ضيفة العدد الرابع quěěŋ ŏŏŏŏf gříěf تعرف على الاكل التيبازي

وۣۗهۣۗہۣۗم · 2 نوفمبر 2018

قال الامين محمد:
ماااااااااشااااااااااء الله تبااارك الله
و يبقى قسم المجرمات من بين أنجح الأقسام بفضلكن

طبعا لا يختلف إثنان على أن الأخت
@quěěŋ ŏŏŏŏf gříěf
من بين أفضل و أنشط و أطيب الأخوات و أنا شخصيا أتشرف أنها أختي
المهم سؤالي عبارة عن تحدي
بالنسبة لي المرأة التي تتقن الكسكس قطعت شوطا كبيرا في الطبخ
إذن هل تتقنين الكسكس أختي و لما أقول كسكس أقصد كسكس الوليمة أي الكثير تاع عرس مثلا

اسعدنى مرورك اخى الفاضل شهادتك فخر واعتزاز لى وانا اسعد بكونى اختاا لك
اى بالنسبة لتحديك نصفه قد قطعته ونصفه يبقى منالا لم ادركه بعد ان شاء الله في زمن قريب باذن الله الواحد
اسعدنى تواجدك اخى رزقك الله بما تشتهيه ان شاء الله
@الامين محمد
nounous nina

وۣۗهۣۗہۣۗم · 2 نوفمبر 2018

قال آية نور اليقين:
صباح الخير حبيبتي
شكراً ل @السلطانة على التنبيه المشاركة
احنا فالغرب تقريبا فالنفاس عند ازدياد مولود نديرو البركوكس مع اعشاب مدقوقة وكاين لي قوله العيش والرقاق مع المرق كما يقولوا الشخشوخة مع من بعد القهوة والشاي مع الطمينة بنوعين والرفيس والحلويات مشكلة والمسمن وكل واحد واش يقدر يضيف معهم وانتم واش تقدموا ؟؟؟؟؟؟.........وحنا اختي في 7 أيام نعرضوا كامل لحباب وانتم تاني تعرضوا ...ولا لي جا مرحبا .....؟؟؟؟؟
مشكورةمشاهدة المرفق 94588

مشكورة على مرورك غاليتى
اى حتى حناا نسموه البركوكس مى فالزيادة نوو منديروهش صراحتاا
فالزيادة عندنا الطمينة والحلويات المشكلة والرفيس بالبيض كىما تفضلى غاليتى ووعندنا الكسكسي اللى يوزع على كل البيوت القريب يعنى على الحباب والجيران بعد مايتوزع الكسكسي كل واحد يجيب الصحن ديالوو ويجى يهنى بالمولود الجديد يعنى رانا تخلينا على العادة تاع العزيمة الاغلبية تخلاو عليها
سررت بمرورك الكريم حبوبتى نورتى
@اية نوراليقين

nounousnina

وۣۗهۣۗہۣۗم · 2 نوفمبر 2018

قال سكون الفجر:
اهلين وسهلين حبيبتي
بحجز مكاني وراجعتلك مع ترحيب قد المقام واسئلة خفيفة وحلوة متلك

مكانك محجوز في القلبك تنوري في اى وقت

وۣۗهۣۗہۣۗم · 2 نوفمبر 2018

قال السلطانة:
عدت من جديد

-ماهي التوابل التي تستعملينها في المرق الابيض ؟
-التوابل التي تستعملينها في شربة الفريك ؟
-في شهر رمضان عادة ماهي الاطباق التي تحضرونها ؟

اهلا غاليتى تنورى في اى وقت
1-التوابل التى استعملها في المرق الابيض هى الملح دائماا سيد الطعام فلفل اسود والقرفة مى هادووم زوج الواحد يرد بالوو شوياا لانهم يكحلوو المرق بالاضافة لراس الحانوت منين ذاك نضيف حتان الكركم يعطى لون شباب
2-توابل الشوربة فريك اللى نستعملها هى الملح +فلفل اسود+عكرى اى فلفل احمر +قرفة +راس الحانوت اللى لاظم يكون ذوو جودة باه يعطى ريحة وذوق رفيع للشوربة ديالك نضيفلها يعنى ملعقة صغيرة فقط تاع حار مدروسة او فلفل حار ولما طبيب نحطلها قرن كامل تاع حار باه ينسمها ويعطيها ريحة وطعم بزااف بنين .
3-في الشهر المبارك شهر العبادة بالمرحلة الاولى وشهر الابداع ههههه تختلف اطباقنا كل وكيفاه مى الشوربة فريك وطاجين الحلو والسلايط كل يوم 30 يوم ميتغيروش على المائد والطبق الجانبي نغيروه على حساب واش تشتهى العائلة مثل طاجين الزيتون بطاطا كوشة مثوم .....
اسعدنى مرورك وتواجدك غاليتى
@السلطانة

nounous nina

وۣۗهۣۗہۣۗم · 2 نوفمبر 2018

قال حلم كبير:
السلام عليكم ورحمه الله وبركاته
شكرا لك الأخت الكريمة على استضافة
الشيفة الأخت
@quěěŋ ŏŏŏŏf gříěf
أهلا وسهلا بك على بلاطو شيفات اللمة
ما شاء الله طبخك يشهي ،أتوقع أن يكون لك مستقبل زاهر في وصفات من صنعك بحول الله...
سؤالي هو المطلوع ،هل سبق وعجنته ؟
هل اسمه عندكم المطلوع ؟
الخبزة أو الرخساس ،كيف تصنعوها عندكم ؟

هذه هي أسئلتي
إقامة طيبة في بلاطو اللمة للشيفات
إحترامي وتقديري

بيك وهلا اخى الفاضل نورت بتواجد
ربي يحفظك اخى ورزقك بيتاا بالجنة ان شاء الله
هذا منتمناه ان شاء الله ربي
اى حتى حنى نقولو المطلوع اى نعرفوو الحمد لله
اوكى تقصد بالخبزة والرخساس الفطيرة نظن
مقاديرها هى :
خليط بين السميد رطب والفرينة يكون سميد اكثر من الفرينة
نبسس الخليط تاعى بالزيت مليح ونظيف الملح ديالى
نحط ملعقة تاع قهوة سكر +ملعقة تاع قهوة خميرة الخبز ونخلط الكل مع بعض وبعدها نطم بالماء عادى
هادا ولا سؤالك على الفطيرة

سررت بتواجدك اخى
@حلم كبير

nounousnina

وۣۗهۣۗہۣۗم · 2 نوفمبر 2018

قال البحر الهادي:
السلام عليك
أهلا ومرحبا بك
شرفت المنتدى والصرح

شكراا جزيلا على مرورك اخى
بيك وهلا
الشرف لى اخى ربي يعزك

وۣۗهۣۗہۣۗم · 2 نوفمبر 2018

قال سكون الفجر:
السلام عليكم ورحمة الله وبركاته
يا هلا وغلا واهلين وسهلين فيكِ غاليتي
ما شاء الله من خلال ردودك يظهرلي انك بتحبي الطبخ والطبخ يعني لك فن اكتر ن كونو مجرد اكل
ما شاء الله عليكِ
اسئلتي يا حلوتي
1- ما هي الأطباق التي تقدمونها في الأعراس عادة
2- اكلات مشهورة تقدم للمرأءة الوالدة
3- هل تحبين التنويع في الأطباق يعني تغامرين وتقومي بتطبيق اطباق جديدة من ثقافات اخرى؟
4- اذا طلعت عندك الشوربة مالحة كيف تتصرفين؟
5- ما هي الحشوات التي تعتمدينها للشوصون؟
6- شو هي الأطباق اللي تقدموها في عيد الأضحى؟

اكتفي بهذا القدر واي سؤال افتكرو رح اجي اسألك
بالهنا حبيبتي

هلا وغلا بعيونك الحلوة غاليتى مسرورة بتواجدك حبيبتى
شهادتك فخر لى غاليتى
1-فى الاعراس الشوربة مع طاجين الحلو وسلطة بالاضافة ل
طاجين الزيتون
مثوم
كسكسي
شطيطة بانواعها المختلفة
هاد الاطباق افراد اكيد يختاروو صنف واحد منها يقدموه لضيوفهم بالاضافة للاطباق اللى ذكرتهوملك فالاول

2-اشهر الاطباق هو الرفيس بالبيض
3-اى اى اكيد احب التنوع والمغامرة ونغامر بزااف ههههههه وشحال من مرة طحت فيها
4-شوربة لاجات مالحة حبة بطاطا نقسمها على اربعة ونظيفها كى نحس بيها ساي تخلصت من الملح الزايد نحيها
5-الشونصوو نعتبروو ابداعات فردية ههههه كل واحد وواش يحب
اخر مرة درتوو بحشو الدجاج
المقادير
صدر دجحاج مقطع قطع صغيرة
بصلة مسكرفة او مقطعة مربعات
ثوم ملح
فلفل اسود
جبن
6-عيد الاضحى صباحاا مشاوى كبدة او شرمولة مع بطاطا مقلية والمخ مساءا للعشاء عصبان وشطيطحة زليف وتغماس تاع زليف
على قلبك غاليتى
سررت بتواجدك مع اختى نورتى
@سكون الفجر
nounous nina

وۣۗهۣۗہۣۗم · 2 نوفمبر 2018

قال السلطانة:
في انتظارك أختي

@quěěŋ ŏŏŏŏf gříěf

اهلا غاليتى
اعتذاراتى لكى على تاخرى في الرد وهذا بسبب الغياب يعنى كنت تعبانة شوياا ولقد رجعت بان الله فى انتظار باقي اسئلتكم وساجيب عليها بكل متعة تحياتى لكى غاليتى
@السلطانة

وۣۗهۣۗہۣۗم · 2 نوفمبر 2018

@Malika Tlm وجودك نور المكان في انتظار اسئلتك

حلم كبير · 2 نوفمبر 2018

قال quěěŋ ŏŏŏŏf gříěf:
بيك وهلا اخى الفاضل نورت بتواجد
ربي يحفظك اخى ورزقك بيتاا بالجنة ان شاء الله
هذا منتمناه ان شاء الله ربي
اى حتى حنى نقولو المطلوع اى نعرفوو الحمد لله
اوكى تقصد بالخبزة والرخساس الفطيرة نظن
مقاديرها هى :
خليط بين السميد رطب والفرينة يكون سميد اكثر من الفرينة
نبسس الخليط تاعى بالزيت مليح ونظيف الملح ديالى
نحط ملعقة تاع قهوة سكر +ملعقة تاع قهوة خميرة الخبز ونخلط الكل مع بعض وبعدها نطم بالماء عادى
هادا ولا سؤالك على الفطيرة

سررت بتواجدك اخى
@حلم كبير

مشاهدة المرفق 94859nounousnina

بارك الله فيك يا الجزائرية الحرة ما شاء الله وتبارك الله
هاذيك هي المبسسة اللي تتطيب فالطاجين
بارك الله فيك وجزاك الله خيرا

وۣۗهۣۗہۣۗم · 2 نوفمبر 2018

تقصد هادى بالرخساس ولا الخبزة حنا نقولو الكسرة ولا الفطيرة

وۣۗهۣۗہۣۗم · 2 نوفمبر 2018

@حلم كبير

حلم كبير · 2 نوفمبر 2018

قال quěěŋ ŏŏŏŏf gříěf:
مشاهدة المرفق 94865
تقصد هادى بالرخساس ولا الخبزة حنا نقولو الكسرة ولا الفطيرة

هاذي هي الرخساس ولا المبسس ولا الخُبزة هي بالذات يعطيك الصحة

وكي تعود ميش مبسسة بالزيت تصلح ل مهراس الزفيطي

وۣۗهۣۗہۣۗم · 3 نوفمبر 2018

قال حلم كبير:
هاذي هي الرخساس ولا المبسس ولا الخُبزة هي بالذات يعطيك الصحة

وكي تعود ميش مبسسة بالزيت تصلح ل مهراس الزفيطي
مشاهدة المرفق 94867

اى عندك الحق
بوركت اخى
حناا منديروش هد الزفيطى بالكل معا انى مشتهية نتعلموو ونذوقوو
وفقت لكل مافيه خير لك

حلم كبير · 3 نوفمبر 2018

قال quěěŋ ŏŏŏŏf gříěf:
اى عندك الحق
بوركت اخى
حناا منديروش هد الزفيطى بالكل معا انى مشتهية نتعلموو ونذوقوو
وفقت لكل مافيه خير لك

كاش نهار نكتبلكم موضوع عليه كي نديروه فالدار بالصور وكلش بحول الله
يحضر الحار برك
بوركت

وۣۗهۣۗہۣۗم · 3 نوفمبر 2018

قال حلم كبير:
كاش نهار نكتبلكم موضوع عليه كي نديروه فالدار بالصور وكلش بحول الله
يحضر الحار برك
بوركت

باذن الله اخى سنكون في الانتضار جزائريوووون =الحار حاضر في كل وقت

السلطانة · 4 نوفمبر 2018

قال quěěŋ ŏŏŏŏf gříěf:
اى عندك الحق
بوركت اخى
حناا منديروش هد الزفيطى بالكل معا انى مشتهية نتعلموو ونذوقوو
وفقت لكل مافيه خير لك

تفضلي الوصفة اختي
زفيطي بوسعادي من مطبخي

السلطانة · 4 نوفمبر 2018

مساء الانوار اختي

-كيفاه تحضرو المحاجب الخاصة بمنطقتكم ؟

-طريقة المسمن او الرقاق تاع الشخشوخة ممكن طريقتكم في اعدادها ؟

وۣۗهۣۗہۣۗم · 4 نوفمبر 2018

اهلا وسلا غاليتى نورتى من جديد
حناا في جيهتنا ختى المسمن ولا المحاجب نحضروهم بنفس الطريقة يعنى نفس العجينة
اللى هى سميد رطب كامل نصوو الصغير فرينة بمعنى ثلاثة كؤوس سميد رطب مع كاس كاس وشوية فرينة من الافضل تكون خاصة بالمعارك ولا المحاجب راها متوفرة فالاسواق وتعطى نتيجة رائعة ملح بالطبع ونعجنوه مليح بالماء يكون فاتر ماهو لاسخون لا بارد فاتر وتعجنية بيان تعجنىوتريحى تعجنى وتريحىوفكل مرة تحطى العجين ديالك في. كيس بلاستيكى هذا راح يساعدك فالعجين وهكداا حتان تحسي العجين تاعك يطرطق بمعنى يدير فقاعات وراهوو جاهز للاستعمال سوى فالمحاجب ولا فالمسمن ونحلوو بالزيت عادى
وباه نديروو الحشو تاع المحاجب بطل نص كمية البصل فلفل حلو يعنى طرشي ونفس كمية البصل طماطم مقطعة مربعات ومقشرة نقلوو البصل وطرشي فالزيت. مليح حتى يذبال البصل والفلفل تاعك وبعدها نبهرو بالملح فلفل اسود وحار وكى يتقلاو مليح نحطلهم الطماطم لي نكون قشرتها وقطعتها مربعات صغير وتكون نفس كمية البصل المقطع ونخليهم مع التحريك منين داك حتان يطيب كلشي وتشرب ماء تاع طماطم اللى تطلقوو ونفاغسي بيها المحاجب دياولى
سررت بالتواجدك معك ثانية والاجابة عن اسئلتك

nounousnina

وۣۗهۣۗہۣۗم · 11 نوفمبر 2018

@السلطانة الكسكسي اللى وعدتك بيه رانىى حطيتوو اتمنى ينال اعجابك تحياتى

ضيفة العدد الرابع quěěŋ ŏŏŏŏf gříěf تعرف على الاكل التيبازي

:: طاقم عمل اللمة الجزائرية ::

:: طاقم عمل اللمة الجزائرية ::

:: طاقم عمل اللمة الجزائرية ::

:: طاقم عمل اللمة الجزائرية ::

:: طاقم عمل اللمة الجزائرية ::

:: طاقم عمل اللمة الجزائرية ::

:: طاقم عمل اللمة الجزائرية ::

:: طاقم عمل اللمة الجزائرية ::

:: طاقم عمل اللمة الجزائرية ::

:: عضو بارز ::

:: طاقم عمل اللمة الجزائرية ::

:: طاقم عمل اللمة الجزائرية ::

:: عضو بارز ::

:: طاقم عمل اللمة الجزائرية ::

:: عضو بارز ::

:: طاقم عمل اللمة الجزائرية ::

:: أمينة اللمة الجزائرية ::

:: أمينة اللمة الجزائرية ::

:: طاقم عمل اللمة الجزائرية ::

:: طاقم عمل اللمة الجزائرية ::

المواضيع المشابهة