جلسة استدعاء " الهلاليين و الزلابيين " ؟

[الصحافية الساخرة]

السلام عليكم و رحمة الله و بركاته

واش حوالكم إن شاء الله كامل راكم بخير

اللي هنا و اللي ماشي هنا ..

هذا الموضوع خاص بالأعضاء القدم ،، قلت : " بلاك يحياو من جديد و نشوفوا

حروفهم هنآ من جديد "

بعد ما سجلت هنا فاللمة لقيت روحي ندور بين " أعضاء 2013 - 2017 "


"2008 - 2012" حبات قليييييلة و ناذرا ما تبان


علاه ؟؟ .. بعيدا عن الظروف و الأسباب خلونا من الحكاية هذي

كاين اللي راهم متواجدين ديما بصح ما يبانوش غير مع الجيل تاعهم


عآيشين على الذكريات ،، على السندباد البحري و البري و الجوي ههه

تآكل الجاج آاااه ، والى ما تاكلوش الجاج كاين الياوورت زكارة فاللي حسدونا

فيه

ها اظهروا زمان بكري ،، خلونا نديروا صور تذكارية معاكم

خلونا من الجملة المشهورة تاعكم اللي ديما تڨولوها :" تبدلت اللمة ما بقاتش

كي بكري " ، كلشي يتبدل ها و علاه العالم ما تبدلش ياك راح زمان

التنقل بالبغال و زمان فيروز و عبد الحليم راحو ها رانا دوك مع الأنثرنيت

و راني زعفان هههه ،، آاااه فهمت راكم زعفانييين !! قلتلكم ما تسمعوش

للمتشائمين خلوكم ايجابيين اسيدي :p


راني نحكي مني بصح ، بالعياط هههه خافونا هههه نقصد بانوا شوي

علاه تضربوا طلة تاع "ترحبوا بالجدد و تختفوا من تم ما تزيدش تبانوا "



راني زعفاااانة

الناس هنا راهي تحكي عليكم بالخير و كل شي يفكرهم فيكم

مالا بينوا ارواحكم ،، اللمة تتبدل بصح كي تبدلتوا انتم ،، لوكان راكم

كي بكري هنا و تشاركوا كي عوايدكم تزيد تولي اللمة شاابة كتر

المهم :

هذي جلسة استدعاء "القدم" أرواح ولا أسماء و لا ما يهمش

المهم يبانوا نياهاهاهاها

( إن شاء الله تنجح )
​

 

[السلطانة]

وعليكم السلام ورحمة الله وبركاته

يعطيك الصحة موضوع باهي هههه
اللمة من 2012 والاعضاء لي عاشوا الاحداث لي صرات وقتها
صرات ضربة للمة لي هي فتنة كبيرة في المنتدى على اثرها انضر المنتدى بسبب ناس قسموا الاعضاء على نصين ربي يسامحهم
وكاين اعضاء من وقتها مابانوا ظلموا روحهم وظلموا ناس بلامايعرفوا الحقيقة ولي لي كان السبب !
بغض النظر عن الظروف وماالظروف كاين فتانين ضربولنا اللمة وقسمولنا الاعضاء وعمرولهم قلوبهم
كاين من الاعضاء لي بعدها فهم ورجع وكاين لي من هدرتهم غادر بلارجعة
يعني غير القدم يشفاو للحكاية هاذي ...@الورد الأحمر @آميرته
اما على الناس لي يضالو يبكيو على الاطلال ويقولو اللمة تبدلت
تلقايهم في الفايس بووك عايشين نورمال
ويجيو يقولونا بعدنا على النت وبلا بلا
نشوف فيهم سواء نساء في قروبات فايس بووك يشيخو ولا في قروبات تاع طبخ يحطو اطبقاهم وووو
ربي يسهل على كل حال
لي رجع مرحبا بيه ولي عندو ظروف ربي يسهلو ولي ماحب اللمة اللمة ماتحوس عليه
ولي توفى الله يرحمو ويوسع عليه
كيما الاخ ايوب السطايفي
اختنا ميمي
اختنا ليليا ماس
الاخ شامخ
الله يرحمهم ويوسع عليهم
نسيت اسماء عضوياتهم .........

 

[Salah eddin]

السلام عليكم و رحمة الله

عندك الحق صحافية

و راكي جتيها بيان كوم ايل فو

ههه​

 

[الصحافية الساخرة]

وعليكم السلام ورحمة الله وبركاته

يعطيك الصحة موضوع باهي هههه
اللمة من 2012 والاعضاء لي عاشوا الاحداث لي صرات وقتها
صرات ضربة للمة لي هي فتنة كبيرة في المنتدى على اثرها انضر المنتدى بسبب ناس قسموا الاعضاء على نصين ربي يسامحهم
وكاين اعضاء من وقتها مابانوا ظلموا روحهم وظلموا ناس بلامايعرفوا الحقيقة ولي لي كان السبب !
بغض النظر عن الظروف وماالظروف كاين فتانين ضربولنا اللمة وقسمولنا الاعضاء وعمرولهم قلوبهم
كاين من الاعضاء لي بعدها فهم ورجع وكاين لي من هدرتهم غادر بلارجعة
يعني غير القدم يشفاو للحكاية هاذي ...@الورد الأحمر @آميرته
اما على الناس لي يضالو يبكيو على الاطلال ويقولو اللمة تبدلت
تلقايهم في الفايس بووك عايشين نورمال
ويجيو يقولونا بعدنا على النت وبلا بلا
نشوف فيهم سواء نساء في قروبات فايس بووك يشيخو ولا في قروبات تاع طبخ يحطو اطبقاهم وووو
ربي يسهل على كل حال
لي رجع مرحبا بيه ولي عندو ظروف ربي يسهلو ولي ماحب اللمة اللمة ماتحوس عليه
ولي توفى الله يرحمو ويوسع عليه
كيما الاخ ايوب السطايفي
اختنا ميمي
اختنا ليليا ماس
الاخ شامخ
الله يرحمهم ويوسع عليهم
نسيت اسماء عضوياتهم .........

الله يسمنننك اختيتوا ^^

ياااه وأنا ما عنديش خبر حتى هنا كاين اللي يديروا فتنة ؟؟؟ صدمتيني ختيتوا لازم تحكولي كما جدات بكري كان يا ما كان هههخخههه اواااه لازم تحكولي الحكاية بعدا نعرف تاريخ اللمة و الصعوبات اللي مرت عليها و كتبولنا الابطال و الاشغاغ ههههه ها خلونا نقتبسوا شوي من عندكم نديروا قصة خلاف هههههه

كما قلتي راهم عايشين فالعالم الأزرق الفيسبوك و يشطحوا هههه و تقولي الظروف والله صح ..

و ربي يرحم موتانا و موتى المسلمين يااا رب

( ها رانتي تشوفي درلنالعم جلسة استدعاء لا خبر و لا شي يما تبهديلة وطوا راسي فالارض )

مرسي ختيتو على المرور الجميل ، و الحكايات تاع الفتنة هذي ركزلي عليها لازم تحكيها بالتفصيل :Love:

 

[الصحافية الساخرة]

السلام عليكم و رحمة الله

عندك الحق صحافية

و راكي جتيها بيان كوم ايل فو

ههه​

و عليكم السلام و رحمة الله و بركاته

ههههههه ايا سلامات كي قلت عندي الحق

خلي كاش ما يفطنوا هذوا الهلاليين ههههه

ايا قول كلمتك صلاح راك ماش قديم بزاف عندك غير عامين هههه استدعي واحد من الزلابيين هههه

 

[Salah eddin]

ايا قول كلمتك صلاح راك ماش قديم بزاف عندك غير عامين هههه استدعي واحد من الزلابيين هههه

ياودي خلي الله يسهل عليهم
كان جاو مرحبا
كان راحو طريق العافية
ههه​

 

[الصحافية الساخرة]

@Lovely ღ smile @dahman kz @ليليا مرام هذي اختي ليلوش اشارة سبيسيال ليك اياااا ههه@لؤلؤة قسنطينة @ميلينا @aljentel @Fethi.dz @الورد الأحمر @السحاب العابر @الفتى المغامر @قرصان الساحل @chirine zina @Mery Babaammi @missing heart @العَنْقَاءُ

 

[الصحافية الساخرة]

ياودي خلي الله يسهل عليهم
كان جاو مرحبا
كان راحو طريق العافية
ههه​

بن عمييييييي شحال تكثر من طريق العافية هذي هههه

ياو اجتهد شوي كاش ما نرجعوا نشوفوا الهلال كل يوم حتى فالشتاء ..

 

[الصحافية الساخرة]

@لؤلؤة قسنطينة

 

[Salah eddin]

بن عمييييييي شحال تكثر من طريق العافية هذي هههه

ياو اجتهد شوي كاش ما نرجعوا نشوفوا الهلال كل يوم حتى فالشتاء ..

ههه
ايه طريق العافية خير من طريق المرض
ههه
وش ما عجبكش الحال وقيل
ههه
ديحا راني نسالك حلقة في الحكاية تاع المير
نورمالمو كي تكمليها باه تهدري ههه
​

 

[الصحافية الساخرة]

ههه
ايه طريق العافية خير من طريق المرض
ههه
وش ما عجبكش الحال وقيل
ههه
ديحا راني نسالك حلقة في الحكاية تاع المير
نورمالمو كي تكمليها باه تهدري ههه
​

ههههخخهههههه هنا علبتني ، مي ما تلوم غير نفسك راها الافكار الجهنمية تدور في راسي وتشوف واش يصرى فيك هههه راك مقلق تلقى حتفك و تنشوى فالنار اوكي هههه قريبا ان شاء الله

 

[{مُدَلَّلَتُهُ}]

السلام عليكم

رانا هنا يا بنتي لا زعفانين لا والو بالعكس دخلنا للمة باه نعرفو و نتعلمو ..عرفنا نسا الله يبارك وقفو معانا في الفرح و الشدة و عرفنا خاوة يسقسو عليننا و يتحيرو علينا و ينصحونا كي نحتاجو

تعلمنا ومازلنا نتعلمو و ماذابينا نزيدو نعرفو و نتعلموو ان شا الله .. اللمة المليح فيها انها تلمنا كي ندخلوها نحسو رواحنا وسط خاوتنا و خواتاتنا و كي نغيبو نتوحشوها و نولو نخممو شا راه صاري فيها .. ربي يجمع كااااامل الأعضاء كي القدم كي الجدد خاوا خاوا نتعلمو مع بعض و من بعض ​

 

[Skor m@k]

السلام عليكم
هههه بكيتينا فالبداية الأسطورية ههه زعما ماشي صح هههههههه
أه يا ختي وحنا هنا لي رانا ندورو ماعمرنالكش الحالة هنا هههههه
هذي هي كل واحد عندو شغالات وكيما رانا مجتمعين هنا
يجي النار وكل واحد وين يكون
هاه ماشي عندها وحد 5 اشهر كنت تقولي مانزيدش ندخل وكرهت وووو مانعرف واش ههههه
هكذاك الأعضاء بلاك تروحلو المصلحة من المنتدى
بلاك صحابو وسوسوه كيما قالت أم ياسمين وراح فلغلاط وماولاش
بلاك الأعضاء الحاليين ماعجبوهومش ومايوالموش مع عقليتهم
خاطرش ماتنسايش راهي جازت عشر سنين
كاين لي تبدلت عقليتو وماولاش يقدر يكونكتي كاين وكاين
حنا نقولو حاجة وحدة اللمة راهي مفتوحة لي يحبنا يريح معانا
ولي ماعجبناهش مايبقاش يعاير فينا الباب راهو مفتوح
نذكروه برك يطفي الضوء موراه ههههه
ياو طفي الضو ياو هههههههه
مغسي عليك ​

 

[أم منيــــــر]

السلام عليكم
كنت حابة ندير موضوع بصح على الاعضاء لي نعرفهم لاخاطر انا سجلت في 2013
و الله يولفونا و من بعد يغيبو انا هنا نذكر الباندي و نجيب و نور الهنا وتوتة و كاين بزاف غابو و اختافو انا نقولهم وين ما كانو اله يسهل عليهم
المهم هادو و لوخرين كامل نقولهم ما تنساوش ليام الزينة
مرة على مرة تفكرو اللمة لي لمتكم في يوم من الايام و فوتو فيها و معاها يامات شابين و عندكم ذكريات
يعطيك الصحة على هاد الالتفاتة

 

[لؤلؤة قسنطينة]

السلام عليكم
يا الرايح وين مسافر تروح تعيا وتولي ترا ترا ترا را هههههه غنيلهم الغناية هادي درك يرجعو
عندك الحق فطومة، كل عام وعامو وكل عام وناسو راهم كل عام يغيبو عباد والعام لي وراه يدخلو
عباد جدد ويديرو بلاصتهم مثلا كيما نتي دخلتي ودرتي بلاصتك وولينا نحبوك كذلك الأخ صلاح والاخ حلم كبير
والكثير من الأعضاء لي دخلو جدد ودارو بلاصتهم وولاو خاوتنا صح كي يغيبو ما تحلالناش، بالمناسبة درك وين تولهت
بلي الاخ مالك وهدهودة من من جماعة 2010 و 2008 والله نستعرف بيكم ويعطيكم الصحة على الوفاء بالمناسبة
حتى أنا من جماعة 2011 احم احم كنت مسجلة بعضوية خلاف لكن كنت نراقب برك ماكنتش نشارك خلاص
كنت نقرا مواضيع بصمت ونخرج ومن بعد غبت مدة طويلة وراحلي المودباس واسم العضوية ههههه وكي توحشت اللمة رجعت
في 2013 سجلت بهاد الحساب وكذلك كنت ندخل نكتفي بالاعجابات برك وساعات ردود قصيرة مختصرة تاع شكرا لك هههه
وزدت غبت في 2014 حتى 2015 باه رجعت وراني هنا درك معاكم (بالاكم تحطوني من جماعة الفتنة لي هدرت عليهم ام ياسمين )
بصراحة حتى انا ماعلاباليش بهاد القصة وحابة نعرف واش حكايتها، المهم كي كنت مشاركة سنة 2013 كانو بعض الاعضاء لي نشفى
عليهم شوي كيما كاين واحد الاخ اسمو حكيم واخت اسمها اسراء والاخ عبدو بلانكو والاخت وفاء تاع قسنطينة ومن بعد كي غبت
وعاودت رجعت في 2015 لقيتهم ماكانش لقيت هادا مالك وهادا حكيم ستوري وهادي فيولا وهادي ماجدة وخولة والباندي وعبير1
وعبير2 هههه وشاهيناز بنت الجلفة والاخ سيف وغيرهم، لقيت مجموعة جديدة حسيت روحي غريبة في نصهم وبشوي تعرفت عليهم واحد واحد
وعشت معاهم أفضل الاوقات صراحة وكانو بمثابة خاوتي عدينا يامات ضحك وسعادة وحزن ودرك زدتو نتوما الجدد ورانا نديرو معاكم ذكريات
مليحة ان شاء الله، مالا لي يدخل ويقولك راحو الاعضاء القدم نقولهم لي راحو كانو ناس طيبين ولي راهم درك ناس طيبين كيما قدرت تعاشر
لي قبل وتبني معاهم ذكريات حتى هادو جربهم وشوف واحكم بنفسك، وكيما قالوها الخاوة قبلي لي يحب يرجع مرحبا بيه اللمة فاتحة ابوابها
شكرا فطيطمة على الموضوع المعسل بالزلابية ههههه ربي يحفظك
تحياتي
​

 

[Salah eddin]

عباد جدد ويديرو بلاصتهم مثلا كيما نتي دخلتي ودرتي بلاصتك وولينا نحبوك كذلك الأخ صلاح والاخ حلم كبير

يعطيك الصحة اختي مريم ههه
يابووي جرتنا ببلاصتنا هنا
ههه
​

 

[لؤلؤة قسنطينة]

يعطيك الصحة اختي مريم ههه
يابووي جرتنا ببلاصتنا هنا
ههه
​

كيفاه جرتنا ببلاصتنا ههههه
بلا مزية ​

 

[Salah eddin]

كيفاه جرتنا ببلاصتنا ههههه
بلا مزية ​

ههه
قصدي عندنا مكانة هنا ههه
زعما اكتشاف جديد ههه​

 

[لؤلؤة قسنطينة]

ههه
قصدي عندنا مكانة هنا ههه
زعما اكتشاف جديد ههه​

هيه أكيد بمكانتكم
لي يدخل هاد الدار يتسجل معانا في الدفتر العائلي ​

 

[أم أُنٌَيسة]

السلام عليكم ورحمة الله وبركاته
موضوع مميز غاليتي كالعادة
سبب رحيلي مقبيل مور شخصية راكي عارفتهم ،ثم رجعت نحس ان راني ثقيلة على البعض ومانحبش نثقل روحي والحمد لله
ولكن دائما نرجع وجتى ولو مانكونش بعضويتي نزوركم من بعيد ونتبع اخباركم صغير وكبير
اسمحيلي فطومتي مريضة ،عياونا مع ليبروجي
بارك الله فيك وجزاك كل خير غاليتي
ارجو تقبل مروري
في امان الله وحفظه​