كان جا يسموني هكا نقتل روحي ...** امل اللمة **

الحالة
مغلق ولا يسمح بالمزيد من الردود.

maya31

:: عضو بارز ::
أحباب اللمة
إنضم
4 جويلية 2008
المشاركات
1,700
نقاط التفاعل
6
النقاط
77
العمر
31
كان جا يسموني هكا نقتل روحي :eek:hmy::eek:hmy:

........

علابالي استغربتو من العنوان:sleep:
و بلاك سمعتوها هاد العبارة من قبل

ما عليش بالعقل انفهمكم



اولا صحا عيدكم



تانيا حبيت نهدرلكم اليوم على الاسامي
كيما ابائنا و امهاتنا و نهار الي رزقنا فيه و نهار الي حنموتو فيه و قدرنا و اسمواتنا ما نقدروش نخيروهم و حوايج بزاااف وخداخرين

المواليد الجدد ساديبون شكون الي يسميهم بابهم يماهم جارتهم المهم هداك الاسم يبقى معاه طول عمرو


ايه راني داخلة في لب الوضوع
المهم قبل العيد و نهار الخميس
الحارسة جابونا القائمة نتع التلاميد دخلت استاذة و بدات تنادي وصلت عند وحدة جديدة وسمها
عودة
غير قالت اسمها التلاميد كامل طرطقو بالضحك في وجهها يا عجبة حتى الاستادة
الشيرة حشمت و حمارت و حاسيتها قريب رايحة:crying::crying: تبكي غير ما نعرف كيفاه قبضتها
زادتلها لخرى من لهيه .......كان جا يسموني هكا نقتل روحي :glare:
و كل واحد كيفاش بدا يجرح فيها و زادت الاستاذة معاهم قاتلها هدا قاع ماشي اسم :sad:

صحا يا جماعة قولولي و علاش دايما نحكمو على اناس بالمظاهر و الاسماء

يعني تقولو وحدة واسمها علجية بالخف يتخيل وحدة ماشي شابة نتع بكرى و و و و
و زيد وصلت حتان الواحد كي يحب يخطب وحدة يسقسي عليها و على اسمها يقولولو اسم ماشي شباب... يبطل:thumbdown:

زعما و علاه تجيه حشمة ...:scared:...و لا رايح يتزوج بالاسم :confused1::confused1:

ما نروحوش بعيد العام الي فات عندي صحبتي كانت تقرى معايا و اسمها
زوليخة :001_wub:
واش نقولكم خرجت برى الليسي هدا يسربي لدا اسمها و بداو يطنزو عليها شيرة راحت تبكي لدارها
ما ولاتش تحب هاد الاسم
كي تسمعو تحمار في وجهها

و علاش يا جماعة ادا هوما معقدين من اسمواتهم و علاش نزيدوهم حنايا و في هاد الحالة الاغلبية تكون شيرات
واش هي سبة الي تخليهم يتعقدو من اسمواتهم و يحاولو يبدلوهم و لا يسميو رواحهم سوسو و لا نينا و لا ميمي
نقولو نقطتين
الناس يبقو يعيبو عليهم
و لا ضعاف شخصية
يا سيدي ادا شخصيتهم ضعيفة و علاش ما نعاونوهمش باش ينحيو العقدة الي درناهالهم

و لوكان انت و لا انت جا يسموك اسم ماش شباب كيفاش يكون احساسك :confused1::confused1: رايح تقتل روحك:thumbdown::thumbdown:

قدرهم يتسماو هكا

نعيبو على قدر ربي

حتى كي نسقسيو نقولو كي سماك الله

يعني الاسم نتاعنا مارايحينش نختاروه

و نقولكم برك قبل ما تضحكو روحو شوفو معاني الاسماء و القيمة نتاعهم و شكون الي كان يسموهم هكا

كيما امنا حليمة التي ارضعت الرسول
و زوليخة الي ربات سيدنا يوسف و كي كبر ردها هو لصغرها و تزوجها
و عائشة و خديجة رضي الله عنهم

واش رايكم انتوما في هاد الشيىء؟؟؟؟ :confused1:

و حبيت نقول برك للناس الي تضحك على هاد الاشياء
نقولهم ادا ما عجبكمش اسم خليو رايكم ليكم حتى واحد ماحاب يسمعو و ماكانلاه تبقو ديرو هكا و تزيدو تعقدو في الناس
:thumbdown::thumbdown::sad:

و لكل الي يحب يسمي اولادو في المستقبل انقولو خير الاسماء ما حمد و عبد و كل شيىء بقضاء الله

ايا صحيتو و صحيتو كي قريتو الموضوع

 
آخر تعديل:

انا صح بالك الأسامي يضحكوني مي مش توصل صحانية الوجه
أني نضحك في وجه العبد ونتمسخر بيه عيب
عندي سحيبي لقمتو جاءوحدوا

أول مرة قريت اللقب ضحكت
الله غالب ضحكني
مي نهار عرفتو ماتمسخرتش بيه
عادي

شكرا على الموضوع

 
الاشخاص لايقاسون بالاسماء بل بالافعال
وموضوعك ماشي عيان شباب بزاف

 
شكراا كل شيء على العقلية ماش الاسم
 
اهلا , و الله لا مشكلة كاينة بزاف و الله غالب ناس تحوس على حاجة باش تزعق عليها و ما صدقوا حتى لقاو
أوكازيون هاكا ,, أما على الأسماء أنا في بالي عادي بويسك كاين أسماء لي ماشي متحوفين بزاف مي يليق نريسباكتوهم و كيما قلتي ديما كل إسم عندو معنى سامي و على لي بارون ثاني يليق يخيرو أسماء ملاح و خيرهم من أسماء الشخصيات الإسلامية و الوطنية ..و لافار هاذي لي صراتلكم في الكلاصة ربي يهدي لي داروها و الله بدون تعليق و هذا راجع لقلة التربة في بالي ,, أنا واحد حتى لاكان الإسم ما نعرف وش ما نقدرش نبين لمولاه و لا نحرجوا هاذي جاية مع المبداىء هاذا يبقى رايي و شكرا على الطرح و الإلتفاتة الراقية و الموضوع ماشي عيان قاع .
 
فعلا وحدة بطلت قرايتها في الجامعة على جال اسمها الاسم لا زم يختار بعناية وشكرا
 

انا صح بالك الأسامي يضحكوني مي مش توصل صحانية الوجه
أني نضحك في وجه العبد ونتمسخر بيه عيب
عندي سحيبي لقمتو جاءوحدوا

أول مرة قريت اللقب ضحكت
الله غالب ضحكني
مي نهار عرفتو ماتمسخرتش بيه
عادي

شكرا على الموضوع

اولا السلام و عليكم و صحا عيدك خويا

ايه علابالي معضمنا يضحكو على الاسموات هكا مي
رايك كاين اسموات يعجبوك كاين اسموات ما يعجبوكش
رايك بينك بين نفسك و ما تحاولش تحسس بيه مول الشيىء كونتغاغ تزيد تعاونو و تبينلو بلي اسمو عادي
مي كيتوصل الانسان يضحكلو في وجهو و يزيد يسبو و يبقو يزعقو عليه و الله غير تتسمى قلة ادب و عيب كبير كيما قلت

اما على اللقب الي ضحكك الا و هو اظن عودة فهداك اسمها ماهوش لقبها

ربي يهديهم و ان شاء الله يتكاكو بعقلهم

شكراا خويا
 
الاشخاص لايقاسون بالاسماء بل بالافعال
وموضوعك ماشي عيان شباب بزاف


اهلا حبيبتي و صحا عيدك
ايه علابالي اختي مي شكون راه ياخد بعين الاعتبار الي قلتيه مرسي حنونة الي عجبك الموضوع
شكراا
 
الله يهدي ما خلق ........واش ذنب هذا الانسان الي اسمو مش شباب...يمكن يكون هايل في شخصو وفي اخلاقو والله التجريح في اي شخص فعل مشين ....لكن الوالدين لازم يخيرو اسماء ابناءهم مليح كاين بزاف اسماء مليحة وعندها معنى مليح ...يوم القيامة يتحاسبو الوالدين على ولادهم كيفاش رباوهم وواش سماوهم.
 
اهلا , و الله لا مشكلة كاينة بزاف و الله غالب ناس تحوس على حاجة باش تزعق عليها و ما صدقوا حتى لقاو
أوكازيون هاكا ,, أما على الأسماء أنا في بالي عادي بويسك كاين أسماء لي ماشي متحوفين بزاف مي يليق نريسباكتوهم و كيما قلتي ديما كل إسم عندو معنى سامي و على لي بارون ثاني يليق يخيرو أسماء ملاح و خيرهم من أسماء الشخصيات الإسلامية و الوطنية ..و لافار هاذي لي صراتلكم في الكلاصة ربي يهدي لي داروها و الله بدون تعليق و هذا راجع لقلة التربة في بالي ,, أنا واحد حتى لاكان الإسم ما نعرف وش ما نقدرش نبين لمولاه و لا نحرجوا هاذي جاية مع المبداىء هاذا يبقى رايي و شكرا على الطرح و الإلتفاتة الراقية و الموضوع ماشي عيان قاع .
اهلا و سهلاا

ربي يخليك خويا هشام

ايه كيما ذكرت من قبل خير الاسماء ما حمد و عبد

بويسك ديفوا الاولياء غير يشكلو تلقى اسم ملحة صح اسم مي ما عندو حتى معنى
و قدر الله ماشاء فعل الي مكتابتلو يكون اسمو ماشي هايل
راهو مكتوب ربي ماشي حنا نزيدو نعقدوه و نحطموه و ما يحس بالجمرة غير الي كواتو
ممكن انت تقول حاجة ماهيش كبيرة مي لوكان تشوف الي اسمواتهم هكا و معقدين منهم كيفاش حياتهم من التعقاد انا صحبتي تظل تبكي على جال الاسم :crying::crying:
ربي يهديهم
و الي يزعق هكا يجي نهار و يزعقو عليه
 
فعلا وحدة بطلت قرايتها في الجامعة على جال اسمها الاسم لا زم يختار بعناية وشكرا
[/quote]
شفت كيفاه يا خويا راهي استسلمت بويسك ما قدرتش تزيد تتحمل التمسخير على اسمها
مستقبل قرايتها ضاع على جال طنيز نتع ناس الي يجرحوك و يفوتو عليك

ربي يهديهم

شكراا
 
الله يهدي ما خلق ........واش ذنب هذا الانسان الي اسمو مش شباب...يمكن يكون هايل في شخصو وفي اخلاقو والله التجريح في اي شخص فعل مشين ....لكن الوالدين لازم يخيرو اسماء ابناءهم مليح كاين بزاف اسماء مليحة وعندها معنى مليح ...يوم القيامة يتحاسبو الوالدين على ولادهم كيفاش رباوهم وواش سماوهم.

هاكي تشوف يا اختي سماح
كان غير يخليو رايهم في الاسماء لرواحهم لالا يحبو يزيدو يديرو تبهدايل و يجرحو فيهم و يزعقو عليهم

ربي يهديهم
 
يا اختي موضوعك شباب بزاف وفالقمة اما بالنسبة للاسماء انا وحدة من الناس هدا الموضوع يعنيني لدرجة انهم يقولولي الاساتذة مش الطلبة وفالجامعة اسمك تركي ولا هندي المهم انا عندي اسم اخر كذالك يليق بي وجاي على حبيت نبدلو في ليبابي بصح وقت الصح ماقدرتش تعرفو علاه لانو كان اسمي فال خير على وكان وسيلة تحدي علاه اللي اسماواتهم ملاح وبابيش كامل ناجحين نبصملك بالعشرة اغلبهم فاشلين هدا مايهمش بفضل ربي واصراري والتحدي اللي زرعوه في قلبي نجحت وتفوقت على زملائي وكتب ربي قريت فالعاصمة وفاحسن الجامعات وتخرجت و الامر عادي ماكان حتى واحد يحطملي المستقبل انتاعي
وكيما قال وحد المغني كلام الناس مصيبة
اسمحولي طولت الهدرة حبيت نحطكم فالصورة
 
الله غالب .......نحب بلادي

والله غير موضوع شباب بزاف بزاف
و تصرا بزاف هاد المشاكل و أنا أسمي تهامي على عمي الله يرحمه كان يقري الدكاترة في الجامعة نتاع وهران ..المهيم كي دخلت نقرى في المعهد قاتلي وحدة من الفاهمين منين جابولك هاد الاسم راك قديم ..:confused1: ووراتني سنيها لمعوجين :thumbdown:
بصح أنا العباد ضاربهم بطالو وما نسمع بحتى واحد والله ما قيمتها :001_cool:
وهاد الصيف خرجت للمغرب لي نقولوا أنا اسمي تهامي يفرح ويقولي أسمك مزيان :biggrin:
المهم بغيت نوصلك واحد الحاجة أنا لوكان أسمي صباط قاع نفرض شخصيتي بين الغاشي ونخاليهم يحتارموني دراع ماشي نبكي ونزعف ولا نبطل قرايتي سيرتو أنا لساني فيه :001_tt2: 1 m
 
عندك الحق الأسامي لبد من ان تختار بعناية أو تبقى وصمة طول العمر

و العيب كل العيب من يتخلى عن الأسماء الإسلامية و يسمى أسماء غريبة مثل زهرة و لينة و و لنيس و رندا ............. اللخ

و عجب في رجب هو كثير من الناس يسمون بناتهم و اولادهم على أسماء الممثليين في المسلسلات و مصيبة هم لا يدون بان أسمائهم نصرانية و هم النصارى
 
السلام عليكم
وصح عيدكم جميعا
الله يبارك فيك يا مايا( المشو) انشاء الله علي الموضوع الرائع والجديد
انا عندي اسم كيما راكم تشوفوا من تاع بكري لكن فى الحقيقة ماني مداير حتي قصة لواحد يضحك ولا يبكي هذا شغلو
وضرك المشكل راهو من الطرفين
هذاك لاتي بهذاك ولوخر بلوخر ويصرا سوء تفاهم ....الخ
ويخلق الله ما يشاء
تحيــــــــــــــــــاتي
 
عندك الحق الأسامي لبد من ان تختار بعناية أو تبقى وصمة طول العمر

و العيب كل العيب من يتخلى عن الأسماء الإسلامية و يسمى أسماء غريبة مثل زهرة و لينة و و لنيس و رندا ............. اللخ

و عجب في رجب هو كثير من الناس يسمون بناتهم و اولادهم على أسماء الممثليين في المسلسلات و مصيبة هم لا يدون بان أسمائهم نصرانية و هم النصارى
 
صحا عيدك ختي مايا وكل عام وا،ت بألف خير
وقبل كلش نحب نقولك بارك الله فيك على الموضوع القيم ولي يستحق كل التقدير وهذا طبعا من نبلك وحسن خلقك والطيبة الذي تتميزي بها وعلى هذي غاضك الحال من هذ الظاهرة
ونحب نقولك المشكلة درك راها عندنا فالعقلية المستوردة يعني هذو لي راهم يضحكو والله ماعندهم عقل وراهم يضحكو على رواحهم برك كيفاش تضحك على واحد عندو أسمو جزائري حر وماتضحكش على واحد عندو إسم مسيحي ولا من الممثلات المصريات وغيرها وهنا يبان الفرق تأثرنا بالثقافة لي غريبة علينا وهكذا ما وليناش نضحكو على الأسماء هذي ورانا من التاثير ولينا نضحكو على رواحنا وعلى الهوية تاعنا ومنين توصل تضحك على الهوية تاعك أقرى على روحك السلام
عيب كبير واله غير عيب كبير ولي المعلم نورمالمون يديرلهم درس فالهوية الجزائرية ويعطي تقسير لقمة أسمائنا العربية يقولك هذا ماشي أسم كامل ياحسراه على ذيك المعلمين ياحسراه تاع الشهرية مابقاتش عندهم قيم ولا أخلاق الواحد لازم يخير أسماء تليق بالإنسان والإسم يكون لائق صح بصح راني نشوف الناس تضحك على أسماء لها معنى أسماء لها هوية وكي نقول يخير أسماء تليق ماشي إسم ممثلات وهذا يسموه فاقد للهوية يعني ماعندوش هوية لاثقافة ولا حضارة والنقطة الأخرى والمهمة ولي هي الشخصية لي عمرها ماتتقاس بالإسم وماعندهاش علاقة وكثيرا من الأسماء لي رانا نضحكو عليها لها معنى قوي وعميق جدا لكن الله غالب سمي روحك جورج ولا ميشال تكون ماتسوى والو يشوفوك الله يبارك عليك تسمي روحك أسم عربي أصيل يشوفوك راك روطار بزاف وجاي من عام دقيوس وحسبو رواحهم هما متطورين بالأسموات ههههههههه ربي يهدي وخلاص
ربي يحفظك وربي يخليك و يعطيك مالتتمني تستاهلي كل الخير ودمتي
*
 
المهم في العقلية ماشي في الاسم
أنا نعرف واحد بدل اللقب تاعو على خاطر كانو الناس كامل يضحكوا عليه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top