا بيك خويا محمد
ماهوش المقصود من الموضوع الإستنقاص من الكادو والستيلون وان القيمة بالكادو الغالي
لالا
ولكن المقصود علاه نفس الهدايا تتكرر وعينا نخرجو منها ؟؟؟​

لا لا حتى انا ماتنويت والو صديقي

ها كل واحد والطريقة نتاع التفكير نتاعوا . و زيادة واش حاب دير كادو من غير هاذو

كلشي زادو فيه غير الانسان اللي بقى هو هو ههه
​

 

[الورد الأحمر]

هههه أهلا سفيان ... مالا رحت تحرق الوقت مع النقامي 2012 جدد
خخخخ ... والله يا الكادو ستيلو صفر كي الطاكسي ... باين لي داروهولها
مقتوليش خلاص ولا سلفتو تكتب بيه قالولها احكمو وكوم تعز هذو لي
صدقوه عليها حسبتو كادو ههه ...
صح احنا ما نعرفوش نديرو لي كادو ومن نهار عرفت صلاحي وبديت
نشوف بابا يروح للعراس وهو يدير كادو واحد ساغفيس فيه الصحونة
تاع لمرق وفيه لفناجن وكلش شغل كامل مكمل ... حتى تشهر بيهم
ولي يجي يتزوج من لافامي تاعنا علابالهم ديجا بابا واش رايح يجيبلهم
كوم كادو هههه بهدل بيا خخخخ ... هيا يعطيك الصحة والله ضحكتني
مغسي على الموضوع المميز ... ســـلامي
​

 

[ماكانش]

لا لا حتى انا ماتنويت والو صديقي ​

ها كل واحد والطريقة نتاع التفكير نتاعوا . و زيادة واش حاب دير كادو من غير هاذو​

كلشي زادو فيه غير الانسان اللي بقى هو هو ههه​

ههههههه
واقيلا كاين بزاف حوايج بالسومة تاع الستيلو هذاك
ماكانش يجيبلك قوفريط وخلاص ههههههههه​

 

[ماكانش]

هههه أهلا سفيان ... مالا رحت تحرق الوقت مع النقامي 2012 جدد

خخخخ ... والله يا الكادو ستيلو صفر كي الطاكسي ... باين لي داروهولها
مقتوليش خلاص ولا سلفتو تكتب بيه قالولها احكمو وكوم تعز هذو لي
صدقوه عليها حسبتو كادو ههه ...
صح احنا ما نعرفوش نديرو لي كادو ومن نهار عرفت صلاحي وبديت
نشوف بابا يروح للعراس وهو يدير كادو واحد ساغفيس فيه الصحونة
تاع لمرق وفيه لفناجن وكلش شغل كامل مكمل ... حتى تشهر بيهم
ولي يجي يتزوج من لافامي تاعنا علابالهم ديجا بابا واش رايح يجيبلهم
كوم كادو هههه بهدل بيا خخخخ ... هيا يعطيك الصحة والله ضحكتني
مغسي على الموضوع المميز ... ســـلامي​

أهلا بيك نور
ههههههه
فقتي بيا ؟؟؟ ههه مالقيت واش ندير قلت نخرج نقامي وخلاص ههههه
أو باباك ربي يحفظو راهو متهلي في الحالة يجيب سحونة وكيسان هههه
الجماعة كيسان ولا صحونة وفوت ههههه
يعطيك الصحة نور​

 

[arnouba]

اهلا الاخ سفيان
نشكرك على هذا الموضوع الشباب bon سي فري pغاسك قاع ناس عندها عقليه واش راحلي المهم ندي كادو رخيس او باين بلا مانكسر راسي نشريه عند الحانوت لي فل حومة انديرلو بابيي شباب او مانكتبش اسمي -يا اخي انا حايرة في ناس كيما هاذو-
جو pغيفاغ مانحدرش العرس و لا هاكداك
انا وحدة من الناس منحبش نحضر لعراس مي اذا فات او حضرت عرس ولا سبوع نمدهم دراهم -1000da- او 2 فوا مديت كادو كوكوت 9 لتر شريتها ب 2000da
انا في عرسي عانيت من لي سارفيس حتى عشيت نمد فيهم mais كاينين لي دارولي كادوات انا عجبوني كيما ميكسور روبو فيوز شابة لي درا......
هدرت بزاف راني عييت المهم اخي سفيان خليك دايما في القمة بمواضيعك
بصراحة انا قليلة المشاركات - نشوف الموضوع او مانشاركش -اسفة-:shay:mais نشكرك لانو بالصدفة قريت احد مواضيعك لي خلاني نعرف هاد المنتدى الجميل باعضائه صحيت بزاف

 

[ماكانش]

اهلا الاخ سفيان
نشكرك على هذا الموضوع الشباب Bon سي فري pغاسك قاع ناس عندها عقليه واش راحلي المهم ندي كادو رخيس او باين بلا مانكسر راسي نشريه عند الحانوت لي فل حومة انديرلو بابيي شباب او مانكتبش اسمي -يا اخي انا حايرة في ناس كيما هاذو-
جو pغيفاغ مانحدرش العرس و لا هاكداك
انا وحدة من الناس منحبش نحضر لعراس مي اذا فات او حضرت عرس ولا سبوع نمدهم دراهم -1000da- او 2 فوا مديت كادو كوكوت 9 لتر شريتها ب 2000da
انا في عرسي عانيت من لي سارفيس حتى عشيت نمد فيهم mais كاينين لي دارولي كادوات انا عجبوني كيما ميكسور روبو فيوز شابة لي درا......
هدرت بزاف راني عييت المهم اخي سفيان خليك دايما في القمة بمواضيعك
بصراحة انا قليلة المشاركات - نشوف الموضوع او مانشاركش -اسفة-:shay:mais نشكرك لانو بالصدفة قريت احد مواضيعك لي خلاني نعرف هاد المنتدى الجميل باعضائه صحيت بزاف

أهلا بيك أختي أرنوبة
يعطيك الصحة نورتي الموضوع
صح كامل كيما قلتي مايحبوش يكسرو ريسانهم، المهم جيب كادو وخلاص
وبيانسير يكون رخيس باش مايخسرش في لافار هههه
ممم فكرة روبو فكرة باهية
ياي كاين بزاف حوايجن حنا برك فليكادو تتقفل العقلية تاعنا ههههه

وأما كلامك هذا " نشكرك لانو بالصدفة قريت احد مواضيعك لي خلاني نعرف هاد المنتدى "

راهو شرف عظيم ليا​

 

[didin91]

dija vous avez de l'achance d'avoir eu un cadeau

 

[♫M♫ Mªríª]

le problème f les algériens mayhabouch ykesrou rashoum
w y7awsou tani 3la el khris bzzf
w kima 3labalkoum el haja li khrisà màchi chààba w généralment hiya daymén service ta3 el 9ahwa li fih ghir el kisààn

3là koul 7al koul wahed o ma9dourou
mé ki twéli tchouf nààs labààs 3lihoum yjiboulou service ta3 500 da
a3réf bli rahoum yetmésakhrou biik

allààh yahdinàà 3la koul 7aa

 

[zahya]

واش راك سفيان ...ليكادو عندنا حنا الجزائريين مشكلة كبيرة...نحكيلك على نفسي انا حبيت ندير كادو لزوج اختي بمناسبة حصولو على شهادة دكتوراء عييت بين لمحلات وانا نحوس على حاجة تليق بالمناسبة كيما قلت انت كاين غير السوايع ولا لي سرفيس مكانش اشياء مميزة ...دورت شحال في الاخير شريت كادر باسماء الله الحسنى ....مع اني منت نتمنى نشري حاجة مميزة ..مي الله غالب هداك واش كاين في المحلات....وفي عرسك انشاء الله نبعتلك ساعة نتاع الحيط ولا سرفيس كافي ماشي حليب ...خبرنا كي تنوي

 

[zagane]

سلام عليكم
نهد إليك كاد و فيه بطاريات باش تمشي ساعات الحيط لي مدها أصحابي ليك نهار تزوج

 

[i love me]

wash ya khoya jebnalek kado mamna3nash ........majebnach mamna3nash .....aaaaaaaaaaa anta sur hab haja kbira wa9ila hab the noble peace prize hhhhh hadou homa lè algèrien lhmd ki ytfakrouna bark psk kayn 3bad lezem hetta tfakerhom pah ytfakrouk

 

[ماكانش]

لي عودة
ربي يحفظكم

 

[la_safa]

تيـــــــــت آني جيت .. سيرتو حكآية لي كآدو :yahoo: ههه
اهلا خويآ سفيآن .. مبروكـ عليك الكولآر لزرق خرج عليكـ :shiny:

يآ سيدي حنآ ليزالجيريآن ندورو في نفس الكادوآت
يآ vــآز يآ سآعة يآ سيرvــيس تآع مآعن :yaw:...
هههههـ اما انا عندي غير لي كادو تآع الدبدوبآت :ans_flw:
حتى وين كي ديت لبيآم قاتلي ماما اطلبي واش حبيتي قلتلها دبدوب :shay: قاتلي
طيري من قدامي خير :tears: هههههـ

و انا دركـ حرت واش نهديلكـ على الاشراف تآعكـ
مممممم وآقيلآ عندي وحد الستيلو :um_sh: نغلفو و نجيبو :lolo: ههههـ

ايا دمـتـــــ وفي لهآذ لركن :showoff:
​

 

[ماكانش]

dija vous avez de l'achance d'avoir eu un cadeau

:shiny::shiny::shiny:

 

[ماكانش]

le problème f les algériens mayhabouch ykesrou rashoum
w y7awsou tani 3la el khris bzzf
w kima 3labalkoum el haja li khrisà màchi chààba w généralment hiya daymén service ta3 el 9ahwa li fih ghir el kisààn

3là koul 7al koul wahed o ma9dourou
mé ki twéli tchouf nààs labààs 3lihoum yjiboulou service ta3 500 da
a3réf bli rahoum yetmésakhrou biik

allààh yahdinàà 3la koul 7aa

أهلا بيك ختي
عندك الحق
كل واحد يتلام على حساب جيبو
وتبالي بزاف حوايج رخاس عندنا في الجزاير هههه
يعني الرخيس ومايتعبش راسو يخمم واش يدير هههه
يعطيك الصححة​

 

[حكاية احاسيس]

اه يا خويا ما عندي ما نقولك
اسفة مي نخلعة في كيفية تفكيرك يعني انت ما تقدرش قيمة الكادوا انا معليش كون يجيبولي استيلوا كادوا معليش على الاقل راهم تفكروني
الكادوا حاجة غالية و ابدا ما يهم واشن هو المهم انوا تفكرك و اعطهالك بوجه مبتسم
يا خويا راك غالط بزاف
في لعراس les servicesنتاع jusولا ... راهم ملاح خاصة اذا كانت المرة بدارها وحدها راه نقص عليها الشي و ساعى تاع حيط و اذا كان من الذوق الرفيع روعة تجي هايلة في الصالون
يا خويا اعتذر لكني شايفك ماتقدرش قيمة الهدية

 

[امورة المنتدى]

والله ياخاوتي هذوك الستيلوات تاع ألفين فرنك ألي فيهم البوطو هذاك من فوق يتحل ويتقفل، وكي تلعب بيه بزاف يفسد ههههه
ولونو صفر ومقشر شوي، ولا فيه بانتورة مانعرف هههههه
وباين ماتشراش مع حاجة ساعة ولا ، ماكانش ساعة صفرا باللون تاع الستيلو هذاك ههههه

ههههههه هدي العبارات موتتني بالضحك يا خويا سفيان
ليزالجيريان كيما قالوا قبلي ليكادو ديالهم بيزار هههههههه نجيبو حاجة تع الفراك شوية غلاف شوية سكوتش ونمدوها هههههههههه
سيرتو في لعراس تلقا الناس كامل يجيبو سيرفيس تع الما ههههههه
والله غير عقليتنا حصرية غير عندنا فقط
صحيت خويا سفيان كالعادة مواضيع روووووووعة
+تقييم​