آدم خرجاتو حواء......وحنا فطرناهم فرمضان

[ليليا مرام]

رد: آدم خرجاتو حواء......وحنا فطرناهم فرمضان

والله اني قريت موضوعك ونقلك وي كاين بزاف نسا ما يحشموش في رمضان اوموا احترام عظامة هاد الشهر مي ماشي نقلك الرجال ملايكة في رمضان اكيد .. هي نقولهالك لما يبدا رمضان كامل ناس تبدا زعما الالتزام وحرمة الشهر ومبعدا غير يدوخلو في الروتين تعود حليمة لعادتها القديمة على هادي نشوفو الحكمة من العشر الاواخر فيها ليلة القدر وفيها العتق من النار لأن مش اي واحد يقدر يواصل بنفس الريتم حتى نهاية الشهر وين يبدا التعب من شهر كامل من صيام
بخصوص ردي على مضوعك بالتحديد نقلك لا هدا يقول ولا داك يقول اللي يحب يصوم راح يصوم لنفسو وربي لي يحاسبو بلا مندخلو في جدال عقيم تاع المرأة ولا الرجل لأن لي حاب يصوم راح يجاهد نفسو من كل الشهوات لطيلة شهر كامل وربي لي يحاسب المرأة ولا الرجل لأن في فترة الصيام غير ربي لي يعلم الناس وش راهي تدير
نحييك على موضوعك المميز ختي .. ربي يوفقنا للصيام ويتقبل منا ان شاء الله
​

اهلا خويا مبروك عليك الاسم هذا والفنا بهش هش ضكؤر واش نقلشك روبن هود
نرجعو للسوجي خويا هشام عندك الحق ردك عجبني لانو كلام الصواب اللي يصوم يصوم لروحو ويخاف ربي قاع العام مش فرمضان برك مي الناس هبلو كيما قلت يصومو اول ايام وشادين رواحهم ومن بعد يرجعو عادي وكانو حاجة ماكان
راهم للزوج غالطين كالمرا كالراجل مي انا نقول المرا تفتنو وتلبس او تعري مي مراهش صغير ومن بعد يجي يقولي كاسية وعارية اللي يعرف ربي محال تزعزعو حاجة ولو راجل وما حكميش فنفسو يروح يتزوج ويحصنها مي رانا نشوفو العكس
الله يهدينا اجمعين شكرا خويا هشام وحتى مواضيعك روعة ماشاء الله
شكرا لك

 

[ليليا مرام]

رد: آدم خرجاتو حواء......وحنا فطرناهم فرمضان

مرة في الفايسبوك شفتهم يهدرو على الموضوع تاع لبنات ولبستهم
واحد من الفايسبوكيين قاللهم لوكان كل وحدة نشوفوها هكذا ندخلو
عليها بطريحة تتربا ما بقاتش تزيد تلبس هكذاك ولبنات لخرين ياخذو منها
عبرة بصح أنا بقيت نسقسي في روحي وعلاش حتى توصل الوحدة تخرج
بهذيك اللبسة ويضربها البراني على ذيك اللبسة وعلاش ماشي من الدار
يضربها باباها ولا خوها على هذاك اللوك لي تشوف فيه هي هبال ؟ يعني
الحل راه من الدار هكذا يظهري أنا ورايي من راي صاحبة الكاسكيطا الحمراء
​

السلام عليكم اختي اهلا وسهلا نورتيني
اييه يضربوهم انا لو شفت القروبب هذا نقولو اضربو رواحكم قبل وربوها واللي يبدا من الزنقة يبدا باهل بيتو وراني معاهم لو يبداو هكا الاصلاح ماذا بينا ينحو العرى علينا مي كيفاه اهل دارو عريانين ويروح يضرب بنات الناس او هو يظل وراهم يغمز ويبعث فالنيميرو ويجي يلعبها علينا الشيخ شمس الدين لالا اللي عينو يبدا بنفسو وبعدو يخرج لبرا
فعلا يخرج الاصلاح من الدار ويوصل للمجتمع كلو
شكرا اختي ميرال

 

[ليليا مرام]

رد: آدم خرجاتو حواء......وحنا فطرناهم فرمضان

شباب غير يهدر انا معاك اختي

السلام عليكم اخي
اييه الراجل في بلاصة غير يهدر على امور من بعد يروح يديرها ويلصق كل شي فاالمرا يشوف عيوبو ويبدا يصلح باهل دارو وبعدين يصلح حالو ويطيع ربي راه الحلال والحرام على الراجل والمرا مش المرا برك
شكرا

 

[ليليا مرام]

رد: آدم خرجاتو حواء......وحنا فطرناهم فرمضان

موضوع كما نبغي^^
مجتمعنا تفكيره يخليه ينتقد غي سلبيات المرأة وراجل عندهم نورمال
ما فيهش لعيب استغفر الله جملة راجل ما فيهش العيب محفوظة اكثر من الايات لي كيقراوها يلقاو كراجل كلمرا مي شا باغيين نديرو هي صح بلبسها الفاضح راهي آثمة مي هو بحال راجل الراجل معروف بتفكيره القوي ماشي ضعيف املا خصه يغض البصر بسيف عليه اذا كان صالح ومتدين وشفنا بزاف رجال هكا الله يبارك عندو غض البصر
صحا رمضانك أختي وربي يتقبل صيامنا ويغفرلنا

السلام عليكم اختي اهلا بيك
ايوا هذا بالضبط اللي نقصد فيه وما فهمونيش مارانش نقولو النسا ما يغلطوش لالا وشكون راهي قابلة تشوف هذوك العريانات والعجب مي وعلاه الراجل يغلط ويسموها نزوة وكل شي مبرر
ايوا هي لبست ووعرات وعلها هو صغير حتى يروح يزني او داتو بالذراع عليه يشوف مرة او زوج مش عشرين مرة وهو يشوف فالنسا ويقولك عريانات وانت فبلاصة رك تعبد فربي علاه راك فالزنق تعس فالنسا وحتى فالحومات واقف ويعس الطالعة والهابطة وفلانة عريانة وفلانة لابسة الجين ويخلطو فيهم فالطريق ويجرو وراهم ومن بعد يقعد فوسط الحومة ويدير التقرير ويهدر ويفتي روح اصلح حالك قبل
صحا رمضانك اختي ردك روعة نورتيني

 

[AmiR@RoRo]

رد: آدم خرجاتو حواء......وحنا فطرناهم فرمضان

السلام عليكم
هو لو نرجعو للاصل اللوم عليهم في زوج
يعني هي تاني تستر روحها ماشي ما حشمو لا فسائر الايام وزاد حتى رمضان ما يحشمو على رواحهم وينتهكو حرمتو
ومن جهة خونا تاني لازم يغمض عينيه يعني مشي تشوفها فايتة عليك تبقى عينك لاصقة فيها وتبعا لحتى وين ما تبقاش تبان ومن بعد تجي تلوم راهم يفطرونا
كما قلتي المجتمع تاعنا ديما يجي في صف الراجل ويدين المراة
هي ما قلناش هي خاطيها مي منهم في زوج
كل واحد يدير لي عليه هكا نتفاداو هاد الشكلات
ولي قلتي فليل تشوفي العجب هه
هادو وحدهم فنهار ما يدير والو زعما صيام ورمضان وكي يفطر خلاص كلش يجوز
تشوفي العجب العجاب فالسهرة وصباح يصبح صايم نورمال وكلشي محرم عليه وكي يفطر كلش يجوز وهكا لحتى يكمل الشهر هههه وحدهم العباد هادو
صحيتي خيتي

 

[ليليا مرام]

رد: آدم خرجاتو حواء......وحنا فطرناهم فرمضان

وعليكم السلام ختيتو
راكي محرشا علي الرجال ماعلاباليش علاه ههههه

:-h
السلام عليكم اهلا خويا واش راك
لالا مارانيش محرشة واش علاقة الموضوع بيا انا والرجال انا خاطيني وخاطيهم

الطفلة ماشي كيما الراجل و دورك ناتيك الاسباب
هذي اللي خلاتكم تخلو البلاد دايما كلمة المرا ماشي كيما الراجل هات نشوفو اسبابك

البنات كاسيات عاريات ....... يقولي كاسية وعارية وهو عينيه لاصقين فيها

كل انسان في هذه الدنيا ربي خلق فيه العريزة الي هي الشهوة
والانسان طبيعيا ضعيف من هاذ الشيء لكن المشكل عندما تصبح الفتاة تظهر مفاتنها وهاذ شيء محرم في الدين الاسلامي
وكل شخص يعرف هاذ
بصح نتوما واش جات تلبسو تبانلكم نورمال بصح حنا ماتبانلش نورمال :s

ايوا هنا راني معاك مي ارواح انا وانت نفسرو
اييه الراجل عندو غريزة مي ربي طلب من المرا تستر روحها وعلاه انا ضدها لالا محال مي واش طلب من الراجل يغض البصر ويصوم حتى يحصن نفسو لو ما قدرش على الزواج مي هو فبلاصة هذو لالا يروج يدير رايو ويقولك المرا عريانة وما قدرناش لالا تقدرو

وعلاه ما شفتش لما طلب ربي منك تغض البصر او هذي ما قريتهاش

ولينا لازم الطفلة تلبس واش تحب حرية شخصية اومبعد يجوك م كوتي تاع الدين ويقولك لازم نتا تغض البصر ربي قال هاكذ حرام تشوف
راكي فاهما ..؟ :-o
لالا ما قلناش تلبس ونتوما صاني ما تجوش من كوتي دين وتلعبوها تفتو علينا الحرام والحلال عليكم وعلينا الزاني والزانية هذي ما تنساهاش المرا ما تزينيش مع فريجيدار راه راجل يا واسمك
هذي ربي قال كذا والرسول عليه الصلاة والسلام تهدروها نتوما باللي توالمكم رايح لرونديفو ويقول يا ربي وما نلقاهاش راحت ياخي حالة :p

واحد ورا وحدة ويحوس يدي نيميرو تلفون وهي تلعن فيه

هاديك بكري دورك ولاو هوما يدراكيو نقلبت العقلية
اييه صح وانا درت عليها موضوع ومانيش ناكرة مي انت ماراكش صغير عندك عقل قادر تسبها تلعنها مش تبعها وتقولي راهي هي وانت وين مختل عقليا عمى او بيبي

روح راك صايم احشم على روحك

اللهم اني صائم :s
امين اللي يتقبل منك ومنا

آدم خرجاتو حواء رضي الله عنهما ....... هذي شدوهانا من قرون

هذه مشيئة الله
والله اراد هاذ الامر
لكن المشكل لماذ الشيطان ذهب ليوسوس لحواء ولم يذهب ل ادم
...
اييه نشدوهالكم لانو ربي دار الحكمة وحتى نتكاثرو ويكون ادم شريك حوا وسوس للمرا لانو قتلك حكمة لوما هي لما هبط آدم لما راني هنا ضرك
مي ضرك التوسويس رجع على الزنا والحرام وغيرو راك فاهم
مي واش نقولو يقرا نص قرايا ويلعبوها علينا علماء يا ربي يقرا مساج

نتي كاش نهار شتي امراءة عالمة معروفة ودارة كش حاجة في اي مجال ياك من القرن الحجري الي الان
كع رجال :regards02:
اواه هنا راك غالط المرا نجاحة فكل مجال ورانا نشوفو فيهم على اقها عالمة فدارها هذي اقل شي
وشفت عالم حياتوعادية وهو ما عندوش مرا اغلب العظماء سبب نحاجهم مرا


لو ينجح الراجل عمرو ولا يقول المرا سبابي يا حسراه تقول انت اخترع الذرة

وراء كل رجل عضيم امراة
ووراء كل امراة ناجحة رجل حزين :down:
لانو الراجل يغير من نجاح المرا يموت تحكمو آري كاردياك تغيضو عمرو الله غالب

يا راجل ولي لعقلك انت فاشل وحنا علاه

الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان عليا كبيرا
نعم مي الرجال قوامون على النساء القوامة فهمتوها بالعكس الراجل قوام وينو دورو وعلاه كي قوام يرقد والمرا تخدم وتجيبلو وكي قوام علاه راقد وختو تخدم مسكينة ويا ريت سالكة معاه وكي قوام المرا تخدم وتجري وتتعب وتجيب ولادها من ليكول وهو يتكسل
القوامة راهي باب كبير ما نظنش راه عند شبابنا اليوم الا من رحم ربي راهي القوامة عضلات ضرك
لوكان ماشي حنا راو داكم الواد
كيما قالي واحد المرا لوكان عام كومبلي ونتا دير فيها الخير نهار مديرلهاش تقولك نتا عام كومبلي مادرتلي والو ..
واش من واد الله يهديك مليار مرة ناجحة بلا راجل في كل شي نمدلك مثال صغير المرا يموت راجلها عادي تكمل وتربي ولادها وقايمة دارها وتقريهم ويخرجو اطلباء واساتذة ومهندسين ارواح للراجل مرتو ميتة منا وهو فالجنازة يحوس على مرا
هذي الهدرة ليكم حنا نخطوكم يديكم الواد شوف لو تغيب امك برك ربي يحفظها واش يصرا فالدار

في الاخير
ربي خلقنا لبعض باش نعيشو كيف كيف
وهذه سنة الحياة

كل واحد وتربيتو
وخلاصة القول
ربي يطيحنا في زوجة صالحة ونعيشو في سلام
حنا نحبوكم هذي هي الحقيقة :love01:
سلام​

انشكرك بزاف على ردك ويعطيك الصحة لانو نحب النقاش
فالاخير فعلا ري خلقنا لبعضانا مي واحد ما يظلم واحد

 

[ليليا مرام]

رد: آدم خرجاتو حواء......وحنا فطرناهم فرمضان

السلام عليكم احتي عندك الصح انا في رأي في اثنين غالطين البنات لازم يستروا ارواحهم وما تتعوج وهي تمشي كاين بنات تلقيهم لابسين واحد لبسة مغبونين بيها وما عارفينش يمشوا بيها كي تفوت على ه>اك المخلوق مسكين تبان له حاجة واحد اخرى تلقيه يترصد وديرونجي وهو ما عابيش بروحه .. اما ليجون الي ما عنده ما دير يشد الحيط والي تفوت عليه يعلق عليها ويجبدها و عندوا كي حكمت كي ما حكمتش كيف كيف​

السلام عليكم اختي ترياق نورت الصفحة
اكيد للزوج غالطين انا ما نقولش النسا خاطيهم لالا مرات نحشمو انو حنا نسا كيفهم على خاطر بهدلونا الصراحة مي الراجل ماراهش بيبي او ما عندوش عقل يغلطت ويزني ويقول المرا فتاتني لالا وعقلك وين راه اييه مي ذاك المخلوق يا اختي يعرف صوالحو ماراهش صغير اييه نفسو والغريزة ربي دار حل اما يصوم اما يتزوج او يغض البصر مدلو حلول وعلاه ربي دارهم لانو عارف انو راح يجي زمان التعري وفرض على المرا الحجاب والتستر انا مش نبرر للنسا افعالهم مي نقول انو الراجل مساهم بشكل كبير لانو قادر يمنع الغلط على نفسو على الاقل
الله يهدينا ويهديهم اجمعين من المفروض نصلحو حنا من انفسنا ولو رفضنا هوما يسعاو يصلحونا من والو يا اختي عاجبهم الحال
شكرا لك

 

[ليليا مرام]

رد: آدم خرجاتو حواء......وحنا فطرناهم فرمضان

السلام عليكم
اياي بركاينا ديما نتو تغلطو وتحصلو فينا

السلام عليكم سكر افتدي نورتني
ما نبركاش حنا نغلطو مع شكون مع فريجيدار او مع حيط ياخي الراجل ثاني يغلط او ملاك واقيل راكم كاريين بلاصة فالجنة ياو الحلال والحرام عليكم وعلينا المرا تغلط والراجل يتبع او يساهم راهربي قال الزاني والزانية احنا نعرفو خير منو وعلاه ما قالش الزانية فقط لانو عارف انو الراجل يشارك

ديجا علبالك راكي انت دافعي على هذوك الكاسيات العاريات

واقيل راك صايم قبل من الشعب انا مارانيش ندافع يعني دايما تقراو ظل الموضوع
خونا سكر انا راني نقول الراجل عاجبو الحال ما يجيش يفتي ويلعبها يعلق على النسا وناسي روحو وما ضرببنيش سلك مصدي حتى ندافع عل العريانات ميس الواقع لازم نقولوه المرا اييه كثرتها وراني معاك مي الراجل ماراهش طفل صغير عندو عقل يعرف وين الغلط والصح

وتقولي بلي الأولى الرجال هوما لي يغضو البصر تاعهم

اييه وعلاه جبتها من راسي ربي مدلو حلول انو يغض او يصوم او يتزوج وعلاه من هذو الثلاثة ما يديروهاش ويجرو وراهم علاه

ياك انت متحجبة


اكيد الحمد لله


وساترا روحك
ربي يحاسبنا كل واحد على فعايلو ماشي على فعايل الناس

ايوا وكي انا ساترة روحي لازم ما نحكيش على الناس لالا مش نحاسب فعايل الناس لازم نحكو لازم الواحد يعلق ويحكي املا علاه درتو منتديات
لو نخافو من النقاش ونقولو هذي تخطي راسي انا ما نحكيش لو الامة خربت لالا تشوف حاجة احكي من حقك اكيد ما ندخلوش انا مراحش نقول للمتبرجة بالذراع ديري حجاب ربي يسهل عليها مي انا لو كانت مقربة ليا ننصحها ونخليها
معناها انت تشوف وحدة مقربة منك متبرجة او كاش ما دير تقول تخطيني انا راح نتحاسب على فعايلي لالا سكر افندي مالازمش هكذا

راهو جاي وقت تولي لمرى تتبلى في مرا ماشي الراجل لي يتبلى

امممم عليها راكم فرحانيين اييه اللي مرا نتاع الصح وبنت الراجل والله ما ديرها لو يموت ما نتبع راجل او نطيح بروحي محال لو نموت
واللي الله غالب عليها تخاف تبقى وحدها هذا راييها

أقدري تضي بصرك معا هذوك
اييه قولهالي ديركت ما نقدروش نغضو البصر معناها تحبو تكرهو حنا نشوفو ونشلو عينينا اييه سكر افندي الصراحة راحة احكو ما فيها والو مي ما تقولش نتوما النسا مساكن كاللي نتوما ملايكة

هاي ختي الزهرة الحمرة قالت كلام زين
متزعفيش عليا ختي مريم هذا هو النقاش ههههه
يعطيك الصحة​

علاه نزعف خويا سكر لالا محال اكيد من حقكم النقاش وعلاه لازم انا رايي يكون صحيح لالا محال انا نمد رايي ونتوما نعرف رايكم
ويعطيك الصحة خويا

 

[ليليا مرام]

رد: آدم خرجاتو حواء......وحنا فطرناهم فرمضان

الموضوع شقين :
شق يدافع عن الكاسية باستعمال حجة غض البصر للرجل
والشق الثاني يلوم الرجل تحت عذر انه صاحب الدابة

السلام عليكم اخي
لا ادري ان انا اخطأت في الكتابة فوصلتك ان هناك شق يدافع عن الكاسيات لا ابدا اخي الكريم
لا نلوم الرجل لانو الدابة بل لانه صاحب القوامة على المرأة

ملاحظة :
اذا لم تمتلك الكاسية العارية دراية تامة بانها مخلوق ناطق عاقل فلن الومها اذا استعملت
حق الدواب في الدفاع عن صفة التبهم او التعري

الكاسية او العارية مخلوق وليست دابة وهذا في حد ذاته ليس دفاعا عنها بل لان الله فرق البشر عن الدواب سواء كانت إمرأة او رجل وانا هنا لا ادفع اكرر
كلمة دابة لا تقال لا على الرجل ولا على المرأة احتراما لحكمة الله في خلق مخلوقاته والتفريق بينهم
وانت تقول ان المرأة لانها تعرت فهي دابة وليس لها حق الدفاع عن نفسها
حسنا ما رايك ف
وكلكم راع وكل راع مسؤول عن رعيته ما رأيك فيه ام هنا ايضا
لا يجب ان نلوم الرجل عن اهمال واجباته

والرجل مطالب بغض البصر وليس مطالبا بتغيير الطرق والمشي على الارجل وعدم استعمال
الباص والمواصلات و اجبارية استعمال ماسك التنفس حتى يبتعد عن الرائحة الزفتية
التي تنبعث من تلكم الفتيات
الرجل مطاب بغض البصر والصوم والزواج ليبتعد عن كل حرام
اما الرائحة والله اخي لوما ترك الرجل اموره تتعفن لما وصل لشمها
اخي الرجل حتى لا يشم ما حوله يجب ان يكون نضيفا ويراعي نظافة محيطه
هل تترك حيك وسخ وتلوم الاوساخ على انطلاق الرائحة طبعا لا


الرجل مطالب بغض البصر وليس مطالبا بنزع عيناه وبصورة سهلة وبسيطة
اذا طبق غض البصر فحري برجال اليوم ان يلتحقو بمدارس العميان
حتى يتعلمو لغة البريل واستعمال العصى الخاصة بالمكفوفين
هناك فرق بين ان يغض الرجل بصره كما كانت الصورة القديمة للمراة

لو كان الامر كما تفضلت لخلق الله الرجال كلهم اعمياء ولكن هناك عمى البصر وهناك عمى البصيرة وهنا فرق اخي
وهل منع العمى المكفوفين من تكوين اسر والزواج لا لما لانهم طاهرون وهناك من هم يبصرون ولكن بصيرتهم عمياء
الفرق اخي ليس فالغض ولا القبول بالحرام
الرجل يجب ان يعرف واجباته وما عليه
وانا ما قصدته من الموضوع انو الرجل لا يجب ان ينساق وانا ضد النساء وتاكد لو بيدي لفرضت الحجاب لو كنت رئيسة بلاد لكن ليس الامر بيدي وانا لست ضد الرجل انا اقول لا ينساق وراء النساء ومن ثم ياتي ويقول المرأة فيها وفيها طيب اين اخلاقك واين تربيتك واين خوفك من الله واين كل هذا حين تنجر وراء كاسية ثم تقول المرأة فيها وفيها لا ابدا له عقل والحلال والحرام على الرجل والمرأة
الزاني والزانية ولم يقل الزاني وفقط
كاسية واحدة عند الف رجل واليوم كاسيات بالآلاف ورجل واحد
وفي الاخير ميزان مرتاب ومعادلة لا تصح ابدا واجحاف في حق
الرجل من ارادت التعري فلها ذالك وهي حرة في امرها

لا لا يوجد ميزان اصلا اخي نحن لا نريد لا عدل ولا شي ولا ندافع قلن لك وقلته في كل الردود
نحن نساء ونريد وضع حد للنساء اللواتي بالغن في التبرج ولكن ايضا الرجل مشارك كاب او اخ او زوج مشارك بكل الطرق
لا ليس لها ذلك اين دورك كرجل لمنع هذا

لكن ان تدافع عن حقها في ان تستر عوراتها الظاهرة بحجة البصر
فالاسماك التي تغوص في اعماق البحار لا تستطيع ان ترى الزرقة الخارجية​

لا لم نقل تدافع عن حقها ابدا وقلت لم الومك لربما نمط موضوعي اوصلك لفهم الفكرة كما وصلتك
شكرا على ردك الرائع نورت صفحتي واتمنى رؤية ردودك في كل مواضيعي جزاك الله كل خير

 

[ليليا مرام]

رد: آدم خرجاتو حواء......وحنا فطرناهم فرمضان

اختي راكي في لافريك و ايكزاكت في لالجيري
كل شيء متوقع
حدث ولالالالالالالالالالالالالا حرج
مصبتش رد مناسب​

السلام عليكم
اهلا وسهلا اختي نورت الموضوع
والله مش لافريك اللي فوق لافريك راهي مسكينة لافريك تبلات وبرك
شكرا نورتيني

 

[ليليا مرام]

رد: آدم خرجاتو حواء......وحنا فطرناهم فرمضان

السلام عليكم
هو لو نرجعو للاصل اللوم عليهم في زوج
يعني هي تاني تستر روحها ماشي ما حشمو لا فسائر الايام وزاد حتى رمضان ما يحشمو على رواحهم وينتهكو حرمتو
ومن جهة خونا تاني لازم يغمض عينيه يعني مشي تشوفها فايتة عليك تبقى عينك لاصقة فيها وتبعا لحتى وين ما تبقاش تبان ومن بعد تجي تلوم راهم يفطرونا
كما قلتي المجتمع تاعنا ديما يجي في صف الراجل ويدين المراة
هي ما قلناش هي خاطيها مي منهم في زوج
كل واحد يدير لي عليه هكا نتفاداو هاد الشكلات
ولي قلتي فليل تشوفي العجب هه
هادو وحدهم فنهار ما يدير والو زعما صيام ورمضان وكي يفطر خلاص كلش يجوز
تشوفي العجب العجاب فالسهرة وصباح يصبح صايم نورمال وكلشي محرم عليه وكي يفطر كلش يجوز وهكا لحتى يكمل الشهر هههه وحدهم العباد هادو
صحيتي خيتي

السلام عليكم اختي اميرة
اهلا وسهلا نورتيني
والله يا اختي راكي فهمت موضوعي انا ما نقولش النسا هذو خاطهم لالا على العكس انا ضدهم ونكره ذوك الاشكال مي ثاني الراجل ما راهش صغير يعرف صوالحو لوما هو يرضى ماراحش تديه بالذراع عليه كيما قلت تفوت وحدة يصكانيها ومن بعد يقولك غواتني علاه انت واش روبو ما تقدرش تتحكم فروحك روح صوم روح تزوج والله متزوجين ودايرن رايهم معناها ها فيروس فيهم ما عندهاش المرا علاقة وكاين نوع المرا محجبة ما يبان والو منها وتلقايه كالجرب لاصق فيها هذو هنا ثاني هي غواتو
مش كل شي المرا الراجل كبير وبالغ ويعرف الحلال من الحرام
الحمد لله ربي عادل وراه يشوف لو جات ليهم يدو الجنة كلهم ليهم قالك يموتو ويتزوجو حور العين ياخي حالة يدير الكحلة من التوت ويستنى يموت كالصحابة ويدي حور العين مرات يغيضوني
الله يهدينا ويهديهم
ايوا يسلم فمك راه فالليل يدير رايو وينوض مع المغرب يدوش وياكل ويخرج لنفس السيناريو ويجي يقولك النسا فتاونا وما قدرناش نغضو البصر شوف اسيدي
تمسخير
شكرا لك

 

[شمس الاصيل2]

رد: آدم خرجاتو حواء......وحنا فطرناهم فرمضان

المهم طيبونا برك نلقوا واش نفطروا خير ماروحو لديار الرحمة

السلاام والله غير ضحكتني تقبل الله منك اخي

 

[شمس الاصيل2]

رد: آدم خرجاتو حواء......وحنا فطرناهم فرمضان

لو كان يعرف الشباب غض البصر واش يدير واحد ما يشوف في وحدة ربي يهدينا ويسترنا امين

 

[ليليا مرام]

رد: آدم خرجاتو حواء......وحنا فطرناهم فرمضان

لو كان يعرف الشباب غض البصر واش يدير واحد ما يشوف في وحدة ربي يهدينا ويسترنا امين

السلام عليكم اختي
اهلا وسهلا نعم غض البصر حنا ما قلناش على جال نقولو حنا نسا مش غالطين لالا مي اولى الراجل يظل ديما يشوف ويتبع ويلوم المرا روح دير حل من الحلول اللي ربي مدهالك وانت تفتي افتي لروحك قول نغض البصر لو ما قدرتش نصوم او نتزوج لالا هوما يعلقو وبرم
امين الله يهدينا ويهديهم شكرا

 

[laid_dial]

رد: آدم خرجاتو حواء......وحنا فطرناهم فرمضان

لي دوخني لديوث لي خلها تخرج

 

[ليليا مرام]

رد: آدم خرجاتو حواء......وحنا فطرناهم فرمضان

لي دوخني لديوث لي خلها تخرج

السلام عليكم
يعطيك الصحة خويا هذا هو اللي خلاها تخرج واش طينتو وتلقاه برا داير الجمايع ويفتي على الكاسيات وخوتاتو دايرين ظل
اللي يصلح يبدا بدارو واهلو وبعدو يروح يشوف برا
شكرا لك نورتني

 

[نجيب]

رد: آدم خرجاتو حواء......وحنا فطرناهم فرمضان

في رايكم شكون الغالط

انت الغالطة هدرتي على الرجال بصفة عامة و صورتيهم في هد الموضوع كأنهم سواسية و جهلة و شواد

و ين يشوفوا بنت يلصقوا بعينيهم و نهار رمضان يرقدوا النهار كامل

و نسيتي النساء و صورتيهم بأنهن ضحايا هد الرجال لي تكلمتي عليهم

و شفت تعليق تقول فيه واحد الاخت لوكان الرجال يغضوا البصر ميكونش هد المشكل

و شفت تعليق الاخ محمد لي قال شفت بيوت دعارة مفتوحة في رمضان

انا نقول لوكان البنت تكون مستورة مكانش لي يشوف فيها و ميكونش فيه بيوت الدعارة

و منيش نحكي على النسا كامل راني نتكلم على النسا لي راهم في بالكم و في بالي .

ليجون صح ملزومين بغض البصر
او تشوفو النسا يغلطو واش الحل في رايكم ؟

الحل نهار نسا ميرجعوش يحكموا و الرجال يحكموا في بناتهم و في تربيتهم

ميكونش فيه مشكل

وعلاه الراجل ديما يعلق فشلو وينسب كل شي للمرا

ايه عندك حق و البرهان على دالك كتبتي موضوع بلا مرأة و هي تتحمل اكثر من نصف المسؤولية

ليس كل المسؤولية اقول .

موضوع ليس حيادي صور الرجال على شكل ارهاب يغتصب كل فتاة تمشي امامهم .

ردي واضح جدا لا يحمل اي حقد لك انت كتبتي الموضوع كما أردت و انا اجبت كما قرأت موضوعك

تقبلي نقدي

لك كل الاحترام و التقدير.
​

 

[ليليا مرام]

رد: آدم خرجاتو حواء......وحنا فطرناهم فرمضان

في رايكم شكون الغالط

انت الغالطة هدرتي على الرجال بصفة عامة و صورتيهم في هد الموضوع كأنهم سواسية و جهلة و شواد
السلام عليكم اخي ومسرورة جدا لتواجدك في موضوعي
راح نشوف غلطي وناقشك لا مشكل اتقبل رأيك بكل صدر رحب
لالا خويا نفهمك حاجة على مواضيعي انا مش كل موضوع ندير جملة حاشا البعض لما يديت الموضوع ببديتو بصيغة الجمع وكملت حتى ما قلتش مرا وقلت رجال هنا تقول غلطت انا قلت نسا ورجال ولو هكذا نولي كل موضوع نقول حاشا البعض

و ين يشوفوا بنت يلصقوا بعينيهم و نهار رمضان يرقدوا النهار كامل
يا اخي اكرر لما ملا معلم يحكي فالقسم على ظاهرة معينة ويجمع كل التلاميذ مش لازم راه يحكي عليهم كلهم لالا خويا راه يلقي فشرحو ويفهم على الجميع
هكذا انا مش نفهم فيكم حاشا انا قلت رأيي حيادي او ضد لالا انا طرحت فكرة نشوف رايي او رايكم نشوف فالنقطة هكذا ونتوما تمدولي رايكم
كاين شباب يرقدو نهار كامل واخر قلنا يخدمو فعز الحر فالصحرا وناقشنا مواضيع اخرى حكينا على صبر الخدامين وتافف القاعدين يعني كل مرة ناقش ظاهرة

و نسيتي النساء و صورتيهم بأنهن ضحايا هد الرجال لي تكلمتي عليهم

لا ابدا ما نسيتش النسا على العكس وقت نطرح موضوع على النسا نحكي بكل صراحة ولو على نفسي مي فالظاهرة هذي انا قلت الراجل عندو المسؤولية
ويغض البصر لانو ماراحش يقدر يصلح المجتمع كلو ربي مد حلول الغض والصيام والزواج وغيرو ومش نافية فعايل النسا لالا


و شفت تعليق تقول فيه واحد الاخت لوكان الرجال يغضوا البصر ميكونش هد المشكل

لالا ما قلتلها لو يغضو البصر ما نوصلو لهذي لالا
الراجل مش كل مرة يشوف ويرجع يقول المرا تفتيني وغواتني لو انت كرجل تظل تشوف علاه ترمي اللوم على المرا ولما تعرف روحك تخاف ربي مهما تكون لابسة ما تشوفش فيها
اييه النسا 90 بالمية غالطين مي الراجل عندو دور كبير كأب وكاخ وكزوج
المتبرجة وغواتو والمتحجبات ثاني غواوه خويا كاين هذي الامور مارانش نخترعو


و شفت تعليق الاخ محمد لي قال شفت بيوت دعارة مفتوحة في رمضان

انا نقول لوكان البنت تكون مستورة مكانش لي يشوف فيها و ميكونش فيه بيوت الدعارة
ايوا هنا راني معاك وين الاب والاخ والزوج علاه ما ستروش
وبيوت الدعارة لوما يروحو ليها الرجال ماراهم كايين
يعني كاين فعل وكاين رد فعل مقبول وعادي جدا عند البعض
يعني الرجل نقولها ونعاودها مش صغير تجرو المرا من وذنو

و منيش نحكي على النسا كامل راني نتكلم على النسا لي راهم في بالكم و في بالي .
انا حتى لو ما كتبتش الجملة هذي نفهم ماراكش على الجميع لانو مش بالضرورة
لما تكون توالف شخص وكلامو ونقاشو راح تعرف واش يقصد بلاما تنبهو دير حاشا البعض
رايك محترم جدا واحب تواجدك بمواضيعي ومش محتاجة تكتب جملتك هذي حتى نعرف واش تقصد لانو نعرف تناقش على فئة واضحة

ليجون صح ملزومين بغض البصر
او تشوفو النسا يغلطو واش الحل في رايكم ؟

الحل نهار نسا ميرجعوش يحكموا و الرجال يحكموا في بناتهم و في تربيتهم

ميكونش فيه مشكل
يعطيك الصحة راك رجعت لكلامي لازم الراجل يدخل كمسؤول وكراع وكقوّام لازم يدخل مش يشوف ويتبع ويروح ورا الحرام ويقول المرا جرتني
راه العقاب على المرا والراجل لانو مش معاق ذهنيا حتى مشاتو كيما حبت راه عندو عقل

وعلاه الراجل ديما يعلق فشلو وينسب كل شي للمرا

ايه عندك حق و البرهان على دالك كتبتي موضوع بلا مرأة و هي تتحمل اكثر من نصف المسؤولية

ليس كل المسؤولية اقول .

كيفاه كتبتو بلا مرا انا جبت موضوع نعالج ظاهرة نتاع الراجل يخلي مسؤوليتو ويلوم ديما المرا فالفشل وطرحت كمثال موضوع الافطار فرمضان والفتن وغيرو
لما نعالج موضوع يخص المرا ممكم ما يكونش الراجل عندو دخل ماراحش نحكي على الرجل يعني حسب الموضوع خويا
وانا ما قلتش المرا خاطيها ارجع لردودي تلقها وراح تشوف مواضيعي منا وجاي او ارجع للاولين راح تعرف اني عالجت مواضيع تخص المرا وحكيت على واش دير عادي
يعني مجرد ناقشو المواضيع مش نستثني فالمرا والدليل اول مواضيعي حكيت على النسا اللي هوما يتبعو فالرجال


موضوع ليس حيادي صور الرجال على شكل ارهاب يغتصب كل فتاة تمشي امامهم .
لو لو صورتهم ارهاب لو جبت خرايب اكبر ممكن قريب الوقت صح
وعلاه ما راهمش كاين رجال يغتصبو بنات صرات ومن محارم ما خرجتش للزنقا فالدار ومن المحارم نقولو الله يسترنا خويا لانو صح المجتمع فيه امور كارثية


ردي واضح جدا لا يحمل اي حقد لك انت كتبتي الموضوع كما أردت و انا اجبت كما قرأت موضوعك

تقبلي نقدي

لك كل الاحترام و التقدير.
​

ولما الحقد لالا انا ما نفهمهاش هكذا لانو الحمد لله بيناتنا كل الخير خويا من حقك ترد وانا من حقي نطرح افكاري
ولك كل الاحترام مني واتمنى دائما وجودك فمواضيعي
شكرا واكيد نتقبل ردك ورد كل الاخوة

 

[نجيب]

رد: آدم خرجاتو حواء......وحنا فطرناهم فرمضان

ولما الحقد لالا انا ما نفهمهاش هكذا لانو الحمد لله بيناتنا كل الخير خويا من حقك ترد وانا من حقي نطرح افكاري
ولك كل الاحترام مني واتمنى دائما وجودك فمواضيعي
شكرا واكيد نتقبل ردك ورد كل الاخوة

الأن أقول لك أنك فتاة دكية جدا و لك نظرة واسعة و طريقة خاصة

في التعامل مع مثل هده المواضيع و الردود .

كيما نقولوا قتلتيني بالبارد مرسي عليك

بارك الله فيك اختي

و لك كل الابداع ​

 

[ليليا مرام]

رد: آدم خرجاتو حواء......وحنا فطرناهم فرمضان

الأن أقول لك أنك فتاة دكية جدا و لك نظرة واسعة و طريقة خاصة

في التعامل مع مثل هده المواضيع و الردود .

كيما نقولوا قتلتيني بالبارد مرسي عليك

بارك الله فيك اختي

و لك كل الابداع ​

اهلا اخي
والله الله يحفظك وشهادة اعتز بها وصدقني من اول دخولي هنا وردودك من اروع الردود التي مجرد نشوف اسم العضوية نعرف انو عندو نظرة فالامور ونقرا ردودو باهتمام وابدا ما نتقلقش من نقدك لا محال لانو انا مش متعصبة لرايي الغلطة البعض يفهم محاولتي لشرخ فكرتي انو نتعصب لو نقول رايي هو صح لا ابدا انا فكل رد نحاول نشرح فكرتي ونظرتي كيفاه طرحتها واكيد رانا خاوة وخوتات وماذا بينا نتعلمو من بعضانا واللي غلط يتجاوز ويسامح
ومني لك كل الاحترام ورجاءا داوم على النقاش معي فاي موضوع لانو فعلا نعتز بتواجد افكارك فمواضيعي
وصحا رمضانك