الشيفة- Smile Queen - ضيفة المطبخ اللماوي - العدد الحآدي عشر -

[Smile Queen]

السلام عليكم
مرحبا بيك ختي اقامة طيبة ان شاء الله
حبيت نعرف ختي هل كل وصفة تجربيها تنجحلك من اول مرة؟
شكون الشيفات لي تحبي تبعيهم؟
قوليلي جربتي الكبة السورية ؟وهل نجحتي فيها؟
نتمني منكونش طولت عليك يلا كانش متفكرت راني نوليلك اوك
تحياتي
بالتوفيق

وعليكم السلام
مرحبا بيك غاليتي مليكة
بكري كاين وصفات ما تنجحش وهذا هو السبب لي خلاني نسجل في دورة تعليم الحلويات والحمد لله عرفت بزاف حوايج منهم انو لازمني ننضبط بكل صغيرة وكبيرة في الوصفة باش تنجح
الشيفات لي نحبهم من خارج اللمة ام ولييييييييييييييد نموت فيها وكاينة هنا في اللمة شيف قديمة معانا الله يبارك عليها اسمها ام ندى تعمل وصفات قمة في الروعة وكل وصفاتها ناجحة . ثاني الخالة حكيك وعفاف الله يبارك وام منصف ثاني ام ياسمين وكامل بنات اللمة الله يبارك عليهم
الكبة السورية طيبتها على طريقة عفاف كانت معانا هنا في اللمة من المسيلة وخرجت رووووووعة

 

[Smile Queen]

لله الحمد و الشكر
تعرفي والله فيها دراهم حومر صح مدخول يوم قيمة شهرية ما علا بالكش برك ما شاء الله عليك علم و هواية و عمل الله يحفضك و يوفقك
خممي مليح في حكاية الطبخ زميلاتك اللي تخرجوا كامل يتمناو يخدموا عندك و انت تقبلي بشروط صعبة

ربي يحفظك حبيبتي
عندك الحق حبيبتي ميلينا رح نخمم فيها بجدية بصح المشكل حاليا الوقت ماكانش مع الميموار والدورات في المعهد ان شا الله في الصيف هذاك هو موسم الاعراس ندير لافار هههه
ادعيلي بالنجاح ياغالية

 

[زاد الرحيل]

ربي يوفقك

 

[ام تسنيم واحلام]

السلام عليكم ماشاء الله ربي خللك صحتك وينجحك آمين
سؤالي هو هل نوعية المكونات لي نطبخو بها مثل الفرينة الخميرة ..........تلعب دور كبير في نجاح الوصفة ؟
او لازم المقدير تكون مضبوطة ميهمش النوعية
وبارك الله فيك واصلي

 

[الصحافية الساخرة]

اهلا بيك حبوبتي الصحافية الساخرة
شعور متبادل يا غالية انتي ثاني من ردودك ومواضيعك ماشاء الله عليك
بالنسبة للجمعيات اكيد يكونو في كل الولايات لان اي جمعية لازملها دخل وتعمل نشاطات مثل هذي باش يكون عندها مداخيل
هنا عندنا في باتنة كاين الاتحاد النسائي لي فيه استاذات روعة تاع تعليم الحلويات
بالنسبة لدخولي للمطبخ من لي كان عمري 9 سنوات لان الوالدة تاعي ربي يرحمها توفت وانا في عمر صغير جدا يعني تعرفي مرت الاب لازم تخرجك فحلة حبيتي ولا كرهتي
بالنسبة لسؤالك كيفاه تقدري تطبقي الوصفات بلا ما تخافي تفسدلك
بالنسبة للاطباق الرئيسية او باين الشي لي لازم تتحكمي فيه كمية ليدام وثاني التوابل كل طبق وعندو توابل خاصة بيه ومالازمش نكثرو لان اذا زاد الشيء عن حده انقلب لضده وثاني اهم شي في الطبخ التقلية يعني تقلي قبل ما تمرقي وكل شي على نار هادية يجي بنين
بالنسبة للحلويات من الافضل انك تطبقي الوصفات على حذافيرها وكاين حوايج بديهية يعني كيما انو الحلوى مالازمش تعجنيها يعني تتلم فقط وماتكونش يابسة هكا اي حلوى رح تصلح اكيد وثاني لازم يكون الفرن سخون مسبقا وما تضليش تفتحي الفور
والطبخ راه تماما مثل الرياضيات يعني قضية ممارسة وولف كي يدك تمشي رح تولي تبدعي في كل شي
ان شا الله نكون افدتك حبوبتي

يهنيك ختي
مشكورة ختي على النصائح
ربي يبارك فيك

 

[Smile Queen]

ربي يوفقك

امين حبيبتي ربي يفرحك

 

[Smile Queen]

السلام عليكم ماشاء الله ربي خللك صحتك وينجحك آمين
سؤالي هو هل نوعية المكونات لي نطبخو بها مثل الفرينة الخميرة ..........تلعب دور كبير في نجاح الوصفة ؟
او لازم المقدير تكون مضبوطة ميهمش النوعية
وبارك الله فيك واصلي

اكيد حبيبتي الفرينة تلعب دور كبييييييييييييييييير وطبعا مع مراعاة المقادير
تسلمي حبيبتي نورتي الموضوع

 

[سكون الفجر]

السلام عليكم ورحمة الله
أهلاً بكِ أختي @Smile Queen
اتمنى اكِ اقامة طيبه
بارك الله فيكِ حبيبتي @المتفآئلة على التذكير

غاليتي الملكة، ما هي الاطباق التي تجيدينها وتحبين صنعها؟

هل تحبين صنع الحلويات أم الأطباق الرئيسية؟

زاركِ ضيوف فجأة، كيف تديرين أمورك؟

ممكن تعطينا وصفة سهلة من البيض؟؟

هل تحبين تجريب اطباق جديدة؟

هذا كل ما عندي
بالتوفيق اخيتي

 

[MAROUA HAIBER]

سلام ألف مبرووك على افتتاح العدد وألف مبرووك للشيفة الماهرة ديالنا وديال اللمة نتمنى تستمتعي بهاذ اللقاءات معانا من خلال الأسئلة ونشكر زميلتي المتفائلة على الإشارة لي في هذا الموضوع لأنو في الحق ماانتبهتش مرسي حبيبة
بون أنا عندي أسئلة كثيرة في الطبخ وكنتمنى نستفاد منك حبيبة وأبرزهم :
- هل تعتمدين في طبخك على وصفات شيفة خبيرة تضمنين سر نجاحها ؟؟
- إذا صادفتك مسابقة مستعجلة في الطبخ في يوم واحد وطلبوا منك تحضير طبق حلو ولازم يكون مميز ففي ماذا تفكرين؟؟
- إذا كان في تلك المسابقة لديك 3 اختيارات في الطبخ : طبق مالح و طبق حلو ومشروب فاش تفكري ؟؟
- ماهي أفضل أكلة تقليدية اللي تشاركي بيها في مسابقة عالمية مثلا ؟؟
- بالنسبة ليك السلطة المشوية لي هيا الحميس واش السر اللي يخليها جي طعم باهر ؟؟
- هل عندك وصفة بطاطا مقلية مقرمشة غير التي نتناولها يوميا؟؟
نتمنى جاوبيني على الشي اللي تقدري وإن شاء الله منكونش ثقلت عليك

 

[السلطانة]

ماهي انواع الخبز لي تحبي تخدميه ؟
لو ممكن طريقة لنوع من الخبز او البريوش