عايرني و نعايرك✋

[sanaya]

سلام عليكم??

نشالله راكم غاية ??
مدام راني فالطبيب قلت نكتب لبين هههه حسن استغلال الوقت الحقيقة جاتلي البارح فكرة فراسي باش نكتب عليها و هي المعايرة ??
الألفاظ البذيئة اللي يشوفو فيها الناس نورمال علاه علاخاتر والفناها ولات نورمال وهي عيب و ذنب عظيم ?
عائشة رضي الله عنها قالت بحركة يدها فقط و هي تقصد صفية رضي الله عنها أنها قصيرة فقال الرسول صلى الله عليه و سلم : ❤لقد قلت كلمة لو مزجت بماء البحر لأفسدته❤
مالقري دارت إشارة بيدها برك
وحنا ????
?شكون هاذ السمينة اللي راهي تشطح
?يايما شوفي شحال رقيقة تقول مهيش تاكل
?شكون هاذ القصيرة
?يايما شحال طويلة جابلي راجلها كيحكي معاها يشوف للسحاب
?شكون هاذ الموسطاشة
?شكون هذا لا مستحيل هذا هو راجل فلانة هي شابة و راجلها مزعوق
?شكون هاذي مارت فلان مستحيل واحد كما هذاك شباب و تكون مارتو مكشردة لوكان تزوجني أنا ماشي خير
?الا شابة الماكياج هو اللي خلاها هاك
?كشرودة لوكان تماكيي ماشي خير وبلا بلا بلا بلا بلا خصوصا بمجتمعنا النسوي خترة كنت بعرس وكانت وحدة تشطح أيا قاتلي وحدة شوفي سبحان الله تقول شادي يشطح غاضتني كفاه تخلي لسانها يهدر و يحكي هاك وعادي راهي تضحك و رايحة ترقد مهنيا و الكلمة مسجلة عند ربي سبحانو
?هاذا فالصفات الخلقية أما الا جينا نحكو كفاه يكريتيكو على اللبسة و الدراهم ووووو عندك ما تسمع
?بواش نقابلوا ربي سبحانه يوم القيامة و كفاه نسامحوا هاذ الناس و نتبعوهم واحد واحد و مكاش حاجة تخلي واحد يدخل لجهنم و العياذ بالله أكثر من اللسان
?و نختم بحكاية طريفة لبنتي?? كانت عندها طبيعة تلاحظ بزاف و تهدر و نا نزعف عليها نقولها حرام كل واحد كفاه خلقو ربي سبحانو
أيا خترة كانت تلعب مع راجل من العائلة و بدات تشوف تشوف معاه و تشوف الأنف نتاعو و لاحظت أنو كبير و خافت تهدر علابالها نزعف عليها
أيا سكتت و قاتلو نقولك حاجة على يما??????
:علابالك الأنف تاعها كبيرررررر
خخخخخخخ و بدا يضحك و مبعد قالي أرواحي بنتك راهي تقول عليك أنو نيفك كبير
قلتلها شكون ؟ أنا ؟
قاتلي لالا ...راني نحكي على ماما وحد اخرى خخخخخخ
اتسما كقلتيلي اسكتي نلصق واش نشوف فيك نتي ....
المهم نشالله كل واحد يجوز منا ابتداءا من نفسي يعس روحو و الألفاظ نتاعو باش ميكونش مضطر كاش نهار يتبع الناس و يسامح فيهم و فوقها راهو يجرح المشاعر تاع الناس كتعايري وحدة قصيرة علاه هي دارت روحها هاك
و لا سمينة علاه راهي تاكل من عندكم
ربي يهدينا جميعا و السلام عليكم??

 

[لؤلؤة قسنطينة]

السلام عليكم ورحمة الله وبركاته
يعطيك الصحة مريومة على المواضيع القيّمة لي راكي تطرحي فيها في قسم واش راك تهدر
ولي تستحق التقدير، وهاد الموضوع جد مهم خاطر ولينا نتمسخرو بخلق الله بزاف مايمنع منا السمين ولا الرقيق
سورتو الأعراس ولات بلايص خاصة بالنميمة وكسب الذنوب، للأسف حنا إذا مامنعوش الناس من أذية يدينا
مايمنعوش من لسانا، تلقاي روحك صلاة وصيام وكلشي وحسناتك راهي تتسرب منك بلا ماعلابالك
كي تعايبي خلق الله وهذا عيب كبير والله، في 2018 وعلى أبواب 2019 ومازلنا نقضيو وقتنا في الهدرة
على فلانة وفلانة ونعيبو خلقة فلانة وفلان، ربي يهدينا برك ويعافينا
وعجبتني بنتك قتلتني ضحك ههههه ربي يحفظهالك ان شاء الله ومليحة كي تنبهيها من الصغر على هاد الأمور
والله ترسخلها في الذاكرة وتكبر عليها، ونبيهيها عليها بطريقة تخليها تتجنب الهدرة هادي مثلا قوليلها لي تهدري
عليه بكلام ماش مليح ربي قادر يغضب عليك وترجعي ماتقرايش مليح والمعلمة ماتحبكش يعني بطريقة تخليها تفهم
خاطر حقا هاد الأمر مانديرولوش أهمية في حياتنا وهو أمر سلبي بزاف وعظيم عند ربي سبحانو
ان شاء الله يتطور تفكيرنا ونولي مجتمع يراقب نفسو ويعايب نفسو قبل ما يشوف للناس
بوركتي مريومة على الطرح المتميز صحيتي
تحياتي
​

 

[صانعة الإبتسامة]

سلام
والله الفاظ نحسبوها قصرة مي هي تجرح الاشخاص المعنيين بهاد. الشيء بلاك يضحكو كي تعايريهم بصح. قلوبهم تتقطع من الداخل
فكرتني في وحدة كي نتقلاها نقلها اهلا البقرة وهي تقولي اهلا مكشردة هههه يعني عندنا عادي هاد شيء يولي نورمال امام شخص عزيز عليك وفاهم بلي راكي تقصري مي كاين اشخاص ميعرفوش عقليتك تقوليلو انت سمين او ماشي شباب وماتشبه الوالو بلاك يزعف ومايزيدش يهدر معاك وكي تقوليلو نتمسخر برك مايصدقكش بسكو مايعرفش عقليتك باختصار الاشخاص ليمانعرفوهمش منهدروش معاهم بهاد الاسلوب قادر تكون ردة فعلهم اقوي من الموقف نفسه

 

[وۣۗهۣۗہۣۗم]

هههههههههه المشكل اللى راهم يحكوو في هاد الهدرة حاسبين روحهم منعرف واه وتجى فالصح تلقى اللى راهم يحكوو عليها خير منهم ههههههههههههه
المفيد يخى كامل نقصان الذوب ?????? املا خلي يكثروو هههههههه مى عن نفسي منقص لحتى واحد ذنوبو كل واحد يدبر في راسوووو ?????? موضوعك شباب بزاف وطريقت الطرح كذلك بوركتى لعزيزة

 

[زهور الأمل]

ههههههه جبتيلي الضحك
لاحول ولا قوة الا بالله
قبل ما يتفوهو بهاذ الحماقات ياريت يهتمو بانفسهم شوي
ويراعو دينهم الي راهم يخدشو فيه باعمالهم السيئة

 

[sanaya]

سلام
والله الفاظ نحسبوها قصرة مي هي تجرح الاشخاص المعنيين بهاد. الشيء بلاك يضحكو كي تعايريهم بصح. قلوبهم تتقطع من الداخل
فكرتني في وحدة كي نتقلاها نقلها اهلا البقرة وهي تقولي اهلا مكشردة هههه يعني عندنا عادي هاد شيء يولي نورمال امام شخص عزيز عليك وفاهم بلي راكي تقصري مي كاين اشخاص ميعرفوش عقليتك تقوليلو انت سمين او ماشي شباب وماتشبه الوالو بلاك يزعف ومايزيدش يهدر معاك وكي تقوليلو نتمسخر برك مايصدقكش بسكو مايعرفش عقليتك باختصار الاشخاص ليمانعرفوهمش منهدروش معاهم بهاد الاسلوب قادر تكون ردة فعلهم اقوي من الموقف نفسه

اهلا حبيبتي فكرتيني فراجلي ديما يقولي حابسة خخخخخخ من باب المزاح طبعا
شوفي باقي نتي راكي تتمسخري زعما كشرودة سمينة كشغل كلمة بين الأصدقاء مصح كاين ناس طبيعة فيهم اللي يجوز قدامهم يمنشروا فيه و معلابالهمش الكلمة تروح و ربي سبحانو شافي عليها و لوكان تشوفي ليهم تلقايهم مليانين عيوب و زيد عليها ذنوب
ربي يهدينا جميعا و تسلمي خيتي على المرور

 

[حلم كبير]

السلام عليكم ورحمه الله وبركاته
بارك الله فيك أختي الكريمة على التطرق لموضوع مثل هذا والتحسيس به لينتبه الغافل ويصوب خطأه
الناس هاذو اللي يعايرو نشك فيها وراثة والله أعلم تلڨى قبيلة كاملة نتاع ولاد عموم وخاوة عندهم نفس المرض وهو عسان أخطاء الناس ،ويديرولهم سكانار للوهلة الأولى ،ويبدا لابس كذا وماشط هكذا ونيفو داير كي حبة الزلابية ،وفمو كي الشكارة وعينيها مغمضين وشعرها يغسلو بيه الماعن ،ووووو من الأشياء اللي نسمعها من هاذ العباد .
والله كي نروح أنا والعائلة فالصيف ينوض التمنشير ،تڨول ماهم عايشين في فرانسا تڨول عايشين في كاش دوار ،لا سروال مڨطع مع المودا لا جيبون ميني لا شعر مطلوڨ لا مكياج يا حفيظ يا ستار ههههه نسمع وندير روحي طرش ههه ناس ربي ما هداهاش يسما كي نروح لفرانسا نتمسخ نولي ڨاوري هههه الله يهديهم برك .
بارك الله فيك أختي الكريمة على الموضوع القيم
إحترامي وتقديري

 

[السلطانة]

وعليكم السلام ورحمة الله وبركاته صح اختي
ورجعنا باه نوصفو واحد لواحد مثلا كي ميعرفوش نقولو "هاذاك الراجل الطويل يقولك معرفتوش تزيد تقولو لكحل لي شعرو مكشرد وموسطاش وعامل هك وهك
مرة كنت في مجمع فيه وحدة تسقسي في وحدة على استاذة تقري في القرآن ناضت توصف فيها قاتلها معرفتهاش قاتلها اه هاذيك لي خشمها طويل
شوي وجات هاذي الاستاذة مباعد مرا خلاف في المجمع تغشت وقاتلها علاه تقولي عليها خشمها طويل حرام عليك
قاتلها صح انا غلطت وربي يغفرلي
ربي يهدينا على كل حال

 

[sanaya]

السلام عليكم ورحمة الله وبركاته
يعطيك الصحة مريومة على المواضيع القيّمة لي راكي تطرحي فيها في قسم واش راك تهدر
ولي تستحق التقدير،
احم احم تسلمي على ختم التميز شكرا جزيلا
وهاد الموضوع جد مهم خاطر ولينا نتمسخرو بخلق الله بزاف مايمنع منا السمين ولا الرقيق
سورتو الأعراس ولات بلايص خاصة بالنميمة وكسب الذنوب، للأسف حنا إذا مامنعوش الناس من أذية يدينا
مايمنعوش من لسانا، تلقاي روحك صلاة وصيام وكلشي وحسناتك راهي تتسرب منك بلا ماعلابالك
كي تعايبي خلق الله وهذا عيب كبير والله،
و اللي تغيضني الناس اللي ديما صيام نافلة و صدقة و لسانهم كالمنشار ربي يستر مايخلو واحد بحالو
في 2018 وعلى أبواب 2019 ومازلنا نقضيو وقتنا في الهدرة
على فلانة وفلانة ونعيبو خلقة فلانة وفلان، ربي يهدينا برك ويعافينا
امين يارب و الله تمنشير سي ديمودي بعد الناس لحقت للمريخ وحنا نعسو فبعضانا و ياريت كنا نشوفو صوالح الملاح و نعاندوهم غير السلبيات
وعجبتني بنتك قتلتني ضحك ههههه
ياودي هذا نهار محبستش قاع الضحك
ربي يحفظهالك ان شاء الله ومليحة كي تنبهيها من الصغر على هاد الأمور
والله ترسخلها في الذاكرة وتكبر عليها، ونبيهيها عليها بطريقة تخليها تتجنب الهدرة هادي مثلا قوليلها لي تهدري
عليه بكلام ماش مليح ربي قادر يغضب عليك وترجعي ماتقرايش مليح والمعلمة ماتحبكش يعني بطريقة تخليها تفهم
وي عندك الحق المشكل فيا أنا تحشمني خترة في عرس راحت عند وحدة قالتلها نتي سمينة بزاف والله حشمت قلتلها سمحيلي ياك صغيرة قاتلي نورمال
أيا هاذ لمرا قلت لها مام نتي سمينة قالت لها لالا أنا غير كرشي سمين برك???
خاطر حقا هاد الأمر مانديرولوش أهمية في حياتنا وهو أمر سلبي بزاف وعظيم عند ربي سبحانو
ان شاء الله يتطور تفكيرنا ونولي مجتمع يراقب نفسو ويعايب نفسو قبل ما يشوف للناس
بوركتي مريومة على الطرح المتميز صحيتي
و شكرا لمرورك و تواجدك تسلمي
تحياتي
​

 

[أبو عاتكة]

آودي مشكلة ومصيبة كبيرة من أشد ما يعصبني عند حديث الناس هو السبان واشتغالهم ومعايرتهم لأوصاف الناس او خلقتهم او شكلهم او لبسهم .... يا لطيف يا لطيف الناس واش راها تحمل من اوزار بكل سهولة.
القلب لما يكون أسود وفاسد من داخل ينطق اللسان بالعفن والبذاءة،عمروا ولا الانسان الطيب القلب يعاير او يشتم او يضحك او يهزء على اوصاف الآخرين.
لم أجد خيرا يصدر من هؤلاء سوى السوء والظلم. الانسان بطريقة كلامو تحكم على دواخله فيه الخير او الشر.

 

[sanaya]

هههههههههه المشكل اللى راهم يحكوو في هاد الهدرة حاسبين روحهم منعرف واه وتجى فالصح تلقى اللى راهم يحكوو عليها خير منهم ههههههههههههه
المفيد يخى كامل نقصان الذوب ?????? املا خلي يكثروو هههههههه مى عن نفسي منقص لحتى واحد ذنوبو كل واحد يدبر في راسوووو ?????? موضوعك شباب بزاف وطريقت الطرح كذلك بوركتى لعزيزة

وي عندك الحق هما أصلا علاه يعايرو باش يغطو النقص تاعهم و ساعات تكوم وحدة شابة و لا ناجحة يبداو بالتمنشير بسبة الغيرة و كاين اللي هي فيهم طبيعة مايقدروش يحكمو لسانهم بلا كلمات سب و معايرة
هو هاذيك و هذاك اللي عايروه مهوش خاسر والو مي هما اللي يرفدو في ظهرهم ذنوب
تسلمي على مرورك ختي??تحية

 

[sanaya]

ههههههه جبتيلي الضحك
لاحول ولا قوة الا بالله
قبل ما يتفوهو بهاذ الحماقات ياريت يهتمو بانفسهم شوي
ويراعو دينهم الي راهم يخدشو فيه باعمالهم السيئة

باش نخبرك كاين ناس لسانهم هكذا و حاشبين رواحهم خلاص صيام صدقات أذكار يومية و معلابالهمش بلي الدين معاملة قبل كل شيء
ربي يهدينا جميعا ??تحية ختيتو

 

[sanaya]

السلام عليكم ورحمه الله وبركاته
بارك الله فيك أختي الكريمة على التطرق لموضوع مثل هذا والتحسيس به لينتبه الغافل ويصوب خطأه
و عليكم السلام و رحمة الله تعالى و بركاته
الناس هاذو اللي يعايرو نشك فيها وراثة والله أعلم تلڨى قبيلة كاملة نتاع ولاد عموم وخاوة عندهم نفس المرض وهو عسان أخطاء الناس
وي هي عادة و تلقا عائلة من الأب للأحفاد يعايرو يضحكو و ينبشو عيوب الناس و عندهم عادي كالماء البارد
،ويديرولهم سكانار للوهلة الأولى ،ويبدا لابس كذا وماشط هكذا ونيفو داير كي حبة الزلابية وفمو كي الشكارة وعينيها مغمضين وشعرها يغسلو بيه الماعن ،ووووو من الأشياء اللي نسمعها من هاذ العباد .
و اللي عايرو هاك ديفوا تلقاهم راهم غير يغطو فعيوبهم هما اتسما مام هما لوكان واحد عينو يعايرهم عندو واش يقول
والله كي نروح أنا والعائلة فالصيف ينوض التمنشير ،تڨول ماهم عايشين في فرانسا تڨول عايشين في كاش دوار ،لا سروال مڨطع مع المودا لا جيبون ميني لا شعر مطلوڨ لا مكياج يا حفيظ يا ستار ههههه
والله ؟؟؟من نيتهم يهدرو؟؟؟؟ سبحان الله نورمالمو هاذي حاجة ترفع الراس و راح نقولك لوكان كاش نهار تروحو ليهم بحطة و سروال مقطع و شعر مكريبي ولا شنو يقولو الله أكبر راح لفرنسا و خرج من طريق خخخخ ياودي الهدرة فيها فيها و نزيد نقولك سيرتو كيكون واحد دار حاجة مليحة صاب خدمة مليحة و لا نجح مهما كان يمنشرو عليه اتسما جينات وراثية تحمل كروموزوم التمنشير
نسمع وندير روحي طرش ههه ناس ربي ما هداهاش يسما كي نروح لفرانسا نتمسخ نولي ڨاوري هههه الله يهديهم برك .
امين ياربي و شكرا جزيلا لكرم المرور
بارك الله فيك أختي الكريمة على الموضوع القيم
إحترامي وتقديري

 

[sanaya]

وعليكم السلام ورحمة الله وبركاته صح اختي
ورجعنا باه نوصفو واحد لواحد مثلا كي ميعرفوش نقولو "هاذاك الراجل الطويل يقولك معرفتوش تزيد تقولو لكحل لي شعرو مكشرد وموسطاش وعامل هك وهك
مرة كنت في مجمع فيه وحدة تسقسي في وحدة على استاذة تقري في القرآن ناضت توصف فيها قاتلها معرفتهاش قاتلها اه هاذيك لي خشمها طويل
شوي وجات هاذي الاستاذة مباعد مرا خلاف في المجمع تغشت وقاتلها علاه تقولي عليها خشمها طويل حرام عليك
قاتلها صح انا غلطت وربي يغفرلي
ربي يهدينا على كل حال

ايه نقطة مهمة كشغل نوصفوا الناس لغرض مثلا نفهموا لواحد عليهم و حنا بذات الوقت نعيبوهم و هاذي ثاني حاجة مش مليحة و ذنب كبير
تسلمي على المرور أختي السلطانة

 

[sanaya]

آودي مشكلة ومصيبة كبيرة من أشد ما يعصبني عند حديث الناس هو السبان واشتغالهم ومعايرتهم لأوصاف الناس او خلقتهم او شكلهم او لبسهم .... يا لطيف يا لطيف الناس واش راها تحمل من اوزار بكل سهولة.
القلب لما يكون أسود وفاسد من داخل ينطق اللسان بالعفن والبذاءة،عمروا ولا الانسان الطيب القلب يعاير او يشتم او يضحك او يهزء على اوصاف الآخرين.
لم أجد خيرا يصدر من هؤلاء سوى السوء والظلم. الانسان بطريقة كلامو تحكم على دواخله فيه الخير او الشر.

والله عندك الحق الشخص اللي فيه معايرة و نبش عيوب الناس لا خير في معاشرته لأنو اللي راهو من الداخل نظيف ميسمحش يآذي غيرو بلسانو و كاين تاني عباد مثلا عندو الدراهم يبدا يعيب الفقراء كشغل راهو ضامن ربي سبحانو يبقي عليه النعمة تاعو
قاتلي يما ككانت صغيرة تشفى على وحدة كانت سبحان الله شابة بزاف و كان عندها لسان ميخلي واحد بحالو تعيب الناس بطريقة لاذعة خصوصا بخلقتهم كشغل ضمنت روحها أنو هي واحد ميعايرها باسكو شابة
أيا جازو اعوام راحت يما تزور هاذ العائلة و سقسات على هاذ الأخت قالولها راهي قدامك يما خلعت تبدلت قاع
خلاص و مبعد سقسات وحدة قالتلها وشبيها مارت وليدكم واش صراليها في وجهها قالتلها منعرفوش مرضت و صرالها هاك
أيا راحت ليها وحد المرا خلاف يما نصحتها قالتلها الناس لي كنتي تعيبي فيهم اللي تشفاي عليه روحي طلبي منو السماح بالاك يفرج عليك ربي
يعني هي قصة للعبرة باش منستهانوش بمثل هاذ التصرفات و تسلم على المرور خيو

 

[الباندي]

وحد السيد في حومتنا مسمينه من بكري "السم"،، كي يعطوله باسمه الحقاني "المخطار" مايقيمكش ڨاع واذا داها فيك يتغششلك في وجهك،، بصح كون تعيطله "السم" يديها فيك ويزيد يضحكلك ?
رجع كلش بالمڨلوب??

 

[sanaya]

وحد السيد في حومتنا مسمينه من بكري "السم"،، كي يعطوله باسمه الحقاني "المخطار" مايقيمكش ڨاع واذا داها فيك يتغششلك في وجهك،، بصح كون تعيطله "السم" يديها فيك ويزيد يضحكلك ?
رجع كلش بالمڨلوب??

هههههههههه
اتسما تالمون والفنا المعايرة شفت كفاه مي الألفاظ هادو ماشي شابين
كشغل اللي تعيط لصاحبتها مسمومة ولا كحلوشة باسكو قادر تجوز وحدة مثلا كحلا و تسمع هاذ الكلمة و تغيضها
مصح كاين كلمات شابين بين الأصدقاء لانتيم
هاذو مفيهم مشكل و بالمناسبة خويا راني نتابع فالمدونة تاعك و منقدرش نرد والله تووووب فالكتابة الله يبارك

 

[الباندي]

هههههههههه
اتسما تالمون والفنا المعايرة شفت كفاه مي الألفاظ هادو ماشي شابين
كشغل اللي تعيط لصاحبتها مسمومة ولا كحلوشة باسكو قادر تجوز وحدة مثلا كحلا و تسمع هاذ الكلمة و تغيضها
مصح كاين كلمات شابين بين الأصدقاء لانتيم
هاذو مفيهم مشكل و بالمناسبة خويا راني نتابع فالمدونة تاعك و منقدرش نرد والله تووووب فالكتابة الله يبارك

انا تبالي كاين عدنا اعاقة عاطفية،، بمعنى :
صاحبتك كي تڨوليلها يا المسمومة،، هنا عقل صديقتك يترجمها على انها من اسمى معاني التعبير عن الحب???
كي شغل تبالي العقل الباطني يعتبر الاساءة هي نوع من المدح،، نظن هاذي عندها تفسير في علم النفس و الله اعلم
____________________
توپ في الكتابة ????
لا لا اختي بدون مبالغة،،
هي كتابات عادية تصدر من عقل قد خرف ??
شكراً على المتابعة،،ربي يحفضك??

 

[sanaya]

انا تبالي كاين عدنا اعاقة عاطفية،، بمعنى :
صاحبتك كي تڨوليلها يا المسمومة،، هنا عقل صديقتك يترجمها على انها من اسمى معاني التعبير عن الحب???
كي شغل تبالي العقل الباطني يعتبر الاساءة هي نوع من المدح،، نظن هاذي عندها تفسير في علم النفس و الله اعلم
____________________
توپ في الكتابة ????
لا لا اختي بدون مبالغة،،
هي كتابات عادية تصدر من عقل قد خرف ??
شكراً على المتابعة،،ربي يحفضك??

ليست مبالغة
هي كتابات عفوية ولكنها صادقة و بانتظار جديد مدونتك

 

[zagane]

السلام عليكم
كلنا لنا عيوب ونقائص
والمرأاة خداعة لا تظرك على حقيقتك