الشيفة- Smile Queen - ضيفة المطبخ اللماوي - العدد الحآدي عشر -

[ضآحكة مستبشرة]

نرحب بكم في العدد الحادي عشر من سلسلة
​

للإطّلاع على الفكرة الرئيسية تفّضلوا هنا :

شيفة لماوية في استضافتنا { الطبعة الثانية 2017 }

وموضوع توقع العضوة كان :​

توقّع من هي ضيفة العدد الحادي عشر -شيفة لماوية في استضافتنا-


​

والعضوة التي سنستضيفها لمدةخمسة ايــآم هي:

هي عضوة لمّاوية قديمة التسجيل
وتميزت بحضورها الرائع مؤخرا
و بتفاعلها في منتدى الطبخ
وتتميز بالإتقان والتفنن في وضع اطباقه
محبّة لمنتدى اللمة الجزائرية
طبّاخة ماهرة

هــــــــــــــــــــــــــــــي : شيفتنا​

Smile Queen


​

إذن عليكم طرح أسئلة للعضوة عن الطبخ وعالمه وعن حياتها مع المطبخ ووصفاتها..الخ
والرجاء عدم الخروج عن فكرة الموضوع فهدف الموضوع واضح
-أهلا وسهلا بكِ اختي في العدد الحادي عشر من سلسلة
شيفة في استضافتنا نرحب بكِ أولا ويشرفنا قبول الدعوة
​

​

​

​

نرحبو بيكِ اختي Smile Queen
​

​

أفتتح الجلسة ببعض الأسئلة الخفيفة على الضيفة :
-أسئلتي:

1- وآش هي اول طبخة طبختيها ؟
2- شحآل كان في عمرك كي بديتي تدخلي للمطبخ ؟
- وآش هو أفضل طبق تعرفي تطيبيه و يخرجلك مليح ؟

هكدا

نخلي الفرصة لأعضاءنا وعضواتنا
يسألوك ويقومو بيك

و ان شاء الله تقضي وقت ممتع معَـــــآنَـآ

 

[السلطانة]

أهلا وسهلا بضيفتنا العزيزة
Smile Queen


ومحبة التطبيقات في منتدى الطبخ
وخاصة وصفات ام وليد

سؤالي:مارأيك في وصفات السيدة ام وليد ؟
كلمة عن هذه السيدة ^^
​

 

[ضآحكة مستبشرة]

@Smile Queen يلآ أختي وراكي ؟؟؟

 

[Smile Queen]

السلام عليكم حبيباتي
عئرا لتأخري بسبب انقطاع النت لاسباب خارجة عن نطاقي

شكرا لاستضافتكم لي تشرفت بوجودي معكم فوجودي في هذا المنتدى الجميل فخر لي

واتمنى ان اكون ضيفة خفيفة الظل عليكم

غاليتي المتفآئلة سعيدة بكلامك الجميل عني انتي والغالية أم ياسمينdz

سأبدأ بالاجابة عن تساؤلاتكم

بالنسبة لأسئلتك غاليتي المتفآئلة


1- وآش هي اول طبخة طبختيها ؟ بيض هههه
2- شحآل كان في عمرك كي بديتي تدخلي للمطبخ ؟ كان عمري 9 سنوات
- وآش هو أفضل طبق تعرفي تطيبيه و يخرجلك مليح ؟ الحلويات لانها هواية من الصغر نحب نعمل حلويات وقريت عليهم ثاني في جمعية لتعليم اسرار صنع الحلويات

 

[Smile Queen]

أهلا وسهلا بضيفتنا العزيزة
Smile Queen


ومحبة التطبيقات في منتدى الطبخ
وخاصة وصفات ام وليد

سؤالي:مارأيك في وصفات السيدة ام وليد ؟
كلمة عن هذه السيدة ^^
​

شكرا لكِ غاليتي ام ياسمين الحلوة
بالنسبة لاسئلتك
وصفات الغالية ام وليد رائعة وكلها ناجحة 100% كاين لي صورتها وكاين لي ماكانش كيفاه نصور ههه يعني مش اي حاجة نعملوها نصوروها اكي عارفة هههه
كلمة عن هذه السيدة : رائعة باتم معنى الكلمة الشي لي عجبني فيها انها تفيد الكل يعني تعطيك وصفات سهلة وفي متناول الجميع حقا رااائعة
وخاصة وصفة قلب اللوز الخاصة بيها هههه من نهار عرفتها تقريبا كل افراد العائلة ولاو مدمنين عليها

 

[السلطانة]

أهلا اختي نورتينا

وين تلقايك روحك في الطبخ في الحلويات او العجائن او الاكلات الرئيسية ؟
كي تجربي وصفة هل تتبعي الخطوات او تحبي تبتاكري شوي من عندك ؟
لو ممكن تختاري لنا صورة من اطباقك وتحطيلنا الطبق ؟

:kiss::kiss:​

 

[Smile Queen]

أهلا اختي نورتينا

وين تلقايك روحك في الطبخ في الحلويات او العجائن او الاكلات الرئيسية ؟
كي تجربي وصفة هل تتبعي الخطوات او تحبي تبتاكري شوي من عندك ؟
لو ممكن تختاري لنا صورة من اطباقك وتحطيلنا الطبق ؟

:kiss::kiss:​

النور نورك حبوبتي :Love:
1- وين تلقايك روحك في الطبخ في الحلويات او العجائن او الاكلات الرئيسية ؟
كلها نلقى روحي فيها مي الاكثرية نحب الحلويات والعجائن
2- كي تجربي وصفة هل تتبعي الخطوات او تحبي تبتاكري شوي من عندك ؟
نحب نزيد لمستي الخاصة وخصوصا في السلطات والديكور
3- لو ممكن تختاري لنا صورة من اطباقك وتحطيلنا الطبق ؟

لي سوفلي نحبهم بزاف هههه تفضلي حبيبتي كان تاكلي معايا
الطريقة :
كاس حليب دافي + ربع كاس زيت + بيضة + ملعقة كبيرة سكر+ م كبيرة خميرة خبز + + ملح وفرينة نعجنها تولي طرية ونخلوها تخمر وبعدها نحلها بالفرينة
ونقصها دوائر نحشيها بصوص طوماط ولا فرماج ولا فيونداشي يم يمممم كيما تحبي ونغلقها بالفرشيطة ونخليها تخمر مرة ثانية وندهن بالبيض والى الفرن

نورتي حبوبتي ام ياسمين :kiss:

 

[ضآحكة مستبشرة]

السلام عليكم اختي

اختي واش هو افضل نوع قاطو بديتي بيه ؟؟
او واش هو اكثر نوع تنجحي فيه ؟؟

باش تنصحينا نخدموا القاطو قصدي اهم المكونات مع النوعية ؟؟

هل تجيدين تحضير الاكلات التقليدية ؟؟

بواش تنضفي الاواني كي يتحرقولك ؟؟

 

[Smile Queen]

السلام عليكم اختي

اختي واش هو افضل نوع قاطو بديتي بيه ؟؟
افضل قاطو تعلمتو في بداياتي هو الكروكي وبعدها المقروط ومبعد وبعد ما تعلمت حلويات وليت ندير من قنوات في اليوتيوب وينجحو الوصفات روعة
او واش هو اكثر نوع تنجحي فيه ؟؟
الصابلي بكل انواعو مع التزيين واحيانا نخترع تزيين معندي
باش تنصحينا نخدموا القاطو قصدي اهم المكونات مع النوعية ؟؟
الحاجة اللي تخلي الصابلي خفيف او اي قاطو باش يجيك مليح لازم تحترمي المقادير تاعو ماتزيدي ما تنقصي
ولكان حابة تزيدي الكمية من الاحسن طيبي بالكيلة يعني ما تروحيش تخلطي المكونات وتضاعفي كيما تحبي انتي
بالنسبة للصابلي دايما كمية المرغرين تكون نصف كمية الفرينة و كمية السكر هي نص كمية المرغرين يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير ستوندار ممكن تزيد و لا تنقصي شوية الفرينة علي حساب واش تاكلك لابات بصح هذا هو المبدا تاع السابلي
ثاني حاجة هي البيض...في القاطو صفار البيض يهشش لعجينة و البياض ييبسها ويخليها تقرمش يعني بدل ما تديري 3 بيضات ديري غير صفار ...
كي تلمي العجينة ما تعجنيهاش لميها برك.و لازم تخليها طرية ...هذا ثاني مبدا في القاطو... عجينة تلميها طرية مي تطيب تجيك طرية و اذا لميتيها يابسة سي نرمال في الفور تيبس أكثر .
ثاني كي تحلي العجينة تاعك من الاحسن تحليها فوق ساشي باش ما أديريش الفرينة باسكو كيما قلتلك كمية ليدام في السابلي محسوبة لوكان تحليها بفرينة بزاف قادرة تنشفي لعجينة و تجيك يابسة و كي تلميها حطيها في الفريجيدار مدة بسيطة حوالي 15 د باش تشد روحها و تجيك ساهلة في الحلان باسكو فيها ليدام بزاف لو مان تحليها تم تم تتقطعلك.
بالنسبة للتحضير...احسن طريقة.. تبداي بالمرغرين تكون طرية ماشي ذايبة تخلطيها مع السكر قلاص بالباتور حتي تولي كريمة من بعد تزيديلهم البيض و تخلطيهم مليح باش يجيك القاطو بنين في الآخر تلميها بفرينة و مايزينية و تخلي العجينة طرية تغلفيها و تخليها ترتاح شوية في الثلاجة هنا القاطو يجيك بنين أحسن لان السكر تاعنا دخلناه في البيض و السكر مليح...
بالنسبة لليدام في السابلي نستعملو مرغرين وحدو يكفي و يجيك القاطو يهبل و طبعا أللي تقدر أدير الزبدة في عوض المرغرين ولا تخلطها مع المرغرين
بالنسبة للخميرة ما تكثريش باش ما يفسدش شكلو
هل تجيدين تحضير الاكلات التقليدية ؟؟
طبعا وخاصة الشخشوخة والمحاجب تاع البرنوس حنا الشاوية مشهورين بيهم
بواش تنضفي الاواني كي يتحرقولك
فورس اكسبرس
اما حاليا نغسل بالصابون حجرة نذوبو ونزيد عليه خميرة تاع حلوى او بيكاربونات ههههه يخرجهم روعة
؟؟

 

[ضآحكة مستبشرة]

السلام عليكم
وراكم يا لحــــــــــراير نرجوا حضوركم هههه


@أم منيــــــر

@بنقابي افتخر
@Soumia hadj mohammed
@ام تسنيم واحلام

@Oum Loukmane
@ميلينا

@الصحافية الساخرة
@سكون الفجر

@MAROUA HAIBER
@Malika Tlm​

 

[الصحافية الساخرة]

السلام عليكم و رحمة الله و بركاته
اه راكي دايرة حالة فكل بلاص ختيتو يعطيك الصحة
مرحبا بالضيفة اللي تعجبني تبانلي طيوبة بزاااف و متواضعة وشاطرة ، خاصة انها بدات تذخل للمطبخ من عمر ٩ سنوات ما شاء الله ، يا اختي نقولك راكي حالة ناذرة فزماننا عسي روحك يضربوك بعين هههه ربي يوفقك ختيتو ويفرج عليك ان شاء الله. نتمنى تكوني ارتحت من الحالة اللي فاتت عليك ، وبالنسبة لسؤالي فهو : وين ممكن نلقى هذوا الجمعيات اللي قلتي عليها ؟ وهل يا ترى توجد فقط فبعض الولايات او نقدر نلقاها عندنا هنا فجيجل ؟
وسؤال اخر : كيفاه نولي نقدر نطبق الوصفات بلا ما نخاف تفسدلي خاطر انا بصراحة لا اثق في قدراتي وهذا بسبب بعض الكلام اللي عقدني سيرتو فمجال الطبخ ؟
نتمنى تفيديني بنصائحك اختي
وشكرا

 

[زاد الرحيل]

السلام عليكم ..
اهلا بيك يا شيف :kiss::kiss:
.
.
ان شاء الله راكي لاباس

هل اختيارك للطبخ هواية مارستها .. او ظروف المنزل هي من فرضت ذلك ؟؟
ماهي الاطباق التي تحبيها و تتقنيها ؟؟
هل تصنعين حلويات الافراح للناس او لا ؟؟
فيها دراهم حومر :p
​

 

[ضآحكة مستبشرة]

السلام عليكم اختي

اختي الغالية

واش هو احسن منكه للحلويات ؟؟
بواش تطلعي الكريم شونتي ؟؟
افضل شوكولا تستعمليها للحلويات ؟؟
واش هي الأكلة لي راكي حابة تتعلميها دوكا ؟؟

 

[بنقابي افتخر]

السلام اختي
حبيت نسقسيك واش رايك بوصفات اللمة؟
اسكو سييتتيهم؟
رأيي عائلتك بتصوير الأكل خخخخ ؟
سيتي اكلات غير جزائرية ؟
كيف كانت النتيجة ؟

 

[Malika Tlm]

السلام عليكم
مرحبا بيك ختي اقامة طيبة ان شاء الله
حبيت نعرف ختي هل كل وصفة تجربيها تنجحلك من اول مرة؟
شكون الشيفات لي تحبي تبعيهم؟
قوليلي جربتي الكبة السورية ؟وهل نجحتي فيها؟
نتمني منكونش طولت عليك يلا كانش متفكرت راني نوليلك اوك
تحياتي
بالتوفيق

 

[Smile Queen]

السلام عليكم و رحمة الله و بركاته
اه راكي دايرة حالة فكل بلاص ختيتو يعطيك الصحة
مرحبا بالضيفة اللي تعجبني تبانلي طيوبة بزاااف و متواضعة وشاطرة ، خاصة انها بدات تذخل للمطبخ من عمر ٩ سنوات ما شاء الله ، يا اختي نقولك راكي حالة ناذرة فزماننا عسي روحك يضربوك بعين هههه ربي يوفقك ختيتو ويفرج عليك ان شاء الله. نتمنى تكوني ارتحت من الحالة اللي فاتت عليك ، وبالنسبة لسؤالي فهو : وين ممكن نلقى هذوا الجمعيات اللي قلتي عليها ؟ وهل يا ترى توجد فقط فبعض الولايات او نقدر نلقاها عندنا هنا فجيجل ؟
وسؤال اخر : كيفاه نولي نقدر نطبق الوصفات بلا ما نخاف تفسدلي خاطر انا بصراحة لا اثق في قدراتي وهذا بسبب بعض الكلام اللي عقدني سيرتو فمجال الطبخ ؟
نتمنى تفيديني بنصائحك اختي
وشكرا

اهلا بيك حبوبتي الصحافية الساخرة
شعور متبادل يا غالية انتي ثاني من ردودك ومواضيعك ماشاء الله عليك
بالنسبة للجمعيات اكيد يكونو في كل الولايات لان اي جمعية لازملها دخل وتعمل نشاطات مثل هذي باش يكون عندها مداخيل
هنا عندنا في باتنة كاين الاتحاد النسائي لي فيه استاذات روعة تاع تعليم الحلويات
بالنسبة لدخولي للمطبخ من لي كان عمري 9 سنوات لان الوالدة تاعي ربي يرحمها توفت وانا في عمر صغير جدا يعني تعرفي مرت الاب لازم تخرجك فحلة حبيتي ولا كرهتي
بالنسبة لسؤالك كيفاه تقدري تطبقي الوصفات بلا ما تخافي تفسدلك
بالنسبة للاطباق الرئيسية او باين الشي لي لازم تتحكمي فيه كمية ليدام وثاني التوابل كل طبق وعندو توابل خاصة بيه ومالازمش نكثرو لان اذا زاد الشيء عن حده انقلب لضده وثاني اهم شي في الطبخ التقلية يعني تقلي قبل ما تمرقي وكل شي على نار هادية يجي بنين
بالنسبة للحلويات من الافضل انك تطبقي الوصفات على حذافيرها وكاين حوايج بديهية يعني كيما انو الحلوى مالازمش تعجنيها يعني تتلم فقط وماتكونش يابسة هكا اي حلوى رح تصلح اكيد وثاني لازم يكون الفرن سخون مسبقا وما تضليش تفتحي الفور
والطبخ راه تماما مثل الرياضيات يعني قضية ممارسة وولف كي يدك تمشي رح تولي تبدعي في كل شي
ان شا الله نكون افدتك حبوبتي

 

[Smile Queen]

السلام عليكم ..
اهلا بيك يا شيف :kiss::kiss:
.
.
ان شاء الله راكي لاباس

هل اختيارك للطبخ هواية مارستها .. او ظروف المنزل هي من فرضت ذلك ؟؟
ماهي الاطباق التي تحبيها و تتقنيها ؟؟
هل تصنعين حلويات الافراح للناس او لا ؟؟
فيها دراهم حومر :p
​

وعليكم السلام غاليتي
الحمد لله لاباس حبوبتي وانتي واش احوالك ؟
لالا هي هواية ونحبها كانت بكري مفروضة لكن كي كبرت وليت نحب نتعلم اي حاجة خاصة بالطبخ
نحب بزاف الحلويات
اما اذا كنت تعني الاطباق الرئيسية نحب بزاف الشخشوخة والمحاجب والكفتة المعدنوسية طاجين الزيتون
كل شي ههههه
لا فقط تعلمتها لنفسي حبوبتي ههه الحمد لله حاليا راني نقرا ماستر 2 الكترونيك ونخدم في معهد خاص لتنشيط الدماغ الاوسط في باتنة
مرحبا بيك لو حبيتي تزوريني ونديرو لافار ههههه نقلبوها حلويات مادام فيها دراهم حومر :Love::p

 

[زاد الرحيل]

لله الحمد و الشكر
تعرفي والله فيها دراهم حومر صح مدخول يوم قيمة شهرية ما علا بالكش برك ما شاء الله عليك علم و هواية و عمل الله يحفضك و يوفقك
خممي مليح في حكاية الطبخ زميلاتك اللي تخرجوا كامل يتمناو يخدموا عندك و انت تقبلي بشروط صعبة

 

[Smile Queen]

السلام عليكم اختي

اختي الغالية

واش هو احسن منكه للحلويات ؟؟
بواش تطلعي الكريم شونتي ؟؟
افضل شوكولا تستعمليها للحلويات ؟؟
واش هي الأكلة لي راكي حابة تتعلميها دوكا ؟؟

قصدك arôme alimentaire نحب اللوز الحلو
افضل شكولا فيجيكاو كي نذوبها نضيف ليها شوية ما وقطرات زيت باش تلمع للطلي ونحرك حتان نشوف القوام لي حاباتووكاين ثاني شكولا مينة mina رووعة
الكرام شونتيي نطلعها بحليب بارد طبعا ههه
الاكلة لي حابة نتعلمها
الحمد لله كل حاجة نشوفها نطبقها اذا كان عندي امكانيات
اكيد كل حاجة جديدة نحب نتعلمها
شكرا لمرورك حبيبتي

 

[Smile Queen]

السلام اختي
حبيت نسقسيك واش رايك بوصفات اللمة؟
اسكو سييتتيهم؟
رأيي عائلتك بتصوير الأكل خخخخ ؟
سيتي اكلات غير جزائرية ؟
كيف كانت النتيجة ؟

وعليكم السلام حبيبتي
بالنسبة لوصفات اللمة روعة معانا استاذات الله يبارك في الطبخ وانتي منهم غاليتي
كاين لي سييتهم وكاين لي مازال ونتمنى نسييهم
رأي عائلتي بالتصوير ههه ما يحبوش ككل العائلات الجزائرية نهار نصور تصرا ديقة ويبداو يتمسخرو بيا كبيرة وجايحة الخ الخ اكي عارفة هههههه مرة في الفال نخطف فوطو هههه كيما اليوم اني درت طاجين زيتون تفضلوا معانا

هل سييت غير اكلات جزائرية مرات نسيي من قناة cbc sofra تعجبني خصوصا برنامج نجلاء الشرشابي على قد الايد تدير فيه اكلات سهلة ونجاحها مضمون