ربي لاه يذكروه

FATIMA 19

:: عضو بارز ::
أحباب اللمة
إنضم
30 نوفمبر 2009
المشاركات
4,286
نقاط التفاعل
2,000
النقاط
191
العمر
30
محل الإقامة
سطيف
الجنس
أنثى
السلام عليكم.
واش راكم مع الثلج ؟
اليوم حبيت نشارككم في موضوع وان شاء الله يعجبكم؟
الشعر عند العرب هو أعذب الكلام والغنا أطرب الألحان,أما الآن تبدلت الأحوال عاد يلفظ بأبشع الكلام و أفضعه.
كنت مدايرة قناة mbc وفي pub نتاعهم علابالك قداه يطول دارو غناء نتاع واحد الفنانة الله لا يعرفني باسمها , في البداية ما طلعتش بيها ,مبعدا شد انتباهي واش راهي تهدر قاعدة تقول يارب سامحني ..........
هنا أنا حرت على واش يسامحها ؟ هي في حالة لا يحسد عليها وتقول يارب سامحني
و أيضا دايما ينعتولك فنانين مثلا كي يديرو معاهم لقاء صحفي ويسألوه عن هذه الموهبة منين جات ؟ يقولوهم أولا نحمد الله تعالى ونشكره على هاذ النعمة اللي عطاهالنا و هذا كلو رضاه علينا.
هنا ندوخ! ,ونقول لاه ربي سبحانو يوفق لما هو شر للناس أكل انا مالقيت مانقول غير كون مايجبدوش ربي في عفنهم ويروحو يسوقو سوقهم .
وكاينة حاجة مهمة اللي دوخت حتى الغرب, هي كي يغنيو يقولو الله الله يعني تعبيرا عن اعجابهم للأغنية في غنيتهم ويكروها الجمهور وراهم ويقولو يا الله.
كون جاو يفهمو كون يقولو يا ابليس , لأنو هو اللي وفقهم لهاذي الحاجة, وعطاهم الكلمات اللي في قاموسو اللي جبد منو نهار عصى ربي.
فلو كان الرسول بيننا( ..........................................
أنا نحوسهم يقولو واش يحبو في كلامهم الوسخ المهم ما يجبدوش ربي برك .
فواحسرتاه على ما آلت اليه أمتنا الاسلامية ؟
و يبقى كاينين عباد اللي مزالو يغنيو كلامهم نظيف و محتشم وخال من النجاسات.

وتختلف الآراء حسب اختلاف الأفكار والمفاهيم
أفيدونا بآرائكم

اليكم مني خالص التحيات
Fatima 19
 
أهلا بيك ختي فاطمة
و الله غير عندك الحق انا ثاني نحير في هاذو لعباد سورتو هاذو ممثلين و مغنيين ديرو حاجة تعصي ربي و من بعد يقولولك وفقني ربي يا ولدي من جاكم توفيق علاه ربي يبارك في حاجة مهوش حابها ليكم سبحان الله ربي يهدي ما خلق هاذا ماكان
تستهالي تقييم على هاذا لموضوع لباهي
 
السلام عليكم
أهلا بيك فاتي
موضوع باهي يعطيك الصحة
كيما هدرنا عليه من قبل و صحيتي راكي طرحتيه و خرج شباب هههه
نرجعوا للموضوع
تحيري فيهم علاش يديروها و ممبعد يجي و لا تجي تقولك ربي يسامحني !!!!!!
لا أدري هل هم يتعمدون ذلك راهم ماشيين مع الغنا تاعهم الخارج عن الأطر الاسلامية تماما كي اللحن كي الكلمات تاعهم لا تمت بصلة لما تربينا عليه
ربي يهدي ما خلق
 
بلا ما نجبدو الجانبـ الديني من الموضوعـ
لأنـ العلماء أجمعوا على حرمة الموسيقى الا بعض الاقلية
أنا نقولـ أنو الغنا تاع ضرك ولا مش عرض أزياء عرض أجساد و ما يقدرش العبد يسمع أغنية بلا كليب
لأنـ الاغنية بدون هاذاك الجسد العاريـ ما عندها حتى معنى
+
يزيدو يجبدو في اسم ربي علاه يعني؟؟؟
+
وينـ راهم الأغاني لي صح تسمعهم تتذوقهم و تحس بيهم
كي أغاني Edith Piaf و Aznavour و Johnny Cash و Ray Charles
و ما شابه طابعهم
بصح الناس ولات تسمع اغاني تاع نجوتاميك
ربي يجيب الخير
 
ايه صح شفتو
هي كلها من رجليها لراسها ذنوب

وقاعدة تستغفر

ربي يهدي ماخلق
 
شكرا على الموضوع الباهي
ايه عندك الحق mais واش تقول عاجبين رواحهم يحسبو رواحهم يقدمو في فن وربي راح يباركلهم واش يديرو
راهم غالطين
لي كانت تضحكني فيفي عبدو خطرة كانت داخلة ترقص وتدعي يا ربي وفقني
انا انداهشت واااااش في واش يوفقك ربي قولي ربي يهديني
بلا مانحكو على حاسبين رواحهم فنانين ومغنيين

 
هذا يقولولو
النفاق الجهري يعني علني
هاذو مايعرفوش ربي
لوكان جاو يعرفو ربي ويخافوه
مايذكروهش في نجاستهم



صحيتووو
 
وعليكم السلام

انا تاني قبيل برك سمعت مغنية دارت عنوان غنايتها
والنبي ...
لمصاروة يحلفو بالنبي
وهادا ماش صح من اصلو
سبحان الله هادو ماش عباد خلاه
الله يهديهم برك
صحيتي اختي على الموضوع
تقبلي مروري
 
ياحنونتي هو الغناء في روحو حرام وزيد يقولك كلام رزين وشباب مي ضرك راه كلشي عيب مع روحك ماتسمعيهش ماشي مع الغاشي
الحمد لله مانسمع الغناء مانعمر راسي بيه
والمغنيات هادوما ربي يهديهم برك ادايينها حرام في حرام وزيد الكليب كله اغراء وتقول ربي سامحني
روحي استري روحك وتوبي ومن بعد اطلبي السماح
سلامي واحترامي اختي
طولت عليك ههه
 
السلام عليكم
أهلا بيك فاتي
موضوع باهي يعطيك الصحة
كيما هدرنا عليه من قبل و صحيتي راكي طرحتيه و خرج شباب هههه
نرجعوا للموضوع
تحيري فيهم علاش يديروها و ممبعد يجي و لا تجي تقولك ربي يسامحني !!!!!!
لا أدري هل هم يتعمدون ذلك راهم ماشيين مع الغنا تاعهم الخارج عن الأطر الاسلامية تماما كي اللحن كي الكلمات تاعهم لا تمت بصلة لما تربينا عليه
ربي يهدي ما خلق
الله يسلمك حنونة
والله تحيري نتاع الصح
أنا نظن حتى الغرب مايقيسوش مقدساتهم بالكلام البذيء
شكرا على الطرح
 
ياحنونتي هو الغناء في روحو حرام وزيد يقولك كلام رزين وشباب مي ضرك راه كلشي عيب مع روحك ماتسمعيهش ماشي مع الغاشي
الحمد لله مانسمع الغناء مانعمر راسي بيه
والمغنيات هادوما ربي يهديهم برك ادايينها حرام في حرام وزيد الكليب كله اغراء وتقول ربي سامحني
روحي استري روحك وتوبي ومن بعد اطلبي السماح
سلامي واحترامي اختي
طولت عليك ههه
هههههه طولتي مرحبا بيك
ايه الغناء حرام صح حاجة باينة بصح يبركاو من الفتنة هاذو عباد مايلاقلهم والو
 
والله غير عندك حق في كل كلمة قلتيها، هو الشيطان يزينلهم أعمالهم ويقولو ربي راهو راضي علينا، ياخي حالة، ربي يرضى على أعمال الخير وماشي أعمال الشر( من سنة سنة حسنة فله أجرها وأجر من عمل بها إلى يوم القيامة، ومن سن سنة سيئة فعليه وزرها ووزر من عمل بها إلى يوم القيامة) بارك الله فيك حنونة.
 
هههههه طولتي مرحبا بيك
ايه الغناء حرام صح حاجة باينة بصح يبركاو من الفتنة هاذو عباد مايلاقلهم والو

يعني قوم جاهل واش راكي حابة يجيك منو
 
يقولوهم أولا نحمد الله تعالى ونشكره على هاذ النعمة اللي عطاهالنا و هذا كلو رضاه علينا.
والله صح عندك الحق ختي هاذي انا تاني شفتها قداه المرة يقولوها فالمقابلات حتى انا نولي نهدر بالمقلوب نقول كيفاه هاذي ولات نعمة
مي ختي واش رايحين نديرو ربي يهدينا هذا ماكان
انت قلتي لوكان بيننا الرسول انا نقول لوكان ماجاش بيناتنا احسن كان رايح يشوف الامة الاسلامية تاعو لي كان يدير كل مجهودات باه يوصلها لاقصى درجات الدين فالاخير يجي يشوفها كيما هكذا واش من امةى رايح يشفع فيها فالاخير
تقبلي مروري المتواضع اختي وكانت معك محبة الورد من وراء ليكرون ههه
 
يعني قوم جاهل واش راكي حابة يجيك منو

المشكلة ختي ماهمش جاهلين عارفين كل شي يديرو فيه راهو غلط بصح من أغفل قلبه عن ذكر الله هاكا يكون حالو راهي غشاوة عاميتهم.
 
المشكلة ختي ماهمش جاهلين عارفين كل شي يديرو فيه راهو غلط بصح من أغفل قلبه عن ذكر الله هاكا يكون حالو راهي غشاوة عاميتهم.
اهلا بك أخت
والله عندك الحق حاطين ارواحهم جاهلين مي كامل علابالي بهذا الشيء راهو حرام
بوركت على طرحك للموضوع
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top