كان جا يسموني هكا نقتل روحي ...** امل اللمة **

[pRiAnCa*mCeE]

صحيتي على السيجي ومن بعد نتفاهم معاك
هههههههههه​

 

[maya31]

يا اختي موضوعك شباب بزاف وفالقمة اما بالنسبة للاسماء انا وحدة من الناس هدا الموضوع يعنيني لدرجة انهم يقولولي الاساتذة مش الطلبة وفالجامعة اسمك تركي ولا هندي المهم انا عندي اسم اخر كذالك يليق بي وجاي على حبيت نبدلو في ليبابي بصح وقت الصح ماقدرتش تعرفو علاه لانو كان اسمي فال خير على وكان وسيلة تحدي علاه اللي اسماواتهم ملاح وبابيش كامل ناجحين نبصملك بالعشرة اغلبهم فاشلين هدا مايهمش بفضل ربي واصراري والتحدي اللي زرعوه في قلبي نجحت وتفوقت على زملائي وكتب ربي قريت فالعاصمة وفاحسن الجامعات وتخرجت و الامر عادي ماكان حتى واحد يحطملي المستقبل انتاعي
وكيما قال وحد المغني كلام الناس مصيبة
اسمحولي طولت الهدرة حبيت نحطكم فالصورة

اهلا اختي لعزيزة اولا اسمحيلي نقولك صحا عيدك و نحييك على صراحتك
شفتي يا اختي و الله غير نستعرف بيك اسمك لازم تعرفي المعنى نتاعو
مي كاين بزاااف ناس معقدينهم من اسمواتاهم يحبو يبدلوه الي اسموات تليق بهاد العصر
و الله غير يا اختي نستعرف بيك خليهم يقولو واش يحبو و هاكي نجحتي الله يبارك و هوما بقاو يضحكو في بلاصتهم
و الله غير صورة نتاعك زادت النص في الموضوع شكراا

 

[maya31]

والله غير موضوع شباب بزاف بزاف
و تصرا بزاف هاد المشاكل و أنا أسمي تهامي على عمي الله يرحمه كان يقري الدكاترة في الجامعة نتاع وهران ..المهيم كي دخلت نقرى في المعهد قاتلي وحدة من الفاهمين منين جابولك هاد الاسم راك قديم ..:confused1: ووراتني سنيها لمعوجين :thumbdown:
بصح أنا العباد ضاربهم بطالو وما نسمع بحتى واحد والله ما قيمتها :001_cool:
وهاد الصيف خرجت للمغرب لي نقولوا أنا اسمي تهامي يفرح ويقولي أسمك مزيان :biggrin:
المهم بغيت نوصلك واحد الحاجة أنا لوكان أسمي صباط قاع نفرض شخصيتي بين الغاشي ونخاليهم يحتارموني دراع ماشي نبكي ونزعف ولا نبطل قرايتي سيرتو أنا لساني فيه :001_tt2: 1 m

صحا عيدك خويا تيتو و مرحبا بيك و صحيت على الرد
ههههههههههههه و الله غير نستعرف بيك يا خويا تهامي
مي شتا دير كاين الي شخصيتهم ضعيفة و معقدين سيرتو مين كابرين هايبين اسم نتاعهم
الواحد لازم تكون شخصيتو قوية و ما يديرش على هدرة ناس باش يحطملهم اسماتاهم و زيد ماكان لاه حنا نروحو نزيدو نعقدو الي زيدو على الي خليناه ما يحبش اسمو و يحشم منو


صحيت خويا

 

[maya31]

عندك الحق الأسامي لبد من ان تختار بعناية أو تبقى وصمة طول العمر

و العيب كل العيب من يتخلى عن الأسماء الإسلامية و يسمى أسماء غريبة مثل زهرة و لينة و و لنيس و رندا ............. اللخ

و عجب في رجب هو كثير من الناس يسمون بناتهم و اولادهم على أسماء الممثليين في المسلسلات و مصيبة هم لا يدون بان أسمائهم نصرانية و هم النصارى
​

اهلا عمو حسان
صحا عيدك

ايه يا عمو حسان عندك الحق خير الاسماء ما حمد و عبد و درك الاسماء هادو ولاو يجونا طياحة و نحبو اسموات الغرب


شكرااا لك ربي يحفظك

 

[maya31]

السلام عليكم
وصح عيدكم جميعا
الله يبارك فيك يا مايا( المشو) انشاء الله علي الموضوع الرائع والجديد
انا عندي اسم كيما راكم تشوفوا من تاع بكري لكن فى الحقيقة ماني مداير حتي قصة لواحد يضحك ولا يبكي هذا شغلو
وضرك المشكل راهو من الطرفين
هذاك لاتي بهذاك ولوخر بلوخر ويصرا سوء تفاهم ....الخ
ويخلق الله ما يشاء
تحيــــــــــــــــــاتي
​

هههه اهلا خويا مسعود عاش من شافك
و الله يا خويا اسمك مافيه حتى عيب و انا نحتارمك و نحتارم اسمك و هاد الشيىء لازم
مي هنا كي راني نهدر اغلبية الحالات تكون عند الشيرات ماش شاشرة
علابيها ربي يهديهم

 

[فؤاد الورقلي]

السلام عليكم

والله مافهمنا حاجة في هذا الوقت وزيد الناس خ ولات حابة غير الضحك والتقصار
والفايدة في العقلية والتربية وعلاش الاسم حاب نتزوج بيه والله غير مشكلة
واصلا هذا الوقت النساء ولات تسمي اولادهم غير الاسماء الجديدة اصبحوا يحشموا من الاسماء القديمة خاصة العربية
المرأة كي تزيد تقول لازم نسمي بنتي او ابني احسن الاسماء واصبحوا يبحثوا في النت على احسن الاسماء
وهذا راح ينقص من قيمتنا كعرب وذلك بهجر الاسماء العربية وتغييرها بأسماء دخيلة عن مجتمعنا
الله يهدي ويعافي


شكرا اخت وفقك الله

 

[maya31]

صحا عيدك ختي مايا وكل عام وا،ت بألف خير
وقبل كلش نحب نقولك بارك الله فيك على الموضوع القيم ولي يستحق كل التقدير وهذا طبعا من نبلك وحسن خلقك والطيبة الذي تتميزي بها وعلى هذي غاضك الحال من هذ الظاهرة
ونحب نقولك المشكلة درك راها عندنا فالعقلية المستوردة يعني هذو لي راهم يضحكو والله ماعندهم عقل وراهم يضحكو على رواحهم برك كيفاش تضحك على واحد عندو أسمو جزائري حر وماتضحكش على واحد عندو إسم مسيحي ولا من الممثلات المصريات وغيرها وهنا يبان الفرق تأثرنا بالثقافة لي غريبة علينا وهكذا ما وليناش نضحكو على الأسماء هذي ورانا من التاثير ولينا نضحكو على رواحنا وعلى الهوية تاعنا ومنين توصل تضحك على الهوية تاعك أقرى على روحك السلام
عيب كبير واله غير عيب كبير ولي المعلم نورمالمون يديرلهم درس فالهوية الجزائرية ويعطي تقسير لقمة أسمائنا العربية يقولك هذا ماشي أسم كامل ياحسراه على ذيك المعلمين ياحسراه تاع الشهرية مابقاتش عندهم قيم ولا أخلاق الواحد لازم يخير أسماء تليق بالإنسان والإسم يكون لائق صح بصح راني نشوف الناس تضحك على أسماء لها معنى أسماء لها هوية وكي نقول يخير أسماء تليق ماشي إسم ممثلات وهذا يسموه فاقد للهوية يعني ماعندوش هوية لاثقافة ولا حضارة والنقطة الأخرى والمهمة ولي هي الشخصية لي عمرها ماتتقاس بالإسم وماعندهاش علاقة وكثيرا من الأسماء لي رانا نضحكو عليها لها معنى قوي وعميق جدا لكن الله غالب سمي روحك جورج ولا ميشال تكون ماتسوى والو يشوفوك الله يبارك عليك تسمي روحك أسم عربي أصيل يشوفوك راك روطار بزاف وجاي من عام دقيوس وحسبو رواحهم هما متطورين بالأسموات ههههههههه ربي يهدي وخلاص
ربي يحفظك وربي يخليك و يعطيك مالتتمني تستاهلي كل الخير ودمتي ​

*

اهلا خويا عبيدو و صحا عيدك انت تاني و بارك الله فيك على الاطلالة و الاضافة الطيبة في الموضوع

هاك تشوف يا خويا وين لحقنا تعرف لوكان كنت في القسم و شفن اللحظة الي نحطت فيها الشيرة الي وسمها عودة ناس كامل تضحك عليها و اسوء الاستادة ضحكت معاهم و عاونتهم في جرحها
و نورمالمو الاستادة تكون استادة داخلة في مؤسسة التربية تم التعليم و تكون قدوة و تزقي عليهم و تقوللهم لالا او لا تحاول تنحيلها العقدة لالا زادت عليها واش من استادة هادي دركا
اساتدة نتع شهرية كيما قلت

هاك تشوف ولينا الاسماء الس نورمالمو نلتازمو بيهم يبانولنا حاجة طايحة بورتون لوكان غير يعرفو معنى اسمهم

مي كاين اولياء لازم تاني يختارو اسماء اولادهم اسماء مليحة و نتع ديننا
ماشي نتع مسلسلات و لا اسموات ما عندها حتى معني كيما اسموات ملحة او دايخة
يعني واشواش معناتو هاد الاسم

و في الاخير نقوللهم ربي يهديهم و مادابينا مايزيدوش يستهزاو بالناس


شكراا عبيدو

 

[maya31]

المهم في العقلية ماشي في الاسم
أنا نعرف واحد بدل اللقب تاعو على خاطر كانو الناس كامل يضحكوا عليه

علابالي يا اختي شفتي عقدوهم لدرجة بدلو فيها اسماتهم ربي يهديهم

شكرااا

 

[غادة اليم]

تسجيل مرور فقط ولي عودة ان شاء الله
​

 

[maya31]

صحيتي على السيجي ومن بعد نتفاهم معاك
هههههههههه​

اوكـــــــــــــــــــــــي

 

[ملكة زماني]

الاسم عمرو ما عبر عن الانسان ولا على طباعو
نعرف وحدة سمها خرفية وكي عكولها عليه
ردات روحها اميرة

 

[mimi.dz]

من الطبيعي جدا اختلاف الاسماء

بل ان هناك اسماء يتعجب لها العقل وقد تثير الضحك

ولكن هذا لا يدعو الى معاملة ذلك الشخص باسمه

عاملهم باخلاقهم لا باسماءهم

وهذا يعود الى تربية الشخص الخلقية

التي يتعامل بها مع غيره

ولكن علينا احترام مشاعرهم فليس بيدهم اختيار اسماءهم

يكفيك ان تتخيل نفسك مكانهم

وستعرف الاجابة

جزيل الشكر اختي

موضوع اكثر من رائع
​

 

[H@teM]

السلام عليكم
وصحا عيدك وكل عام انت بخير
انا حرت في حاجة كي نطقت الاستاذة بالاسم ماشي كي ضحكوا
التلاميذ كي ضحكت الاستاذة وقالتلها ماشي اسم هادا .....
هادي دايرا روحها الاستاذة وكاد المعلم ان يكون رسولا
ربي يهدي
ونزيدلك حاجة في وقتنا الحالي لازم يعوجولك اسمك باه يعجب
تقولي يسمي في قطة ولا .....
ربي يهدي

 

[din@ c00l]

صحة عيدكم
و الله صح كاين هاذي الظاهرة في المجتمع تاعنا
كي يسمعو اسم مش مليح يبداو يضحكو و يركبوها و يتمسخو بصح حرام عليهم يعقدو العبد بالسيف
المهم ربي يهديهم برك

 

[killua0555]

ههههههه صح عندك الحق صحانيت الوجه بصح كاين اسموات صح يضحكو بصح لواحد يخبى ضحكة شوية حشومة فى الوجه

علابالك و الله كانت تقرا معايا وحدة اسمها ماشى شباب هكدا بصح تقولى اسمى ماشى شباب و تضحك تانى بصح كى كانو زعما يبداو يسمرو باسمها تقوللهم واش خلعكم ماشى كامل يزعقهم اسمهم ماشى شباب
كل واحد وعقليتو كيما قلتى خير اسماء ,,,,,

 

[حجابى شرفى]

قال الشافعي // نعيب زماننا والعيب فينا //ومالزماننا عيب سوانا والله يااختي واش نقولك الناس مش بالاسامى

 

[sleepingbeauty]

حبيت نقول الاخ حسان لينة اسم عربي مذكور في القرآن و معناه النخلة الصغيرة يعني ماهوش ابدا غربي او نصراني راجعوا معلوماتكم
بالنسبة لموضوع الاخت انا لا انكر كاين اسامي صح يجيوني بيزار و ساعات يضحكوني لكن انني نضحك في وجه الشخص و نتمسخر بيه هادي معناتها وجهي صحيح و مارانيش مربية
اما بالنسبة للناس اللي تحكم على الاشخاص من اساميهم هادي ناس سطحية يشوفوا غير للقشور و كي تطلي عليهم تلقايهم فيهم العيوب السبع و معقدين من رواحهم على هادي يكريتيكيو في العباد
و اسم زليخة واش خاصو اسم شباب و صاحبتي وسمها زليخة تعرفي فرحانة باسمها و تحبو و هي الله يبارك عليها قمة في الجمال خير من نانسي عجرم ههههههه
اختي موضوعك هايل و قمة ان شاء الله كي يقراوه هاد العباد الناقصين كاشما يترباو
سلامي لكي اختي
​

 

[غادة اليم]

عدت ....

شوفي خيتو هاذ الظاهرة صح كـــاينة بزاااف والله غالب ممكن كامل فينا ولو بنسبة قليلة انا ساعات نحكمو على الواحد من اسمو ولا كيما نقولو اول فكرة عليه تجينا من اسمو وهكذا ياتكون مليحة يا شويا شويا وهاذا هو اصل الديفو واللي مسكان عندهم اسماوات كينا نظمو انها ماشي شابة اغلب الوقت يكونو ضعاف الشخصية ولا معقدين شويا والمصيبة الضعف هذا والتعقاد يجي من سخرية الاخرين منو هذا واحد قوي الشخصة ويتأثر شويا فنا بالك واحد ماشي واثق من نفسو والله عيب علينا لوكان كل واحد يدير روحو في بلاصة هاذ الشخص يشوف واش معنتها يستهزء منو وكيما قلتي كون جا الامر بيدو اكيد ماكانش راح بخير هاذ الاسم

ومن المواقف الللي نعرفهم وحدة كانت تقرا معايا في الثانوية كان اسمها خيرة ولو كنا تمعنا في المعنى والله ماكان خير منو كيما بالعربية خيَرة ورغم ذلك حنا ولينا صحابتها منبعد وماتقهدناش بيها عادي وهكذاك الطفة معقدة شويا منو وقالتنا يعيطولي باسم اخر من فصيلة سوسو وميمي وووو ماعليناش ولينا نعيطولها هكذاك شويا موراها بدلت اسمها في الكارني من خيرة الي اسم اخر من اجمل مايكون من الاحجار الكريمة بصح المصيبة مور لا بدلاتو بشويا طلعت بلي كاينة مغنية عالمية مشهووورة اسمها كايرا khyra بالعربية خيرة قاتلك ماكنتش علبالي كون غير مابدلتوش فينالمون راه مشهووور !!!

ربي يهدينا اجمعين يارب هذا مانقولوا
​

 

[abidou 20081]

اهلا خويا عبيدو و صحا عيدك انت تاني و بارك الله فيك على الاطلالة و الاضافة الطيبة في الموضوع

هاك تشوف يا خويا وين لحقنا تعرف لوكان كنت في القسم و شفن اللحظة الي نحطت فيها الشيرة الي وسمها عودة ناس كامل تضحك عليها و اسوء الاستادة ضحكت معاهم و عاونتهم في جرحها
و نورمالمو الاستادة تكون استادة داخلة في مؤسسة التربية تم التعليم و تكون قدوة و تزقي عليهم و تقوللهم لالا او لا تحاول تنحيلها العقدة لالا زادت عليها واش من استادة هادي دركا
اساتدة نتع شهرية كيما قلت

هاك تشوف ولينا الاسماء الس نورمالمو نلتازمو بيهم يبانولنا حاجة طايحة بورتون لوكان غير يعرفو معنى اسمهم

مي كاين اولياء لازم تاني يختارو اسماء اولادهم اسماء مليحة و نتع ديننا
ماشي نتع مسلسلات و لا اسموات ما عندها حتى معني كيما اسموات ملحة او دايخة
يعني واشواش معناتو هاد الاسم

و في الاخير نقوللهم ربي يهديهم و مادابينا مايزيدوش يستهزاو بالناس


شكراا عبيدو

ربي يحفظك وربي ينورك دائما كديمومة تميزك بالمواضيع المميزة

أنت تقولي لوكان أنا كنت فالقسم وانا أعوذ بالله من كلمة أنا نقولك والله غير مزية ماكنتش فالقسم
ونقولك لوكان كنت فالقسم بالاك يسمعو لي مايسمعوش والبداية بالأستاذة لي كانت لازم تكون رمز التربية ولكن للأسف هذا لقماش أدي ولا خلي وحدة كيما هذي كانتت تتحاوز من سلك التعليم ولازم يعاودولها التربية ونقولك والله غير مرات غير تبقى دايخ هذا الناس منين جابت هذ لقلوب والله العظيم غير نحير كيفاش يهنيه خاطرو ومايحترمش مشاعر إنسان أخر ماظلمو ماقالو كلمة دنبو الوحيد أن إسمو ماعجبش الشخص الأخر تقول راها الناس تسمي روحها للناس لكن لي عندو ضمير يسمحلو باش مايحترمش مشاعر غيرو أعرفي بلي هذاك ناقص تربية بزاف ومع ناس لي عندها فالراس هذ النوع مايتامنش يعني هذا لي مايحترمش مشاعر الناس يقدر يدير كلش .
بالنسبة للأباء ختي راني معاك في قضية إختيار الأسماء وراهي حتى من وصايا الرسول عليه
أفضل الصلاة والسلام وتاني للضرورة تحتمك باش تختار أسم يواكب العصر هذا ماشي قضية
أسم قديم ماشي شباب لالا قضية باش تحافظ على الإبن أو البنت مايتأثرش ويفقد الكثير من الشخصية تاعو على خاطرش هذ الناس يركبلهم عقدة نقص وزين يروح يضحكو عليه يولي يحس بالنقص وتركبلو مشاكل نفسية الله غالب الزمان تبدل ولا يحتم لكن دائما نروح ونولي لقضية الأسماء تاع المسلسلات هذي تتسمى فقدان الهوية مايتسماوش أسماء ربي يحفظك وربي يخليك ويعطيك ماتتمني
​

 

[nina bonoise]

انا صح بالك الأسامي يضحكوني مي مش توصل صحانية الوجه
أني نضحك في وجه العبد ونتمسخر بيه عيب
عندي سحيبي لقمتو جاءوحدوا​

أول مرة قريت اللقب ضحكت
الله غالب ضحكني
مي نهار عرفتو ماتمسخرتش بيه
عادي
شكرا على الموضوع​

راني سامعة بيها اللقمة هذي " جاءوحدوا"