ام الزوج

[الفتاة الاميرة]

اخوتي واخواتي في الله. السلام عليكم ورحمة الله تعالى وبركاته.......
اما بعد...

حبيت نطرح موضوع جد متواجد فمجتمعنا.. الا وهو العلاقة بين الزوجة وام زوجها(حماتها)
اسئلة بزاف تتطرح... كيفاش لازم تكون العلاقة؟ هل من الممكن انو الزوجة تعيش مع حماتها او تكون مستقلة؟ كيفاه نتفاداو المشاكل لي تصرى بيناتهم وخصوصا بنات الالفية الجديدة لانهم يحوسو عالزواج وخلاص معلابالهمش بحجم المسؤولية لي راح تلقى على عاتقهم
انا والله امنيتي نتفاداو الحساسية المفرطة من طرف الزوجة... يعني هذه الزوجة كانت في دار باباها امها تهاوش تشاليها بلي جات باباها يقصف خوها يبهدل وهي عاجبها الحال لانهم اهلها... ولكن مع حماتها تولي تحسبلها فالنظرات لي تشوفهم معاها.... اعتبريها امك وسايسيها... حطي في بالك بلي يجي نهار ووحدة تزوج بابنك وتحب تبعد عليك وتعيش حياتها وانتي تولي تقولي انا لي ولدت وربيت وكبرت وتعبت وهي تديه... افهمي بلي هذا نوع من الغيرة (غيرةالام على ابنها)....
من جهة اخرى ام الزوج ياااا ام الزوج... اتقي مولاك في عروستك خليها تتهنا كي تتهنا هي يتهنا وليدك.... متسيطريش متفرضيش عليهم حوايج هوما محابينهمش.... خليهم يعومو بحرهم....
اما الطرف الثالث اللي هو الابن... نصييييحة حاول توازن بين امك وزوجتك.... لا تفرط من لا من.... هذي امك لي تعبت عليك... وهذي زوجتك وسندك فالحياة... وكلتاهما عندهم مشاعر اتجاهك وعندهم حق عليك في انك تهتم بيهم...
اقسم بالله كاين عرايس يعااااانو بمعنى الكلمة ومهما تحاول ترضي حماتها تلقى الصد منها
وفي المقابل وحدة ديكنهار حماتها مخلاتش ولاد بنها يدخلو عندها لانها مشغولة و هوما طايرين... طلعت ليها عروستها كسرت الباب عليها و حكمتها من رقبتها وكركرتها من شعرها فالدروج حتى جات بنتها نحاتها من يدها ودخلت عليها بطريحة هههههه وزعطوها....
وايضاً الابن راخي روحو مع مرتو.... شد روحك مع مرتك لاتكون مر تطايش ولا حلو تتبلع
واش رايكم خواتي افيدونا بنصائحكم.... وشاركونا حكاياتكم

 

[الامين محمد]

تم الاعتماد
لي عودة

 

[Hakan]

كي نتزوج رايح نشري مسدس وندير فيه ثمانية رصاصات نسمع صوت تاع عياط في دار نتيري باش ما يسمعوش الجيران نخليهم ياكلو بعضاهم ونروح نحوس في كاش بلاصة كي يفيرو اموراتهم نرجع ليهم وهكذا كي يخلصو 8 رصاصات نعاود نشري وحد اخرين وخلاص ...
راني نقصر صراحة نرجعلك من بعد ولا خلي ضرك خير
انا نشوف انو اغلب اسباب الشجار صراحة تلقاها عند الزواولة لي ماعندهمش يعني الزوجة تكون مخصوصة والحماة تاعها تحب وليدها يعاون الاب تاعوا وهكذا تنڜأ الخلافات.. يعني وكاين لي مهبولات وكاين لي شيطان في رؤوسهن... جامي شفت ناس يعني لاباس بيهم ويعانيو هاذ شيء صراحة ديما تكون المشاكل تنشأ من انو مثلا 3 اخوة يتزوجوا في دار وحدة ويقعدو الكناين في خلافات ومشكلتنا انو ما نفهموش انو لي يتزوج يروح يبني حياتو سبحان الله الحيوانات كي يكبر الطير مثلا يروح يبني العش وحدو.. وحنا لا تلقايه يا اما هو مش قادر على زواج يروح يتبع باباه يزوجو ويعرسلو من بعد الام تاعوا ترجع تشوف في الكنه تاعها كانو ملكية شخصية.. وقليل وين شفت انو الراجل لي يزوج روحو بروحو تصرالو مشاكل زيد الراجل اذا كان يخدم شهر ويحبس شهرين وباباه يصرف عليه وممكن توصل يصرفلو حتى على الزوجة تاعوا هذي مشكلة ايضا تسبب في مشاكل افضل حل بكل صراحة انو الواحد اذا شاف مشاكل يروح يسكن وحدو... علابالي كاين بنات ممكن يقراو كلامي تقلك ندير مشاكل ونسكن وحدي انا نقلها حاجة يا بنتي دعاوي ااشر والله ماهم ساهلين ........ سلام وشكرا على موضوعك ​

 

[عبدالرؤوف]

وعليكم السلام ورحمة الله وبركاته.

الحلول تكون قبل المشاكل
والوعي سيد الحلول
.
الزوج هو الرجل ومن مسؤولياته ان يفهم امه ويفهم زوجته
يحاول ان يوعي امه قبل الزواج بسلوك حسن
ويشاركها في كلامه وعن فكرته في الزواج وما هي آماله فيه
الام انجبت وربت وتفرح عندما يتزوج ابنها
الا انه بعد مدة ترى ان ابنها نزع منها
وان احداهن اخذته ووفرت له حنانا غير حنانها وهذا خطا
فتلك الزوجة المسكينة تركت بيتها تركت امها وجاءت كأسيرة لترعى وتكون اميرة قلب ابنها فكيف تجعلين منها آسرة لإبنك.
والزوجة عليها ان تفهم ان تحب ما يحب حبيبها اليس للحبيب ام هي اغلا ما يملك فكيف تغضب من انجبت وربت وحنت وعطفت وبعدها ارسلت لها رجل جاءها رجل كامل قويم عليها مسؤولا عليها.

والحل هو البعد فبه تبسط المحبة
على الاقل بعد المسكن الخاص
ولو قريبا

وهناك طرفين اخرين لهما تأثير خفي
وهن اخوات الزوج وزوجات الاخوة فلديهم اوراق مؤثرة
فإن كن اخواته غير متزوجات فعلى اخوهم ان يحسن اليهم ولا يتغير بعد الزواج
الام قد تحب ابنها اكثر من بنتها
لكن ان كان الامر فيه زوجة فتنحاز غالبا بعاطفتها نحو كفة بناتها وهذا مشهور معروف.
اما زوجات الاخوة فعلى الاخوة ان يتركن القيل والقال والتطفل والسماع بأذانهم ما يعاد عليهم للمصلحة العامة.
ام زوجة اخوات سلسة ان اعوجت احدى حلقاتها تعس الزوج وتعس كل من يحيط به
على كل طرف ان يعرف حدوده وواجباته
وبعدها حقوقه.

 

[الفتاة الاميرة]

كي نتزوج رايح نشري مسدس وندير فيه ثمانية رصاصات نسمع صوت تاع عياط في دار نتيري باش ما يسمعوش الجيران نخليهم ياكلو بعضاهم ونروح نحوس في كاش بلاصة كي يفيرو اموراتهم نرجع ليهم وهكذا كي يخلصو 8 رصاصات نعاود نشري وحد اخرين وخلاص ...
راني نقصر صراحة نرجعلك من بعد ولا خلي ضرك خير
انا نشوف انو اغلب اسباب الشجار صراحة تلقاها عند الزواولة لي ماعندهمش يعني الزوجة تكون مخصوصة والحماة تاعها تحب وليدها يعاون الاب تاعوا وهكذا تنڜأ الخلافات.. يعني وكاين لي مهبولات وكاين لي شيطان في رؤوسهن... جامي شفت ناس يعني لاباس بيهم ويعانيو هاذ شيء صراحة ديما تكون المشاكل تنشأ من انو مثلا 3 اخوة يتزوجوا في دار وحدة ويقعدو الكناين في خلافات ومشكلتنا انو ما نفهموش انو لي يتزوج يروح يبني حياتو سبحان الله الحيوانات كي يكبر الطير مثلا يروح يبني العش وحدو.. وحنا لا تلقايه يا اما هو مش قادر على زواج يروح يتبع باباه يزوجو ويعرسلو من بعد الام تاعوا ترجع تشوف في الكنه تاعها كانو ملكية شخصية.. وقليل وين شفت انو الراجل لي يزوج روحو بروحو تصرالو مشاكل زيد الراجل اذا كان يخدم شهر ويحبس شهرين وباباه يصرف عليه وممكن توصل يصرفلو حتى على الزوجة تاعوا هذي مشكلة ايضا تسبب في مشاكل افضل حل بكل صراحة انو الواحد اذا شاف مشاكل يروح يسكن وحدو... علابالي كاين بنات ممكن يقراو كلامي تقلك ندير مشاكل ونسكن وحدي انا نقلها حاجة يا بنتي دعاوي ااشر والله ماهم ساهلين ........ سلام وشكرا على موضوعك ​

كلامك فالصميم.. هههههه 8 رصاصات ما عندهم ما يديرو... غير لكان تيريتهم في مخهم هوما في زوج وتتهنا وتهنيهم هههههه نضحك برك تعود تديرها صح
وحاجة اهرى اخي الغالي ماش كل واحد عندو باش يكري او يبني او او او ومضطر يعيش مع امو... هنا الحل لازم يتفاهمو كيما الام وبنتها... العجوزة نقلك كيما تبغي بنتك مهنيا هني بنت الناس... والعروسة نقلك كي تحبي مرت خوك تعاون امك وتهز عليها شغل الدار عاملي حماتك بالمثل.... اكسبو بعض تكسبو راحة بالكم

 

[الفتاة الاميرة]

نشك

وعليكم السلام ورحمة الله وبركاته.

الحلول تكون قبل المشاكل
والوعي سيد الحلول
.
الزوج هو الرجل ومن مسؤولياته ان يفهم امه ويفهم زوجته
يحاول ان يوعي امه قبل الزواج بسلوك حسن
ويشاركها في كلامه وعن فكرته في الزواج وما هي آماله فيه
الام انجبت وربت وتفرح عندما يتزوج ابنها
الا انه بعد مدة ترى ان ابنها نزع منها
وان احداهن اخذته ووفرت له حنانا غير حنانها وهذا خطا
فتلك الزوجة المسكينة تركت بيتها تركت امها وجاءت كأسيرة لترعى وتكون اميرة قلب ابنها فكيف تجعلين منها آسرة لإبنك.
والزوجة عليها ان تفهم ان تحب ما يحب حبيبها اليس للحبيب ام هي اغلا ما يملك فكيف تغضب من انجبت وربت وحنت وعطفت وبعدها ارسلت لها رجل جاءها رجل كامل قويم عليها مسؤولا عليها.

والحل هو البعد فبه تبسط المحبة
على الاقل بعد المسكن الخاص
ولو قريبا

وهناك طرفين اخرين لهما تأثير خفي
وهن اخوات الزوج وزوجات الاخوة فلديهم اوراق مؤثرة
فإن كن اخواته غير متزوجات فعلى اخوهم ان يحسن اليهم ولا يتغير بعد الزواج
الام قد تحب ابنها اكثر من بنتها
لكن ان كان الامر فيه زوجة فتنحاز غالبا بعاطفتها نحو كفة بناتها وهذا مشهور معروف.
اما زوجات الاخوة فعلى الاخوة ان يتركن القيل والقال والتطفل والسماع بأذانهم ما يعاد عليهم للمصلحة العامة.
ام زوجة اخوات سلسة ان اعوجت احدى حلقاتها تعس الزوج وتعس كل من يحيط به
على كل طرف ان يعرف حدوده وواجباته
وبعدها حقوقه.
[/نشكرك على النصائح الرائعة

 

[وۣۗهۣۗہۣۗم]

االسلام عليكم....
المشكل الازلى الذي لن يزول على الاغلب
المهم من وجهة نظرى انوو المشكل هو حب تملك الام ولسنوات كانت هى الملكة هى الراي الاول والاخير هى كلشي في حياة وليدها وكى تجى الزوجة وبطبيعة الحال تحب بدورها تكون الملكة تاع حياتو وكلشي ليها وعلىالاغلب هذا هو راس المشكل وحدة تجبد. منووحدة وربي يجيب الخير القنابل والدموع من حيث لا تدرى ولا تعلم بصح كون الام تصفي ذمتها وتكبر راسها وتدير بنت الناس في مقام بنتها من اول يوم والبنت تبرى ذمتها وتحطها في مقام امها وتحن عليها وتكبر بيها في كلشي نظن رح تختلف الحياة عندهم بزااف ☺☺

 

[rafid2]

الفتاة الاميرة
مقالك مس كل النفاط وماجاء فيه كان في منتهى الدقة في اعطاء الاتجاهات
المشكل يبدأ من التصور الاول للزواج سواء من الزوج او الزوجة
طبعا وهذا لايختلجه اي شك فأن الفكرة الاولى او التصور الاول للزواج ينبثق من تخيل الصورة المثالية المطلقة التي نتبناها من اعماق الحيال وربما من المسلسات التي ندبت للمجتمع ثم نصطدم بواقع فيقبلب الموازين
الحياة قسمت الادوار وديننا اعطى لكل ذي حق حقه قلكل واحد من الاهل حقه ومكانته التي لاتفبل المزج والامتزاج لكن حين تكون التداخلات او قولي الاحتلالات تتكرفس

 

[Wafawafa]

ههههههه عجبني البارت الاول

 

[{مُدَلَّلَتُهُ}]

السلام عليكم

شوفي لتفادي المشاكل و النزاعات ماكاش كيما البيت المنفرد البعد يجيب السلام !الكنة تروح تزور عجوزتها مرة على مرة تقضيلها تطيب و تبعثلها بصح باش تقعد الكنة تهنبر و في التالي لا جزاءا ولا شكورا هنا الروبو و يعيا و كي نجو لناحية الشرع الزوجة نهار تقوم باهل زوجها هاذا اجر و احسان برك غي عدنا في العادات تاوعنا حاسبينها واجب قومي ... نورمالمو كي يروحو يخطبو بنت الناس يقولو لماليها جيناكم بالحسب و النسب طالبين يد بنتكم للتهنبير علينا
ام الزوج تعبت وربات و حتى ام الكنة تعبت و ربات ما صابتهاش نابتة في شجرة و هاذي سنة الحياة .. كي يلحق الوقت كل طير يدير عشو ..


طبعا مانيش نعمم بصح هاذا حال اغلب العائلات الجزائرية الله يهدي الحال و يصلح الاحوال